நம்பிக்கை இழக்கும் தமிழக முஸ்லிம்அமைப்புகள அமைப்புகள்....!
தமிழகத்தில் இருக்கும் முஸ்லிம் கட்சிகள் மற்றும் சில முஸ்லிம் அமைப்புகள் தங்களுடைய செயல்பாடுகளால் நடவடிக்கைகளால் முஸ்லிம்கள்
மத்தியில் நம்பிக்கையை இழந்து வருகின்றன.
ஒரு கட்சி திமுகவின் அடிமை கட்சியாகவும் அதன் சிறுபான்மைப் பிரிவாகவும் இயங்குகிறது என்றால் மற்றொரு கட்சி அதிமுகவின் காலடியில் எப்போதும் வீழ்ந்து கிடக்கிறது.
மற்றொரு முஸ்லிம் கட்சியோ பதவி ஆசை மற்றும் பக்கா சுயநலம் ஆகியவற்றால் காலத்திற்கு ஏற்ப காயை நகர்த்துகிறது.
அதன்மூலம் லாபம் கிடைக்குமா என எதிர்பார்க்கிறது.
தம்முடைய முடிவுக்கு ஏதேனும் ஒரு காரணத்தை முன் வைக்க முயலுகிறது.
இதேபோல் பெரும்பாலான தமிழக முஸ்லிம் கட்சிகள் மற்றும் அமைப்புகளின் செயல்பாடுகள் இருப்பதால் முஸ்லிம் மக்கள் அனைத்து முஸ்லிம் இயக்கங்களையும் தற்போது சந்தேக கண்ணோடு பார்க்க ஆரம்பித்து விட்டார்கள்.
தமிழக முஸ்லிம் அமைப்புகள் மீது நம்பிக்கை இழந்து விட்டார்கள்.
பள்ளிவாசல் கடைத்தெரு என பல்வேறு இடங்களில் முஸ்லிம் மக்கள் தங்களுக்கு இடையே நடத்தும் விவாதங்களை காது கொடுத்து கேட்கும்போது இதை உணர முடிகிறது.
எனவே தமிழக முஸ்லிம் அமைப்புகள் தங்களுடைய செயல்பாடுகளை உடனே மாற்றிக் கொள்ள வேண்டும்.
ஒருவர் மீது ஒருவர் சேற்றை வாரி அடிப்பதை நிறுத்திக் கொள்ள வேண்டும்.
பிற கட்சிகளை விமர்சனம் செய்வதை நிறுத்திக் கொண்டு தங்களை தாங்களே சுய விமர்சனம் செய்துக் கொண்டு சமுதாய நலனுக்காக எப்படி ஒருங்கிணைந்து இயங்குவது என ஆராய முன்வர வேண்டும்.
அப்படி செய்ய தமிழக முஸ்லிம் அமைப்புகள் முன்வராவிட்டால் எதிர்காலத்தில் முஸ்லிம் மக்கள் மத்தியில் மட்டுமல்லாமல் பிற சமுதாய மக்களிடையேயும் முஸ்லிம் இயக்கங்களுக்கு சிறிதும் மரியாதை இருக்காது.
- எஸ்.ஏ.அப்துல் அஜீஸ்
No comments:
Post a Comment