அழகிய அற்புதமான சிந்தனைகள்....!
Let your faith be bigger than your fears.
========================
If you don't like where you are, move. You are not a tree.
=====================
Stay away from native people, they have a problem for every solution.
=====================
Don't limit your challenges. Challenge your limits.
=====================
The difference between the impossible and the possible lies in determination.
======================
இஸ்லாமிய பெண்கள் ஆர்வத்துடன் படிக்கும் மணிச்சுடர் நாளிதழ்.....!
நாற்பதாவது ஆண்டில் வீர நடைப் பயணம் மேற்கொண்டுள்ள மணிச்சுடர் நாளிதழ், தற்போது தமிழகத்தில் உள்ள அனைத்துப் பகுதிகளுக்கும் சென்று சேர்ந்துக் கொண்டிருக்கிறது. இதன்மூலம் மணிச்சுடர் வாசகர்களின் எண்ணிக்கை நாளுக்கு நாள் அதிகரித்துக் கொண்டே வருகிறது. தமிழகத்தில் உள்ள ஒவ்வொரு மஹல்லாவிலும் மணிச்சுடர் சென்று சேர வேண்டும் என்ற உயர்ந்த இலட்சியத்துடன், மணிச்சுடர் ஆசிரியர் பேராசிரியர் கே.எம்.காதர் மொகிதீன் அவர்கள், தீவிர முயற்சிகளை மேற்கொண்டு வருகிறார். பேராசிரியரின் இந்த முயற்சிகளுக்கு ஏக இறைவன் தனது அருள் மூலம் தற்போது நல்ல பலனை அளித்துக் கொண்டிருக்கிறான்.
ஆம், ஒவ்வொரு முஸ்லிம்களின் கைகளிலும் தற்போது மணிச்சுடர் தவழுந்துக் கொண்டிருக்கிறது. மணிச்சுடரில் வரும் அனைத்து செய்திகளும், தரமானவை மட்டுமல்ல, சமூகத்தை மேம்படுத்தும் வகையில் இருக்கும் என்பதால், இஸ்லாமிய பெருமக்கள் மட்டுமல்லாமல், சகோதரச் சமுதாயத்தைச் சேர்ந்த மக்களும் மணிச்சுடரை படிக்க ஆர்வம் செலுத்தி வருகிறார்கள். இதன்மூலம் மணிச்சுடரின் செய்திகள், கட்டுரைகள், சிறப்பு தகவல்கள், இஸ்லாமிய ஆய்வு கட்டுரைகள், வேலைவாய்ப்பு செய்திகள், கல்வி தொடர்பான கட்டுரைகள் என அனைத்துப் பகுதிகளும் வாசகர்களை பெரிதும் ஈர்த்து வருகின்றன. இப்படி, மணிச்சுடர் பரவலாக வாசர்களை கவர்ந்துவரும் நிலையில், அதனை மேலும் பரவலாகக் கொண்டுச் சேர்க்க வேண்டும் என்ற பேராசிரியர் கே.எம்.கே. அவர்களின் ஆர்வத்தை பூர்த்தி செய்யும் வகையில், மணிச்சுடர் ஊழியர்கள் மிகச் சிறப்பாக தங்களுடைய பங்களிப்பை அளித்து வருகிறார்கள்.
ஹஜ் இல்லத்தில் மணிச்சுடர்:
ஒவ்வொரு ஆண்டும் புனித ஹஜ் பயணம் மேற்கொள்ளும் தமிழக ஹாஜிகள், சென்னையில் உள்ள ஹஜ் இல்லத்தில் வந்து தங்கி, சிறப்பு துஆவுடன் தங்களுடைய பயணத்தை தொடங்குவது வழக்கம். அந்த வகையில் இந்தாண்டும், சென்னை ஹஜ் இல்லத்தில் ஹாஜிகளுக்கு சிறப்பு ஆலோசனைகள் வழங்கப்படுகின்றன. வழிக்காட்டு கையேடுகள் அளிக்கப்பட்டு, ஹஜ் பயணம் எப்படி சிறப்பாக செய்ய வேண்டும் என்பன போன்ற, அம்சங்களும் எடுத்துக் கூறப்படுகின்றன. இப்படி, ஹஜ் இல்லத்தில் வந்து தங்கி செல்லும் ஹாஜிகள் மற்றும் அவர்களது உறவினர்கள், தோழர்கள் ஆகிய அனைவருக்கும் மணிச்சுடர் நாளிதழ் இலவசமாக வினியோகம் செய்யப்பட்டு வருகிறது. இது ஒவ்வொரு ஆண்டும், வழக்கமாக செய்யப்பட்டு வரும் நடைமுறையாகும். மணிச்சுடர் நிர்வாகம் கடந்த பல ஆண்டு காலமாக இந்த பழக்கத்தை வழக்கமாக கொண்டு செயல்பட்டு வருகிறது.
அதன்படி, இந்தாண்டு ஹஜ் பயணம் மேற்கொள்ளும் ஹாஜிகளுக்கு சென்னை ஹஜ் இல்லத்தில் மணிச்சுடர் வினியோகம் செய்யப்படுகிறது. இப்படி வினியோகம் செய்யப்படும் மணிச்சுடர் நாளிதழை வாங்கும் ஹாஜிகள் மற்றும் பிற தோழர்கள், மணிச்சுடரில் அலங்கரிக்கப்பட்டுள்ள ஒவ்வொரு பக்கத்தையும் ஆர்வத்துடன் படித்து பாராட்டு தெரிவித்து வருகிறார்கள் இது மணிச்சுடர் ஊழியர்களுக்கு மிகுந்த உற்சாகத்தை அளித்து வருகிறது.
மணிச்சுடரை ஆர்வத்துடன் படிக்கும் பெண்கள்:
இஸ்லாமிய சமுதாயம் கல்வியில் மிகவும் பின்தங்கி இருந்தாலும், தற்போது ஆண், பெண் ஆகிய இரண்டு தரப்பினரிடர் மத்தியிலும் நல்ல கல்வி பெற வேண்டும் என்ற ஆர்வம் இருந்து வருகிறது. எனவே அவர்கள் நல்ல கல்வியை பெற முயற்சிகளை மேற்கொண்டு வருகிறார்கள். 'தீன், துனியா' (மார்க்கம் மற்றும் உலகம்) கல்வி என்ற இரண்டிலும் இஸ்லாமிய சமுதாய இளைஞர்கள் தற்போது ஆர்வம் செலுத்தி வருகிறார்கள் . இதன் காரணமாக, இஸ்லாமிய பெண்கள் மத்தியில் ஊடகங்கள் மீது கவனம் செலுத்தும் போக்கு அதிகரித்து வருகிறது. நாளிதழ்களை படிப்பதும், நல்ல கட்டுரைகளை வாசிப்பதும், நல்ல நூல்களை வாங்கி படிப்பதும் என இஸ்லாமிய சமுதாய இளைஞர்கள் தங்களுடைய வாழ்க்கை நடைமுறையை மாற்றி அமைத்துக் கொண்டு வருகிறார்கள்.
அந்த வகையில் மணிச்சுடர் நாளிதழை படிக்கும் ஆர்வம் இஸ்லாமிய இளம் தலைமுறையினர் மத்தியில் தற்போது அதிகரித்து வருகிறது. குறிப்பாக, இஸ்லாமிய பெண்கள், மணிச்சுடர் நாளிதழை ஆர்வத்துடன் படிப்பதை பார்க்கும்போது மகிழ்ச்சி ஏற்படுகிறது. சென்னை ஹஜ் இல்லத்தில் மணிச்சுடர் வினியோகம் செய்தபோது, பல பெண்கள், அதனை ஆர்வத்துடன் வாங்கி, ஒவ்வொரு பக்கத்திலும் என்ன செய்திகள் வெளியிடப்பட்டுள்ளது? என ஆர்வத்துடன் கேட்டு, படித்து, 'பெண்கள் உட்பட அனைத்து தரப்பு மக்களும் எந்தவித அச்சமும், தயக்கமும் இல்லாமல் படிக்கும் நாளிதழாக மணிச்சுடர் இருக்கிறது' என பாராட்டு தெரிவித்தனர்.
கடந்த வெள்ளிக்கிழமை (31.05.2024) அன்று பிரசுரமான மணிச்சுடர் நாளிதழில், 'இஸ்ரேல்-பாலஸ்தீனப் போர் 235ஆம் நாள்' 'வெறுப்பு பேச்சுகளால் பிரதமர் அலுவலகத்தின் கண்ணியத்தை குறைத்துவிட்டார் பிரதமர் மோடி: மன்மோகன் சிங் கண்டனம்' 'மின்தடையில்லா மாநிலமாகத் திகழும் தமிழ்நாடு' 'கஃபாவின் வரலாறு' 'ரபாவும் (அ)ரபாவும்' '+2 முடித்த மாணவர்களுக்கான சைபர் செக்யூரிட்டி படிப்புகள்' 'செங்கம் ஜே.ஏ.ஜப்பார் சாகிப்' 'இந்தியாவின் இளம் தலைவர்கள்' போன்ற பல செய்திகள், கட்டுரைகள், கவிதைகள், மற்றும் சமுதாயச் செய்திகள் என ஏராளமான அம்சங்கள் இடம்பெற்று இருந்தன.
இப்படி மணிச்சுடரில் அலங்கரிப்பட்ட ஒவ்வொரு செய்திகளையும் இஸ்லாமிய பெண்கள் ஆர்வத்துடன் படித்து, மிகவும் சிறப்பாக இருக்கிறது என பாராட்டு தெரிவித்தபோது, மணிச்சுடர் நிர்வாகத்திற்கும், ஊழியர்களுக்கும் ஏற்பட்ட மகிழ்ச்சிக்கு அளவே இல்லை என கூறலாம். இஸ்லாமிய பெண்களின் கவனம் நாளிதழ்களின் பக்கம் திரும்பி இருப்பதுடன், நல்ல நாளிதழை படிக்க வேண்டும் என்ற எண்ணம் அவர்களின் மத்தியில் இருப்பதையும் நாம் காண முடிந்தது. மணிச்சுடர் நாளிதழ் குடும்பத்தில் உள்ள ஒவ்வொருவரும் படித்து பயன்பெறும் வகையில் இருக்கிறது என சென்னை ஹஜ் இல்லத்தில் மணிச்சுடரை படித்து, பெண்கள் பாராட்டு தெரிவித்து தங்களுடைய வாழ்த்துகளையும் கூறி மகிழ்ச்சி அடைந்தனர்.
வெற்றியை நோக்கிப் பயணம்:
மணிச்சுடர் நாளிதழ் தற்போது தமிழகத்தில் உள்ள ஒவ்வொரு முஸ்லிம்களின் இல்லத்திற்கும் சென்றுகொண்டிருக்கும் நிலையில், சகோதரச் சமுதாயத்தைச் சேர்ந்த மக்கள் மத்தியிலும் பிரபலம் அடைந்து வருகிறது. உண்மையான செய்திகள், சமூகத்தைச் சீர்படுத்தும் நோக்கத்துடன் அழகிய கட்டுரைகள் என பல சிறப்பான அம்சங்களை தாங்கி வருவதால், மணிச்சுடரை நாட்டில் உள்ள அனைத்து மக்களும் விரும்பி படிக்க ஆரம்பித்துள்ளார். இதன் காரணமாக மணிச்சுடர் தற்போது வெற்றியை நோக்கிப் பயணம் மேற்கொண்டு வருகிறது. பேராசிரியர் கே.எம்.காதர் மொகிதீன் அவர்களின் அழகிய கனவு, இலட்சியம், இலக்கு என அனைத்தும் விரைவில் ஏக இறைவனின் அருளால் நிச்சயம் நிறைவேறும். மணிச்சுடர் இன்னும் சிறப்பான முறையில் பயணத்தை மேற்கொண்டு, தமிழகத்திற்கும், இந்தியாவிற்கும், உலகிற்கும், தனது செய்திகள் மூலம் நல்ல ஊடகப் பங்களிப்பை அளிக்கும் என்பது உறுதி.
- எஸ்.ஏ.அப்துல் அஜீஸ்
"இந்தியா"வின் இளம் தலைவர்கள்....!
18வது மக்களவைத் தேர்தல் திருவிழா, வரும் ஜுன் ஒன்றாம் தேதியுடன் நிறைவு பெறுகிறது. மொத்தம் ஏழுக் கட்டங்களாக தேர்தல் நடைபெறும் என இந்திய தேர்தல் ஆணையம் அறிவித்த நிலையில், ஏற்கனவே 6 கட்டத் தேர்தல்கள் வெற்றிகரமாக நடந்துமுடிந்தன. இதையடுத்து, ஏழாவது மற்றும் கடைசிக் கட்டத் தேர்தல், ஜுன் ஒன்றாம் தேதி நடைபெறுகிறது. மொத்தம் உள்ள 57 தொகுதிகளில், 7வது கட்டத் தேர்தலுக்கான வாக்குப்பதிவு நடைபெறுகிறது.
இந்த 18வது மக்களவைத் தேர்தல் மற்ற தேர்தல்களை விட மிகவும் வித்தியசமான தேர்தலாக இருந்தது என கூறலாம். சுமார் 26 கட்சிகளைக் கொண்ட இந்தியா கூட்டணி ஒரு பக்கமும், பா.ஜ.க. தலைமையிலான தேசிய ஜனநாயகக் கூட்டணி மற்றொரு பக்கமும், போட்டியிட்டு தேர்தலை சந்தித்தன. இந்தியா கூட்டணி, தாங்கள் ஆட்சிக்கு வந்தால் என்ன செய்ய போகிறோம் என கூறி வாக்குகளை கேட்டது. ஆனால், பா.ஜ.க. மற்றும் அதன் கூட்டணி கட்சிகள், கடந்த பத்து ஆண்டுகளில் ஆட்சியில் இருந்தபோது என்ன செய்தோம் என கூறி மக்களிடம் வாக்குகளை கேட்கவில்லை.
மாறாக, இந்து-முஸ்லிம் வெறுப்பு, வட இந்தியா-தென் இந்தியா, ஒடிசாவை தமிழர் ஆட்சி செய்யலாமா? இந்தியா கூட்டணி ஆட்சிக்கு வந்தால், ராமர் கோவிலை இடித்து விடுகிறார்கள், இந்தியா கூட்டணி ஆட்சிக்கு வந்தால், ஏழை மக்கள் வங்கியில் சேர்த்துள்ள பணத்தை எடுத்துக் கொள்வார்கள்., இந்தியா கூட்டணி பாகிஸ்தானுக்கு ஆதரவான அணி என்ற பாணியில்தான், பா.ஜ.க. தலைவர்களின் பிரச்சாரம் இருந்தது. குறிப்பாக, பிரதமர் நரேந்திர மோடி, உள்துறை அமைச்சர் அமித்ஷா ஆகியோர் மிகவும் உச்சக்கட்டத்திற்கு சென்று, முஸ்லிம்களை குறிவைத்து மட்டுமே பிரச்சாரம் செய்தார்கள். ஆனால், இந்த முறை அவர்களின் பிரச்சாரம் மக்களிடம் எடுப்படவில்லை. மக்கள் மாற்றத்தை விரும்புவதால், வெறுப்பு பிரச்சாரத்தை அவர்கள் காது கொடுத்து கேட்க விரும்பவில்லை.
இந்தியாவின் இளம் தலைவர்கள்:
நாடாளுமன்றத் தேர்தலில், இந்தியா கூட்டணியின் வெற்றிக்காக இரவு பகல் பாராமல் உழைத்த இளம் தலைவர்களை குறித்து நாம் அறிந்துகொள்வது மிகவும் அவசியம். அவர்களின் பிரச்சாரம் இந்தியா முழுவதும் மிகப்பெரிய அளவுக்கு தாக்கத்தை ஏற்படுத்தியது. மிக நீண்ட காலமாக நடந்த இந்த நாடாளுமன்றத் தேர்தலில், கொஞ்சம் கூட சோர்வு அடையாமல், இந்த இந்தியாவின் இளம் தலைவர்கள், ஆற்றிய பணியை எவ்வளவு பாராட்டினால், அது குறைவாகதான் இருக்கும்.
ராகுல் மற்றும் பிரியங்கா காந்தி:
காங்கிரஸ் முன்னாள் தலைவர் ராகுல் காந்தி, காங்கிரஸ் பொதுச் செயலாளர் பிரியங்கா காந்தி, அக்கட்சியின் இளம் தலைவர் சச்சின் பைலட் ஆகிய மூன்று பேர் மூத்த தலைவர்கள், மல்லிகார்ஜுன கார்கே, ஜெய்ராம் ரமேஷ் உள்ளிட்டவர்களுக்கு இணையாக, அதை விட வேகமாக தேர்தல் பணிகளில் ஈடுபட்டனர்.
குறிப்பாக, ராகுல் காந்தி, பிரியங்கா காந்தி ஆகியோர் நாடு முழுவதும் சூறாவளி சுற்றுப்பயணம் மேற்கொண்டு, பா.ஜ.க. ஆட்சியின் பத்து ஆண்டு கால தோல்வி, இந்தியா கூட்டணி ஆட்சிக்கு வந்தால், நாடு எந்த திசையை நோக்கிப் பயணம் செய்யும் என்ற வகையில் வாக்காளர்களிடம் பிரச்சாரம் செய்து வாக்குகளை சேகரித்தனர். வேலையில்லாமல் திண்டாடும் இளைஞர்களுக்கு புதிய நம்பிக்கையை தந்தனர். பெண்களின் வாழ்க்கையில் மறுமலர்ச்சி ஏற்படும் வகையில் செயல்படுத்தப்படும் திட்டங்கள் குறித்து எடுத்துக் கூறினார். ஓய்வுக்கு ஓய்வு கொடுத்துவிட்டு, ராகுல் காந்தி, பிரியங்கா காந்தி ஆகியோர் செய்த தீவிரப் பிரச்சாரம், நாட்டு மக்களை நன்கு கவர்ந்தது. இவர்களின் பிரச்சாரம் இந்தியா கூட்டணியின் வெற்றிக்கு மிகப்பெரிய அளவுக்கு பயன் அளிக்கும் என்பது யாருமே மறுக்க முடியாது.
தேஜஸ்வி மற்றும் அகிலேஷ் யாதவ்:
நாடாளுமன்றத் தேர்தலில் 'மேன் ஆப் தி மேட்ஜ்' என்று ஒருவரை தேர்வு செய்ய வேண்டுமனால், ராஷ்டிரிய ஜனதா தளம் கட்சியின் இளம் தலைவர் தேஜஸ்வி யாதவை நிச்சயம் தேர்வு செய்யலாம். சுமார் 251 பொதுக்கூட்டங்களில் பங்கேற்று மிகப்பெரிய அளவுக்கு அவர் சாதனை புரிந்துள்ளார். இந்த 251 பொதுக்கூட்டங்களில் கூட, வேலைவாய்ப்புகளை உருவாக்குவதும், விலைவாசியை கட்டுப்படுத்துவது, இளைஞர்களின் வாழ்வில் ஒளியை ஏற்றுவது என்ற பாணியில்தான் தேஜஸ்வி யாதவின் பிரச்சாரம் இருந்தது. சில நேரங்களில் பிரதமர் மோடி, வரம்பு மீறி பிரச்சாரம் செய்தபோதும், தன்னை விமர்சனம் செய்தபோது, அதற்கு உரிய பதிலடி கொடுத்து, பீகார் மக்களின் உள்ளங்களை தேஜஸ்வி யாதவ் கவர்ந்தார். இதன் காரணமாக பீகாரில் இந்தியா கூட்டணியின் சுனாமி அலை வீசியது.
இதேபோன்று, உத்தரப் பிரதேசத்தில் சமாஜ்வாதி கட்சித் தலைவர் அகிலேஷ் யாதவ், செய்த பிரச்சாரம் பா.ஜ.க. தலைவர்களை அச்சம் அடையச் செய்துள்ளது. அலகாபாத் மற்றும் அதன் சுற்றுவட்டாரப் பகுதிகளில் ராகுல் காந்தியுடன் இணைந்து அகிலேஷ் யாதவ் செய்த பிரச்சாரப் பொதுக்கூட்டங்களில் இலட்சக்கணக்கான மக்கள் கலந்துகொண்டு தங்களது ஆதரவை வெளிப்படுத்தினர்,
பிரதமர் மோடி போட்டியிடும் வாரணாசி தொகுதியில் இருவரும் பிரச்சாரம் செய்தபோது, கூடிய கூட்டம் அரசியல் நோக்கர்களை மிகவும் வியப்பு அடையச் செய்தது. இதேபோன்று, பிரியங்கா காந்தியுடன் இணைந்து அகிலேஷ் யாதவின் மனைவி டிம்பிள் யாதவ், நடத்திய வாகனப் பேரணி, வாரணாசி தொகுதி மக்களை மிகவும் சிந்திக்க வைத்தது. இதன் காரணமாக வாரணாசி தொகுதியில் இந்த முறையை மாற்றம் ஏற்படும் என எதிர்பார்க்கப்படுகிறது.
தென்னிந்திய இளம் தலைவர்கள்:
வட இந்தியாவில் மட்டுமல்லாமல், நாடு முழுவதும் ராகுல் காந்தி உள்ளிட்ட இளம் தலைவர்கள் இந்தியா கூட்டணியின் வெற்றிக்கு உழைத்தது போன்று, தென்னிந்தியாவிலும் சில இளம் தலைவர்கள் மிகச் சிறப்பாக தேர்தல் பணிகளில் ஈடுபட்டனர். குறிப்பாக, தமிழகத்தில் முதலமைச்சர் மு.க.ஸ்டாலினின் மகனும், விளையாட்டுத்துறை அமைச்சருமான உதயநிதி ஸ்டாலின், தமிழகம் முழுவதும் மேற்கொண்ட பிரச்சாரம் மிகவும் மக்களை கவர்ந்தது. அவரது பேச்சுகள், உரைகள், அனைத்துத் தரப்பு மக்களையும் சென்று சேர்ந்ததால், இந்தியா கூட்டணி தமிழகத்தில் மிகப்பெரிய வெற்றியை பெறும் என உறுதியாக கூறலாம்.
தெலங்கானா முதலமைச்சர் ரேவந்த் ரெட்டி, கர்நாடக துணை முதலமைச்சர் டி.கே.சிவக்குமார், உள்ளிட்ட தென்மாநில இளம் தலைவர்கள் இந்த 18வது மக்களவைத் தேர்தலில் மிகச் சிறப்பான முறையில், மக்களை கவரும் வகையில் அழகிய முறையில் கண்ணியமாக பிரச்சாரம் செய்தனர். இவர்கள் மட்டுமல்ல, இவர்களைப் போன்ற பல இளம் தலைவர்கள், மூத்த தலைவர்களின் ஆலோசனைகளை ஏற்று இந்தியா கூட்டணியின் வெற்றிக்காக அற்புதமாக பாடுபட்டனர்.
நல்ல செய்தி நிச்சயம்:
இந்தியா கூட்டணியின் வெற்றிக்காக ராகுல் காந்தி உள்ளிட்ட 'இந்தியா'வின் இளம் தலைவர்கள் ஆற்றிய மிகச் சிறந்த பங்களிப்பு மூலம் இந்தியா கூட்டணி ஆட்சியை கைப்பற்றுவது உறுதி. ஜுன் நான்காம் தேதிக்குப் பிறகு, நாட்டில் இனி எல்லாமே நல்லது நடக்கும். அனைத்துத் தரப்பு மக்களும் பயன் அடையும் வகையில், இந்தியா கூட்டணி ஆட்சி இருக்கும். வேற்றுமையில் ஒற்றுமை என்ற சிந்ததாந்தத்தை உறுதியாக கடைப்பிடிக்க வேண்டும் என்ற கொள்கையில் இந்தியா கூட்டணி தலைவர்கள் உறுதியாக இருக்கிறார்கள். எனவே, அனைத்துத் தரப்பு மக்களின் வாழ்க்கையில் இனி நல்ல பிரகாசமான ஒளி கிடைக்கும். அந்த ஒளி மூலம் நாட்டு மக்கள் இனி இருட்டில் இருந்து மீண்டு, நல்ல வெளிச்சத்திற்கு வருவார்கள். வெளிச்சம் அவர்களின் வாழ்க்கையில் மகிழ்ச்சியை உருவாக்கும்.
- எஸ்.ஏ.அப்துல் அஜீஸ்
Election Commission of India must come down heavily on the use of religion, race, language and caste to get votes, whoever it is, however high he may be. They should do it in time. If not, they are doing the greatest disservice to the Constitution: Justice KM Joseph.
மனிதர்....!
ராகுல் காந்தி என்ற மனிதநேயர்.
மக்களின் துன்பங்களில் பங்கேற்கும் உண்மையான மனிதர்.
THIS TIME RAVISH KUMAR EXPOSED MODI
'No one knew Gandhiji before the film Gandhi'
The PMModi said this on a Channel. Despite such intense Heat, the PM is giving Four interviews per day.
There is nothing to Say, nothing to Ask, so naturally the PM Narendra Modi will say something, otherwise how will the interview be discussed......And PMModi is talking nonsense in every interview.
PM in his speeches of last 15 days took Cong's name 232 times, his own name 758 times; he didn't talk about unemployment even once: Kharge:
'A survey of Madrassa'
This survey destroyed all hindutva propaganda and myths about Madrassa.
மதரஸாக்கள் குறித்த பொய்யான தகவல்களை உடைக்கும் சர்வே:
வேலை
தேடும் இளைஞரா நீங்கள் ....!
உங்களுக்காக
சில பயனுள்ள டிப்ஸ்...!!
பிரதமர் நரேந்திர மோடி தலைமையிலான ஒன்றிய பா.ஜ.க. ஆட்சியில், நாட்டில் வேலையில்லா திண்டாட்டம் தொடர்ந்து அதிகரித்து வருகிறது. புதிய வேலைவாய்ப்புகள் உருவாக்கப்படவில்லை என்பதால், கடந்த பத்து ஆண்டுகளாக, இளைஞர்கள் தொடர்ந்து வேலைகளை தேடும் பணியில் தீவிரமாக ஈடுபட்டு வருகிறார்கள். ஆனால், அவர்களின் படிப்புக்கு ஏற்ற வேலை கிடைப்பது மிகவும் அரிதாகவும், சிரமமாகவும் இருந்து வருகிறது. இதனால் விரக்தியின் உச்சத்திற்கு இளைஞர்கள் சென்று இருக்கிறார்கள். நாட்டில் தற்போது வேலையில்லா திண்டாட்டத்தின் விகிதம் சுமார் 8 சதவீதம் அளவுக்கு இருந்து வருவதாக புள்ளி விவரங்கள் மூலம் தெரியவருகிறது.
18வது மக்களவைத் தேர்தல் பிரச்சாரத்தின்போது, இந்தியா கூட்டணி தலைவர்கள் ஒரு உறுதிமொழியை நாட்டின் இளைஞர்களுக்கு அளித்து இருக்கிறார்கள். ஒன்றிய அரசின் பல்வேறு துறைகளில் காலியாக உள்ள சுமார் 30 லட்சம் பணியிடங்கள் உடனே நிரப்பப்படும் என்ற உறுதிமொழிதான் அது. இந்த உறுதிமொழி, இளைஞர்களுக்கு புதிய நம்பிக்கையை அளித்து அவர்களின் மனதில் தன்னம்பிக்கையை உருவாக்கி உள்ளது. இதேபோன்று, ஒப்பந்த தொழிலாளர் முறை ஒழிக்கப்படும் என்றும் ஆக்னிவீர் திட்டம் ரத்து செய்யப்படும் என்றும் ராகுல் காந்தி உள்ளிட்ட இளம் தலைவர்கள் உறுதிப்பட கூறி வருகிறார்கள். இத்தகையை சூழ்நிலையில், வேலை தேடும் இளைஞர்கள் எப்படி, தங்களை தயார்படுத்திக் கொண்டு, நல்ல பணியில் சேருவது தொடர்பாக சில பயனுள்ள டிப்ஸ்களை கொஞ்சம் பார்ப்போம்.
கல்வி மற்றும் வேலையின் முக்கியத்துவம்:
இன்றைய நவீனக் காலகட்டத்தில் கல்வி என்பது ஒவ்வொருவருக்கும் இன்றியமையாததாகி விட்டது. எனவே, இந்திய இளைஞர்களின் கவனம் தற்போது கல்வியின் பக்கம் திரும்பியுள்ளது. நல்ல கல்வியை பெற லட்சக்கணக்கான இளைஞர்கள் ஆர்வம் செலுத்தி வருகிறார்கள். அதற்காக அயராது உழைக்க வேண்டும் என்பதையும் அவர்கள் அறிந்து இருக்கிறார்கள். இப்படி உயர்கல்விப் பெறும் இளைஞர்கள், நல்ல பணியில் சேருகிறார்களா என்ற கேள்வி எழுப்பினால், இல்லை என்ற பதில்தான் கிடைக்கிறது. நல்ல முயற்சி செய்தும் அதற்கான பலனை நம் இளைஞர்கள் காண முடியவில்லை. கடின உழைப்பாளிகள் ஒவ்வொரு அடியிலும் தடுமாற வேண்டிய நிலை உள்ளது.
தற்போது, ஒவ்வொருவருக்கும் ஒரு நல்ல வேலை, தேவையாக உள்ளது. பலர் தங்களுக்கு வேலை கிடைக்காத போது தங்கள் தேவைகளை பூர்த்தி செய்ய தவறான பாதையில் செல்கிறார்கள். வேலையில்லா திண்டாட்டம் குறைய ஆரம்பிக்கும் நாளில், இந்த நாட்டின் பாதிப் பிரச்சனைகள் தீர்ந்து விடும். வேலை கிடைக்காவிட்டால் எதற்கு முயற்சி செய்ய வேண்டும் என்று படித்த இளைஞர்கள் பலர் நினைக்கிறார்கள். இதனால், வேலையின்மைச் சேற்றில் லட்சக்கணக்கான இளைஞர்கள் சிக்கித் தவிக்கின்றனர்.
சில ஆலோசனைகள்:
உங்களுக்காக வேலை தேடுவது உங்களுடைய பெற்றோர் அல்லது நண்பர்கள் உள்ளிட்ட யாருடைய பொறுப்பும் அல்ல. நீங்கள்தான் வெளியே சென்று வேலை தேட வேண்டும். ஒரு நல்ல வேலையைக் கண்டுபிடிப்பதில் நீங்கள் எவ்வளவு ஆர்வம் காட்டுகிறீர்களோ, அவ்வளவு அதிகமான மக்கள், உங்கள் இருப்பை உணருவார்கள். நீங்கள் ஒரு குறிப்பிட்ட வேலையில் அதிக ஆர்வம் காட்டுகிறீர்கள் என்பதை உங்கள் சிந்தனை மற்றும் நடத்தை மூலம் நிரூபிக்க வேண்டும்.
வேலை தேடலில் வெற்றி பெற்றவர்களுடன் தொடர்பு கொண்டு வழிகாட்டுதலைப் பெறுங்கள். இந்த விஷயத்தில், உங்கள் திறமைகளை நீங்கள் சிறப்பாகப் பயன்படுத்தலாம். ஒரு சிறந்த வேலை உங்கள் வாழ்க்கைத் தரத்தை உயர்த்தும். எனவே, இந்த வேலையில் முழு ஆர்வம் காட்டுங்கள். எங்கே வாய்ப்பு இருக்கிறதோ, அங்கெல்லாம் கண்டிப்பாக சென்று தொடர்பு கொள்ளுங்கள். வேலை தேடுவது முழு நேர வேலை போல இருக்க வேண்டும். நீங்கள் ஒரு சிறந்த வேலையைப் பெற 24 மணிநேரமும் ஒரே சிந்தனையுடன் வாழ்ந்தால், இந்த மனநிலையும் இதயமும் இருந்தால், சிறந்த வேலையைப் பெறுவது எளிதாகிவிடும்.
இரண்டு அல்லது மூன்று முயற்சிகளுக்குப் பிறகு நீங்கள் கைவிட்டால், உங்களால் எதுவும் செய்ய முடியாது. இப்போதெல்லாம், பெரும்பாலான நிறுவனங்கள், திறமையானவர்களைத் தேடும் முயற்சிகள் செய்து, பல்வேறு திறன்களைக் கொண்டவர்களை வேலைக்கு அமர்த்துகின்றன. நீங்கள் ஒரு சிறந்த வேலையைத் தேடுகிறீர்களானால், விதிவிலக்கான திறமைகளைத் திரையிடும் திறன் கொண்ட முதலாளிகளைத் தொடர்ந்து தேடுங்கள். வேலை தேடுதல் பொதுவாக இரண்டு முதல் ஆறு மாதங்கள் ஆகலாம் என்பதை நினைவில் கொள்ளுங்கள். வலுவான ஆனால் கவர்ச்சிகரமான வேலை இன்னும் அதிக நேரம் எடுக்கும்.
சில பயனுள்ள டிப்ஸ்...!
நீங்கள் செய்து கொண்டிருந்த அதே வேலையை நீங்கள் மீண்டும் கண்டுபிடிக்க முடியாது. எனவே கிடைப்பதைத் தாண்டி வேலை தேடுங்கள். அதை அடையும் போது நீங்கள் விரும்பிய வேலை கிடைக்கும். இந்தப் பணியில் பொறுமையே அடிப்படைத் தேவை. சிறந்த வேலைகளைத் தேடுவதில் பிஸியாக இருப்பவர்களுடன் கலந்தாலோசிக்க வேண்டும். அத்தகைய குழு இல்லை என்றால், அதை நீங்களே உருவாக்க வேண்டும். நீங்கள் விரும்பும் வேலையைப் பற்றி உங்கள் நண்பர்கள் அனைவருக்கும் சொல்லுங்கள். இதனால் அவர்கள் திறப்புகளைக் கண்காணித்து, ஏதேனும் ஒரு நிறுவனத்தில் காலியிடம் இருந்தால் உங்களுக்குத் தெரிவிக்க வாய்ப்பு உருவாகும்.
பல நிறுவனங்களுடன் தொடர்பில் இருங்கள். ஒரு நிலை இருந்தாலும் இல்லாவிட்டாலும், உங்கள் தகவலை நீங்கள் வழங்க வேண்டும் என்பதை நினைவில் கொள்ளுங்கள். தேவைப்பட்டால் அவர்கள் உங்களைத் தொடர்பு கொள்ளலாம். உங்கள் திறன்களை முன்னிலைப்படுத்தலாம். வருங்கால முதலாளிகள் எளிதாக தொலைபேசியில் தொடர்பு கொள்ளலாம். மின்னஞ்சல் மூலமாகவும் அவற்றை அணுகலாம். இதன்மூலம் உங்களின் நிலை குறித்து அவர்களுக்கு சிறந்த முறையில் வழங்க முடியும்.
சில சமயங்களில் ஒரு நிறுவனத்தில் நல்ல வேலை இருக்கிறது, உங்களுக்கும் வழங்கப்படும். ஆனால் ஏதாவது ஒரு காரணத்திற்காக நீங்கள் மறுக்கிறீர்கள். நம்பிக்கை குலைந்து, குறையை மனதில் கொண்டு பேசினால் இதுதான் நடக்கும். உங்கள் எல்லா குறைபாடுகளையும் புறக்கணித்துவிட்டு, குறைபாடுகளை அகற்றுவதில் கவனம் செலுத்துங்கள். நீங்கள் பணிபுரிய விரும்பும் நிறுவனங்களில் உங்கள் திறமைக்கு ஏற்ப வேலை இல்லை என்றால், ஒரு வேலை தொடர்பாக நிராகரிக்கப்படுவது, உங்கள் நம்பிக்கையை இழப்பது தவறல்ல.
நேர்காணலின் போதும், அதற்குப் பிறகு நடக்கும் சந்திப்புகளிலும் உங்கள் நடத்தை கண்ணியமாக இருக்க வேண்டும். சரியான நேரத்தில் நேர்காணலுக்கு செல்ல வேண்டும். இந்த போக்கு, வேலை அளிக்கும் நிறுவனங்களுக்கு உங்கள் மீது நம்பிக்கையை அளிக்கும். அவர்கள் உங்களை நினைவில் கொள்வார்கள். மீண்டும் மீண்டும் முயற்சிக்கவும்! மனித வாழ்க்கையில் வெற்றி, தோல்வி இயல்பான ஒன்று என்பதை உணர்ந்துகொண்டு, அழகிய முறையில் முயற்சிகளை தொடர்ந்தால், நிச்சயம் நல்ல பணி கிடைக்கும் என்பது உறுதி.
திறமைகளை வளர்த்துக் கொள்ளுங்கள்:
ஏக இறைவன் ஒவ்வொருவருக்கும் அற்புதமான திறமைகளை அள்ளி வழங்கியுள்ளான். அந்த திறமைகளை நல்ல முறையில் பயன்படுத்த இளைஞர்கள் முன்வர வேண்டும். தங்களிடம் மறைந்து கிடக்கும் திறமைகளை கண்டுபிடித்து, அதை வெளிச்சத்திற்கு கொண்டு வர வேண்டும். அப்படி, வெளிச்சத்திற்கு கொண்டு வந்தால், நீங்கள் கடின உழைப்பால் வெற்றி பெறுவீர்கள். இவ்வுலகில் கடினமாக உழைக்கிறவர்கள் கண்டிப்பாக மதிக்கப்படுவார்கள்.
திறமைகளை மேலும் மேலும் வளர்த்துக் கொள்ள அதிக கவனம் செலுத்த வேண்டும். தற்போது நன்கு படித்த பல இளைஞர்கள், தங்களுடைய படிப்புக்கு ஏற்ப நல்ல வேலை கிடைக்காதபோதும், அதற்காக மனம் கலங்கி ஒதுங்கிவிடாமல், தங்களுடைய திறமையின் மூலம், சொந்தமாக தொழில் தொடங்கி, வாழ்க்கையில் வெற்றி பெற்று இருப்பதுடன், பலருக்கு வேலைவாய்ப்புகளை வழங்கும் அளவுக்கு உயர்ந்து இருக்கிறார்கள். நாட்டில் வேலையில்லாத் திண்டாடத்தின் வீக்கம் நாளுக்கு நாள் அதிகரித்து வந்தாலும், நம்பிக்கையை மட்டும் இழக்காமல், கடின உழைப்புடன் பயணம் தொடர்ந்தால் நிச்சயம், வாழ்க்கையில் சாதிக்க முடியும். இப்படி, சாதித்த ஏராளமான இளைஞர்கள் இந்தியாவில் மட்டுமல்ல, உலகின் பிற நாடுகளிலும் மற்றவர்களுக்கு நல்ல எடுத்துக்காட்டுகளாக இருந்து வருகிறார்கள்.
- எஸ்.ஏ.அப்துல் அஜீஸ்
கிளாம்பாக்கம் பேருந்து நிலையம் இப்போது எப்படி உள்ளது?
திறக்கப்பட்டு 5 மாதங்கள் கழித்து மக்கள் கூறுவது என்ன?
BBC Ground Report: நன்றி: பி.பி.சி.
நாடாளுமன்றத் தேர்தலில் ஜனநாயகம் காக்க போராடி வரும் இரண்டு மனிதர்கள்.
ராகுல் காந்தி & தேஜஸ்வி யாதவ்:
தொலைக்காட்சியில் நீங்கள் உண்மையிலிருந்து தவறாக வழிநடத்தப்படுகிறீர்கள்.
ஊடகங்கள் பொய் சொல்கிறது...
மோடி போன்ற தலைவர் இதுவரை இருந்ததில்லை
பொருளாதாரம் வேகமாக வளர்ந்து வருகிறது
நாட்டு விவசாயிகள் மிகுந்த மகிழ்ச்சியில் உள்ளனர்
இளைஞர்களுக்கு வேலைவாய்ப்பு உள்ளது என்று தவறாக வழி நடத்துகிறார்கள்.
ஆனால் உண்மையில் பணவீக்கம் மிகவும் அதிகரித்துள்ளது,
இளைஞர்கள் வேலையில்லாமல் உள்ளனர்.
அரசியல் சாசனமும் இடஒதுக்கீடும் தாக்கப்படுகின்றன.
: திருமதி priyankagandhi.
Must hear Arun Shourie. Exceedingly important to understand how IBC is now the biggest scam in the country.
மதவாத சக்திகளை எதிர்த்துப பேராடுவதில் தென்மாநிலங்கள் முன்மாதிரியாக இருந்து வருகின்றன:
கோழிக்கோட்டில் நடந்த இ.யூ.முஸ்லிம் லீக் விழாவில் தெலங்கானா முதலமைச்சர் ரேவந்த் ரெட்டி பெருமிதம்....!
கோழிக்கோடு, மே28- இந்திய யூனியன் முஸ்லிம் லீக் கேரள மாநில தலைவர் செய்யது சாதிக் அலி ஷிகாப் தங்ஙள் எழுதியுள்ள ‘ஸ்நேக சதாஸ் (தி மெசேஜ் ஆஃப் லவ்)’ 'The Message of Love' என்ற நூல் வெளியிட்டு விழா நேற்று நடைபெற்றது. இதில் தெலங்கானா மாநில முதலமைச்சர் ரேவந்த் ரெட்டி சிறப்பு விருந்தினராக கலந்துகொண்டு, நூலின் முதல் பிரதிநிதியை வெளியிட்டு, வாழ்த்தும் பாராட்டுகளையும் தெரிவித்துக் கொண்டார்.
மதவாத சக்திகள் மீது தாக்கு:
விழாவில் பேசிய தெலங்கானா முதலமைச்சர் ரேவந்த் ரெட்டி, மதவாத சக்திகளை எதிர்த்துப் போராடுவதில், நாட்டின் மற்ற பகுதிகளுக்கு கேரளா உள்ளிட்ட தென் மாநிலங்கள் முன்மாதிரியாக இருப்பதாக பாராட்டு தெரிவித்தார். மதவாத சக்திகளை வளைத்து வைப்பதில் இந்தியாவின் பிற பகுதிகள் தென் மாநிலத்திலிருந்து உத்வேகம் பெற வேண்டும் என்றும் கற்றுக் கொள்ள வேண்டும் என்றும் அவர் கேட்டுக் கொண்டார். மேலும் பேசிய ரேவந்த் ரெட்டி, கேரளாவில் வகுப்புவாத சக்திகள் வளர எந்த வாய்ப்பையும் விட்டுவிடாததால், கேரளாவைப் பற்றி நினைத்துப் பெருமைப்படுவதாகக் கூறினார்.
கேரளாவுக்கு வருவதை பெருமையாகவும் மகிழ்ச்சியாகவும் உணர்வதாகவும், கேரளா தனது மண்ணில் வகுப்புவாத சக்திகளை ஒருபோதும் அனுமதிக்காததால், தானும் பெருமைப்படுவதாகவும் அவர் தெரிவித்தார். வெளியில் இருந்து வரும் பல்வேறு அழுத்தங்கள் இருந்தபோதிலும், ஒட்டுமொத்த இந்தியாவும் கேரளாவிடம் இருந்து தனது சமூகத்தை எவ்வாறு அப்படியே வைத்திருக்கிறது என்பதை கற்றுக் கொள்ள வேண்டும் என்றும், தனது தலைவர் ராகுல் காந்தியை தெலுங்கானாவில் போட்டியிடச் செய்ய தான் எவ்வளவோ முயற்சி செய்தும், ஆனால் கேரளாவில் போட்டியிட்டதைப் பார்த்து தான் பொறாமைப்படுவதாகவும் ரேவந்த் ரெட்டி கூறினார்.
மோடி தோல்வி உறுதி:
பிரதமர் நரேந்திர மோடி தன்னை ஒரு ராஜாவாக கருதி, எந்த சக்தியாலும் தன்னை ஆட்சியில் இருந்து வீழ்த்த முடியாது என்று உணரும் நபர் என்று வர்ணித்த ரேவந்த் ரெட்டி, இந்த மக்களவைத் தேர்தலில் மக்கள் மோடியை தோற்கடிக்கும் நேரம் வந்துவிட்டது என்றும் உறுதிப்பட தெரிவித்தார். பிரதமர் நரேந்திர மோடியும், ஒன்றிய உள்துறை அமைச்சர் அமித் ஷாவும் மதப் பிரச்சினைகளால் மாநிலத்தில் செல்வாக்கு செலுத்த முயன்றாலும், இந்திய யூனியன் முஸ்லிம் லீக் மற்றும் அதன் கூட்டணி கட்சிகள் தீவிரமாக எதிர்த்து வென்றதையும் அவர் சுட்டிக்காட்டினார்
இந்தியா கூட்டணியில் இடம்பெற்றுள்ள இ.யூ.முஸ்லிம் லீக் உள்ளிட்ட கட்சிகளின் கூட்டணி ஒன்றியத்தில் ஆட்சிக்கு வந்தால், நாட்டில் முஸ்லிம்கள், எஸ்.சி., மற்றும் எஸ்.டி. உள்ளிட்ட பிரிவினர்களுக்கான இடஒதுக்கீட்டை அகற்றுவதற்கான பா.ஜ.க.வின் முயற்சிகளைத் தடுக்கப்படும் என்றும் ரேவந்த் ரெட்டி தெரிவித்தார்.
அறிஞர் பெருமக்கள் பங்கேற்பு:.
நூல் வெளியீட்டு விழாவில் இந்திய யூனியன் முஸ்லிம் லீக் தேசிய பொதுச் செயலாளர் குஞ்ஞாலிக்குட்டி, நூல் ஆசிரியரும் கேரள மாநிலத் தலைவருமான செய்யது சாதிக் அலி ஷிகாப் தங்ஙள், பல்வேறு சமுதாயங்களைச் சேர்ந்த ஆன்மிக பெரியவர்கள், அறிஞர்கள், இஸ்லாமிய மார்க்க அறிஞர்கள், முஸ்லிம் லீகர்கள் உள்ளிட்டோர் திரளாக கலந்துகொண்டு சிறப்பித்தனர்.
இ.யூ.முஸ்லிம் லீக் சார்பில் நாடு முழுவதும் நடைபெற்ற தேச -நேச திருப்பயணத்தின் ஓராண்டு நிறைவையொட்டி, நடந்த இந்த விழாவில், நூல் வெளியீடு மற்றும் சிறப்புசொற்பொழிவுகள், கருத்தரங்குகள் நடைபெற்றது குறிப்பிடத்தக்கது.
- சிறப்புச் செய்தியாளர்: எஸ்.ஏ.அப்துல் அஜீஸ்
மூடிய அலமாரியின் கண்ணாடியில் எட்டிப் பார்க்கும் புத்தகங்கள்.....!
ஏக இறைவனாகிய, எல்லாம் வல்ல அல்லாஹ், ஹஸ்ரத் ஆதம் (அலை) முதல் ஹஸ்ரத் முஹம்மது நபி (ஸல்) வரை, ஏறக்குறைய ஒரு லட்சத்து இருபத்தி நான்காயிரம் தீர்க்கதரிசிகளை அனுப்பி, ஒவ்வொரு தீர்க்கதரிசிக்கும் ஒரு புத்தகம் அல்லது வேதத்தை வழங்கினான். இந்த புத்தகம், அந்தக் காலத்தின் 'வாழ்க்கைக் குறியீடுடாக' இருந்து வந்தது. கடைசி இறைத்தூதர் நபிகள் நாயகம் (ஸல்) அவர்களுக்கு அருளப்பட்ட வழிகாட்டுதலின் கடைசி புத்தகம் திருக்குர்ஆன் ஆகும். இந்த புத்தகம் நித்தியமானது என்றும் அழியாதது. உலகம் அழியும் வரை மனித குலத்தின் நலனுக்கான உத்திரவாதம் அளிக்கும் அற்புதமான நூல் திருக்குர்ஆன்.
அற்புதமான திருக்குர்ஆன், இன்று ஒவ்வொரு முஸ்லிமின் வீட்டிலும் வாசிக்கப்படாமல் கைகள் எட்டாத உயரமான இடத்தில் வைக்கப்பட்டுள்ளது. அதேபோன்று, ஹதீஸ் வடிவில் இருக்கும் நபிகள் நாயகம் (ஸல்) அவர்களின் வாழ்க்கை வரலாறுகளும், நபி மொழிகளையும் மார்க்க அறிவைப் பெற்றவர்களைத் தவிர, மற்ற முஸ்லிம்கள் வாசிப்பது மிகவும் அரிது. நம் அறிஞர்கள் வாழ்க்கையின் அனைத்து தலைப்புகளிலும் விரிவான வழிகாட்டல் புத்தகங்களை எவ்வளவு மரபுவழியாக விட்டுச் சென்றுள்ளனர். ஆனால், அவை அனைத்தும் அலமாரிகளின் கண்ணாடியில் பூட்டி வாசகர்களுக்காக காத்திருக்கின்றன.
சிறந்த நட்பு புத்தகங்களே:
உலகம் மிக வேகமாக முன்னேறிக் கொண்டு இருந்தாலும், குழந்தைகளுக்கு அவர்களின் பாடப்புத்தகங்களைத் தவிர வேறு அறிவியல் புத்தகங்கள் கிடைக்கவில்லை. எனவே, இன்றைய உயர்கல்வி பெற்றவர்கள் கூட, குறைந்த அறிவைக் கொண்டிருக்கிறார்கள். இதனால் நம் முன்னோர்களின் சாதனைகள் நமக்குத் தெரியவில்லை. முஸ்லிம் விஞ்ஞானிகளின் பெயர்கள் மற்றும் அவர்களின் சாதனைகள் பற்றி நாம் அறியாமல் இருக்கிறோம்.
ஒருவருக்கு சிறந்த நண்பர்கள் கிடைப்பது மிகவும் அரிது. அந்த வகையில் சிறந்த நட்பு உங்களுக்கு கிடைக்க வேண்டுமானால், புத்தகங்களுடனான நட்பை நீங்கள் வளர்த்துக் கொண்டு, பேண வேண்டும். ஒரு மனிதரின் சிறந்த பொழுதுபோக்கு நூல்கள் வாசிப்பு என்று கூறினால் அது மிகையாகாது. இந்த இயந்திர யுகத்தைப் பார்க்கும் போது மிகவும் வருத்தமாக இருக்கிறது. இது, புத்தகங்களின் கடைசி நூற்றாண்டு என்று தோன்றுகிறது. புத்தகங்களின் அசல் நூற்றாண்டு என்று சொல்லக்கூடிய அதிர்ஷ்டசாலிகளில் நாமும் இருக்கிறோம். ஒவ்வொரு மாதத்தின் தொடக்கத்திலும், வாரத்தின் தொடக்கத்திலும், ஒவ்வொரு நாளின் அதிகாலையிலும் நாளிதழ்கள், மாத, வார இதழ்களுக்காக ஆவலுடன் காத்திருந்தது எனக்கு இன்னும் நினைவிருக்கிறது. வீட்டில் கொடுக்கப்படும் வாரச் செலவுக்கான பணத்தை செலவழிக்காமல், புத்தகங்களை வாங்க சேமித்து வைத்து இருந்து, பின்னர் அந்த பணத்தில் நூல்களை வாங்கி, ஆர்வத்துடன் வாசித்து மகிழ்ந்தது இன்றும் என் மனக் கண் வந்து செல்லும் காட்சிகளாக இருந்து வருகின்றன.
கிடைத்த பணத்தைச் சேகரித்து, குறைந்த விலையில் பழைய புத்தகங்களைக் கொண்டு வந்து படித்துவிட்டுத் திருப்பிக் கொடுத்ததும், விருந்தினர் மாளிகைக்குச் சென்றாலும், கண்கள் புத்தகங்கள், சமய, அறிவியல், சமூக, அரசியல் புத்தகங்களைத் தேடிக் கொண்டே இருந்தன என்பதை நினைத்துப் பார்க்கும்போது மனம் மகிழ்ச்சி அடைந்தாலும், தற்போது அப்படி ஒரு நிலை இல்லையே என்ற ஏக்கம் ஏற்படுகிறது. பள்ளி, கல்லூரி நாட்களில் பாடப் புத்தகங்களை படித்து முடித்தபிறகு, கவிதை நூல்கள், அரசியல் கட்டுரைகள், அறிவியல் நூல்கள், ஆகியவற்றின் மீது கவனம் சென்றது. இப்படி எப்போதும் புத்தகங்களை தூக்கி அலைந்தவர்கள், புத்தகப் புழு என்றே செல்லமாக அழைக்கப்பட்டார்கள்.
மன அழுத்தத்தைப் போக்கும் நூல்கள்:
புத்தகங்கள் படிப்பது வெறும் பொழுதுபோக்கல்ல. அது ஒரு சிறந்த வாழ்க்கை முறையாகும். படிக்கும் பழக்கம் உள்ளவர்களுக்கு அல்சைமர் நோய் வருவதற்கான வாய்ப்புகள் குறைவு என ஆய்வுகள் நிரூபிக்கின்றன. மறதி நோய் ஏற்படாது. மன அழுத்தத்தை நீக்கி முடிவெடுக்கும் சக்தியை புத்தகங்கள் படித்து பெறலாம். படிக்கும் குழந்தைகளின் ஐ.கியூ அளவு, மற்ற குழந்தைகளை விட 6 புள்ளிகள் அதிகம். அவர்கள் அதிக நம்பிக்கை மற்றும் தலைமைத்துவ திறன்களைக் கொண்டுள்ளனர். எனவே தாய்மார்கள் தங்கள் குழந்தைகளிடம் புத்தகம் படிக்கும் பழக்கத்தை வளர்ப்பது முக்கியம்.
சிறு வயதிலேயே உங்கள் தலைமுறையை புத்தகங்களுக்கு வெளிப்படுத்துங்கள். சிறிய நூலகமாக இருந்தாலும் வீட்டில் நூலகம் இருப்பது அவசியம். வீட்டில் உள்ள புத்தகங்களின் எண்ணிக்கைக்கும் குழந்தைகளின் ஒட்டுமொத்த கல்வித் திறனுக்கும் இடையே வலுவான தொடர்பு இருப்பதை அறிந்து கொள்ளுங்கள். இந்த நோக்கத்திற்காக உங்களை ஒரு முன்மாதிரி அமைத்துக் கொள்ளுங்கள். குழந்தைகளுக்கு முன்மாதிரியாக இருங்கள்.
புத்தகங்களிலிருந்து கதைகளைச் சொல்லுங்கள். சரியான உச்சரிப்பைக் கற்றுக்கொள்ள இது உதவும். சரளமும் மேம்படும், கற்பனையும் மேம்படும். எனவே சத்தமாக படியுங்கள். கேள்விகளைக் கேட்க குழந்தைகள் ஊக்குவித்து ஆர்வத்தை ஏற்படுத்துங்கள். ஒரு உண்மையான, பொது அறிவு புத்தகத்தை வாங்கி குழந்தைகளுக்கு கொடுத்து, அதை சத்தமாக வாசிக்கவும், கேள்விக்கான பதிலைக் கண்டறியவும். புத்தகத்தை ஆய்வு செய்ததற்கு வெகுமதி அளிக்கவும் முயற்சி செய்யுங்கள். இன்று கணினியில் பிடிஎப் வடிவில் புத்தகங்கள் கிடைக்கின்றன. ஆனால் அவற்றைப் படிப்பதால் நினைவாற்றல் ஏற்படுவதில்லை.
புத்தகங்களை பரிசாக கொடுங்கள்:
உங்கள் குழந்தைகளை நூலகத்திற்கு அழைத்துச் செல்லுங்கள். படக் கதைகள், பட அகராதிகளைப் பதிவிறக்க செய்ய சொல்லிக் கொடுங்கள். தொலைக்காட்சி, கணினி, செல்பேசி ஆகியவற்றின் மீது, கவனம் செல்லாமல் இருக்கும் வகையில், கவனச்சிதறல்கள் இல்லாமல் படிக்கும் பகுதியை வைத்திருங்கள். திருமணம், பிறந்தநாள் உள்ளிட்ட நிகழ்ச்சிகளுக்குச் செல்லும்போது, நல்ல புத்தகங்களை வாங்கி, அவற்றை பரிசாக கொடுத்து உங்களுடைய மகிழ்ச்சியை வெளிப்படுத்துங்கள்.
பயணத்தின் போது புத்தகங்களை எடுத்துச் செல்லுங்கள். நல்ல நூல்களை உங்கள் அண்டை வீட்டாராக ஆக்குங்கள். ஆரோக்கியமான சமுதாயத்தின் நிறைவு, உருவாக்கம் மற்றும் வளர்ச்சிக்கு ஆய்வுக் கலாச்சாரத்தை ஊக்குவித்தல் மிகவும் முக்கியமானது என்பதால், ஒவ்வொரு சிந்தனை மற்றும் புரிந்துகொள்ளும் நபரிடமிருந்தும் தேவைப்படும் ஒரு நிலையான விழிப்புணர்வு பிரச்சாரத்தை நடத்துவது அவசியம். குழந்தைகளிடம் புத்தக அன்பை வளர்ப்பது அவசியம். எல்லாவற்றிற்கும் மேலாக, உங்கள் பிஸியான, அவசரமான வாழ்க்கையிலிருந்து, ஒரு புத்தகத்திற்காக நேரத்தை ஒதுக்குங்கள். வெளிப்படையாக, இது ஒரு கடினமான பணி, ஆனால் சாத்தியமற்றது அல்ல.
முன்மாதிரி தலைவர்கள்:
புத்தகங்களை எப்படி தேடிதேடி வாங்க வேண்டும்? அதை எப்படி படிக்க வேண்டும்? குறிப்புகளை எப்படி எடுத்து, தேவையான நேரத்தில் பயன்படுத்த வேண்டும்? என்பதற்கு மறைந்த பல தலைவர்கள் நமக்கு சிறந்த எடுத்துக்காட்டுகளாக இருந்து வருகிறார்கள். தற்போது நாம் கலைஞர் நூற்றாண்டு விழாவைக் கொண்டாடிக் கொண்டிருக்கிறோம். இந்த நேரத்தில் மறைந்த கலைஞர் கருணாநிதி அவர்கள், புத்தகங்களை படிப்பதில் எப்படி ஆர்வத்துடன் இருந்தார் என்பதை, இந்திய யூனியன் முஸ்லிம் லீக் தேசிய தலைவர் பேராசிரியர் கே.எம்.காதர் மொகிதீன் அவர்கள், ஒருமுறை சொன்னது என் நினைவுக்கு வருகிறது.
"கலைஞர் அவர்கள், ஒரு நூலை வாசிக்க ஆரம்பித்துவிட்டால், அதை முழுவதும் வாசிக்காமல் கீழே வைக்கமாட்டார். அத்துடன், அந்த நூலில் உள்ள முக்கிய அம்சங்கள் குறித்து கோடிட்டி, குறிப்பு எடுத்துக் கொள்வார். மிகப்பெரிய புத்தகம் என்றால், அதிகம் பக்கங்களைக் கொண்ட நூல் என்றால், வேலைப் பளுக்கு மத்தியிலும், நேரம் கிடைக்கும்போது அதை படித்து முடித்துவிடுவார். கலைஞர் அவர்களின் இந்த பழக்கத்தை நான் அறிந்தபோது, எனக்கும் அதைப் போன்று செயல்பட வேண்டும் என ஆர்வம் பிறந்தது. அதை தற்போது நான் கடைப்பிடித்து வருகிறேன். ஒரு நூலை வாசிக்க ஆரம்பித்துவிட்டால், அதை முழுவதும் படிக்காமல் நிறுத்துவது இல்லை"
இப்படி பேராசிரியர் கே.எம்.கே. அவர்கள் சொன்னபோது, எனக்கு மிகவும் வியப்பாகவும் ஆச்சரியமாகவும் இருந்தது. அதனால் தான் கலைஞர் அவர்கள் வாழ்க்கையில் பல்வேறு சவாலைகளை சந்தித்தபோதும், மிகவும் உறுதியாக நின்று வெற்றி பெற முடிந்தது. குறளோவியம் போன்ற அற்புதமான நூல்களை எழுத முடிந்தது என நினைத்துக் கொள்வேன். கடைசியாக இன்றைய 'வாசகன்' நாளைய 'தலைவன்' என்று கூறப்படுகிறது. ஆகவே, மூடிய அலமாரியின் கண்ணாடியில் எட்டிப் பார்க்கும் நல்ல புத்தகங்கள் மீது நம் கவனத்தை செலுத்துவோம். அலமாரியின் கண்ணாடிகளை திறந்து நூல்களை எடுத்து வாசிப்பதை பழக்கமாகவும் வழக்கமாகவும் மாற்றிக் கொள்வோம்.
- எஸ்.ஏஅப்துல் அஜீஸ்
அக்னிவீர் திட்டம் ரத்து செய்யப்படும்...!
ராகுல் காந்தி உறுதி....!!
இளைஞர்கள் மகிழ்ச்சி....!!!
வாக்கு எண்ணிக்கை....!
ஜூன் நான்காம் தேதி வாக்கு எண்ணிக்கையின் போது என்ன செய்ய வேண்டும்? அரசியல் கட்சிகள் எப்படி நடந்து கொள்ள வேண்டும்?
பிரபல வழக்கறிஞர் கபில் சிபல் தரும் அருமையான விளக்கங்கள்.
இதோ உங்கள் பார்வைக்கு....!
வீரியமான பதில்....!
என்னையா சிறைக்கு அனுப்புவீர்கள்?
தேஜஸ்வி யாதவ் அதிரடி காட்டம்....!!
தமிழகத்தில் நிலவும் இந்து-முஸ்லிம் ஒற்றுமை:
கோவில் கட்ட நிலத்தை தனமாக வழங்கி முஸ்லிம்கள் காட்டிய மத நல்லிணக்கம்...!
திருப்பூர், மே27- தமிழகத்தில் இந்து-முஸ்லிம்கள் இடையே நல்ல ஒற்றுமை நிலவி வருகிறது என்பதற்கு பல சம்பவங்கள் எடுத்துக்காட்டுகளாக இருந்து வருகின்றன. இந்த ஒற்றுமையை சீர்குலைக்க சிலர் முயற்சிகள் செய்து வந்தாலும், அவர்களின் கனவுகள் நிறைவேறவில்லை. அமைதியை விரும்பும் மக்கள், அனைத்துச் சமுதாய மக்களுடன் ஒற்றுமையுடன் வாழ விரும்புகிறார்கள். ஒருவருக்கு ஒருவர் உதவி செய்து தங்களது மத நல்லிணக்கத்தை அவ்வவ்போது வெளிப்படுத்தி வருகிறார்கள்.
அந்த வகையில், திருப்பூர் மாவட்டம் காங்கயம் தாலுகா கணபதிபாளையம் ஊராட்சி ஒட்டப்பாளையம் கிராமத்தில் ரோஸ் கார்டன் பகுதியில் 300க்கும் மேற்பட்ட குடும்பத்தினர் வசித்து வருகிறார்கள். இந்துக்கள், முஸ்லிம்கள் என அனைவரும் வசித்து வரும் இந்த பகுதியில், முஸ்லிம்கள் தொழுகை நடத்த பள்ளிவாசல் இருந்து வருகிறது. ஆனால், இந்துக்கள் வழிப்பாடு செய்ய கோவில் இல்லாத நிலை இருந்தது. இதனால் கோவில் கட்ட வேண்டும் என எண்ணிய இந்து மக்கள், அதற்கான நிலத்தை தேடி வந்தனர்.
முஸ்லிம்களின் தாராளம்:
இச் செய்தியை அறிந்த அப்பகுதி முஸ்லிம்கள், ஆர்.எம்.ஜே.கார்டன் முஸ்லிம் ஜமாஅத் பள்ளிவாசலுக்கு சொந்தமான சுமார் 6 லட்சம் ரூபாய் மதிப்பிலான 3 சென்ட் நிலத்தை கோவில் கட்ட தானமாக வழங்கினார்கள். முஸ்லிம்கள் தானமாக வழங்கிய நிலத்தில் கோவில் கட்டும் பணிகள் நிறைவு அடைந்து, கோவில் கும்பாபிஷேகமும் நடைபெற்றது. அப்போது, முஸ்லிம்கள் பள்ளிவாசலில் இருந்து 7 தட்டுகளில் சீர்வரிசை எடுத்து ஊர்வலமாக வந்து கோவில் நிர்வாகிகளிடம் வழங்கி தங்களுடைய மகிழ்ச்சியை வெளிப்படுத்தினர். அப்போது கோவில் நிர்வாகம் சார்பில் முஸ்லிம்களுக்கு உற்சாக வரவேற்பு அளிக்கப்பட்டது.
தமிழ்நாடு தமிழ்நாடுதான்:
தற்போது நாட்டின் சில பகுதிகளில் சாதி, மதம் என இனபாகுபாடுகள் மூலம் பலரும் பிரிந்துள்ள நிலையில், அனைவரும் மனிதர்கள், அனைவரும் சமம், எல்லோரும் சகோதரர்கள் என சமத்துவத்தை உணர்த்தும் வகையில் கோவில் கட்ட முஸ்லிம்கள் 6 லட்சம் ரூபாய் மதிப்பிலான நிலத்தை தனமாக வழங்கியிருப்பது தமிழகத்திற்கு பெருமை சேர்த்துள்ளது. அனைத்து மக்களையும் நெகிழ்ச்சி அடையச் செய்துள்ளது.
=======================
" ஹாஜிகளின் கைகளில் தவழும் மணிச்சுடர் "
ஒவ்வொரு பக்கத்தையும் ஆர்வத்துடன் படித்து பாராட்டு
- ஒரு சிறப்பு ரிப்போர்ட் -
மணிச்சுடர் நாளிதழ் தனது நாற்பதாவது ஆண்டு பயணத்தில், மிகச் சிறப்பான முறையில் நடைப்பயணம் மேற்கொண்டு வருகிறது. இந்தியாவில் இஸ்லாமியர்களுக்காக, இஸ்லாமியர்களால், ஆங்கிலம், உர்தூ, மலையாளம் வங்கம், தெலுங்கு, கன்னடம் உள்ளிட்ட பல மொழிகளில் வார, மாத இதழ்கள் நடத்தப்பட்டு வருகின்றன. ஒருசில மொழிகளில் நாளிதழ்களும் வெளியாகின்றன.
நாட்டிலேயே தமிழ் மொழியில், முஸ்லிம்களுக்காக மட்டுமல்லாமல், அனைத்துச் சமுதாய மக்களையும் ஒருங்கிணைந்து செல்லும் வகையில் ஒரு நாளிதழ் நடத்தப்படுகிறது என்றால், அது மணிச்சுடர் நாளிதழ் மட்டுமே என்று உறுதியாக கூறலாம்.
கடந்த நாற்பது ஆண்டுகளாக, பல்வேறு நெருக்கடிகளுக்கு மத்தியிலும், சவால்களை சந்தித்தும், மணிச்சுடர் நாளிதழ் தனது அற்புதமான பயணத்தை தொடர்ந்து கொண்டு இருக்கிறது. மணிச்சுடர் நாளிதழின் ஆசிரியர் பேராசிரியர் கே.எம்.காதர் மொகிதீன் அவர்கள், தமிழகத்தில் உள்ள அனைத்து இஸ்லாமியர்களின் இல்லங்களிலும் மணிச்சுடரை கொண்டு சென்று சேர்க்கும் வகையில், பல்வேறு முயற்சிகளில் ஈடுபட்டு வருகிறார். அதன்படி, 'நாள்தோறும் குறைந்த பட்சம் 10 சந்தாக்களாவது வரவேண்டும்' என்ற வேண்டுகோளை முன்வைத்து, நாற்பதாவது ஆண்டு தொடக்க நாளில் இருந்து, தொடர்ந்து மணிச்சுடர் வளர்ச்சிக்கு தேவையான அனைத்து திட்டங்களையும் மிகச் சிறப்பான முறையில் முன்னெடுத்து பணியாற்றி வருகிறார்.
பேராசிரியர் கே.எம்.கே. அவர்களின் இந்த முயற்சிக்கு தற்போது நல்ல பலன் கிடைத்து வருகிறது. அதன் காரணமாக, இந்தாண்டு இறுதிக்குள் பத்தாயிரம் சந்தாக்கள் வந்துவிடும் என்ற நம்பிக்கை பேராசிரியருக்கு ஏற்பட்டு உள்ளது. மேலும், மணிச்சுடர் நாளிதழை மிகச் சிறப்புடன் கொண்டு வர பல்வேறு முயற்சிகளையும் பேராசிரியர் கே.எம்.கே. அவர்கள் செய்து வருகிறார். இத்தகைய சூழ்நிலையில், தற்போது மணிச்சுடர், தமிழகத்தில் உள்ள அனைத்து முஸ்லிம் இல்லங்களுக்கு செல்லத் தொடங்கியுள்ளது.
ஹாஜிகளின் கைகளில் தவழும் மணிச்சுடர்:
மணிச்சுடர் ஆசிரியர் பேராசிரியர் கே.எம்.காதர் மொகிதீன் அவர்கள் மேற்கொண்டு வரும் சிறப்பு நடவடிக்கைகளுக்கும், முயற்சிகளுக்கும் மணிச்சுடர் செய்திக்குழுவினர் மற்றும் ஊழியர்கள் நல்ல ஒத்துழைப்பு அளித்து வருகிறார்கள். மணிச்சுடர் நாளிதழ் அனைத்து சமுதாய மக்களிடம் கொண்டு சேர்க்கும் பணியில் மணிச்சுடர் ஊழியர்கள் தொடர்ந்து ஈடுபட்டு வருகிறார்கள்.
குறிப்பாக, மேலாளர் எஸ்.முஹம்மது மொய்தீன், எஸ்.ஹெச்.முஹம்மது அர்ஷர், ஏ.பி. முஹம்மது ஜலால், திருச்சி மணிச்சுடர் செய்தியாளர் எம்.கே.ஷாகுல் ஹமீது உள்ளிட்டோர் மட்டுமல்லாமல், மணிச்சுடர் நாளிதழ் மீது அக்கறைக் கொண்ட முஸ்லிம் லீகர்கள், ஒவ்வொரு நாளும் பம்பரமாக சுழன்று மணிச்சுடரின் வளர்ச்சிக்கும், முன்னேற்றத்திற்கும் கடும் உழைப்பு வழங்கி தொடர்ந்து பாடுபட்டு வருகிறார்கள்.
அந்த வகையில், ஒவ்வொரு ஆண்டும் புனித ஹஜ் பயணம் செல்லும் ஹாஜிகள் மற்றும் அவர்களை வழியனுப்பி வைக்க வரும் உறவினர்கள் அனைவரிடமும், மணிச்சுடர் நாளிதழை கொண்டு சேர்க்கும் பணி நடைபெற்று வருகிறது. இந்தாண்டு தமிழகத்தில் இருந்து சுமார் 5 ஆயிரத்து 746 பேர் புனித ஹஜ் பயணம் மேற்கொள்ள இருக்கிறார்கள். இவர்கள் சென்னையில் இருந்து தனி விமானம் மூலம் செல்கிறார்கள். அதன்படி, 326 பேர் கொண்ட முதல் குழுவினர், கடந்த 26.05.2024 அன்று சென்னையில் இருந்து சவுதி அரேபியாவிற்கு புறப்பட்டு சென்றனர்.
சென்னையில் சவுதி அரேபியாவிற்கு புறப்படுவதற்கு முன்பு, ஹாஜிகளுக்காக சென்னையில் உள்ள ஹஜ் இல்லத்தில் சிறப்பு துஆ செய்யப்படுகிறது. மேலும், ஹாஜிகளுக்காக வழிக்காட்டிகள், ஆலோசனைகள் வழங்கப்படுகின்றன. ஒவ்வொரு நாளும், செல்லும் குழுவில் இடம்பெற்ற ஹாஜிகளுக்கு அற்புதமான முறையில் ஆலோசனைகள் அளிக்கப்படுகின்றன. சிறப்பு துஆ மன்ஜிலும் நடைபெறுகிறது.
இந்தாண்டு, ஹஜ் பயணம் மேற்கொள்ளும் ஹாஜிகள் கடந்த இரண்டு மூன்று நாட்களாக சென்னை ஹஜ் இல்லத்தில், குழு குழுவாக வந்து தங்கி, சவுதி அரேபியா புறப்பட்டு சென்றுக் கொண்டு இருக்கிறார்கள். இப்படி புனித ஹஜ் பயணம் மேற்கொள்ளும் ஹாஜிகள் மற்றும் அவர்களை வழியனுப்பி வைக்க வரும் உறவினர்கள், நண்பர்கள், தோழர்கள் அனைவரிடமும், மணிச்சுடர் நாளிதழை கொண்டு சேர்க்கும் பணியில் மணிச்சுடர் ஊழியர் தோழர் ஏ.பி. முஹம்மது ஜலால் ஈடுபட்டுள்ளார். இதன்மூலம் ஹாஜிகளின் கைகளில் மணிச்சுடர் நாளிதழ் தற்போது தவழுகிறது. இப்படி தங்கள் கைகளில் தவழும் மணிச்சுடரின் ஒவ்வொரு பக்கத்தையும் அவர்கள் ஆர்வத்துடன் படித்து பாராட்டு தெரிவித்து வருகிறார்கள்.
குவியும் பாராட்டுகள்:
கடந்த இரண்டு நாட்களாக ஹஜ் இல்லத்திற்கு மணிச்சுடர் வினியோகம் செய்யப்பட்டு வருவதன் மூலம், மணிச்சுடரின் அருமை, பெருமையை இதுவரை அறியாமல் இருக்கும் இஸ்லாமிய பெண்கள், அதன் சிறப்பைக் கண்டு மகிழ்ச்சியை வெளிப்படுத்தி, பாராட்டு தெரிவித்துள்ளனர்.
குறிப்பாக, கடந்த 25ஆம் தேதி வெளியான மணிச்சுடரில், கே.எம்.கே. அவர்களின் 'படைத்தவனே கற்பித்த பண்பட்ட சட்டம்தான் ஷரீஅத்: அதை யாராலும் உடைக்க முடியாது' என்ற கட்டுரை மிகவும் அற்புதமாக இருந்ததாக ஹாஜிகளும், அவர்களின் உறவினர்களும் கூறியதைக் கேட்டபோது மகிழ்ச்சி ஏற்பட்டது. அத்துடன், அறிவுலகப் பேரொளி‘ இமாம் கஸ்ஸாலி (ரஹ்) அவர்களின் 'ஹஜ்ஜின் தத்துவம்' கட்டுரை, பேராசிரியர் கே.டி.கிஸர் முஹம்மது தொடர்ந்து எழுதிவரும் 'இஸ்ரேல்-பாலஸ்தீனப் போர்' கட்டுரை, பேராசிரியர் அ.முகமது அப்துல் காதர் எழுதிவரும் +2 முடித்த மாணர்களுக்கான படிப்புகள் தொடர்பான கட்டுரைகள், 'தேச-நேச திருப்பயணத்தின் ஓராண்டு நிறைவு விழாவில் நூல் வெளியீடு' குறித்த செய்திகள் மட்டுமல்லாமல், அரசியல், சமூகம் சார்ந்த் பொதுச் செய்திகள், எஸ்.ஏ.அப்துல் அஜீஸின் 'ஆரோக்கிய வாழ்வுக்கு இரவு நேர நடைப்பயிற்சி' 'நேரம் ஒதுக்குங்கள்' போன்ற கட்டுரைகள் நன்றாக இருப்பதாக ஹஜ் இல்லத்தில் மணிச்சுடர் படித்தவர்கள் கூறி பாராட்டு தெரிவித்தார்கள். குறிப்பாக, இஸ்லாமிய பெண்கள், மணிச்சுடர் நாளிதழின் ஒவ்வொரு பக்கத்தையும் ஆர்வதுடன் படித்ததைக் கண்டபோது, உண்மையிலே மகிழ்ச்சி ஏற்பட்டது.
வாழ்த்துகளுடன் வளரும் மணிச்சுடர்:
மணிச்சுடர் நாளிதழை தமிழகத்தில் உள்ள அனைத்துத் தரப்பு மக்களிடம் கொண்டு சேர்க்கும் பணி சிறப்பான முறையில் நடைபெற்று வரும் நிலையில், ஹாஜிகளின் கைகளில் தவழும் மணிச்சுடர், அவர்களின் வாழ்த்துகள் மற்றும் துஆவுடன் மிகச் சிறப்பான முறையில் வளர்ச்சிப் பாதையை நோக்கிச் செல்லும் என்பது உறுதி. பேராசிரியர் கே.எம்.கே. அவர்கள் எப்போதும் கூறுவது போன்று, 'தவாக்கள் தோற்கலாம். துஆக்கள் தோற்காது' (அதாவது, மருந்து பயன் அளிக்காமல் போகலாம். ஆனால், ஏக இறைவனிடம் கேட்கும் துஆ நிச்சயம் பலன் அளிக்கும்) என்ற அற்புத மொழியின்படி, ஹாஜிகளின் துஆக்கள், மணிச்சுடரை மேன்மேலும் வளர்ச்சி அடையச் செய்யும். ஹாஜிகளின் துஆக்கள் தோற்காது. ஏக இறைவனிடம் நிச்சயம் ஏற்றுக் கொள்ளப்படும். எனவே மணிச்சுடர் நாளிதழ் இனி, பேராசிரியர் கே.எம்.கே. அவர்களின் விருப்பப்படி, வளர்ச்சியுடன் இன்னும் சிறப்பான இதழாக மலரப் போவது உறுதி.
- சிறப்புச் செய்தியாளர்: எஸ்.ஏ.அப்துல் அஜீஸ்
"Humaare Ram to aise nahi the
Yehan to Sri Ramji ke naam par logo ko thug jaa raha".
Amid Surge of Hindus in the Gulf countrz for jobs (90 lakh),
R Sharma to R Sahu to Ila Sharma sad with the growing religious hatred in India, find Religious Freedom, equality in those Islamic Countries.
ராஷ்டிரிய ஜனதா தளம் கட்சி தலைவர் தேஜஸ்வி யாதவ் 200க்கும் அதிகமான பொதுக்கூட்டங்களில் பங்கேற்று சாதனை:
Rahul Gandhi once again destroyed Narendra Modi & his Chamche gang.
“I want to ask Modi if he feels like being God in evening or day or 24x7. Raat wali bimari hai ya din wali?”
Watch 3 minutes of pure masterclass.
6 ஆண்டுகளில் சுமார் பத்தாயிரம் சிறார்கள், வயது வந்தோர் சிறைகளில் அடைப்பு:
ஒரு அதிர்ச்சி ரிப்போர்ட்
-
எஸ்.ஏ.அப்துல் அஜீஸ் -
இந்தியாவின் பல்வேறு மாநிலங்களில் உள்ள சிறையில், ஆயிரக்கணக்கான பேர் அடைக்கப்பட்டுள்ளனர். இவர்களில் பெரும்பாலோர் வழக்குகள் பதிவு செய்யப்படாமல் வெறும் விசாரணை கைதிகளாக இருந்து வருகிறார்கள். இன்னும் பலர், வழக்குகள் பதிவு செய்யப்பட்டு, விசாரணை செய்யப்படாமல் சிறையில் அடைக்கப்பட்டுள்ளனர். இப்படி, உரிய விசாரணை இல்லாமல் அடைத்து வைத்து இருப்பது மனித உரிமை மீறல் என சமூக ஆர்வலர்கள் குற்றம்சாட்டி வருகிறார்கள்.
இதுதொடர்பாக 17வது மக்களவைக் கூட்டத் தொடரில் நடந்த விவாதத்தில் பங்கேற்று பேசிய, இந்திய யூனியன் முஸ்லிம் லீக் உறுப்பினர், இ.டி.முஹம்மது பஷீர், நாடு முழுவதும் உள்ள சிறையில் எந்தவித வழக்குகளும் பதிவு செய்யப்படாமல் ஆயிரக்கணக்கான பேர் அடைக்கப்பட்டு இருப்பதால், அவர்களின் வாழ்க்கை மிகவும் கேள்விக்குறியாக மாறிவிட்டது என குற்றம்சாட்டினார். இதுதொடர்பாக அரசு விரைந்து முடிவு எடுத்து, அப்பாவி மக்களை விடுதலை செய்ய வேண்டும் என்றும் அவர் வலியுறுத்தினார். இருந்தும், பா.ஜ.க. அரசு எந்தவித நடவடிக்கைகளையும் எடுக்கவில்லை.
தற்போது 18வது மக்களவைக்கு தேர்தல் நடந்துமுடிந்து புதிய அரசு பொறுப்பு ஏற்றுள்ளது. ஆனால் சிறைகளில் அடைக்கப்பட்டுள்ள ஆயிரக்கணக்கானோரின் நிலைமை இன்னும் கேள்விக்குறியாகவே இருந்து வருகிறது. இதன் காரணமாக உச்சநீதிமன்றம் உட்பட நாடு முழுவதும் உள்ள நீதிமன்றங்களில் லட்சக்கணக்கான வழக்குகள் தேங்கி கிடக்கின்றன. இந்த பிரச்சினைக்கு தீர்வு காணப்படவில்லை.
அதிர்ச்சித்
தகவல்:
இதுஒருபுறம் இருக்க, தற்போது ஒரு அதிர்ச்சித் தகவல் வெளியாகியுள்ளது. நாட்டில் உள்ள 570 சிறைகளில் 285 மாவட்ட மற்றும் மத்திய சிறைகளில் இருந்து பெறப்பட்ட பதில்களின் அடிப்படையில், ஒரு அறிக்கை தயாரிக்கப்பட்டுள்ளது. தரவு சேகரிக்கப்படாத 749 சிறைச்சாலைகள் இதில் சேர்க்கப்படவில்லை. துணை சிறைகள், பெண்கள் சிறைகள், திறந்தவெளி சிறைகள், சிறப்பு சிறைகள், போர்ஸ்டல் பள்ளிகள் மற்றும் பிற வகை சிறைகள் ஆகியவை இதில் அடங்கும்.
தகவல் அறியும் உரிமைச் சட்டம் (ஆர்டிஐ) மூலம் பெறப்பட்ட அதிகாரப்பூர்வ தரவுகளின் அடிப்படையில், அறிக்கை ஒன்றை முதன்மை ஆய்வாளரும், அறிக்கையின் ஆசிரியருமான கீதாஞ்சலி பிரசாத் தயாரித்து வெளியிட்டுள்ளார். அதன்படி, ஜனவரி 1, 2016 முதல் டிசம்பர் 31, 2021 வரை, நாடு முழுவதும் உள்ள பெரியவர்களுக்கான சிறைகளில், குறைந்தபட்சம் 9 ஆயிரத்து 681 குழந்தைகள் தவறாக அடைக்கப்பட்டுள்ளனர். மே 11 அன்று iProBono வெளியிட்ட அறிக்கையில், இந்தியாவில் உள்ள சிறைகளில் உள்ள குழந்தைகளின் எண்ணிக்கை குறித்து, 50 சதவீத RTI-களுக்கு மட்டுமே பதிலளிக்கப்பட்டதால் உண்மையான எண்ணிக்கை மிக அதிகமாக இருக்கலாம் என்று தெரிவிக்கப்பட்டுள்ளது.
இரண்டு பெரிய மாநிலங்களான மத்தியப் பிரதேசம் மற்றும் மேற்கு வங்கம் உள்ளிட்ட சில மாநிலங்கள் உரிய பதிலளிக்கவில்லை. பெரும்பாலான பிற மாநிலங்களில் இருந்து, ஓரளவு பதில்கள் மட்டுமே கிடைத்துள்ளன என்று அந்த அறிக்கை கூறுகிறது. தகவல் அறியும் உரிமைச் சட்டத்தின் கீழ் வெளிப்படுத்தும் கடமைகளை நிறைவேற்றுவதில் மாநில சிறைத் துறைகளின் "மொத்த குறைபாடுகளை" கண்டறிந்ததாக முதன்மை ஆய்வாளரும், அறிக்கையின் ஆசிரியருமான கீதாஞ்சலி பிரசாத் தெரிவித்துள்ளார்.
மொத்தம் உள்ள 570 சிறைகளில் 285 மாவட்ட மற்றும் மத்திய சிறைகளின் பதில்களின் அடிப்படையில் இந்த அறிக்கை தயாரிக்கப்பட்டுள்ளது. துணைச் சிறைகள், பெண்கள் சிறைகள், திறந்தவெளிச் சிறைகள், சிறப்புச் சிறைகள், போர்ஸ்டல் பள்ளிகள் மற்றும் பிற சிறைகள் உட்பட, தரவு சேகரிக்கப்படாத 749 சிறைகளையும் இது விலக்குகிறது.
ஒவ்வொரு ஆண்டும், நாடு முழுவதும் சராசரியாக ஆயிரத்து 600க்கும் மேற்பட்ட குழந்தைகள், சிறைகளில் இருந்து மாற்றப்படுவதாக மதிப்பிடப்பட்டுள்ளது. அந்தந்த மாவட்டங்களில் உள்ள சிறைகளுக்குச் சென்று அந்த கைதிகளை அடையாளம் கண்டுகொள்வதன் மூலம், வயது வந்தோருக்கான சிறைகளில் குழந்தைகள் அடைக்கப்படுவதைத் தடுக்கக்கூடிய சிறார் நீதி வாரியங்கள் குறித்தும் ஆய்வு செய்யப்பட்டதாக அறிக்கையில் குறிப்பிடப்பட்டுள்ளது.
உத்தரப்
பிரதேசம் மோசம்:
உத்தரபிரதேசத்தில், 2 ஆயிரத்து 914 குழந்தைகள் வயது வந்தோர் சிறைகளில் இருந்து சிறார் இல்லங்களுக்கு மாற்றப்பட்டனர், இது புள்ளிவிவரங்களின்படி நாட்டிலேயே அதிகமாக உள்ளது. அனைத்து ஐந்து மத்திய சிறைகள் மற்றும் 61 மாவட்ட சிறைகளில், 42 சிறைகளில் மட்டும் RTI கோரிக்கைக்கு பதிலளித்துள்ளனர். சிறார் நீதி வாரியங்கள் இருந்தபோதிலும், 6 ஆண்டுகளில் அதிக எண்ணிக்கையிலான சுமார் 294 சிறார்கள் மாற்றப்பட்ட மாவட்ட சிறையாக கோரக்பூர் உள்ளது.
சிறார்களை தவறாக காவலில் வைக்கும் வழக்குகளில், பீகார் இரண்டாவது இடத்தில் உள்ளது. ஆயிரத்து 518 குழந்தைகள் மாற்றப்பட்ட இடத்தில், 34 சதவீதம் RTI பதில்களைப் பயன்படுத்தி தரவு சேகரிக்கப்பட்டது. பீகாரில் உள்ள 42 மத்திய மற்றும் மாவட்ட சிறைகளில் ஒரு மத்திய சிறை உட்பட 15 சிறைகள் மட்டுமே ஆர்டிஐ கோரிக்கைக்கு பதிலளித்துள்ளன. இவை தவிர, ஐந்து துணை சிறைகளில் இருந்து பதில்கள் பெறப்பட்டன.
2022 ஜனவரியில் டெல்லி உயர்நீதிமன்றம் அளித்த உத்தரவில், டெல்லி அரசின் மனுவின் அடிப்படையில், கடந்த 5 ஆண்டுகளில் சட்டத்திற்கு முரணான சுமார் 800 சிறார்கள், பெரியவர்களின் சிறைகளில் இருந்து சிறார் இல்லங்களுக்கு மாற்றப்பட்டுள்ளனர் என்று குறிப்பிட்டுள்ளது .
சட்டம்
என்ன செல்கிறது?
சிறார் நீதி (குழந்தைகள் பராமரிப்பு மற்றும் பாதுகாப்புச் சட்டம், 2015 மற்றும் ஜே.ஜே. சட்டம், 2015) சட்டப்பூர்வமாக 18 வயதை எட்டாத ஒரு குழந்தை, ஏதேனும் செய்ததாகக் கூறப்படும் குற்றத்தைச் செய்திருக்க வேண்டும் என்பதைக் கவனத்தில் கொள்ள வேண்டும். அல்லது ஒரு குற்றத்தில் குற்றவாளியாகக் கண்டறியப்பட்டால், ஒரு கண்காணிப்பு இல்லம் அல்லது பாதுகாப்பு இடத்தில், அல்லது ஒரு சிறப்பு இல்லம் அல்லது பாதுகாப்பு இடத்தில் வைக்கப்பட வேண்டும். ஆனால் பெரியவர்களின் சிறைகளில் சிறார்கள் அடைக்கப்படுகிறார்கள்.
காவல்துறையின் தவறான நடவடிக்கையே இதற்கு முக்கிய காரணம் என வழக்கறிஞர்கள் தெரிவித்துள்ளனர். இந்த அறிக்கை மாநில பொறுப்புக்கூறல் மற்றும் சிறையில் உள்ள குழந்தைகளுக்கு இழப்பீடுகளை வலியுறுத்துகிறது. வேண்டுமென்றே தவறாகப் பேசுவது தெரியவந்தால், அதிகாரிகள் மீது ஒழுங்கு நடவடிக்கை எடுக்க வேண்டும். சிறைக்குள் நுழைவதற்கு முன் ஒரு குற்றவாளி ஆஜர்படுத்தப்பட்டால், சி.எம்.ஓ சந்தேக நபரின் இளைஞரை கவனிக்கலாம், அதன் பிறகு இந்த விவகாரம் சம்பந்தப்பட்ட நீதிமன்றத்திற்கு அனுப்பப்படும் என்று மாதிரி சிறைக் கையேடு கூறுகிறது.
அறிக்கையில்
முக்கிய விவரங்கள்:
இந்த அறிக்கையில் மேலும், பல முக்கிய அம்சங்களும் இடம்பெற்றுள்ளன. அதன்படி, 311 கண்காணிப்பு இல்லங்கள், 39 சிறப்பு இல்லங்கள் மற்றும் 36 பாதுகாப்பு இடங்கள் மட்டுமே இருப்பதாக தெரியவந்துள்ளது. இது நாட்டின் பாதிக்கும் குறைவான மாவட்டங்களில் CCLS-ஐ பராமரிக்க தேவையான உள்கட்டமைப்புகள் இல்லாததை சுட்டிக்காட்டுகிறது. இது குழந்தைகளை சிறையில் அடைக்க உதவுகிறது.. அந்தமான் மற்றும் நிக்கோபார் தீவுகள், தாத்ரா மற்றும் நகர் ஹவேலி, டாமன் மற்றும் பிறவற்றை உள்ளடக்கிய புள்ளிவிவரங்கள் எதுவும் அறிக்கையில் குறிப்பிடப்படவில்லை.
கடைசியாக, சிறார்கள் குற்றச் செயல்களில் ஏன் ஈடுபடுகிறார்கள்? அதற்கு யார் காரணம்? போன்ற கேள்விகளை நாம் எழுப்பினால், தற்போதைய நவீன யுகத்தில், அழகிய கலாச்சாரம், பண்பாடு ஆகியவற்றிற்கு முக்கியத்துவம் இல்லாமல் போய் விட்டது என்ற பதில் கிடைக்கிறது. செல்பேசி உள்ளிட்ட நவீன விஞ்ஞான கருவிகளில் குற்றச்செயல்களை எப்படி செய்ய வேண்டும் என பாடங்கள் நடத்தப்படுகின்றன. இதனை காணும் சிறார்கள், அதை செய்ய முற்படுகிறார்கள். காவல்துறையின் எச்சரிக்கையையும் மீறி, வன்முறை கலாச்சாரம் சிறார்கள் மத்தியில் பரவி வருவது வேதனை அளிக்கிறது. குற்றச் செயல்களில் குழந்தைகள் ஈடுபடுவதை தடுக்க பெற்றோர்கள், ஆசிரியர்கள் மற்றும் சமூகமும் தங்களது கடமையை தயங்காமல் ஆற்ற வேண்டும். குழந்தைகளை நெறிப்படுத்தும் பணிகளில் ஈடுபட்டு, அவர்களின் வாழ்க்கையில் ஒளி ஏற்ற வேண்டும். இதன்மூலம் சிறார்கள் சிறைகளில் அடைக்கப்படுவதை தடுக்க முடியும்.
============================
