English....!

 What is the single biggest factor that determines success for an individual in India? 

It is education in English—the single biggest determinant of success and progress in India. Meaning, an English education is much more powerful in India today.

If you ask all the BJP people who say English must be eliminated, which school do your children study in? Which college do their children study at? Do they study in an English-medium school? Yes or no? And the answer will always be that they study in an English-medium school. 

My question is, why should that opportunity not be given to the poorest person in India? To Dalit, Adivasi, or OBC? Why not? 

: LoP Shri RahulGandhi

குவைத் மக்கள் தொகை....!

 50 லட்சத்தை எட்டிய குவைத் மக்கள் தொகை....!

குவைத் நாட்டின்  மக்கள் தொகை தற்போது 50 லட்சத்தைத் தாண்டியுள்ளது, ஜூன் 30, 2025 நிலவரப்படி 50 லட்சத்து 98 ஆயிரத்து 539 பேர் குவைத்தில் இருப்பதாக பதிவாகியுள்ள புள்ளிவிவரங்கள் மூலம் தெரியவருகிறது. தற்போது குவைத் குடிமக்கள் ஒரு சதவீத புள்ளி குறைந்து, மக்கள் தொகையில் 30 புள்ளி 4 சதவீதமாக உள்ளனர் என்று .குவைத்தின் சிவில் தகவல் பொது ஆணையம் (பி.ஏ.சி.ஐ.) தெரிவித்துள்ளது. 2024 ஆம் ஆண்டின் இறுதியில் பத்து லட்சத்து 57 ஆயிரமாக இருந்த குவைத் மக்களின் எண்ணிக்கை ஜூன் 30, 2025 அன்று 15 லட்சத்து 50 ஆயிரத்து 547 ஆக இருக்கிறது என்று சிவில் தகவல் பொது ஆணையம் (பி.ஏ.சி.ஐ.) மக்கள் தொகை அறிக்கையில் தெரிவித்துள்ளது. கடந்த ஆண்டு இறுதியில் மொத்த மக்கள் தொகையில் குவைத் மக்கள் தொகை 31 புள்ளி 4 சதவீதமாக இருந்தது.

குவைத் குறித்த சுவையான தகவல்கள் :

குவைத் நாடு என்பது தென்மேற்கு ஆசியாவில் அமைந்துள்ள ஓர் அரபு நாடாகும். பாரசீக வளைகுடாவின் வடமுனையில் அமைந்துள்ள குவைத் நாட்டின் தெற்கே சவூதி அரேபியாவும், வடக்கிலும் மேற்கிலும் ஈராக்கும் எல்லை நாடுகளாக உள்ளன. 18 மற்றும் 19ஆம்  நூற்றாண்டுகளில், குவைத் செல்வம் கொழிக்கும் ஒரு வணிக நாடாக இருந்தது. பொருளாதாரத் தடைகள் அந்நாட்டின் மீது விதிக்கப்பட்டதை அடுத்து குவைத்தின் பொருளாதாரம் வீழ்ச்சி கண்டது. முதல் உலகப் போர்க் காலத்தில், உதுமானியப் பேரரசை குவைத் மன்னர் ஆதரித்ததை அடுத்து பிரித்தானியப் பேரரசு பொருளாதாரத் தடை விதித்தது. 1919-20 இல் நடைபெற்ற குவைத்-நஜித் போரை அடுத்து, சவூதி அரேபியா 1923 முதல் 1937 வரை பொருளாதாரத் தடை விதித்திருந்தது. 1990 இல், குவைத் மீது ஈராக் படையெடுத்து தன்னுடன் இணைத்து வைத்திருந்தது. அமெரிக்கா தலைமையிலான இராணுவத் தலையீட்டை அடுத்து குவைத் விடுவிக்கப்பட்டது.

குவைத் வரலாறு :

1899 முதல் 1961ல் சுதந்திரம் அடைந்த வரை குவைத்தை ஆளும் அல்சபா வம்சத்திற்காக வெளிநாட்டு உறவுகள் மற்றும் பாதுகாப்பு பணிகளை பிரிட்டன் மேற்கொண்டது. 2ஆகஸ்ட் 1990 அன்று குவைத் ஈராக்கால் தாக்கப்பட்டு கைப்பற்றப்பட்டது. பல வாரங்கள் நடந்த வான்வழி குண்டுவீச்சைத் தொடர்ந்து, அமெரிக்க தலைமையிலான ஐ.நா. கூட்டணி 1991ஆம் ஆண்டு பிப்ரவரி 23அன்று தரையில் தாக்குதலை தொடங்கியதால் நான்கு நாட்களில் குவைத் விடுவிக்கப்பட்டது. 1990-91போது சேதமடைந்த எண்ணெய் உள்கட்டமைப்புகளை சரிசெய்ய குவைத் 5பில்லியன் அமெரிக்க டாலருக்கும்  மேற்பட்ட தொகையை செலவு செய்தது.

அல்சபா குடும்பம் 1991ல் ஆட்சிக்கு திரும்பிய பின்னர் மக்களாட்சி சட்டமன்றத்தை மீண்டும் நிறுவியது. அண்மைய ஆண்டுகளில் அது மேலும் உறுதியானதாகியது. மே 2009ல் நடந்த வரலாற்றுச் சிறப்புமிக்க தேர்தலில் அரபு தேசிய சட்டமன்றத்தில் நான்கு பெண்கள் இடம்பெற்றனர். 2010-11ல் அரபியா முழுவதும் நடந்த எழுச்சிகள் மற்றும் எதிர்ப்புக்களுக்கு மத்தியில், பிதூன் எனப்படும் அரேபிய பூர்வீகம் அற்றவர்கள், 2011ம் ஆண்டு பிப்ரவரி மற்றும் மார்ச் மாதங்களில் குடியுரிமை, வேலைகள், மற்றும் குவைத் குடிமக்களுக்கு கிடைக்கும் மற்ற நன்மைகள் ஆகியவற்றைக் கோரி சிறிய ஆர்ப்பாட்டங்கள் நடத்தினர்.

எதிர்க்கட்சி சட்டமன்ற உறுப்பினர்களால் ஆதரிக்கப்படும் இளைஞர் ஆர்வலர் குழுக்கள் மற்றும் ஆளும் குடும்பத்தில் உள்ள பிரதம மந்திரி போட்டியாளர்கள், ஊழலுக்கு முற்றுப்புள்ளி வைக்கவும், பிரதம மந்திரி மற்றும் அவரது அமைச்சரவையை வெளியேற்றவும் 2011ல் மீண்டும் மீண்டும் அணி திரண்டனர். எதிர்க்கட்சி சட்டமன்ற உறுப்பினர்கள் 2011ன் இறுதியில் பிரதமரை ராஜினாமா செய்ய கட்டாயப்படுத்தினர். தேர்தல் சட்டம் அமீரின் மாற்றங்கள் மூலம் ஒரு நபருக்கான வாக்குகளின் எண்ணிக்கையை நான்கிலிருந்து ஒன்றாக குறைக்கப்பட்ட்தால், 2012அக்டோபர் முதல் டிசம்பர் வரை குவைத் முன்னெப்போதும் இல்லாத எதிர்ப்புக்களை கண்டது.

சன்னி இஸ்லாமியர்கள், பழங்குடியினர், சில தாராளவாதிகள், மற்றும் எண்ணற்ற இளைஞர்கள் குழுக்களின் கூட்டணி தலைமையிலான எதிர்க்கட்சி டிசம்பர் 2012சட்டமன்ற தேர்தலைப் புறக்கணித்தனர். இதன் விளைவாக ஷியா வேட்பாளர்கள் ஒரு வரலாற்றுச் சிறப்புமிக்க எண்ணிக்கையிலான இடங்களை வென்றனர். 2006ல் இருந்து, ஐந்து சந்தர்ப்பங்களில் தேசிய சட்டமன்றம் அமீரால் கலைக்கப்பட்டு (ஜூன் 2012ல் ஒரு முறை அரசியலமைப்பு நீதிமன்றம், சட்டமன்றத்தை இரத்து செய்த்து) மற்றும் அமைச்சரவை 12முறை மாற்றியமைக்கப்பட்டது. வழக்கமாக இது சட்டமன்றம் மற்றும் அரசுக்கு இடையேயான அரசியல் தேக்கம் மற்றும் இடையூறுகளின் காரணமாக இருக்கும்.

குவைத் மக்கள் தொகை :

குவைத் நாட்டின் மக்கள் தொகை 50 லட்சத்தை தாண்டியுள்ள நிலையில், சொந்த குடிமக்கள் எண்ணிக்கை மிகவும் குறைவாக உள்ளது. குவைத்தில் ஆசிய நாடுகளைச் சேர்ந்தவர்கள் அதிக ஆதிக்கம் செலுத்துகின்றனர். வீட்டு வேலை செய்பவர்கள், பிற  பணியாளர்கள் குவைத்தில் அதிகமாக இருந்து வருகிறார்கள். முதல் முறையாக, குவைத்தில் ஆண் மக்கள் தொகை, பெண்களை விட அதிகமாக உள்ளது. ஜூன் 30, 2025 அன்று, குவைத்தில் ஆண்கள் 7 லட்சத்து 76 ஆயிரத்து 656 ஆகவும், பெண்களின் எண்ணிக்கை 7 லட்சத்து 73 ஆயிரத்து 891 ஆகவும் உள்ளது. முந்தைய புள்ளிவிவரங்களில், குவைத் மக்கள்தொகையில் 51 சதவீதமாக பெண்கள் இருந்தனர். ஆண்களின் எண்ணிக்கை 49 சதவீதமாக இருந்தது. கடந்த ஆண்டின் இறுதியில் 2 புள்ளி 16 சதவீதமாக சரிவு இருந்தபோதிலும், தற்போது 3 புள்ளி 5 சதவீதமாகவும் அதிகரித்துள்ளது.

குவைத் அல்லாத மக்கள்தொகை :

குவைத் அல்லாத மக்கள்தொகை 35 லட்சத்து 47 ஆயிரத்து 992 குடியிருப்பாளர்களாக அல்லது நாட்டின் மக்கள்தொகையில் 69 புள்ளி 6 சதவீதமாக உயர்ந்து, கடந்த ஆண்டின் இறுதியில் இருந்து 3 புள்ளி 8 சதவீதமாக வலுவாக அதிகரித்து,  ஒரு லட்சத்து 30 ஆயிரம் புதியவர்களைச் சேர்த்துள்ளது. ஆசிய நாடுகளைச் சேர்ந்தவர்கள் தொடர்ந்து 21 லட்சம் அல்லது மொத்த மக்கள்தொகையில் 40 புள்ளி 7 சதவீதமாக ஆதிக்கம் செலுத்துகின்றனர். இது மொத்த வெளிநாட்டினரில் 58 புள்ளி 4 சதவீதமாகும். 2024 ஆம் ஆண்டின் இறுதியில் இருந்து ஆசிய நாடுகளைச் சேர்ந்தவர்கள்  3 புள்ளி 65 சதவீதம் உயர்ந்துள்ளனர். அரேபியர்கள் பத்து லட்சத்து 37 ஆயிரம் குடியிருப்பாளர்களுடன் மூன்றாவது இடத்தில் உள்ளனர். இவர்கள் மொத்த மக்கள்தொகையில் சுமார் 26 சதவீதமாகும்.  ஆப்பிரிக்கர்கள், அமெரிக்கர்கள், ஐரோப்பியர்கள் மற்றும் பிறர் மீதமுள்ளவர்கள் ஆவர்கள்.  

இந்தியர்கள் அதிகம் :

குவைத்தில் இந்தியர்கள் பத்து லட்சத்துக்கும் அதிகமான குடியிருப்பாளர்களுடன் முன்னணி வெளிநாட்டினர் சமூகமாகத் தொடர்ந்து இருந்து வருகிறார்கள். அதைத் தொடர்ந்து எகிப்தியர்கள் 6 லட்சத்து 60 ஆயிரம் பேர் உள்ளனர். வீட்டு வேலையாட்கள், அவர்களில் பெரும்பாலோர் ஆசிய நாடுகளைச் சேர்ந்தவர்கள் ஜூன் 30, 2025 அன்று 8 லட்சத்து 23 ஆயிரமாக உயர்ந்துள்ளனர். இதன் எண்ணிக்கை 2024 ஆம் ஆண்டின் இறுதியில் 7 லட்சத்து 81 ஆயிரமாக இருந்தது. தற்போது இது 5 புள்ளி 4 சதவீதம் அதிகரித்துள்ளது என்று பி.ஏ.சி.ஐ. அறிக்கை தெரிவிக்கிறது. ஜூன் 30, 2025 அன்று, குவைத்தில் மொத்த பணியாளர்கள் 31 லட்சத்தை  எட்டியுள்ளனர். இது 2024 ஆம் ஆண்டின் இறுதியில் 30 லட்சத்து 65 ஆயிரமாக இருந்தது. இருப்பினும், குவைத் பணியாளர்களின் எண்ணிக்கை ஆறு மாதங்களுக்கு முன்பு 5 லட்சத்து 5 ஆயிரமாக ஆக இருந்தது. தற்போது ஜூன் 30 அன்று 4 லட்சத்து 91 ஆயிரமாகக் குறைந்துள்ளது.

குவைத்தில் 3 லட்சத்து 93 ஆயிரம் அல்லது 80 சதவீத பணியாளர்களில் பெரும்பாலோர் அரசு ஊழியர்கள் ஆவார்கள். 67 ஆயிரத்திற்கும் மேற்பட்டோர் தனியார் துறை வேலைகளிலும், 30 ஆயிரத்து 600 பேர் வேலையில்லாமல் உள்ளனர் என்று அறிக்கை தெரிவித்துள்ளது. 2025 ஜூன் 30 ஆம் தேதி கணக்கின்படி, வெளிநாட்டினரின் எண்ணிக்கை 20 லட்சத்து 65 ஆயிரமாக எட்டியுள்ளது. இதன் எண்ணிக்கை 2024 ஆம் ஆண்டின் இறுதியில் 20 லட்சத்து 56 ஆயிரமாக இருந்தது. அரசுத் துறையில்  ஒரு லட்சத்து 27 ஆயிரம் வெளிநாட்டினர் மட்டுமே பணிபுரிகின்றனர். அதேநேரத்தில் தனியார் துறையில் சுமார் பத்து லட்சத்து 69 ஆயிரத்து 600 பேர் பணிபுரிகின்றனர். மீதமுள்ள 8 லட்சத்து 23 ஆயிரம் பேர் வீட்டு வேலை செய்பவர்கள் என்று குவைத்தின் சிவில் தகவல் பொது ஆணையம் (பி.ஏ.சி.ஐ.) தெரிவித்துள்ளது.

- எஸ்.ஏ.அப்துல் அஜீஸ்

Press Meet....!

 Rahul Gandhi Ji says that even during Loksabha election BJP rigged election. He says that Congress team has done a deep research in Karnataka and proofs will be shown to entire country very soon.

That means BJP won way below than 150 seats in Loksabha…

ஆய்வு....!

 மருத்துவமனையில் இருந்தபடியே உங்களுடன் ஸ்டாலின் முகாம்கள் குறித்து மாவட்ட ஆட்சியர்கள் மற்றும் பொதுமக்களிடம் கேட்டறிந்ததோடு; அரசுக் கோப்புகளிலும் கையெழுத்திட்ட முதலமைச்சர் மு.க.ஸ்டாலின்...!

ஹக்கீம் அப்துல் ஹமீத்....!

 "யுனானி மருத்துவ முன்னோடி ஹக்கீம் அப்துல் ஹமீத்" 

உலக புகழ்பெற்ற  யுனானி மருத்துவ நிபுணர் ஹக்கீம் அப்துல் ஹமீத் சாஹிப் அவர்கள், இந்தியாவில் மட்டுமல்லாமல், உலக அளவில் மிகவும் புகழ்பெற்ற பல்கலைக்கழகங்களில் ஒன்றான ஜாமிஆ ஹம்தார்த் பல்கலைக்கழகத்தின் நிறுவனர் ஆவார். யுனானி மருத்துவத்தை மேம்படுத்துவதில் ஹக்கீம் அப்துல் ஹமீத் சாஹிப் பெரும் பங்களிப்புகளைச் செய்துள்ளார். யுனானி மருத்துவம் என்பது கிரேக்க, அராபிய மருத்துவ முறையாகும். இது உடல் மற்றும் மன ஆரோக்கியத்தை மேம்படுத்த இயற்கை வைத்தியம் மற்றும் வாழ்க்கை முறை மாற்றங்களைப் பயன்படுத்துகிறது. 

ஹக்கீம் அப்துல் ஹமீத் :

ஹக்கீம் அப்துல் ஹமீத் 1908ஆம் ஆண்டு செப்டம்பர் 14ஆம் தேதி பிறந்தார். அவரது மூதாதையர்கள் முகலாய பேரரசர் ஷா ஆலம் ஆட்சிக் காலத்தில், காஷ்கரில் (இப்போது காசி, ஜின்ஜியாங், சீனா) இருந்து இந்திய துணைக் கண்டத்திற்கு வந்தனர். இவரது இளைய சகோதரர் ஹக்கீம் முகமது சயீத் கூட, ஒரு சிறந்த யுனானி மருத்துவ நிபுணர் ஆவார்.  யுனானி பாரம்பரிய மருத்துவ முறையின் இந்திய மருத்துவராக திகழ்ந்த ஹக்கீம் அப்துல் ஹமீது சாஹிப்,  ஜாமிஆ ஹம்தார்த் பல்கலைக்கழகத்தின் நிறுவனர் மற்றும் வேந்தராக இருந்தது மட்டுமல்லாமல், உலக புகழ்பெற்ற அலிகர் முஸ்லிம் பல்கலைக்கழகத்தின் வேந்தராகவும் சிறப்பான முறையில் பணியாற்றி, கடந்த 1999ஆம் ஆண்டு ஜுலை 22ஆம் தேதி காலமானார்.

ஹக்கீம் அப்துல் ஹமீத், யுனானி மருத்துவத்தின் மீது ஒரு பெரிய செல்வாக்கு செலுத்தியது மட்டுமல்லாமல், கல்வி மற்றும் சமூக சேவையிலும் பங்களித்தார். ஒரு கொடையாளர் மற்றும் கல்வியாளர் மட்டுமல்ல, உலக அரங்கில் இந்தியாவின் கலாச்சார மற்றும் மருத்துவ பாரம்பரியத்தை மேம்படுத்துவதில் முன்னோடியாகவும் அவர் இருந்தார். அவரது வாழ்க்கையின் நோக்கம், நேர்மை, இரக்கம் மற்றும் மனிதநேய நோக்கத்துடன் தேசத்திற்கு சேவை செய்வது என்ற நிலைப்பாட்டில் உறுதியாக இருந்தது. அவரது காலத்தால் அழியாத மதிப்புகளையும், தேசத்தைக் கட்டியெழுப்புவதற்கான அசைக்க முடியாத அர்ப்பணிப்பையும் இந்தியர்கள் அனைவரும் பெரிதும் மதித்து வருகிறார்கள். .  

தாம் வாழ்ந்த காலத்தில் அவர் ஹம்தார்த் ஆய்வகங்களின் நிறுவனர் மற்றும் தலைமை அறங்காவலராக இருந்தார்.  1965 ஆம் ஆண்டில், இந்திய அரசாங்கத்தால் நான்காவது மிக உயர்ந்த இந்திய குடிமகன் விருதான பத்மஸ்ரீ விருதை வழங்கி கௌரவிக்கப்பட்டார். மேலும் 1992 ஆம் ஆண்டில், அரசாங்கம் அவருக்கு மூன்றாவது உயர்ந்த இந்திய கௌரவமான பத்ம பூஷண் விருதை வழங்கியது. 

முக்கிய பங்களிப்புகள் :

1993 ஆம் ஆண்டு புது தில்லியில் ஹம்தார்த் பொதுப் பள்ளியை நிறுவிய ஹக்கீம் அப்துல் ஹமீத் சாஹிப்,  ஜாமியா ஹம்தார்த், ஹம்தார்த் தேசிய அறக்கட்டளை, ஹம்தார்த் கல்வி சங்கம், ஹம்தார்த் படிப்பு வட்டம், ஹம்தார்த் பொதுப் பள்ளி, ஹம்தார்த் வரலாற்று ஆராய்ச்சி நிறுவனம், காலிப் அகாடமி, தெற்காசிய ஆய்வுகள் மையம் மற்றும் வணிகம் மற்றும் வேலைவாய்ப்பு பணியகம் போன்ற பல கல்வி நிறுவனங்களை நிறுவுவதில் அவர் முக்கிய பங்கு வகித்தார்.  தனது மனிதநேயப் பணிகளைத் தொடர அவர் 1948 இல் ஹம்தார்த் அறக்கட்டளை என்ற அறக்கட்டளையையும் 1964 இல் ஹம்தார்த் தேசிய அறக்கட்டளையையும் நிறுவினார். மஜீடியா மருத்துவமனையை நிறுவிய யுனானி மருத்துவரான இவரின் பங்களிப்பு காரணமாக தற்போது நூற்றாண்டு மருத்துவமனை (நவீன மருத்துவம்) மற்றும் மஜீடியா மருத்துவமனை (யுனானி) என்று அழைக்கப்படுகிறது. 

விருதுகள் :

ஹக்கீம் அப்துல் ஹமீத்துக்கு பத்மஸ்ரீ மற்றும் பத்ம பூஷண் விருதுகள் வழங்கப்பட்டன. 1983 ஆம் ஆண்டு அவருக்கு அவிசென்னா விருது வழங்கப்பட்டது. 2000 ஆம் ஆண்டில் துருக்கியின் இஸ்தான்புல்லில் உள்ள இஸ்லாமிய வரலாறு, கலை மற்றும் கலாச்சார ஆராய்ச்சி மையத்தால் (IRCICA) கலாச்சார பாரம்பரியத்தைப் பாதுகாத்தல் மற்றும் உதவித்தொகையை மேம்படுத்துவதில் ஆதரவளித்ததற்காக IRCICA விருது அவருக்கு வழங்கப்பட்டது. மேலும் ஈரானின் இஸ்லாமிய குடியரசின் மருத்துவ அறிவியல் அகாடமியின் கௌரவ உறுப்பினராகவும் இருந்தார். 

ஜாமிஆ ஹம்தார்த் பல்கலைக்கழகம் :

யுனானி மருத்துவத்தின் மீதான தனது ஆர்வத்திற்காக நன்கு அறியப்பட்ட ஹக்கீம் அப்துல் ஹமீத்,  இந்த மருத்துவ முறையை இந்தியாவில் மேம்படுத்துவதில் முக்கிய பங்கு வகித்தார்.  அவர்  1989 ஆம் ஆண்டு டெல்லியில் ஜாமிஆ ஹம்தார்த் பல்கலைக்கழகத்தை நிறுவினார். இது யுனானி மருத்துவம் மற்றும் பிற மருத்துவத் துறைகளில் உயர்கல்வி மற்றும் ஆராய்ச்சிக்கான ஒரு முக்கிய நிறுவனமாக புகழ்பெற்று விளங்கி வருகிறது. ஜாமிஆ ஹம்தார்த் பல்கலைக்கழகம், இந்தியாவில் உள்ள ஒரு புகழ்பெற்ற பல்கலைக்கழகம் ஆகும். மேலும் இந்த பல்கலைக்கழகம், மருத்துவ, மருந்தக, பொறியியல் மற்றும் சுகாதார அறிவியல் துறைகளில் சிறந்து விளங்குகிறது. மேலும், இது ஹக்கீம் அப்துல் ஹமீத் அவர்களால் நிறுவப்பட்ட ஹம்தார்த் திப்பி கல்லூரியின் விரிவாக்கமாகும். 

ஜாமிஆ ஹம்தார்த் பல்கலைக்கழகம், மருந்தகத் துறையில் இந்தியாவில் முதலிடத்தில் உள்ளது. இளங்கலை, முதுகலை மற்றும் முனைவர் பட்டப் படிப்புகள் உட்பட பல்வேறு படிப்புகளை வழங்குகிறது. தொலைதூரக் கல்வி மற்றும் இணையவழி படிப்புகளை வழங்குவதற்காக 2004-ஆம் ஆண்டு தொலைதூரக் கல்வி மையம் நிறுவப்பட்டது. இது மாணவர்களுக்கு நெகிழ்வான கற்றல் வாய்ப்புகளை வழங்குகிறது. ஜாமிஆ ஹம்தார்த், தரமான கல்வியை வழங்குவதில் கவனம் செலுத்துகிறது. அத்துடன் மாணவர்களின் தொழில்முறை இலக்குகளை அடைய உதவுகிறது.  ஜாமிஆ ஹம்தார்த் சர்வதேச தரத்தில் உயர்கல்வியை வழங்குவதில் கவனம் செலுத்துகிறது. மேலும் ஜாமிஆ ஹம்தார்த் பல்கலைக்கழகம், உயர்கல்வி மற்றும் ஆராய்ச்சிக்கு ஒரு சிறந்த இடமாக கருதப்படுகிறது.

சுவையான வரலாற்று குறிப்புகள் :

ஹக்கீம் அப்துல் ஹமீத் அவர்களால் 1963 ஆம் ஆண்டு ஹம்தார்த் திப்பி கல்லூரி நிறுவப்பட்டது. பின்னர் இதற்கு 1989 ஆம் ஆண்டு ஜாமிஆ ஹம்தார்த்  நிகர்நிலை பல்கலைக்கழகம் என்ற அந்தஸ்து வழங்கப்பட்டது. இதன் தோற்றம், 1906 ஆம் ஆண்டு டெல்லியில் ஹக்கீம் ஹபீஸ் அப்துல் மஜீத் அவர்களால் நிறுவப்பட்ட யுனானி மருத்துவத்தில் நிபுணத்துவம் பெற்ற ஒரு மருத்துவமனையிலிருந்து தொடங்குகிறது. 2019 ஆம் ஆண்டு, மனிதவள மேம்பாட்டு அமைச்சகத்தால் இதற்கு சிறப்பு நிறுவனம் அந்தஸ்து வழங்கப்பட்டது.

ஹக்கீம் அப்துல் ஹமீதின் ஒட்டுமொத்த வழிகாட்டுதலின் கீழ் சையித் அவுசஃப் அலியின் (முன்னோடி இயக்குநர்) சிறந்த முயற்சியாலும், அதன் முதல் மக்கள் தொடர்பு இயக்குநர்  முஹ்சின் அகமது தாதர்கரின் சிறந்த முயற்சியாலும், பல்கலைக்கழகம் முதலில் ஒரு நிகர்நிலைப் பல்கலைக்கழகமாக மாறியது. கல்வி அமைச்சகத்துடன் பத்து ஆண்டுகளுக்கும் மேலாக தொடர்ச்சியான பின்தொடர்தல் தேவைப்பட்டது. இதன் மூலம் ஹம்தார்த் நிறுவனம் ஜாமிஆ ஹம்தார்த் பதாகையின் கீழ் ஒரு முழுமையான பல்கலைக்கழகமாக அங்கீகரிக்கப்பட்டது.

சிறப்பு அம்சங்கள் :

ஜாமிஆ ஹம்தார்த் பல்கலைக்கழகத்தின் நூலக அமைப்பு ஒரு மைய நூலகம் மற்றும் ஆறு ஆசிரிய நூலகங்களைக் கொண்டுள்ளது. அறிவியல், மருத்துவம், மருந்தகம், நர்சிங், இஸ்லாமிய ஆய்வுகள் மற்றும் மேலாண்மை ஆய்வுகள் மற்றும் தகவல் தொழில்நுட்ப பீடங்கள். மைய நூலகத்திற்கு நிறுவனரின் தம்பியின் பெயரால் 'ஹக்கீம் முகமது சையத் மத்திய நூலகம்' என்று பெயரிடப்பட்டுள்ளது. நூலகத்தில் ஒரு கையெழுத்துப் பிரதிப் பிரிவு உள்ளது. அதில் புனித குர்ஆனின் அரிய நகல் உட்பட பல அசல் அரபு ஆவணங்கள் உள்ளன. பல்கலைக்கழகத்தில் கணினி அறிவியல் துறைக்கான ஆய்வகமாகச் செயல்படும் ஒரு கணினி மையம் உள்ளது. இதில் கணினி வசதிகள், அமைப்பு பகுப்பாய்வு அலகுகள் மற்றும் தேவையான அனைத்து புறச்சாதனங்கள் மற்றும் தேவையான மென்பொருள்கள் உள்ளன. கணினி மையத்தில் ஐந்து ஆய்வகங்கள் உள்ளன. அவை அந்தந்த மேம்பாட்டுத் துறைகளுக்கான வசதிகளுடன் உள்ளன.

மருந்தியல் கல்வி மற்றும் ஆராய்ச்சிப் பள்ளி (முன்னர் மருந்தியல் பீடம்) இந்தியாவின் பழமையான மருந்தியல் நிறுவனங்களில் ஒன்றாகும். இது 2017, 2019, 2020, 2021 மற்றும் 2022 ஆம் ஆண்டுகளில் இந்திய அரசின் மனிதவள மேம்பாட்டு அமைச்சகத்தால் அதன் தேசிய நிறுவன தரவரிசை கட்டமைப்பின் மூலம் இந்தியாவில் முதலிடத்தைப் பெற்றது. இந்தப் பள்ளி மருந்தியல் மற்றும் மருந்து அறிவியலில் டிப்ளமோ, இளங்கலை, பட்டதாரி மற்றும் முனைவர் பட்ட படிப்புகளை வழங்குகிறது. இந்த நிறுவனம் ஆராய்ச்சியில் தீவிரமானது மற்றும் இந்தியாவிலும் வெளிநாட்டிலும் மருந்துத் துறையில் குறிப்பிடத்தக்க பல முன்னாள் மாணவர்களைக் கொண்டுள்ளது.

ஹம்தார்த் மருத்துவ அறிவியல் மற்றும் ஆராய்ச்சி நிறுவனம் (HIMSR) மற்றும் அசோசியேட்டட் ஹக்கீம் அப்துல் ஹமீத் நூற்றாண்டு மருத்துவமனை என்பது இந்தியாவின் டெல்லியில் உள்ள ஒரு தனியார் மருத்துவப் பள்ளி மற்றும் ஒரு கற்பித்தல் மருத்துவமனையாகும். 2012 இல் நிறுவப்பட்ட இது ஜாமிஆ ஹம்தார்த்துடன் இணைக்கப்பட்டுள்ளது. இது மருத்துவ பாடங்களில் இளங்கலை, முதுகலை மற்றும் முதுகலை படிப்புகளை வழங்குகிறது. அத்துடன் இந்தியாவின் மிகவும் மதிப்புமிக்க மருத்துவப் பள்ளிகளில் ஒன்றாக தரவரிசைப்படுத்தப்பட்டுள்ளது. 

- எஸ்.ஏ.அப்துல் அஜீஸ்

விவசாயிகளுக்கு பாதுகாப்பு கேடயமாக சுதந்திர கிசான் சங்கம் செயல்பட வேண்டும்....!

நாட்டில் விவசாயத் துறை பெரும் நெருக்கடியை சந்தித்துக் கொண்டிருக்கிறது.....!

விவசாயிகளுக்கு பாதுகாப்பு கேடயமாக சுதந்திர கிசான் சங்கம் செயல்பட வேண்டும்.....!!

இ.யூ.முஸ்லிம் லீக் தேசிய அமைப்புச் செயலாளர் இ.டி.முகமது பஷீர் எம்.பி. பேச்சு....!!!

புது தில்லி, ஜுலை.23- நாட்டில் விவசாயத் துறை மிகப்பெரிய நெருக்கடியை எதிர்கொண்டு வரும் தற்போதைய சூழ்நிலையில், ஒன்றிய பாஜக அரசாங்கம் அலட்சியமாக இருக்கும் நிலையில், தேசிய அளவில் சுதந்திர கிசான் சங்கத்தின் செயல்பாடுகள் மிகச் சிறப்பாக இருப்பதாக இந்திய யூனியன் முஸ்லிம் லீகின் தேசிய அமைப்புச் செயலாளர் இ.டி. முகமது பஷீர் எம்.பி. தெரிவித்துள்ளார். 

இ.யூ.முஸ்லிம் லீகின் சார்பு அமைப்பான சுதந்திர கிசான் சங்கத்தின் தேசிய செயற்குழு கூட்டம் தலைநகர் டெல்லியில் நடைபெற்றது. இந்த கூட்டத்தை இ.யூ.முஸ்லிம் லீகின் தேசிய அமைப்புச்  செயலாளர் இ.டி.முகமது பஷீர் எம்.பி., தொடங்கி வைத்துப் பேசினார். கிசான் சங்க தேசியத் தலைவர் குருக்கோளி மொய்தீன் எம்.எல்.ஏ. இந்த கூட்டத்திற்கு தலைமை தாங்கினார். 

முகமது பஷீர் உரை :

கூட்டத்தில் பேசிய இ.டி.முகமது பஷீர், "நாட்டின் விவசாயிகளுக்கு ஒரு பாதுகாப்பு கேடயமாக சுதந்திர கிசான் சங்கத்தை உருவாக்க நாம் பாடுபட வேண்டும்," என்று கேட்டுக் கொண்டார்.  கேரளாவில் வலுவான விவசாயிகள் இயக்கமாக வளர்ந்த சுதந்திர கர்ஷக சங்கத்தின் வரலாற்றை நினைவு கூர்ந்த அவர், அதன் தேசிய பதிப்பான சுதந்திர கிசான் சங்கம் தேசிய அளவில் விரிவடையும் என்று நம்பிக்கை தெரிவித்தார்.

தொடர்ந்து பேசிய முகமது பஷீர், நாட்டில் விவசாயத் துறை மிகப்பெரிய நெருக்கடியை எதிர்கொண்டு வரும் தற்போதைய சூழ்நிலையில், ஒன்றிய பாஜக அரசாங்கம் அலட்சியமாக இருகப்பதாக குற்றம்சாட்டினார். இத்தகைய நிலையில், தேசிய அளவில் சுதந்திர கிசான் சங்கத்தின் செயல்பாடுகள் மிகச் சிறப்பாக இருப்பதாகவும் அவர் பாராட்டு தெரிவித்தார். 

கூட்டத்தில் பங்கேற்றவர்கள் :

இந்த செயற்குழுக் கூட்டத்தில் இந்திய யூனியன் முஸ்லிம் லீக் நாடாளுமன்ற உறுப்பினர்கள் பி.வி. அப்துல் வஹாப், அப்துஸ் ஸமத் சமதானி, நவாஸ் கனி, வழக்கறிஞர் ஹாரிஸ் பீரான் ஆகியோரும் தொடக்க அமர்வில் பங்கேற்று உரையாற்றினனர்.  சுதந்திர கிசான் சங்கத்தின்  பொதுச் செயலாளர் முஹம்மது குட்டி வரவேற்புரையாற்றினார். இந்திய யூனியன் முஸ்லிம் லீக் தேசிய செயலாளர் குர்ராம் அனீஸ் உமர் மற்றும் சுதந்திர கிசான் சங்கத்தின் தேசிய நிர்வாகிகள் வி.எம். பாரூக், முன்னாள் எம்.எல்.ஏ., அப்துல்லா மற்றும் ரியாஸ் அகமது ஆல்வி ஆகியோரும் கூட்டத்தில் உரையாற்றினர்.

இந்த கூட்டத்தில் தமிழகத்தின் சார்பில் தேசிய பொருளாளர் வி.எம்.ஃபாரூக், மாநிலத் தலைவர் ஏ.அப்துல் ஹாதி, மாநில பொதுச் செயலாளர் வி.அஜ்மீர் காஜா, திருச்சி தெற்கு மண்டல மாவட்ட இளைஞரணி துணைச் செயலாளர் மு.பஷீர் உள்ளிட்டோர் கலந்துகொண்டு சிறப்பித்தனர். 

- சிறப்புச் செய்தியாளர் : எஸ்.ஏ.அப்துல் அஜீஸ்

சுதந்திர இந்தியாவில் 18 முஸ்லிம் பெண்கள் மட்டுமே மக்களவை உறுப்பினர்களாக இருந்த வேதனை...!

"சுதந்திர இந்தியாவில் 18 முஸ்லிம் பெண்கள் மட்டுமே மக்களவை உறுப்பினர்களாக இருந்த வேதனை வரலாறு "

இந்திய நாடாளுமன்றத்தில் முஸ்லிம் உறுப்பினர்களின் எண்ணிக்கை தொடர்ந்து குறைந்துகொண்டே வருகிறது. தற்போதைய 18வது மக்களவையில் 24 முஸ்லிம் உறுப்பினர்கள் இருந்து வருகிறார்கள். 17வது மக்களவைக்கு 26 முஸ்லிம் உறுப்பினர்கள் தேர்வு செய்யப்பட்ட நிலையில் தற்போது அதன் எண்ணிக்கை சரிந்துள்ளது. இப்படி முஸ்லிம் உறுப்பினர்களின் எண்ணிக்கை தொடர்ந்து சரிந்து வரும் நிலையில், சுதந்திர இந்தியாவில் இதுவரை 18 முஸ்லிம் பெண்கள் மட்டுமே மக்களவை உறுப்பினர்களாக இருந்துள்ளனர் என்ற வரலாறு வேதனை அளிக்கும் வகையில் இருக்கிறது. 

பெண்களின் பிரதிநிதித்துவம் குறைவு :

மக்களவையில் பெண்கள் எப்போதும் குறைவாகவே பிரதிநிதித்துவப்படுத்தப்பட்டனர் என்பது தெரிந்த உண்மையாகும்.  ஆனால் சுதந்திரத்திற்குப் பிறகு முஸ்லிம் பெண் உறுப்பினர்கள் 18 பேர் மட்டுமே மக்களவையில் இடம்பிடித்தது மிகவும் அரிதானது என்று  'மிஸ்ஸிங் ஃப்ரம் தி ஹவுஸ் - முஸ்லிம் உமன் இன் தி லோக் சபா' என்ற ஒரு புதிய நூலில் புள்ளிவிவரங்கள் தெரிவிக்கின்றன.   ரஷீத் கித்வாய் மற்றும் அம்பர் குமார் கோஷ் ஆகிய இருவரால் எழுதப்பட்ட இந்த நூலில்,  அரச குடும்பத்திலிருந்து தேநீர் விற்பனையாளரிலிருந்து அரசியல்வாதியாக மாறியவரின் மனைவி வரை, முதல் பெண்மணி முதல் பெங்காலி நடிகை வரை, மக்களவையில் அதிகாரத்தின் புனிதமான தாழ்வாரங்களில் கால் பதித்த 18 முஸ்லிம் பெண்கள் குறித்து சுவையான பல தகவல்கள் இடம்பெற்றுள்ளன.

முஸ்லிம் பெண் எம்.பி.க்கள் :

சுதந்திர இந்தியாவில் மக்களவையில் இடம்பெற்ற இந்த 18 முஸ்லிம் பெண்களின் கதை, ரஷீத் கித்வாய் மற்றும் அம்பர் குமார் கோஷ் ஆகியோர் எழுதிய புத்தகமான  'மிஸ்ஸிங் ஃப்ரம் தி ஹவுஸ் - முஸ்லிம் உமன் இன் தி லோக் சபா'வில் விவரிக்கப்பட்டுள்ளது. மக்களவைக்கு சென்ற 20 முஸ்லிம் பெண்களின் சுயவிவரத்தை ஆவணப்படுத்த விரும்புவதாக கித்வாய் கூறுகிறார். ஆனால் அவர்களில்  சுபாசினி அலி மற்றும் அஃப்ரின் அலி ஆகிய இருவர் இஸ்லாத்தைப் பின்பற்றவில்லை என்று வெளிப்படையாக அறிவித்தனர்.

'1951-52 ஆம் ஆண்டு முதல் நாடாளுமன்றத் தேர்தலுக்குப் பிறகு பதினெட்டு முஸ்லிம் பெண்கள் மட்டுமே மக்களவையில் இடம்பிடித்துள்ளனர். இந்தியாவின் 146 கோடி மக்கள் தொகையில் முஸ்லிம் பெண்கள் சுமார் 7 புள்ளி 1 சதவீதமாக இருப்பதைக் கருத்தில் கொண்டால் இது அதிர்ச்சியூட்டும் வகையில் மிகக் குறைவான எண்ணிக்கையாகும். 2025 வரை அமைக்கப்பட்ட 18 மக்களவைகளில், ஐந்து முறை மக்களவையில் ஒரு முஸ்லிம் பெண் உறுப்பினர் கூட இல்லை" என்று கித்வாய் மற்றும் கோஷ் ஆகியோர் தங்கள் புத்தகத்தில் எழுதியுள்ளனர்.

தென் மாநிலங்களில் ஒரு முஸ்லிம் பெண் எம்.பி. கிடையாது :

543 இடங்களைக் கொண்ட நாடாளுமன்ற மக்களவையில், ஒரே பதவிக் காலத்தில் நாடாளுமன்றத்திற்குத் தேர்ந்தெடுக்கப்பட்ட முஸ்லிம் பெண்களின் எண்ணிக்கை நான்கைத் தாண்டவில்லை என்பதும் அதிர்ச்சியளிக்கிறது. வடக்கை விட சிறந்த அரசியல் பிரதிநிதித்துவத்திற்கும், சிறந்த இலக்கிய நிலைகள் மற்றும் பிற சமூக, பொருளாதார குறிகாட்டிகளுக்கும் பெயர் பெற்ற ஐந்து தென் மாநிலங்களான கேரளா, தமிழ்நாடு, கர்நாடகா, ஆந்திரா மற்றும் தெலுங்கானா ஆகியவை இன்னும் ஒரு முஸ்லிம் பெண் எம்.பி.யை மக்களவைக்கு அனுப்பவில்லை என்பதையும் புத்தகம் வேதனையுடன் குறிப்பிடுகிறது.

மக்களவையில் இடம்பிடித்த 18 முஸ்லிம் பெண்களில் மொஃபிதா அகமது (1957, காங்கிரஸ்); ஜோஹ்ராபென் அக்பர்பாய் சாவ்டா (காங்கிரஸ், 1962-67); மைமூனா சுல்தான் (காங்கிரஸ், 1957-67); பேகம் அக்பர் ஜெஹான் அப்துல்லா (தேசிய மாநாடு, 1977-79, 1984-89); ரஷிதா ஹக் (காங்கிரஸ் 1977-79); மொஹ்சினா கித்வாய் (காங்கிரஸ், 1977-89); ஆகியோர் அடங்குவர். அபிதா அகமது (காங்கிரஸ், 1981-89); நூர் பானோ (காங்கிரஸ், 1996, 1999-2004); ரூபாப் சைதா (சமாஜ்வாதி கட்சி, 2004-09); மற்றும் மெஹபூபா முஃப்தி (மக்கள் ஜனநாயகக் கட்சி, 2004-09, 2014-19) என்று நூலில் குறிப்பிடப்பட்டுள்ளது. 

மக்களவைக்கு தேர்வு செய்யப்பட்ட  மற்ற முஸ்லிம் பெண்கள் தபசும் ஹசன் (சமாஜ்வாதி கட்சி, லோக்தளம், பகுஜன் சமாஜ் கட்சி 2009-14); மௌசம் நூர் (திரிணாமுல் காங்கிரஸ் 2009-19); கைசர் ஜஹான் (பகுஜன் சமாஜ் கட்சி, 2009-14); மம்தாஜ் சங்கமிதா (திரிணாமுல் காங்கிரஸ் 2014-19); சஜ்தா அகமது (திரிணாமுல் காங்கிரஸ் 2014-24); ராணி நாரா (காங்கிரஸ், 1998-2004, 2009-14); நுஸ்ரத் ஜஹான் ருஹி (திருணமூல் காங்கிரஸ், 2019-24); மற்றும் இக்ரா ஹசன் (சமாஜ்வாடி கட்சி, 2024-தற்போது வரை) என்றும் தெரிவிக்கப்பட்டுள்ளது. 

சுவையான தகவல்கள் :

இந்திய அரசியலில் அழியாத முத்திரையைப் பதித்த ஒரு ஆதிக்கம் செலுத்திய அரசியல் பிரமுகர் மொஹ்சினா கித்வாய் ஆவார். அவர் மக்களவையில் நுழைந்தது மட்டுமல்லாமல், அமைச்சர்கள் குழுவிலும் சேர்ந்து, தொழிலாளர், சுகாதாரம் மற்றும் குடும்ப நலன், கிராமப்புற மேம்பாடு, போக்குவரத்து மற்றும் நகர்ப்புற மேம்பாடு உள்ளிட்ட பல இலாகாக்களை வகித்தார். இந்த நூல் பேசும் மற்றொரு கவர்ச்சிகரமான ஆளுமை, தேநீர் விற்பனையாளரிலிருந்து அரசியல்வாதியாக மாறிய முகமது ஜஸ்மிர் அன்சாரியின் மனைவி. 2009 ஆம் ஆண்டில், அன்சாரியின் மனைவி கைசர் ஜஹான், தயாராகவும் பிரச்சாரம் செய்யவும் முப்பத்தைந்து நாட்கள் மட்டுமே இருந்தபோதிலும், கடுமையாகப் போராடிய நான்கு மூலைப் போட்டியில் வெற்றி பெற்றார்.

18 முஸ்லிம் பெண்களில் ஒரு முதல் பெண்மணியும் இருக்கிறார். அவர் நாட்டின் ஐந்தாவது குடியரசுத் தலைவர் ஃபக்ருதீன் அலி அகமதுவின் மனைவி பேகம் அபிதா அகமது ஆவார்.  1977 ஆம் ஆண்டு அகமது காலமான நான்கு ஆண்டுகளுக்குப் பிறகு, 1981 ஆம் ஆண்டு உத்தரபிரதேசத்தின் பரேலியில் இருந்து மக்களவை இடைத்தேர்தலில் போட்டியிட அபிதா அகமது ஒப்புக்கொண்டு வெற்றி பெற்றார். அரசியலில் போட்டித் துறையில் நுழைந்த இந்தியாவின் முதல் மற்றும் ஒரே முதல் பெண்மணி ஆனார். 1984 ஆம் ஆண்டு மீண்டும் வெற்றி பெற்று, பரேலியில் இருந்து தொடர்ச்சியாக இரண்டு முறை வெற்றி பெற்றார்.

பேகம் நூர் பானோ, முதலில் மகாதாப் ஜமானி மற்றும் ராம்பூரின் முன்னாள் ஆட்சியாளரின் விதவை. அந்தப் பகுதியின் அரசியல் நிலப்பரப்பில் ஒரு முக்கிய நபராக இருந்த ஒரு அரச குடும்பத்தைச் சேர்ந்தவர். மேலும் சமாஜ்வாடி கட்சியின் அசாம் கானுடனும், எஸ்பி டிக்கெட்டில் போட்டியிட்ட ஜெய பிரதாவுடனும் பல போர்களை நடத்தினார். அவரது கணவர் நவாப் சையத் சுல்பிகர் அலி கான் பகதூர், ரோஹில்லா வம்சத்தைச் சேர்ந்தவர். மேலும் 'மிக்கி மியான்' என்று பிரபலமாக அழைக்கப்பட்டார். 1992 ஆம் ஆண்டு புது தில்லியில் இருந்து ராம்பூருக்குத் திரும்பும்போது ஒரு அசாதாரண சாலை விபத்தில் அவர் உயிரிழந்தார். 1996 மற்றும் 1999 மக்களவைத் தேர்தல்களில் நூர் பானோ வெற்றி பெற்றார். ஆனால் 2004 மற்றும் 2009 ஆம் ஆண்டுகளில் ஜெய பிரதாவுடனான அவரது தேர்தல் போர்கள் தோல்வியில் முடிவடைந்தன.

18 முஸ்லிம் பெண்களில், பெங்காலி நடிகை நுஸ்ரத் ஜஹான் ருஹியும் பல கண்ணாடி கூரைகளை உடைத்து 2019 ஆம் ஆண்டு மக்களவைத் தேர்தலில் டி.எம்.சி. டிக்கெட்டில் வெற்றி பெற்றார். தற்போதைய மக்களவையில், ஒரே ஒரு முஸ்லிம் பெண் எம்.பி. மட்டுமே உள்ளார். அவர் சமாஜ்வாதி கட்சியின் இக்ரா ஹசன் சவுத்ரி. பாரதிய ஜனதா கட்சியின் மூத்த தலைவரை தோற்கடித்த பிறகு இளைய எம்.பி.க்களில் ஒருவர் என்ற பெருமையைப் பெற்றதிலிருந்து, லண்டனில் படித்த இளம் முஸ்லிம் பெண் தலைவராக சமூக ஊடக விவாதத்தின் மையமாக மாறியது வரை, இக்ரா ஹசன் பொதுக் கற்பனையில் தனக்கென ஒரு இடத்தைப் பிடித்துள்ளார். 

வேதனையான தகவல் :

இந்தப் புத்தகத்திற்கு முன்னுரை எழுதியுள்ள காங்கிரஸ் எம்.பி. சசி தரூர், "1947 ஆகஸ்ட் 15 அன்று நள்ளிரவில் பண்டிட் ஜவஹர்லால் நேரு 'விதியுடனான ஒரு சந்திப்பு' என்று அறிவித்து, இந்தியா 'வாழ்க்கை மற்றும் சுதந்திரத்திற்கு' விழித்தெழுந்த அந்த பயங்கரமான தாக்குதலுக்குப் பிறகு கிட்டத்தட்ட எழுபத்தெட்டு ஆண்டுகள் கடந்துவிட்டன. ஆனால் கிட்டத்தட்ட எட்டு தசாப்தங்களுக்குப் பிறகும், நமது ஜனநாயகப் பதிவு குறித்த நமது சுய பாராட்டும் ஆர்வத்தைத் தணிக்க வேண்டிய ஒரு வெட்கக்கேடான உண்மை, இன்னும் நம்மை வேட்டையாடுகிறது" என்று வேதனை தெரிவித்துள்ளார். 

மேலும், "உலகின் மிகப்பெரிய ஜனநாயகத்தில் எல்லோரும் 'சொல்வதை'க் காணவில்லை. அதன் உயரிய தலைவர்கள் பலர் அதை 'ஜனநாயகத்தின் தாய்' என்று புகழ்ந்து பேசுகிறார்கள். இந்த சுயநல விளக்கம் ஓரளவுக்கு, மிகவும் இணக்கமான செய்தி ஊடகம், பயனற்ற சிவில் சமூகம் மற்றும் அச்சுறுத்தும் கல்வி வர்க்கத்தால் செயல்படுத்தப்படுகிறது. எனவே யாரும் இந்தக் கூற்றில் உள்ளார்ந்த முரண்பாட்டை சுட்டிக்காட்டத் துணியவில்லை" என்று சசி தரூர் கூறுகிறார்.

"நாம் இந்தியாவை ஒரு அன்பான தாயாக சித்தரித்தாலும், அது ஒரு ஆரவாரமான, சண்டையிடும் மற்றும் குழப்பமான குடியரசை வளர்க்கிறது. ஆனால் நமது ஜனநாயக வரலாறு முழுவதும், நமது பெண் குடிமக்களை நாம் தொடர்ந்து தோல்வியடையச் செய்து வருகிறோம். நமது நாட்டின் ஜனநாயக சாலைகளில் பெண்களுக்கு கண்ணியமான வாழ்க்கையை வழங்கத் தவறிவிட்டோம்" என்றும் சசி தரூர் வேதனையுன் தெரிவித்துள்ளார்.

- எஸ்.ஏ.அப்துல் அஜீஸ்