கொண்டாட்டம்...!

 காங்கிரஸ் தலைவர் மல்லிகார்ஜுன கார்கே பிறந்தநாள் கொண்டாட்டம்.

பேட்டி....!

LoP Rahul Gandhi blàsted BJP in the Parliament 

“I am the Leader of the Opposition, it is my duty to ask questions but even I’m not allowed to speak”

Why is BJP so scared of RaGa? 

வரலாற்று சிறப்புமிக்க கஸ்பத் அல்-மித்மர்....!

 " மறுசீரமைக்கப்படும் வரலாற்று சிறப்புமிக்க கஸ்பத் அல்-மித்மர் "

சவுதி அரேபியாவின் பத்ர் அல்-ஜனூப் கவர்னரேட்டின் மையப்பகுதியில், வரலாற்று சிறப்புமிக்க கஸ்பத் அல்-மித்மர் பழைய மாவட்டத்திலிருந்து பெருமையுடன் உயர்ந்து நிற்கிறது. இது சவுதி அரேபியாவின் ஆழமான கட்டிடக்கலை மற்றும் கலாச்சார பாரம்பரியத்தின் ஒரு குறிப்பிடத்தக்க நினைவூட்டலாகும். 300 ஆண்டுகளுக்கு முன்பு கட்டப்பட்ட கஸ்பா அல்லது கண்காணிப்பு கோபுரம், பாரம்பரிய வட்ட வடிவத்தில் வடிவமைக்கப்பட்ட ஏழு மாடி மண் செங்கல் அமைப்பாகும். அடிவாரத்தில் அகலமாகவும், மேலே செல்லும்போது குறுகலாகவும் இருக்கும் என்று  கட்டடக் கலை வல்லுநர்கள் தெரிவிக்கிறார்கள். 

வரலாற்று தகவல்கள் :

முதலில் அருகிலுள்ள விவசாய நிலங்களைப் பாதுகாப்பதற்காக ஒரு கண்காணிப்பு கோபுரமாக கட்டப்பட்டது. இது இன்றும் கிராமத்தையும் பள்ளத்தாக்கையும் பார்க்கிறது. சவுதி அரேபியாவின் பாரம்பரிய ஆணையம், பிராந்தியத்தின் வரலாற்று கட்டடங்களைப் பாதுகாத்து மீட்டெடுப்பதைத் தொடர்ந்து செய்து வருகிறது. இப்படி மீட்டுக்கப்படும் கட்டடங்கள், இராச்சியத்தின் கலாச்சார மரபின் ஒரு பகுதியாக தேசிய தொல்பொருள் பதிவேட்டில் பதிவு செய்வதுடன், அவற்றை பாதுகாக்கும் நடவடிக்கைகளில் ஈடுபட்டு வருகிறது. 

சமீபத்தில் மீட்டெடுக்கப்பட்ட கட்டமைப்பு இப்போது இராச்சியத்தின் பாரம்பரிய ஆணையத்தின் மேற்பார்வையின் கீழ் பாதுகாக்கப்படுகிறது. கஸ்பாவைச் சுற்றி பாரம்பரிய மண் வீடுகளின் எச்சங்கள் இன்னும் உள்ளன. அவை வரலாற்று கோட்டைகள் மற்றும் பிராந்தியத்தின் நீடித்த பாரம்பரியத்தை பிரதிபலிக்கும் வீடுகளின் வலையமைப்பின் ஒரு பகுதியாகும். இந்த கட்டடங்கள் உள்ளூர் கட்டிடக்கலையின் புத்திசாலித்தனத்தையும் முந்தைய சமூகங்களின் அன்றாட வாழ்க்கையில் இத்தகைய கோட்டைகளின் முக்கியத்துவத்தையும் விளக்குகின்றன.

பழமையான அரண்மனை :

இந்த இடம், பத்ர் அல்-ஜனூப் தொல்பொருள் தளங்களால் நிறைந்துள்ளது என்பதை ஆளுநர் அறிந்திருந்தார் என்று நஜ்ரான் வரலாறு மற்றும் தொல்பொருள் சங்கத்தின் துணைத் தலைவர் மனியா நஜி அல்-சாத் தெரிவித்திருக்கிறார்.  இதில் பழைய மண் வீடுகள் மற்றும் அல்-கரா மலையின் உச்சியில் நிற்கும் கிஷ்லா கோட்டை ஆகியவை அடங்கும். அல்-தக்ர் அரண்மனையும் அருகில் உள்ளது. இது  சவுதியைச் சேர்ந்த ஒரு முதல் கட்டமைப்பாகும். ஹிஜ்ரி 1221 இல் இமாம் சவுத் பின் அப்துல்அஜிஸ் பின் முகமதுவின் உத்தரவின் பேரில் கட்டப்பட்ட இந்த நான்கு மாடி அரண்மனை கல்லால் ஆனது. அத்துடன் ஒரு பெரிய பாதுகாப்பு சுவர் மற்றும் ஆழமான மைய கிணற்றைக் கொண்டுள்ளது.

கைவினைப் பொருட்கள் பாதுகாப்பு :

இதேபோன்று, சவுதி அரேபியாவின் கலாச்சார அமைச்சகம், பாரம்பரிய ஆணையத்துடன் இணைந்து, பாரம்பரிய கைவினைப் பொருட்களை பாதுகாப்பதற்காக ஒரு புதிய ஆராய்ச்சி முயற்சியை தொடங்கியுள்ளது.  அதன்படி, கைவினைப் பொருட்கள் ஆண்டு பிரச்சாரத்தின் ஒரு பகுதியாக, பாரம்பரிய கைவினைப்பொருட்கள் கலாச்சார அறிவை எவ்வாறு பாதுகாக்கின்றன, மரபுவழி திறன்களை உருவாக்குகின்றன, சமூகப் பாத்திரங்களை நிறைவேற்றுகின்றன மற்றும் சவுதி சமூகத்தை வடிவமைத்த பொருளாதார நடைமுறைகளை எவ்வாறு பிரதிபலிக்கின்றன என்பதை ஆராய அறிஞர்களை இந்த திட்டம் அழைக்கிறது.

ஆறு ஆராய்ச்சி வகைகள் :

கைவினைப் படிப்புகள் பற்றிய நுண்ணறிவுகளை வழங்க இந்த திட்டம் ஆறு ஆராய்ச்சி வகைகளை உள்ளடக்கியது. வரலாற்று ஆராய்ச்சி காலப்போக்கில் எஞ்சியிருக்கும் மற்றும் இழந்த கைவினைகளின் வளர்ச்சியைக் கண்டறிந்து, சமூக, பொருளாதார மற்றும் அரசியல் மாற்றங்கள் அவற்றை எவ்வாறு பாதித்தன என்பதை ஆராயும். இரண்டாவது வகை கைவினை மேம்பாடு, சமகால சவுதி சமூகத்தில் பாரம்பரிய கைவினைப் பொருட்களை ஆதரிப்பதற்கும் நிறுவனமயமாக்குவதற்கும் முன்முயற்சிகளை ஆராய்கிறது. பொருளாதார தாக்கம் மற்றும் படைப்பு பொருளாதார ஆய்வுகள் கைவினைப்பொருட்கள் தேசிய பொருளாதாரத்திற்கு எவ்வாறு பங்களிக்கின்றன என்பதை பகுப்பாய்வு செய்யும், இதில் கைவினைப் பொருட்களுக்கான உள்நாட்டு மற்றும் சர்வதேச சந்தைகளின் ஒப்பீடுகள் அடங்கும்.

தொழில்நுட்ப ஒருங்கிணைப்பு ஆராய்ச்சி, சந்தைக்குத் தயாரான தயாரிப்புகளை உருவாக்குவதற்கான பாரம்பரிய முறைகளுடன் நவீன நுட்பங்கள், வடிவமைப்பு மற்றும் டிஜிட்டல் கருவிகள் எவ்வாறு குறுக்கிடுகின்றன என்பதை ஆராய்கிறது. சமூக ஆராய்ச்சி, கைவினைப்பொருட்களுடனான சமூக உறவுகளையும், கலாச்சார உணர்வுகள் துறையின் வளர்ச்சி மற்றும் நிலைத்தன்மையை எவ்வாறு பாதிக்கிறது என்பதையும் ஆராயும். இறுதிப் பிரிவு, கருத்தியல் கட்டமைப்புகள், கைவினைச் சொற்களஞ்சியம், அதன் பரிணாமத்தை விமர்சன ரீதியாக பகுப்பாய்வு செய்தல் மற்றும் கலாச்சாரத் தொழில்கள், நுண்கலைகள் மற்றும் கைவினைஞர்கள் மற்றும் கலைஞர்களின் பங்குகள் போன்ற தொடர்புடைய கருத்துகளுடன் ஒப்பிட்டுப் பார்ப்பது ஆகியவற்றைக் கையாளும்.

முக்கிய தகவல்கள் :

விண்ணப்பதாரர்கள் மேம்பட்ட பட்டம், முதுகலை அல்லது முனைவர் பட்டம் பெற்றிருக்க வேண்டும் அல்லது கணிசமான ஆராய்ச்சி மூலம் சமமான நிபுணத்துவத்தை வெளிப்படுத்த வேண்டும்.  தேர்ந்தெடுக்கப்பட்ட ஆராய்ச்சியாளர்கள் சக மதிப்பாய்வு செய்யப்பட்ட பத்திரிகைகளுக்கு ஏற்ற வெளியீட்டுத் தயாரான ஆவணங்களை தயாரிக்க வேண்டும்.  திட்டத்தின் வலைத்தளத்தில் உள்ள அனைத்து வழிகாட்டுதல்கள் மற்றும் ஆவணங்களுக்கும் இணங்க வேண்டும்.  தனிப்பட்ட திட்டங்களை ஆதரிப்பதைத் தாண்டி, கைவினைப் படிப்புகளில் உள்ளூர் நிபுணத்துவத்தை வலுப்படுத்துதல், ஆராய்ச்சியாளர் நெட்வொர்க்குகளை வளர்ப்பது மற்றும் சவுதி கலாச்சாரத்தின் முக்கிய அங்கமாக பாரம்பரிய கைவினைகளை ஊக்குவிப்பதை இந்த திட்டம் நோக்கமாகக் கொண்டுள்ளது. ஆர்வமுள்ள ஆராய்ச்சியாளர்கள் அமைச்சகத்தின் வலைத்தளம் மூலம் விண்ணப்பிக்கலாம். விண்ணப்பங்கள் செப்டம்பர் 1 வரை சமர்ப்பிக்கலாம் என்றும் சவுதி அரேபிய அரசு அறிவித்துள்ளது.

- எஸ்.ஏ.அப்துல் அஜீஸ்

இந்தியா கூட்டணி தலைவர்கள் கூட்டத்தில் கே.எம்.கே. வலியுறுத்தல்...!

 * ஜம்மு - காஷ்மீருக்கு மாநில அந்தஸ்தை உடனே வழங்க வேண்டும்....!

* வீடுகளில் தொழுகை நடத்தும் முஸ்லிம்கள் மீது தாக்குதல் நடத்துபவர்கள் மீது கடும் நடவடிக்கை எடுக்க வேண்டும்....!!.

* தமிழகத்திற்கு நியாயமாக வழங்க வேண்டிய நிதியை ஒன்றிய அரசு உடனே விடுவிக்க வேண்டும்....!!!

இந்தியா கூட்டணி கட்சிகளின் தலைவர்கள் கூட்டத்தில் இ.யூ.முஸ்லிம் லீக் தேசிய தலைவர் பேராசிரியர் கே.எம்.காதர் மொகிதீன் வலியுறுத்தல்....!

புதுடெல்லி, ஜுலை.20- மதசார்பற்ற கொள்கையில் உறுதியாக உள்ள நாட்டில் வீடுகளில் தொழுகை நடத்தும் முஸ்லிம்கள் மீது தாக்குதல்கள் நடத்தப்படுவதை உடனே தடுத்து நிறுத்த வேண்டும் என இந்திய யூனியன் முஸ்லிம் லீக் வலியுறுத்தியுள்ளது.  இந்தியா கூட்டணி கட்சிகளால் ஜுலை 19ஆம் தேதி மாலை மெய்நிகர் கூட்டம் ஒன்று ஏற்பாடு செய்யப்பட்டது. காணொளிக் காட்சி மூலம் நடைபெற்ற இந்த ஆலோசனைக் கூட்டத்தில் காங்கிரஸ் தலைவர் மல்லிகார்ஜுன கார்கே, மக்களவை எதிர்க்கட்சித் தலைவர் ராகுல் காந்தி, திமுக சார்பில் திருச்சி சிவா எம்.பி., இந்திய யூனியன் முஸ்லிம் லீக் தேசிய தலைவர் பேராசிரியர் கே.எம்.காதர் மொகிதீன், தேசிய பொதுச் செயலாளரும் கேரள சட்டமன்ற எதிர்க்கட்சித் துணைத் தலைவருமான பி.கே.குஞ்ஞாலிக்குட்டி எம்.எல்.ஏ., ஆகியோர் கலந்துகொண்டு, நாட்டில் நிலவும் அரசியல் சூழ்நிலை குறித்து விரிவாக மதிப்பாய்வு செய்து, வரவிருக்கும் சூழ்நிலைகளில் ஒருங்கிணைந்து செயல்படுவது அணுகுமுறையை மேலும் வலுப்படுத்துவது குறித்தும் விரிவாக விவாதத்தினர். 

இந்தியா கூட்டணி தலைவர்கள் ஆலோசனை :

நாடாளுமன்ற மழைக்காலகக் கூட்டத் தொடர் திங்கள்கிழமை ஜூலை 21, 2025 தொடங்கவுள்ள நிலையில், இந்தியா கூட்டணி கட்சி தலைவர்களின் முக்கிய ஆலோசனைக் கூட்டம் சனிக்கிழமை 19.07.2025 அன்று மாலை நடைபெற்றது. காணொளி காட்சி மூலம் நடைபெற்ற இந்த கூட்டத்தில்,  பீகார் சட்டமன்றத் தேர்தலுக்கு முன்னதாக, வாக்காளர் பட்டியல்களின் சிறப்பு தீவிர திருத்ததிற்கு எதிராக போராட்டம் நடத்த முடிவு செய்யப்பட்டது. மேலும், பஹல்காம் பயங்கரவாதத் தாக்குதலுக்குக் காரணமானவர்களைக் கைது செய்ய அரசாங்கம் தவறியதையும், ஆபரேஷன் சிந்தூர் நடவடிக்கையின் போது இந்தியாவிற்கும் பாகிஸ்தானுக்கும் இடையில் அமைதியை ஏற்படுத்துவதாக அமெரிக்க அதிபர் டொனால்ட் டிரம்ப் மீண்டும் மீண்டும் கூறிய வருவதையும் நாடாளுமன்றத்தில் கேள்வி எழுப்புவது என முடிவு செய்யப்பட்டது.

காங்கிரஸ் தலைவர்கள் வலியுறுத்தல் :

ஆலோசனைக் கூட்டத்தில் பங்கேற்று பேசிய காங்கிரஸ் தலைவர் மல்லிகார்ஜுன கார்கே, மக்களவை எதிர்க்கட்சித் தலைவர் ராகுல் காந்தி எம்.பி, ஆகியோர், இந்தியா-பாகிஸ்தான் மோதலின் போது ஐந்து ஜெட் விமானங்கள் சுட்டு வீழ்த்தப்பட்டதாக டிரம்ப் கூறுவதால், அது தொடர்பாக பிரதமர் நரேந்திர மோடி  தெளிவான அறிக்கையை நாடாளுமன்றத்தில் தாக்கல் செய்ய வேண்டும் என வலியுறுத்தினர்.  இதேபோன்று ஜம்மு-காஷ்மீருக்கு மாநில அந்தஸ்து கோரிக்கையும் மழைக்கால கூட்டத்தின் அமர்வின் எழுப்பப்படும் என்றும், தேசிய மாநாட்டுத் தலைவரும் ஜம்மு-காஷ்மீர் முதல்வருமான உமர் அப்துல்லா, எதிர்க்கட்சிகள் இந்தக் கோரிக்கையில் உறுதியாக இருக்க வேண்டும் என்று அவர்கள் கூறினர். 

திருச்சி சிவா கருத்து :

இந்த கூட்டத்தில் திமுக சார்பில் பங்கேற்று பேசிய திருச்சி சிவா எம்.பி., தமிழ்நாட்டிற்கு நிதியை வழங்குவதில் ஒன்றிய பா.ஜ.க. அரசு பாரபட்சம் காட்டுவதாக குற்றம்சாட்டினார். மாநில உரிமைகளை பறிக்கும் நடவடிக்கைகளில் ஒன்றிய அரசு தொடர்ந்து ஈடுபட்டு வருவதாகவும், தொகுதி மறுசீரமைப்பு என்ற பேரில் தமிழகத்தில் உள்ள மக்களவைத் தொகுதிகளின் எண்ணிக்கையை குறைக்க ஒன்றிய அரசு திட்டமிட்டு வருவதாகவும் விமர்சனம் செய்தார். இந்த பிரச்சினைகள் அனைத்தும் திங்கட்கிழமை தொடங்கும் நாடாளுமன்ற மழைக்காலக் கூட்டத் தொடரில் திமுக மற்றும் அதன் கூட்டணி கட்சிகள் எழுப்பும் என்றும் அவர் உறுதிப்பட தெரிவித்தார். 

பேராசிரியர் கே.எம்.காதர் மொகிதீன் பேச்சு :

மெய்நிகர் கூட்டத்தில் இந்திய யூனியன் முஸ்லிம் லீக் சார்பில் பங்கேற்று பேசிய தேசிய தலைவர் பேராசிரியர் கே.எம்.காதர் மொகிதீன், திமுக சார்பில் பேசிய திருச்சி சிவா எம்.பி.யின் அனைத்து கருத்துகளையும் இந்திய யூனியன் முஸ்லிம் லீக் வரவேற்று ஆதரிப்பதாக கூறினார். மாநில அரசுகளுக்கு நிதி ஒதுக்கீடு செய்வதில் ஒன்றிய அரசு பாரபட்சம் காட்டுவதாக குற்றம்சாட்டிய கே.எம்.காதர் மொகிதீன், தமிழ்நாட்டிற்கு உரிய நிதியை ஒன்றிய அரசு வழங்க வேண்டும் என்றும் இது தொடர்பாக நாடாளுமன்ற மழைக்காலக் கூட்டத் தொடரில் திமுகவுடன் இணைந்து இந்திய யூனியன் முஸ்லிம் லீக் உறுப்பினர்கள் குரல் எழுப்புவார்கள் என்றும் உறுதிப்பட தெரிவித்தார். 

மேலும் தொடர்ந்து பேசிய அவர் ஜம்மு-காஷ்மீருக்கு மாநில அந்தஸ்து உடனே வழங்க வேண்டும் என்றும் கேட்டுக் கொண்டார்.  உத்தரப் பிரதேசம் உள்ளிட்ட சில வட மாநிலங்களில் முஸ்லிம்கள் வீட்டிற்குள் தொழுகை நடத்துவதை தடை செய்யப்படுவதாகவும், அவர்களின் மத உரிமைகளில் பாஜக அரசுகள் ஈடுபட்டு, வரம்பு மீறி வருவதாகவும் இத்தகைய நடவடிக்கைகளை உடனே தடுத்த நிறுத்த வேண்டும் என்றும், இதுதொடர்பாக நாடாளுமன்ற மழைக்காலக் கூட்டத் தொடரில் இந்திய யூனியன் முஸ்லிம் லீக், இந்தியா கூட்டணி கட்சிகளுடன் இணைந்து குரல் எழுப்பும் என்றும் அவர் உறுதிப்பட தெரிவித்தார்.

கூட்டத்தில் எடுக்கப்பட்ட முக்கிய முடிவுகள் :

இந்த கூட்டத்தில் எட்டு முக்கிய பிரச்சினைகள் குறித்து விவாதிக்கப்பட்டு முடிவு எடுக்கப்பட்டது.  இவ்வளவு நாட்களுக்குப் பிறகும், பஹல்காம் பயங்கரவாத தாக்குதலுக்கு காரணமான பயங்கரவாதிகளை கைது செய்ய அரசாங்கம் ஏன் தவறிவிட்டது. இதன்மூலம் உளவுத்துறை தோல்வி ஏற்பட்டதாக அரசாங்கம் ஏற்கனவே ஒப்புக்கொண்டுள்ளது. அமெரிக்க அதிபர் டொனால்ட் டிரம்ப் குறைந்தது 24 முறை மீண்டும் மீண்டும் கூறுவது என்னவென்றால், இந்தியாவிற்கும் பாகிஸ்தானுக்கும் இடையில் அமைதியை ஏற்படுத்த அமெரிக்காவின் வர்த்தக ஒப்பந்தத்தை பேச்சுவார்த்தை கருவியாக பயன்படுத்தினார். இந்தக் கூற்றுகளுக்கு நமது பிரதமர் மவுனமாக இருந்து வருகிறார். உளவுத்துறை தோல்வ பயங்கரவாத தாக்குதலுக்கு வழிவகுத்தது என்று ஜம்மு காஷ்மீர் லெப்டினன்ட் கவர்னரே ஒப்புக்கொண்ட போதிலும், உளவுத்துறைத் தலைவர் தபன் தேகாவுக்கு ஏன் பதவி நீட்டிப்பு வழங்கப்பட்டது.  பஹல்காம் பயங்கரவாதத் தாக்குதலின் பின்னணியில் வெளியுறவுக் கொள்கை தோல்வி குறித்து விவாதிக்கப்பட வேண்டும் போன்ற பல கேள்விகளை நாடாளுமன்ற மழைக்காலக் கூட்டத் தொடரில் எழுப்புவது என இந்தியா கூட்டணி தலைவர்களின் ஆலோசனைக் கூட்டத்தில் முடிவு செய்யப்பட்டது.  இந்திய கூட்டணி விரைவில் நேரடி கூட்டத்தை நடத்துவது என்றும் முடிவு செய்யப்பட்டது.

- சிறப்புச் செய்தியாளர் : எஸ்.ஏ.அப்துல் அஜீஸ்

====================

ஆதாரப்பூர்வமாக....!

 எல்லாமே சீனா....!

ராகுல் காந்தி விமர்சனம்....!

ஹஜ் பயணிகளுக்கான பாஸ்போர்ட்டை முன்னுரிமை தந்து வழங்க வேண்டும்...!

ஹஜ் பயணிகளுக்கான பாஸ்போர்ட்டை (கடவுச்சீட்டு)

முன்னுரிமை தந்து விரைந்து வழங்க வேண்டும் 

பாஸ்போர்ட் வினியோக அதிகாரிகளுக்கு

ஒன்றிய அரசு அறிவுறுத்தல்

 

புதுடெல்லி, ஜுலை.19- வரும் 2026ஆம் ஆண்டு புனித ஹஜ் பயணம் மேற்கொள்ளும் இந்திய முஸ்லிம்களுக்கான பாஸ்போர்ட்டை விரைந்து வழங்க நடவடிக்கை எடுக்க வேண்டும் என அனைத்து மண்டல பாஸ்போர்ட் வினியோக அதிகாரிகளுக்கு ஒன்றிய அரசு அறிவுறுத்தியுள்ளது.

2026ஆம் ஆண்டிற்கான ஹஜ் பயணம் :

அடுத்த ஆண்டு அதாவது 2026ஆம் ஆண்டிற்கான புனித ஹஜ் பயணம் தொடர்பான  பணிகளை ஒன்றிய அரசின் சிறுபான்மை விவகாரத்துறை அமைச்சகத்தின் கீழ் செயல்படும் இந்திய ஹஜ் கமிட்டி, தற்போது தொடங்கியுள்ளது. இதுதொடர்பாக இந்திய ஹஜ் கமிட்டியின் தலைமைச் செயல் அலுவலர் சி.ஷாநவாஸ் ஐ.ஏ.எஸ்.,ஏற்கனவே  வெளியிட்ட அறிக்கையில், 2026ஆம் ஆண்டு புனித ஹஜ் பயணம் மேற்கொள்ள விரும்பும் பயணிகள் (யாத்தீகர்கள்) தங்களது விண்ணப்பங்கள் ஆன்லைன் மூலம் சமர்ப்பிக்க வேண்டும் என அறிவுறுத்தப்பட்டுள்ளது. இதுதொடர்பாக வெளியிடப்பட்டுள்ள ஆன்லைன் முகவரியில் விண்ணப்பங்கள் பூர்த்தி செய்து அனுப்ப வேண்டும். அதாவது https://hajcommittee.gov.in என்ற இணையதள முகவரியில் விண்ணப்பங்களை சமர்ப்பிக்க வேண்டும். அத்துடன், "HAJ SUVIDHA" என்ற செல்பேசி செயலி மூலம் கூட விண்ணப்பங்களை சமர்ப்பிக்கலாம்.  விண்ணப்பங்களை இந்த மாதம் ஜுலை 7ஆம் தேதி முதல், ஜுலை 31ஆம் தேதி இரவு 11.59 மணி வரை சமர்ப்பிக்க கால அவகாசம் வழங்கப்பட்டுள்ளது.

பாஸ்போர்ட் அதிகாரிகளுக்கு அறிவுறுத்தல் :

இந்நிலையில், ஒன்றிய வெளியுறவுத்துறை அமைச்சகம் வெளியிட்டுள்ள அறிக்கையில், 2026ஆம் ஆண்டு புனித ஹஜ் பயணம் மேற்கொள்ளும் இந்திய முஸ்லிம் பயணிகளுக்கு 2026ஆம் ஆண்டு டிசம்பர் 31ஆம் தேதி வரை செல்லுபடியாகும் பாஸ்போர்ட்டை, முன்னுரிமை தந்து விரைந்து வழங்க நடவடிக்கை எடுக்க வேண்டும் என அறிவுறுத்தப்பட்டுள்ளது.

புனித ஹஜ் பயணம் மேற்கொள்ளும் நோக்கத்துடன் பாஸ்போர்ட் விண்ணப்பம் செய்யும் பயணிகளுக்கு தேவையான அனைத்து உதவிகளையும் மண்டல பாஸ்போர்ட் அலுவலகங்கள் செய்ய வேண்டும் என்றும், குறிப்பாக, அதற்காக தனி அதிகாரி நியமனம், சிறப்பு கவுண்டர்கள் திறப்பு, பாஸ்போர்ட் விண்ணப்பங்கள் மீது தனி முன்னுரிமை தருவது ஆகிய அனைத்தும் மேற்கொள்ளப்பட வேண்டும் என்றும் அறிவுறுத்தப்பட்டுள்ளது. இதுதொடர்பாக அனைத்து சரிபார்ப்பு அதிகாரிகள்,. பாஸ்போர்ட் வழங்கும் அதிகாரிகள் சேவை அதிகாரிகள் ஆகிய அனைவருக்கும் தேவையான அறிவுறுத்தல்களை பாஸ்போர்ட் வினியோக தலைமை அதிகாரிகள் உடனே வழங்க வேண்டும் என்றும், வெளியுறுத்துறை அமைச்சகம் சார்பில் ராஜேஷ் ரஞ்சன் என்ற அதிகாரி வெளியிட்டுள்ள அறிவிப்பில் வலியுறுத்தப்பட்டுள்ளது.

- சிறப்புச் செய்தியாளர் : எஸ்.ஏ.அப்துல் அஜீஸ்

Bihar....!

 பீகார்....!

வேதனை....!