Short film...!

 Films or short films, Iranian cinema is always so heartwarming.

Tree...!

 A tree never eats its own fruit. 

Real success serves others.

அச்சம்...!

 Considerable fear in the minds of minority in India.....! 

Infosys founder NR Narayana Murthy....!!

Infosys founder NR Narayana Murthy on expressed concerns that there is considerable fear in the minds of minority in India and said the governments should bring back the sense of confidence in them. 

"I am not a politician, I am not interested in politics, therefore, I don't want to comment on that but the reality today is that there is considerable fear in the minds of minority in India," he said. 

He said there was also "considerable fear" in the minds of people of one region living in another region. 

Citing the Shiv Sena campaign against the South Indians living in Mumbai in 1960s, he said, "Today there is a lot of that worry. I get lots of emails, I get a lot of people talking to me even though I stay at home because of my leg." 

"The first priority of this government, or for that matter any government, both at the central level and the state level, is to bring back the confidence, the energy, the enthusiasm, the trust in the minds of every Indian that this is our country, I have all the rights here, I am very safe here and therefore I will work towards the betterment of India," Murthy told NDTV. 

No country, the IT veteran said, has ever made steady economic progress unless "there is no distrust, there is no fear, unless the majority community doesn't oppress the minority community, doesn't want the minority community to do what it wants etc." 

2015 பதிவு..

==============================

கருத்து...!

 சகிப்பு தன்மை குறைந்து போனால் வன்முறை கலாசாரம் பெருகி நாட்டின் வளர்ச்சி  முடங்கும்....!

ரிசர்வ் வங்கி முன்னாள் தலைவர் ரகுராம் ராஜன் கருத்து.....!!

டெல்லியில் உள்ள ஐஐடி பட்டமளிப்பு விழாவில் பேசிய ரகுராம் ராஜன், இந்தியாவில் தற்போது, எப்போதும் இல்லாத  அளவுக்கு சகிப்பு தன்மை குறைந்து வருகிறது என்றார்.

நாட்டின் பன்முக வளர்ச்சிக்கு, சமுதாயத்தின் சகிப்பு தன்மைதான் பெரிதும் கைகொடுக்கிறது என்றும் பல வகையில் தொழில், வர்த்தக உறவுகளை பெருக்குகிறது என்றும் அவர் கூறினார்.

ஆனால், சமீப காலமாக இந்தியாவில் அளவுக்கு அதிகமான அரசியல் குறுக்கீடுகளும், தன்னிச்சையான முடிவுகள் திணிக்கப்படுவதும், அதை மக்கள் கேட்டுத்தான் ஆக வேண்டும் என்று கட்டாயப்படுத்துவதும் பரவி வருவதாகவும் ரகுராம் ராஜன் வேதனை தெரிவித்தார்.

இது மக்களுக்கும் அதிருப்தியை ஏற்படுத்துகிறது  என்பதுடன், நாட்டின் சமத்துவ நோக்கத்துக்கும் பாதிப்பாக உள்ளதாகவும் அவர் கூறினார்.

யாரையும் உடல் ரீதியாக காயப்படுத்துவது, வார்த்தைகளால் வருத்தம் ஏற்பட வைப்பது, ஒரு குறிப்பிட்ட பிரிவினர் மீது அவர்கள் விரும்பாத விஷயங்களை கட்டாயப்படுத்துவது, பொதுவான கருத்துரிமையை அவர்களிடம் இருந்து பறிப்பது போன்றவை நல்ல சூழ்நிலையை ஏற்படுத்தாது என்றார் அவர்.

இதுபோன்ற எந்த நெருக்கடிகளையும், எவருடைய கட்டளைகளையும் ஒருபோதும் இந்த சமுதாயத்தில் அனுமதிக்க கூடாது என அவர் கேட்டுக் கொண்டார்.

பாலியல் வன்முறை என்பது சமுதாயத்தில் உடல் ரீதியாகவும் சரி, மன ரீதியாகவும் சரி அறவே ஒழித்தாக வேண்டும் என்றும் அவர் வலியுறுத்தினார். 

ஆனால் அதற்காக தேவையில்லாத சச்சரவுகளை ஏற்படுத்த நாம் அனுமதிக்க கூடாது. ஒரு கருத்தை திணிப்பதோ, அதை ஏற்க வைப்பதோ கூடாது; சமுதாயத்தில் பல்வேறு கருத்துகள் இருக்கலாம்.  அது தவறில்லை. அதற்காக, எதிர்க்கருத்து சொல்பவர்களை தடுக்கக் கூடாது; தடை போடுவதால் கருத்து சுதந்திரத்தைதான் பறிப்பதாக பொருள். எந்த விவாதத்தையும் தடை செய்வதும் ஆரோக்கியமான சூழலை ஏற்படுத்தாது. 

இப்படி தடை போடுவதால் சகிப்பு தன்மைதான் குறைகிறது.  தடைபோடும் விஷயத்திலும் சரி, சமுதாயத்திலும் சரி சகிப்பு தன்மையைத்தான் குறைக்க வைக்கிறது. வீண் விவாதங்கள் கிளம்பி, விரும்பத்தகாத நிகழ்வுகளும் ஏற்பட வழிவகுக்கிறது. எல்லாருக்கும் மதிப்பு, மரியாதை உண்டு. அதை அடுத்தவர் தந்தாக வேண்டும். இல்லாது போனால், அங்கு சச்சரவு ஏற்படுகிறது. தொழில், வர்த்தகத்தில் நாம் இன்னும்  வளர வேண்டும்;  அதற்கான நடவடிக்கைகள் பலன் அளிக்க வேண்டுமானால், இந்தியாவில் சகிப்பு தன்மை சார்ந்த சமுதாயம் மீண்டும் ஏற்பட வேண்டும். 

அதை நாமே மாற்ற கூடாது. கேள்வி கேட்கும் உரிமை எல்லாருக்கும் உண்டு. அதை தடுக்க கூடாது.   சவால்களை எதிர்கொள்ளும் சமுதாயம் வேண்டும்; அது தான் நாட்டின் வளர்ச்சிக்கு அடிப்படை. காலம் காலமாக எதிரெதிர் விவாதங்கள் இருக்கத்தான் செய்தது. அப்போதும் சவாலான சமயங்கள் உண்டு. ஆனால் சகிப்பு தன்மை இருந்ததால் இந்தியாவில் சமத்துவம் காணப்பட்டது. எந்த பிரிவினரின் உணர்வுகளும் புண்படக்கூடாது;  அவர்களின் சவாலான கருத்துகளும் மதிக்கப்பட வேண்டும். உதாசீனப்படுத்த கூடாது. ஒரு நாடு முன்னேற இதுவும் முக்கியம். ஒரு  குறிப்பிட்ட பிரிவினரை ஒதுக்கி மட்டும் நாடு வளர்ந்து விடாது. 

‘ஹிட்லர் ஆட்சியில் ரயில்கள் சரியான நேரத்தில் இயங்கின; எல்லா ஊழியர்களும் துல்லியமான நேரத்தில்  அலுவலகத்தில் பணி செய்தனர். 1975ல் இருந்து 77 வரை இந்தியாவில் கூட நெருக்கடி நிலையின் போது இப்படித்தான் எல்லாம் சரியாக இருந்தன. ஆனால், ஒரு விஷயத்தை நாம் கவனிக்க வேண்டும். இரும்புக்கரம் கொண்ட அரசு தேவைதான்; அதே சமயம், சட்டமும், ஜனநாயகமும்  கைகோர்ப்பதாக  அமைய வேண்டும். அப்போதுதான் திடமான அரசால் வளர்ச்சியை காண முடியும்’ 

இவ்வாறு ரகுராம் ராஜன் தமது உரையில் குறிப்பிட்டார்.

ஆண்டு 2015 ல் ஆற்றிய உரை...!

பேச்சு...!

 வாழ்க்கையில் தோற்றவர்கள் 

இரண்டு பேர். 

ஒருவர் யார் பேச்சையும் 

கேட்காதவர். 

மற்றொருவர் 

எல்லோர் பேச்சையும் 

கேட்பவர். 

வாழ்க்கையில் பேச்சில் 

கவனம் மிகவும் அவசியம்.

LoP Speech...!

 Listen to LoP Shri @RahulGandhi's full speech at the Public Impeachment of CEC Gyanesh Kumar.

Kapil Sibal speech...!

 Kapil Sibal: This won’t end with Gyanesh Kumar. It begins with Gyanesh Kumar.

Former CEC Rajiv Kumar must also be held accountable for his role in putting the nation’s democracy in this mess.

Speech...!

 Go he must and go he will - Gyanesh Kumar !

Mahua Moitra speech...!

Speech...!

 “You will not only be impeached, you will be put behind the bar”

Neha Bora is such a fierce speaker.

She is going to be the face of next generation.

SHE IS UNSTOPPABLE

Impeachment...!

 𝐑𝐞𝐬𝐨𝐥𝐮𝐭𝐢𝐨𝐧 𝐅𝐨𝐫 𝐓𝐡𝐞 𝐏𝐮𝐛𝐥𝐢𝐜 𝐈𝐦𝐩𝐞𝐚𝐜𝐡𝐦𝐞𝐧𝐭 𝐎𝐟 𝐌𝐫. 𝐆𝐲𝐚𝐧𝐞𝐬𝐡 𝐊𝐮𝐦𝐚𝐫, 𝐂𝐡𝐢𝐞𝐟 𝐄𝐥𝐞𝐜𝐭𝐢𝐨𝐧 𝐂𝐨𝐦𝐦𝐢𝐬𝐬𝐢𝐨𝐧𝐞𝐫 𝐎𝐟 𝐈𝐧𝐝𝐢𝐚.

𝐓𝐇𝐄 𝐒𝐈𝐗 𝐂𝐇𝐀𝐑𝐆𝐄𝐒 𝐀𝐆𝐀𝐈𝐍𝐒𝐓 𝐇𝐈𝐌...!

1️⃣ Conspired to Steal Elections

2️⃣ Deleted 13.2 Crore Voters

3️⃣ Rewrote Form 6 Without Parliamentary Oversight or Knowledge 

4️⃣ Seized the Electoral Rolls Through ECINET

5️⃣ Shut Out the Other Two Commissioners

6️⃣ Acted at the Behest of Modi and Shah

- Congress President Shri kharge at the Public Impeachment of CEC Gyanesh Kumar

அரபி வாசிப்பு சவால் போட்டி - கேரள மாணவர் முகமது ஷஹன்ஷா சாதனை....!

 துபாயில் நடைபெற்ற அரபி வாசிப்பு சவால் போட்டி:

கேரள மாணவர் முகமது ஷஹன்ஷா  

மூன்றாம் இடத்தைப் பிடித்து சாதனை

8 லட்சம் ரூபாய் ரொக்கப் பரிசு வழங்கி கவுரவிப்பு

துபாய், அக்.31- ஐக்கிய அரபு அமீரகத்தில் நடைபெற்ற 10வது அரபி வாசிப்பு சவால் போட்டியில், கேரள மாணவர் முகமது ஷஹன்ஷா உலக அளவில் மூன்றாம் இடத்தைப் பிடித்து இந்தியாவிற்குப் பெருமை சேர்த்துள்ளார். அரபு மொழி தாய்மொழியாக இல்லாத நாடுகளைச் சேர்ந்த மாணவர்களுக்கான சர்வதேசப் பிரிவில் முகமது ஷஹன்ஷா இந்த கௌரவத்தைப் பெற்றுள்ளார். 

மலப்புரம் மதரஸா மாணவர் :

மலப்புரத்தில் உள்ள மதீன் அகாடமியின் மாணவரான முகமது ஷஹன்ஷா, துபாயின் ஆட்சியாளர் ஷேக் முகமது பின் ரஷீத் அல் மக்தூமின் ஆதரவில் நடைபெற்ற இந்தப் போட்டியில் இந்தச் சாதனையை நிகழ்த்தியுள்ளார். போட்டியின் வெற்றியாளர்கள் வியாழக்கிழமை துபாய் உலக வர்த்தக மையத்தில் நடைபெற்ற ஒரு விழாவில் அறிவிக்கப்பட்டனர். ஷஹன்ஷாவுக்கு  8 லட்சம் ரூபாயும் ரொக்கப் பரிசும் ஒரு கோப்பையும் வழங்கப்பட்டது.  60 நாடுகளில் உள்ள ஒரு லட்சத்து 38 ஆயிரத்து 426 பள்ளிகளிலிருந்து 40 மில்லியனுக்கும் அதிகமான மாணவர்கள் இந்தப் போட்டியில் பங்கேற்றனர். 

குவியும் பாராட்டுகள் :

தேசிய அளவிலான தகுதிச் சுற்றுகளில் சிறந்து விளங்கியதன் மூலம் ஷஹான்ஷா சர்வதேச அரங்கிற்குத் தகுதி பெற்றார். மதீன் அகாடமியைச் சேர்ந்த மேலும் இரண்டு மாணவர்களும் சர்வதேசப் போட்டிக்குத் தகுதி பெற்றனர். அரபுப் புத்தகங்களைப் படித்து, அவற்றின் கருப்பொருள்களையும் உள்ளடக்கத்தையும் பகுப்பாய்வு செய்து, அவற்றை திறம்பட முன்வைக்கும் தனது திறமையால் ஷஹான்ஷா சர்வதேச நடுவர் குழுவைக் கவர்ந்தார். மதீன் அகாடமியில் உள்ள அரபு மொழி கற்பித்தல் முறைகள் தனது வாசிப்பு மற்றும் பகுப்பாய்வுத் திறன்களை மேம்படுத்த உதவியதாக முகமது ஷஹான்ஷா கூறி பெருமை அடைந்துள்ளார். சாதனை புரிந்து முகமது ஷஹான்ஷாவிற்கு இ.யூ.முஸ்லிம் லீக் தலைவர்கள் மட்டுமல்லாமல் சமுதாய தலைவர்களும் பாராட்டுதல்களை தெரிவித்துள்ளனர். 

- சிறப்புச் செய்தியாளர் : எஸ்.ஏ.அப்துல் அஜீஸ்

====================

துருக்கி அதிபர் ஏர்டோகன் அழைப்பு....!

 பாலஸ்தீனப் பிரச்சினைக்கு அமைதியான தீர்வு காண ஒத்துழைக்க வேண்டும்

சர்வதேச சமூகத்திற்கு துருக்கி அதிபர் ஏர்டோகன் அழைப்பு

அங்காரா, அக்.31- பாலஸ்தீனப் பிரச்சினைக்கு ஒரு நியாயமான தீர்வைக் காண்பதற்குத் தீவிரப்படுத்தப்பட்ட முயற்சிகளுக்கு சர்வதேச சமூகம் ஒத்துழைப்பு அளிக்க வேண்டும் என்று துருக்கிய அதிபர் ரெசெப் தயிப் எர்டோகன் அழைப்பு விடுத்துள்ளார். மேலும், காசாவிற்கு மனிதாபிமான உதவிகள் சென்றடைவதை உறுதி செய்யவும், கூடிய விரைவில் புனரமைப்பு முயற்சிகளைத் தொடங்கவும் சர்வதேச நாடுகளை அவர் வலியுறுத்தினார்.

13வது உச்சிமாநாடு :

அங்காராவில் வெள்ளிக்கிழமை 30.10.2026 அன்று நடைபெற்ற துருக்கிய நாடுகள் அமைப்பின் 13வது உச்சிமாநாட்டின் தொடக்க விழாவில் அதிபர் எர்டோகன் கலந்துகொண்டு பேசினார்.  அப்போது பாலஸ்தீனப் பிரதேசத்தில் நிலவும் மனிதாபிமான நிலைமையைச் சமாளிக்க, அதிக சர்வதேசப் பங்களிப்புகளின் அவசியத்தை அவர் வலியுறுத்தினார். ஈரானுடனான பதட்டங்களின் சமீபத்திய அதிகரிப்பை இராணுவ பலத்தைப் பயன்படுத்தாமல், இராஜதந்திரத்தின் மூலம் தீர்க்க முடியும் என்றும் அவர் நம்பிக்கை தெரிவித்தார்.

முக்கியமான வாய்ப்புகள் :

தெற்கு காகசஸ் பகுதியில் அமைதியும் ஸ்திரத்தன்மையும் ஏற்படுவது, அப்பகுதியில் உள்ள நாடுகளுக்கும் பரந்த துருக்கிய உலகிற்கும் முக்கியமான வாய்ப்புகளை உருவாக்கும் என்று எர்டோகன் கூறினார். துருக்கிய நாடுகள் அமைப்பின் எதிர்காலம் குறித்துப் பேசிய எர்டோகன், அதன் சுழற்சித் தலைமைப் பதவிக் காலத்தில், அமைப்பால் அடையப்பட்ட நிறுவன ரீதியான முன்னேற்றங்களை உறுதியான பலன்களாக மாற்றுவதை துர்க்கியே நோக்கமாகக் கொண்டுள்ளது என்று தெரிவித்தார். 

- சிறப்புச் செய்தியாளர் : எஸ்.ஏ.அப்துல் அஜீஸ்

தகவல்...!

 அதிர்ச்சி தகவல்....!

கவனம் மிகமிக அவசியம்...!!

இஸ்ரேல் தேர்தல் முடிவுகளால்....!

 

இஸ்ரேல் தேர்தல் முடிவுகளால்

பாலஸ்தீனத்திற்கு அமைதி கிடைக்குமா?

- ஜாவீத் - 

அமெரிக்கா, இஸ்ரேல் மற்றும் ஈரான் இடையேயான போர் தொடர்ந்து நீடித்துவரும் நிலையில், ஈரான் மீது அடிக்கடி அமெரிக்கா தாக்குதல்களை நடத்தி வருகிறது. அதற்கு ஈரானும் தக்க பதிலடி கொடுத்து வருகிறது. இத்தகைய பதற்றமான சூழ்நிலையில், உலகமே உற்றுநோக்கிய இஸ்ரேல் நாடாளுமன்றத் தேர்தல் முடிவுகள் வெளியாகியுள்ளன.

ஆனால், பெரும்பான்மைக்கு தேவையான 61 இடங்களை எந்தக் கூட்டணியும் பெறாததால், ஆட்சி அமைப்பதில் இழுபறி நீடிக்கிறது. மொத்தம் உள்ள 121 இடங்களில் நெதன்யாகுவின் லிகுத் கட்சி 27 இடங்களையும், அதான் கூட்டணி மொத்தமாக 53 இடங்களையும் கைப்பற்றியுள்ளன. எதிரணிக்கு தலைமை தாங்கும் காடி ஐசன்கோட் கட்சி தனித்து 21 இடங்களையும், அதன் கூட்டணி மொத்தமாக 48 இடங்களிலும் வென்றுள்ளன. அரபுக் கட்சிகள் 19 இடங்களை கைப்பற்றியுள்ளன. பெரும்பான்மைக்கு தேவையான 61 இடங்களை எந்தக் கூட்டணியும் பெறாததால், ஆட்சி அமைப்பதில் சிக்கல் உருவாகியுள்ளது.

சிங்மேக்கரான அரபுக் கட்சிகள் :

இந்த சிக்கலான சூழ்நிலையில், வெளிப்படையாக சொல்லப் போனால், தேர்தல் முடிவுகளின் படி அரபுக் கட்சிகள் தான் சிங்மேக்கராகும் சூழல் உருவாகியுள்ளது. இந்த நிலையில் கூட அரபுக் கட்சிகளுடன் கூட்டணி இல்லை என நெதன்யாகு திட்டவட்டமாக அறிவித்துள்ளார். இந்த யூத சித்தாந்த ரீதியிலான முடிவை அவர் அறிவித்தது, அனைவராலும் எதிர்பார்க்கப்பட்ட ஒன்று என்றாலும், பெரும்பான்மை யூத மக்களின் ஆதரவை பெரும்நோக்கில் நெதன்யாகு அறிவித்த இந்த முடிவின் மூலம் எதிரணியினருக்கும், அரபுக் கட்சிகளுடன் கூட்டணி அமைப்பதற்கான சிக்கலையும் அவர் ஏற்படுத்தியுள்ளார். நெதன்யாகு மீண்டும் ஆட்சியமைக்க அவருக்கு இருக்கும் வாய்ப்பு என்னவென்றால், எதிரணியில் இருக்கும் சில கூட்டணி கட்சிகளின் ஆதரவை பெறுவது மட்டும்தான். அவ்வாறு ஆட்சி அமைக்க ஆதரவு கிடைக்குமானால், ஏற்கனவே இஸ்ரேலின் நீண்ட கால பிரதமர் என்ற சாதனையை படைத்த நெதன்யாகு மீண்டும் 7வது முறையாக பிரதமராக பதவியேற்பார்.

அரபுக் கட்சிகள் மீது வீண் புகார் :

ஆனால், காடிஐசன்கோட்டிற்கு இரு வாய்ப்புகள் உள்ளன. ஒன்று அரபுக் கட்சிகளின் ஆதரவை பெற்று ஆட்சி அமைப்பது. அவ்வாறு அரபுக் கட்சிகளின் ஆதரவுடன் காடி ஐசன்கோட் ஆட்சி அமைத்தால், பாலஸ்தீனம் மீதான இஸ்ரேலின் நிலைபாடு மற்றும் ஆதிக்கத்தில் மாற்றம் ஏற்பட வாய்ப்பு உள்ளது. மற்றொரு வாய்ப்பு என்னவென்றால், நெதன்யாகு தரப்பில் உள்ள கூட்டணி கட்சிகளை தன்வசப்படுத்தி பிரதமர் பதவியை ஏற்பதாகும். இந்நிலையில், அரபுக் கட்சிகள் வெளிநாடுகளின் ஆதரவுடன் தேர்தலில் முறைகேடு செய்து 19 இடங்களில் வென்றாக நெதன்யாகு குற்றம்சாட்டி, அதுகுறித்து விசாரணை நடத்த வேண்டும் என்று கோரிக்கை விடுத்துள்ளார். இந்நிலையில் இஸ்ரேலில் இதே நிலை நீடித்து யாரும் ஆட்சி அமைக்காவிட்டால், மீண்டும் மறு தேர்தல்தான் ஒரே வழி என்று இஸ்ரேல் அரசியல் வட்டாரங்கள் தெரிவிக்கின்றன.

பாலஸ்தீனத்தில் அமைதி திரும்புமா ?

இஸ்ரேல் தேர்தல் முடிவுகளால் பாலஸ்தீனத்தில் அமைதி திரும்புமா என்ற கேள்வி பொதுவாக உலகம் முழுவதும் உள்ள மனித ஆர்வலர்கள் மத்தியில் எழுந்துள்ளது. ஆனால், இஸ்ரேலின் வரலாற்றை கொஞ்சம் கூர்ந்து கவனித்தால், அவர்கள் பாலஸ்தீன மக்கள் மீது எந்தளவுக்கு வெறுப்புக் கொண்டு இருக்கிறார்கள் என்பதை அறிந்துகொள்ள முடியும். முழு பாலஸ்தீனத்தையும் அபகரிக்கும் நோக்கத்துடனே பெரும்பாலான இஸ்ரேலிய மக்கள் இருந்து வருகிறார்கள்.

காசா உட்பட அனைத்துப் பகுதிகளையும் இஸ்ரேலுடன் இணைத்துகொள்ள வேண்டும் என்று வெளிப்படையாகவே அவர்கள் கருத்து தெரிவித்து வருகிறார்கள். இதன்மூலம், இஸ்ரேல் தேர்தல் முடிவுகளால் மிகப்பெரிய அளவுக்கு மாற்றங்கள் ஏற்படும் என எதிர்பார்க்க முடியாது. மேலும் பாலஸ்தீன மக்களின் அமைதி கேள்விக்குறியாகவே இருந்து வருகிறது.

ஈரான் தலைவரின் கருத்து :

இதுஒருபுறம் இருக்க, ஈரானின் இஸ்லாமியப் புரட்சியின் தலைவர் அயதுல்லா சையத் மொஜ்தபா காமனே, அண்மையில் கூறியுள்ள ஒரு கருத்து உலகக் கவனத்தை ஈர்த்துள்ளது. பல்கலைக்கழக மாணவர்கள் ஈரானின் வலிமைக்கும், இஸ்லாமிய-ஈரானிய நாகரிகத்தை நோக்கிய பயணத்திற்கும் பங்களிக்கும் வகையில், தங்களை அறிவு, நம்பிக்கை மற்றும் ஆன்மீகத் தூய்மையால் தயார்படுத்திக் கொள்ள வேண்டும் என்று அவர் அழைப்பு விடுத்துள்ளார்.

அக்டோபர் 28, 2026 அன்று, பல்கலைக்கழக மாணவர்கள் குழுவொன்றின் கடிதங்களுக்குப் பதிலளித்த தலைவர், அவர்களின் அன்பான செயலுக்கு நன்றி தெரிவித்துள்ளார். மேலும், அவர்களின் கடிதங்கள் எதிர்காலத்தை உருவாக்குவதற்கான உறுதியான தீர்மானத்தையும், பொறுப்புணர்வையும் வெளிப்படுத்துவதாகக் குறிப்பிட்டுள்ளார். அதன் விவரத்தை நாமும் அறிந்துகொள்ள வேண்டும்.

மாணவர்களுக்கு அறிவுரை :

உங்கள் அன்பான கடிதங்களைப் படித்தேன். உற்சாகம் மிக்க இளம் மாணவர்களாகிய உங்கள் பேரன்பிற்கு நான் நன்றியுடையவன். உங்கள் அன்பினால் என்னை நெகிழச் செய்த உங்கள் அனைவரையும், எனது பிரார்த்தனைகளில் குறிப்பாக நினைவுகூருகிறேன். என்னிடம் மிகுந்த அன்பையும் பாசத்தையும் காட்டும் பல இளைஞர்கள் மற்றும் மாணவர்களின் கடிதங்களைப் போலவே, உங்கள் கடிதங்களும் எதிர்காலத்தை உருவாக்குவதற்கான உறுதியான தீர்மானத்தையும், பொறுப்புணர்வையும் பிரதிபலிக்கின்றன. இந்த உறுதியான உடன்படிக்கையானது, இறைத்தூதர் நபிகள் நாயகம் (ஸல்) அவர்களின் தூய இஸ்லாமியக் கொள்கையிலும், மகத்தான கொமைனி மற்றும் தியாகி காமனே (இறைவன் அவர்களின் அந்தஸ்தை உயர்த்துவானாக!) ஆகியோரின் பாரம்பரியத்திலும் வேரூன்றிய ஒரு விலைமதிப்பற்ற பொறுப்பாகும். இது நம் அனைவரையும் ஒரு பொதுவான இலக்கிற்காக ஒன்றிணைக்கும் பிணைப்பாகும்.

எனவே, அறிவு மற்றும் நம்பிக்கை, ஆன்மீகத் தூய்மை, இறைவனுடனான தொடர்பு, மற்றும் குர்ஆன் மற்றும் அஹ்லுல் பைத்தின் (அலைஹிமுஸ்ஸலாம்) போதனைகள் குறித்த ஆழமான புரிதல் ஆகிய ஆயுதங்களால் உங்களை முழுமையாகத் தயார்படுத்திக் கொள்ளுங்கள். கூடுதல் முயற்சியுடனும், புதிய கண்டுபிடிப்புகளுடனும் நமது அன்பிற்குரிய ஈரானின் வலிமைக்கும் மேன்மைக்கும் பங்களிப்பு செய்யுங்கள். இதன் மூலம், நமது அன்பிற்குரிய தலைவர் [இமாம் மஹ்தி] அவர்களின் பிரார்த்தனைகளுடன், இந்த உடன்படிக்கையில் இணைந்துள்ள சக்திகளின் பயணம், முன்னேற்றத்தின் சிகரங்களை நோக்கியும், இஸ்லாமிய-ஈரானிய நாகரிகத்தை நோக்கியும் இன்னும் திறம்படவும் வேகமாகவும் முன்னேறட்டும். இறைவனின் நாட்டம் இதுவேயாகும். இவ்வாறு அவர் மாணவர்களுக்கு அறிவுரை வழங்கியுள்ளார்.

அரசியல் நோக்கர்களின் கருத்து :

இஸ்ரேல் தேர்தல் முடிவுகள் மற்றும் ஈரானின் உச்சத் தலைவரின் அறிவுரை இரண்டையும் முஸ்லிம் சமூகம் மட்டுமல்ல, உலகமும் கொஞ்சம் ஆழ்ந்து சிந்திக்க வேண்டும் என்பது சமூக சிந்தனையாளர்களின் கருத்ததாக இருக்கிறது. மேற்காசியாவில், குறிப்பாக பாலஸ்தீனத்தில் அமைதி திரும்ப வாய்ப்புகள் நெருங்கி வந்தாலும், யூத வெறிபிடித்த மக்கள், பாலஸ்தீனத்தில் அமைதி திரும்பக் கூடாது, காசா உள்ளிட்ட பகுதிகளை ஆக்கிரமிப்பு செய்ய வேண்டும் என வெளிப்படையாக பேசி வருகிறார்கள். இதுபோன்று சூழலில் ஈரான், மற்றும் வளைகுடா நாடுகளின் ஒற்றுமை மிகமிக அவசியம் என்பதையும் அவர்கள் உணர்ந்துகொண்டு, அரசியல் நகர்வுகளில் ஈடுபட வேண்டும் என்பதே அரசியல் நோக்கர்களின் கருத்தாக உள்ளது.  

================

Success...!

 Success is not an accident. It's hard work, perseverance, learning, studying, sacrifice and most of all, love of what you are doing or learning to do.

உஷார்....!

 ஊடகங்களில் உலாவும் நாதாரிகள்.....!  உஷார்.....!!

என்னது.....

தலைப்பு ஒரு மாதிரியாக இருக்கிறது...?

நீங்கள் கேள்வி எழுப்பலாம்....

தமிழக ஊடகங்களில் (ஒருசில) அண்மை காலமாக நடைபெறும் சில நிகழ்வுகள்....

எனக்கு ஏற்பட்ட சில அனுபவங்கள்....

அவற்றில் ஒரு சிலவற்றை இங்கு குறிப்பிடுகிறேன்....

பிறகு நீங்களே தீர்மானித்து விடுங்கள்....

நான் சொல்வது உண்மையா, இல்லையா என்பதை.... 

நான் தனியார் தொலைக்காட்சி ஒன்றில் பணிபுரிந்து வந்த நேரம் அது...

அந்த நிறுவனத்தில் குறிப்பிட்ட தேதியில் சம்பளம் வழங்கப்படுவதில்லை...

எனவே, வேறு ஒரு நல்ல நிறுவனத்தில் சேர முயற்சி செய்துக் கொண்டிருந்தேன்...

பல நிறுவனங்களுக்கு விண்ணப்பம் அளித்திருந்தேன்...

இப்படிப்பட்ட நேரத்தில்தான், நல்ல நிறுவனம் ஒன்றில் இருந்து எனக்கு அழைப்பு வந்தது. 

அந்த நிறுவனத்தில் பணிபுரிந்து வந்த, எனக்கு அறிமுகமான நண்பர் (அவரை அப்படி அழைக்கக்கூடாது) ஒருவர் என்னிடம் அடிக்கடி செல்பேசியில் தொடர்பு கொண்டு மணிக்கணக்கில் பேசுவார்.

அந்த நிறுவனம் குறித்து தப்பு தப்பாக விவரங்களை கூறுவார்....

அங்கு பணிபுரியும் ஊழியர்களின் திறமைகள் குறித்து குறைத்து மதிப்பிட்டு நிலைமை சரியில்லை என்பார். 

நீங்கள் வேறு ஒரு நல்ல நிறுவனத்திற்கு முயற்சி செய்யுங்கள் என தினமும் ஆலோசனைகள் தருவார்....

நானும் அந்த நபர் மீது நல்ல மதிப்பு வைத்திருந்ததால், என்னுடைய நலனை கருத்தில் கொண்டு சொல்கிறார் என்று நம்பினேன்.

இந்த நிலையில்தான், நான் மேற்குறிப்பிட்டபடி, அந்த நிறுவனத்தில் இருந்து ஒருநாள் எனக்கு அழைப்பு வந்தது...

நானும், சென்றுதான் பார்ப்போமே என்று நினைத்து அங்கு சென்றேன்...

அந்த தொலைக்காட்சியில்,  அப்போது தலைமை செய்தி ஆசிரியராக இருந்த நல்ல மனிதரை சந்தித்து பேசினேன்...

அவர் எனக்கு நல்ல ஆலோசனைகளை வழங்கி பணியில் சேரும்படி அறிவுறுத்தினார்...

நானும், சேர்ந்துவிடலாம் என நினைத்து அங்கிருந்து கிளம்பினேன்...

திருவல்லிகேணியில் இருந்த என்னுடைய அறைக்கு வந்த சிறிது நேரத்தில், அந்த நண்பரின் செல்பேசி என்னை அழைத்தது...

எதிர்முனையில் பேசி அந்த நபர், சார் என்ன சொன்னார்கள்....அந்த சம்பளத்திற்கு நீங்கள் ஓ.கே. சொல்லாதீர்கள்...அதிக சம்பளம் கேளுங்கள்...இங்கு நிலைமை சரியில்லை...

இப்படி சொன்னபோது, உண்மைதான் என நானும் நினைத்தேன்...அந்த நபரின் ஆலோசனையை ஏற்று, அந்த நிறுவனத்தில் சேரவில்லை...

பிறகு, நான் பணிபுரிந்த நிறுவனத்தில் சம்பள பிரச்சினை விஸ்வரூபம் எடுத்தது.

மூன்று, நான்கு மாதங்கள் என சம்பளம் கொடுக்கப்படவில்லை... 

மீண்டும், முதலில் சென்று வந்த தொலைக்காட்சி நிறுவனத்தில் முயற்சி செய்யலாம் என நினைத்து, மற்றொரு நண்பர் மூலம் முயற்சி செய்தேன். 

அவரும், தலைமை செய்தி ஆசிரியரிடம் பேசி என்னை போக சொன்னார்...

நானும் சென்று வந்தேன்.... நான் வந்து சென்ற விஷயம் கேள்விப்பட்டதும், அந்த நபர், மீண்டும் என்னை தொடர்பு கொண்டு, சார் நீங்கள் இங்கே வரவே வேண்டாம் சார். என்றார். சன்னுக்கு, கலைஞருக்கு முயற்சி செய்யுங்கள் என்றார்..

அப்போதுதான், அந்த நபர், நான் அங்கு வருவதை சிறிதும் விரும்பவில்லை என்பது என்னுடைய அறிவுக்கு எட்டியது...

என்ன கோல்மால் செய்தாரோ, எனக்கு அங்கு வாய்ப்பு மறுக்கப்பட்டது. 

நல்ல வாய்ப்பு....கைநிறைய சம்பளம்...சிறப்பான இடத்தில் அமர வேண்டிய நிலை...

இதை அனைத்தையும் அந்த நண்பர் கெடுத்துவிட்டார்...

அப்போது எனக்கு,  "கூடா நட்பு கேடாய் முடியும்.."  என்ற பழமொழிதான் ஞாபத்திற்கு வந்தது. 

இப்போது சொல்லுங்கள் இவரை நான் எப்படி அழைப்பது.....

இதேபோன்று, ஊடகத்துறையில் பணிபுரியும் சிலர், தவறான வழிகளில் பலரை மிரட்டி பல லட்சம் ரூபாய் சுருட்டிக் கொண்டிருப்பதாக செய்திகள் வந்துக் கொண்டிருக்கின்றன. 

பாதிக்கப்பட்ட சிலர், தொலைக்காட்சி நிறுவனங்களுக்கு எழுதும் கடிதங்கள் இதற்கு சாட்சிகளாக உள்ளன...

இப்படிப்பட்டவர்களை எப்படி அழைப்பது...

ஒருசில தொலைக்காட்சிகளில் பணிபுரியும் பெண் ஊழியர்கள் அணிந்து வரும் உடை, இந்திய கலாச்சாரம், பண்பாடு, நாகரிகம் ஆகியவ்ற்றிற்கு வேட்டு வைக்கும் வகையில் இருநது வருகிறது...

இவற்றை சம்பந்தப்பட்டவர்கள் தடுத்து நிறுத்துவதில்லை...அதனால், அங்கு ஒழுக்க சீர்கேடுகள் அரங்கேற்றப்படுகின்றன....

ஒருசிலர், பெண் ஊழியர்களிடம் நடந்து கொள்ளும் முறை, ஏற்றுக் கொள்ளும் வகையில் இல்லை....

இதேபோன்று,  அடிக்கடி, ஒவ்வொரு நிறுவனத்திற்கு தாவும் சிலர், அங்கு யாரையும் வாழ விடாமல் மற்றவர்களையும் வெளியேற்றிவிட்ட ஆனந்தம் கொள்கிறார்கள்...இரண்டு மாதம், மூன்று மாதம் என பணிபுரிந்து விட்டு, காசு பார்த்து விட்டு, பெரிய ஜாம்பவான்கள் போன்று வேஷமிடுகிறார்கள்...இது அண்மை காலமாக ஊடகத்துறையில் நடக்கும் கூத்துகள்...

இவையெல்லாம், ஊடகத்துறையில் மட்டுமல்ல,  எல்லா துறைகளிலும் நடக்கிறது எனலாம்...

ஆனால், ஜனநாயகத்தின் முக்கிய தூணாக விளங்கும் ஊடகத்துறை, மேற்குறிப்பிட்டவர்களால், சமூகத்தில் தற்போது மதிப்பு குறைந்து வருகிறது...

பத்திரிகை துறை குறித்து முகநூலில் அன்பர் ஒருவர், எழுதும்போது, பத்திரிகையாளர்களின் நடவடிக்கைகளால், அவர்கள் மீது இருந்த மதிப்பு, மரியாதை குறைந்து விட்டது என குறிப்பிட்டார்...

உண்மைதான்... 

சமூகத்தில் பத்திரிகையாளர்களை மதிக்கும் போக்கு குறைந்து வருகிறது...

எல்லாவற்றிற்கும் காரணம் தலைப்பில் நான் குறிப்பிட்ட நபர்களால்தான்....

சரி, ஊடகத்துறையில் நல்ல பண்பாளர்கள் இல்லையா.... என நீங்கள் கேட்கலாம்....

நிறைய பேர் இருக்கிறார்கள்...அந்த நல்ல பண்பாளர்கள்..அமைதியாக பணிபுரிந்து பத்திரிகை துறைக்கு சேவை செய்து கொண்டிருக்கிறார்கள்...

ஊடகத்துறையில் நான் சந்தித்த சில நல்ல பண்பாளர்கள் குறித்து அடுத்த கட்டுரையில் பார்ப்போம்....

......

யார்...?

 யார் நீங்கள்.....!

தன்னைப்பற்றி தாழ்வு மனப்பான்மை கொண்ட ஒருவன் கடவுளை வேண்டி தவமிருந்தபின் அவன் முன்னே கடவுள் தோன்றினார்.

அவன் கடவுளிடம் என்னை ஏன் இப்படி படைத்தீர்கள்?

என் வாழ்க்கையின் மதிப்பு தான் என்ன என்று கேட்டான்.

கடவுள் அவனிடம் ஒரு சிகப்பு கல்லை கொடுத்து இதன் மதிப்பை அறிந்துவா ஆனால் விற்கக்கூடாது என்றார்.

அவன் அக்கல்லை ஒரு ஆரஞ்சு பழ வியாபாரியிடம் காண்பித்ததற்கு, அக்கல்லுக்கு பதில் ஒரு டஜன் ஆரஞ்சு பழங்கள் கொடுப்பதாக கூறினான்.

அதையே ஒரு உருளைக்கிழங்கு வியாபாரியிடம் கேட்டதற்கு ஒரு மூடை கிழங்கு தருவதாக சொன்னான்.

நகைக்கடையில் காண்பித்ததற்கு 50000 பொற்காசுகள் தருவதாக சொல்லவே, இவன் மறுக்க, ஒரு லட்சம் பொற்காசுகள் தருவதாக சொன்னான்.

மீண்டும் அந்த கல்லை எடுத்துக்கொண்டு ஆபரண கற்கள் வியாபாரியிடம் காண்பித்து அதன் மதிப்பை கேட்டான். அக்கல்லை வாங்கி பலமுறை பரிசோதித்துவிட்டு இந்த அருமையான் மாணிக்க கல் உனக்கு எங்கே கிடைத்தது? ஒட்டு மொத்த உலகத்தையே விற்றுகொடுத்தாலும் இந்த கல்லுக்கு ஈடு இணை இல்லை என்று கூறினார்.

குழப்பமடைந்த நம் நண்பன் கடவுளை பார்த்து நடந்ததை எல்லாம் கூறினான்.

அதற்கு கடவுள் சொன்னார், பார்த்தாயா, *ஒரே கல்லுக்கு ஒவ்வொருவரும் ஒவ்வொரு மதிப்பு கொடுத்தனர். ஆனால், கடைசியாக அந்தக்கல்லின் உண்மையான மதிப்பை ஒருவர் தான் சொன்னார்.

அதேபோல் உன்னை ஒவ்வொருவரும் ஒவ்வொரு மாதிரி குறைத்து மதிப்பீடு செய்வர் அதற்கெல்லாம் கவலைப்படாதே!

உன் உண்மையான மதிப்பை அறிபவரை விரைவில் கண்டறிவாய், மனம் தளராதே என்று கூறி மறைந்தார்.

கடவுளின் படைப்பில் ஒவ்வொருவரும் அபூர்வமானவரே!

தாழ்வு மனப்பான்மை கொள்ளல் கூடாது!

நம்மைப்பற்றி உயர்ந்த எண்ணம் நமக்கு முதலில் வேண்டும். 

ஒவ்வொருவரும் ஒரு விதத்தில் சிறப்பு மிக்கவரே!

உங்களுக்கு நிகர் நீங்களே! யாரும் உங்களுக்கு இணை கிடையாது!

- வாட்ஸ் அப்பில் படித்தது....!

உழைப்பு...!

 உழைப்பு 

உண்மையாக இருந்தால் 

உயர்வு 

தானாக தேடி வரும். 

உழைப்பே உயரவு.

அழகு....!

 அழகோ....அழகு....

அற்புதமான அழகு....

வியக்க வைக்கும் அழகு....

Mount Uhud...!

 Mount Uhud shining beautifully beneath the night sky...!

Love...!

 THISSS  OR  NOTHING  !

To reach this point, I wonder how many times they must have forgiven each other, understood each other & how many times must have chosen love over ego. 

Maybe not perfect, but definitely nothing less than that !

May no evil eye ever touch this kind of love.

இந்தியா கூட்டணி சார்பில் நவ.1ல் டெல்லியில் பிராமாண்ட போராட்டம்...!

 வாக்குத் திருட்டு விவகாரத்தில் தலைமை தேர்தல் ஆணையர் பதவி விலக கோரிக்கை 

 இந்தியா  கூட்டணி சார்பில்  நவ.1ல் டெல்லியில் பிராமாண்ட போராட்டம்

 வரலாறு காணாத பாதுகாப்பு ஏற்பாடுகள் 

 புதுடெல்லி, அக்.30- வாக்குத் திருட்டு விவகாரத்திற்கு பொறுப்பு ஏற்று தலைமை தேர்தல் ஆணையர் ஞானேஷ்குமார் பதவி விலக வலியுறுத்தி டெல்லியில் இந்தியா கூட்டணி சார்பில் நவம்பர் ஒன்றாம் தேதி பிரமாண்ட பேரணி நடைபெற உள்ளது. இதையடுத்து, டெல்லியில் மத்திய ஆயுதக் காவல் படையினரின் பணியமர்த்தல் காலத்தை ஒன்றிய அரசு நீட்டித்துள்ளது.

பல்வேறு கட்ட போராட்டங்கள் :

நாடு முழுவதும் நடந்த எஸ்.ஐ.ஆர். பணிகளின்போது, 13 கோடி வாக்காளர்களின் பெயர்கள் நீக்கப்பட்டதாக குற்றச்சாட்டு எழுந்ததுள்ளது. இதனைக் கண்டித்து இந்தியா கூட்டணி சார்பில் பல்வேறு கட்ட போராட்டங்கள் நடைபெற்று வருகின்றன.  அண்மையில் இந்தியா கூட்டணி எம்.பி.க்கள் கலந்துகொண்ட போராட்டம் நடைபெற்றது. இதில் இ.யூ.முஸ்லிம் லீக் எம்.பி.க்கள் அனைவரும் கலந்துகொண்டனர். 

தேர்தல் வாக்காளர் பட்டியல்களின் சிறப்புத் தீவிர மறுஆய்வில் நடந்ததாகக் கூறப்படும் முறைகேடுகள் தொடர்பாக, தலைமைத் தேர்தல் ஆணையர்  ஞானேஷ்குமார் பதவி விலகக் கோரி, அக்டோபர் 9 அன்று டெல்லியின் சில பகுதிகளில்போராட்டங்கள் நடைபெற்றன. அதைத் தொடர்ந்து, எதிர்க்கட்சிகளும் இதே கோரிக்கையுடன் போராட்டங்களை நடத்தின.  அக்டோபர் 16 அன்று 'லெஹ்ரா தோ மூவர்ணக்' ஆர்ப்பாட்டத்தை நடத்தியது. இந்த அமைப்பு இந்தியா அணிப் போராட்டத்திற்கும் தனது ஆதரவை வழங்கியுள்ளது.

இதையடுத்து, டெல்லி ராம் லீலா மைதானத்தில் வரும் நவம்பர் ஒன்றாம் தேதி பிரமாண்ட போராடட்டத்திற்கு அழைப்பு விடுக்கப்பட்டுள்ளது. டெல்லி சலோ அதாவது டெல்லி புறப்படுங்கள் என்ற அந்த போராட்டத்திற்கு அழைப்பு விடுக்கப்பட்டுள்ளது. இந்த போராட்டத்தில் நாடு முழுவதும் இந்து 10 லட்சத்திற்கும் மேற்பட்ட மக்கள் கலந்துகொள்வார்கள் என எதிர்பார்க்கப்படுகிறது. இந்த போராட்டத்திற்கு இந்தியா கூட்டணியில் இடம்பெற்றுள்ள கட்சிகள் மட்டுமல்லாமல், கராப்பான் பூச்சி கட்சி உள்ளிட்ட பல கட்சிகளும் ஆதரவு வழங்கியுள்ளன. போராட்டத்தில் கலந்துகொள்ள இருப்பதாக தெரிவித்துள்ளன. 

பிரியங்கா காந்தி நேரில் ஆய்வு :

போராட்டம் நடைபெறும் ராம் லீலா மைதானத்திற்கு 29.10.2026 அன்று இரவு சென்ற காங்கிரஸ் பொதுச் செயலாளர் பிரியங்கா காந்தி உள்ளிட்ட தலைவர்கள், அங்கு பாதுகாப்பு ஏற்பாடுகள் உள்ளிட்ட அம்சங்களை நேரில் ஆய்வு செய்தனர். ராம்லீலா மைதானத்தில் நடைபெறவுள்ள இந்தியா கூட்டணியின் பேரணி மற்றும் சில குழுக்களால் திடீரென நடத்தப்படக்கூடிய போராட்டங்களைக் கருத்தில் கொண்டு, டெல்லியில் 270 மத்திய ஆயுதக் காவல் படை பிரிவுகளை நவம்பர் 16-ஆம் தேதி வரை தொடர்ந்து பணியமர்த்த ஒன்றிய அரசு முடிவு செய்துள்ளது. 

இந்த ஒன்றிய ஆயுதக் காவல் படைப் பிரிவுகள் டெல்லி காவல்துறையின் கட்டுப்பாட்டில் வைக்கப்பட்டுள்ளன. இவர்களின் பணியமர்த்தலை ஒருங்கிணைக்குமாறு டெல்லி காவல்துறைக்கு அறிவுறுத்தப்பட்டுள்ளதாக அந்த வட்டாரங்கள் மேலும் தெரிவித்தன. டெல்லி காவல்துறையின் கோரிக்கையின் பேரில் இந்த நீட்டிப்பு வழங்கப்பட்டுள்ளதாகவும் கூறப்பட்டுள்ளது.

====================

புதுச் செருப்பு ....!

 

"  புதுச் செருப்பு  "

(சிறுகதை)

- எஸ்.ஏ.ஏ. -

சென்னை திருவல்லிக்கேணி பாரதி சாலையில் ஒவ்வொரு நாளும் நடந்துசெல்லும்போது, சலீமின் பார்வை, அங்குள்ள பாபு ஷு மார்ட் கடையின் பக்கம் திரும்பாமல் இருக்காது.  

அந்த கடையின் முன்பக்கம் உள்ள ஷோ கேஸில், விதவிதமான வண்ணங்களில் அடுக்கி வைக்கப்பட்டு இருக்கும் அழகிய சப்பல்கள், ஷுக்களை பார்க்கும்போது, அவரது உள்ளத்தில் ஒருவித மகிழ்ச்சி ஏற்படும். தானும் ஒரு நல்ல சப்பல் வாங்க வேண்டும் என்ற ஆசை பிறக்கும். ஒரு வருடத்திற்கு முன்பு வாங்கிய பழைய சப்பலை மாற்றிட வேண்டும் என்று மனம் ஏங்கினாலும், சலீமின் பொருளாதார நிலை, அதற்கு ஒத்துழைக்கவில்லை.

திருவல்லிக்கேணி பெரிய வீதியில், தனது தந்தையின் நினைவாக அஹ்மத் தேநீர் கடை நடத்திவரும் சலீமிற்கு, ஆஹா ஓஹோ என்ற அளவுக்கு மிகப்பெரிய வருவாய் இல்லை. நாள்தோறும் கிடைக்கும் வருமானத்தில் குடும்பத்தை சமாளிக்க வேண்டிய கட்டாயம் இருந்தது. விலைவாசி உயர்வு, பணவீக்கம் உள்ளிட்ட காரணங்களால், சப்பல் வாங்கும் கனவு நீண்ட நாட்களாகவே தள்ளி போய்க் கொண்டே போனது.

"புது சப்பல் வாங்கிக் கொள்ளுங்கள். ஏன் கிழிந்துபோன அந்தப் பழைய சப்பலையே வைத்துக் கொண்டே இருக்கிறீர்கள்" என்று மனைவி மும்தாஜ் எவ்வளவு சொல்லியும் சலீம் அதை காதில் வாங்கிக் கொள்ளவில்லை. அதற்கு ஒரு முக்கிய காரணமும் இருந்தது.

தம்முடைய பாசமிகு குழந்தைகள் சுஹைல், சுமையா ஆகிய இரண்டு பேருக்கும் நல்ல கல்வி தர வேண்டும் என்ற ஆசை சலீமிற்கு எப்போதும் உண்டு. தான் கஷ்டப்பட்டதை போன்று, தனது பிள்ளைகள் ஒருபோதும் துன்பங்களை அனுபவிக்கக் கூடாது என்ற நிலைப்பாட்டில் அவர் உறுதியாக இருந்தார். எனவே, கடும் உழைப்பால் கிடைக்கும் வருமானத்தில் வீண் செலவு செய்ய அவரது மனம் ஒருபோதும் இடம் கொடுக்கவில்லை.

பிள்ளைகளின் மார்க்க மற்றும் உலகக் கல்விக்காக அவர் தனது வருமானத்தில் ஒரு பகுதியை சிறுக சிறுக சேமிக்க ஆரம்பித்தார். அப்படி பணத்தை சேமித்து வருவதில் ஒருவித மகிழ்ச்சியும் சலீமிற்கு ஏ‘ற்பட்டது. மனிதன் உண்மையான மனிதனாக வாழ வேண்டுமானால், கல்வி எவ்வளவு முக்கியம் என்பதை தனது தேநீர் கடைக்கு வரும் சில இளம் வாடிக்கையாளர்களை பார்க்கும்போது அவர் புரிந்துகொண்டார். அவர்களின் செயல்பாடுகள், உரையாடல்களைக் கூர்ந்துக் கவனித்தும் கல்வியின் முக்கியத்துவத்தை நன்கு உணர்ந்துகொண்டார். இஸ்லாம் கூட கல்விக்கு அதிக முக்கியத்துவம் கொடுத்து இருக்கிறது என்பதை ஆலிம் பெருமக்களின் பிரசங்கங்களை அடிக்கடி கேட்பதன் மூலமும் சலீமின் மனதில் அழமாக பதிந்து இருந்தது.

"நாம் தான் சரியாக படிக்கவில்லை. எனது பிள்ளைகள் அப்படி இருக்கக் கூடாது. நன்கு படிக்க வேண்டும். உயர்கல்வி பெற வேண்டும். என்னைப் போல் அவர்கள் ஒருபோதும் கஷ்டத்தையும் துயரத்தையும் அனுபவிக்கக் கூடாது. நன்கு படித்து உயர்ந்த பதவியில் சென்று அமர வேண்டும்" இப்படி ஒவ்வொரு நாளும் தனது உள்ளத்தில் சொல்லிக் கொண்டே இருக்கும் சலீம், பிள்ளைகளிடம் கூட, கல்வியின் முக்கியத்துவம் கொடுத்து அடிக்கடி கூறி, அவர்களிடம் ஆர்வத்தை ஏற்படுத்துவார்.

"எனது செல்லக் குழந்தைகளே, வாழ்க்கையில் எனக்கு மிகப்பெரிய அளவுக்கு வருமானம் இல்லை. இருந்தாலும், உங்களுக்கு நல்ல கல்வி தர வேண்டும் என்று என் மனம் விரும்புகிறது. அதற்காக அல்லாஹ்வின் மீது உறுதியாக நம்பிக்கைக் கொண்டு நானும் உழைத்து வருகிறேன். எனவே, கல்வியில் உங்கள் ஆர்வத்தை வளர்த்துக் கொள்ளுங்கள். நன்கு படியுங்கள். வாழ்க்கையில் முன்னேறி, பிறருக்கும் உதவி செய்ய முன்வாருங்கள்" என்று மகன் சுஹைல், மகள் சுமையாவிடம் சொல்லிக் கொண்டே இருப்பார். 

வாப்பா சலீம் அடிக்கடி சொல்லும் அறிவுரையை இரண்டு குழந்தைகளும் ஆர்வத்துடன் கேட்டுக் கொண்டு, படிப்பிலும் தங்களது கவனத்தை செலுத்தினார்கள். மனித சமூகத்தின் நேரத்தை வீணடிக்கும் சமூக வலைத்தளப் பக்கம்  கவனத்தைச் செலுத்தாமல், படிப்பில் மட்டுமே, அவர்களது ஆர்வமும் கவனமும் இருப்பதைக் கண்டு, சலீம் பெருமை அடைந்தார். அதேநேரத்தில், வாப்பா சலீம் பழைய சப்பலை போட்டுக் கொண்டு ஒவ்வொரு நாளும் கடைக்கு செல்வதை கண்டு குழந்தைகள் இருவரும் தந்தையிடம் செல்லமாக கோபித்துக் கொள்வார்கள்.

"வாப்பா நாங்கள் நல்லா படிக்கிறோம். நீங்கள் முதலில் ஒரு நல்ல சப்பலை வாங்குங்க. கிழிந்தபோன அந்த சப்பலை எத்தனை நாட்கள் தான் போட்டுக் கொண்டே இருப்பீங்க" என்று தந்தை சலீமிடம் செல்லமாக கோபித்துக் கொண்டு ஆலோசனையும் தருவார்கள். இது ஒவ்வொரு நாளும் வீட்டில் நடக்கும் வழக்கமான வாக்குவாதமாக இருக்கும். மனைவி மும்தாஜ், குழந்தைகள் சுஹைல், சுமையா ஆகியோர் தினமும் செய்த தொடர் நச்சரிப்பு காரணமாக, இந்த மாதம் எப்படியும் புதுச் செருப்பு வாங்கி விட வேண்டும் என்று சலீம் தீர்மானம் செய்தார்.

சரி, நல்ல புதுச் செருப்பு என்ன விலைக்கு கிடைக்கும் என்ற கேள்வி அவரது மனதில் எழுந்தது. நாள்தோறும் கடந்துசெல்லும் பாபு ஷு மார்ட் கடைக்குச் சென்று விசாரித்துவிட வேண்டும் என முடிவு செய்தார். அதன்படி, ஒரு வியாழன் கிழமை இரவு எட்டு மணிக்கு தனது கடையை அவசர அவசரமாக சாத்திவிட்டு, அருகில் இருந்த பாபு ஷு மார்ட் கடைக்குள் நுழைந்தார். அங்கிருந்த சேல்ஸ் மேனிடம் "தம்பி, ஒரு நல்ல செருப்பு வேண்டும். என்ன விலைக்கு கிடைக்கும் தம்பி" என்று விசாரித்தார்.

அந்த இளம் சேல்ஸ் மேன் எந்தவித தயக்கமும் காட்டாமல், " பாய் நம்ம கடையில் எல்லாமே நல்ல சப்பல்கள் தான். ஏராளமான டிசைன்களில் இருக்கு. உங்களுக்கு எந்த டிசைனில் வேண்டும். சொல்லுங்கள். விலையைப் பற்றி கவலைப்படாதீங்க " என்று சிரித்துக் கொண்டே கூறியதைக் கேட்ட சலீமிற்கு மேலும் ஆர்வம் பிறந்தது.

" தம்பி, நான் ஒரு சாதாரண டீ கடை உழைப்பாளி. அதிக விலை இல்லாமல் நீண்ட நாட்கள் உழைக்கும் நல்ல சப்பலாக இருந்தால் போதும் தம்பி " என்றார் சலீம்.

இதைக் கேட்டதும் சலீமின் நிலையை நன்கு உணர்ந்துகொண்ட அந்த சேல்ஸ் மேன், சலீமின் பட்ஜெட்டிற்கு ஏற்ப 300 ரூபாய் மதிப்புள்ள அழகான சப்பல் ஒன்றை எடுத்துக் கொண்டு வந்து காட்டினார்.

" பாய் இந்த சப்பல் நல்லா இருக்கும். நீண்ட நாள் உழைக்கும். விலை 300 ரூபா தான். வாங்கிக் கொள்ளுங்கள். முதலாளியிடம் சொல்லி விலையை கொஞ்சம் குறைக்க சொல்றேன் " என்று புன்சிரிப்புடன் சொல்ல, சலீமிற்கு, இந்த இளம் சேல்ஸ் மேன் மீது ஒருவித நம்பிக்கை ஏற்பட்டது..

" சரி தம்பி, இதையே வாங்கிக்கிறேன். கொஞ்சம் விலையை குறைச்சு போடுங்க " என்று உரிமையோடு கேட்டுக் கொண்டார்.

அந்த இளம் சேல்ஸ் மேன், கடை முதலாளியிடம் பேசி பிறகு, " பாய், 300 ரூபா செருப்பை 270 ரூபாய்க்கு கொடுக்க முதலாளி ஒப்புக் கொண்டார்" என்று கூற, இன்னும் கொஞ்சம் குறைக்க முடியாதா" என்று சலீம் கொஞ்சம் தயக்கத்துடன் கேட்க, "பாய் இதற்கு மேல் விலையை குறைக்க மாட்டார். உங்களுக்காக தான் முதலாளி விலையை குறைச்சிட்டார். நம்ம கடையில் மற்றவர்கள் யாருக்கும் இப்படி விலையை குறைப்பது வழக்கமில்லை" என்று சேல்ஸ் மேன் கூற, சரி வாங்கிக் கொள்வோம் என்று முடிவு செய்த சலீம், அந்த கருப்பு நிற அழகிய சப்பலை, பணத்தைக் கொடுத்து வாங்கிவிட்டு, கடையில் இருந்து வெளியே வந்தார். பின்னர் நேராக வீட்டிற்கு சென்று தாம் வாங்கிய புது சப்பலை மனைவி மும்தாஜ், குழந்தைகள் சுஹைல், சுமையாவிடம் காண்பித்தபோது, அவர்கள் மகிழ்ச்சி அடைந்து. அல்ஹம்துலில்லாஹ் என்றார்கள்.

மறுநாள் வெள்ளிக்கிழமை. வழக்கமாக, வெள்ளிக்கிழமையன்று, ஜும்மா தொழுகைக்குப் பிறகுதான், சலீம் தனது கடையை திறப்பார். அதன்படி ஜும்மா தொழுகைக்கு தயாராகி, அருகில் இருந்த மஸ்ஜித்திற்கு புறப்பட்டபோது, தான் வாங்கிய புத்தம் புதுச் செருப்பை அணிந்துகொண்டார். அப்போது அவரது மனதிற்குள் திடீரென ஒரு சந்தேகம் பிறந்தது. பளபளப்பான இந்த புதுச் செருப்பை அணிந்துகொண்டு செல்வது பாதுகாப்பானதா? பள்ளிவாசலில் புதுச் செருப்புகள் அடிக்கடி காணாமல் போகுதே. என்ன செய்யலாம் என்று தமக்குள் கேள்வி கேட்டுக் கொண்டார்.

" சே...சே... தப்பு, தப்பு. அப்படியெல்லாம் நினைக்கக் கூடாது. அல்லாஹ்வின் நல்லாடியார்கள் மீது சந்தேகம் கொள்ளக் கூடாது. அது தவறு. அல்லாஹ் கோபித்துக் கொள்வான்"  என்று மனதிற்குள் சொல்லிக் கொண்டே, புதுச் செருப்பை கால்களில் மாட்டிக் கொண்டு ஜும்மா தொழுகைக்கு சென்றார். மஸ்ஜித்தில் இருந்த செருப்பு வைக்கும் பகுதியில் தனது புதுச் செருப்பை வைத்துவிட்டு, உள்ளேச் சென்று, மௌலவி சாஹிப் ஆற்றிய அழகிய பயானை கேட்டு உள்ளத்தில் இஸ்லாமிய ஒளியை ஏற்றிக் கொண்டார், அமைதியாக தொழுகையை முடித்துவிட்டு, உலக அமைதிக்காக, நன்மைக்காக துஆ கேட்டுவிட்டு, செருப்பு வைக்கும் பகுதிக்கு வந்துபார்த்தபோது, தனது புதுச் சப்பல் மாயமாகி இருந்தது. அதிர்ச்சி அடைந்த சலீம், பதற்றத்தால் அங்கும் இங்கும் சப்பலை தேடினார். ஆனால் கிடைக்கவில்லை. அங்கிருந்த சிலர், "என்ன பாய் செருப்பு காணுமா. இதற்காகவே சிலர் மஸ்ஜித்திற்கு வராங்க. அல்லாஹ் தான் அவர்களை திருத்த வேண்டும்" என்று சொன்னதைக் கேட்டு சலீம் வேதனை அடைந்தார். தவறுதலாக வேறு யாராவது தனது செருப்பை போட்டுக் கொண்டு சென்று இருப்பார்களோ என்று நினைத்த அவர், அங்கேயே அரை மணி நேரம் காத்திருந்தார். ஆனால் அப்படி யாரும் வரவில்லை.

"பள்ளிவாசலுக்கு வரும் அனைவரும் நல்லவர்கள்தான் என்று நினைத்தது தவறு. அவர்கள் மீது சந்தேகம் கொள்ளக் கூடாது என எண்ணியதும் தவறு. அப்படி சந்தேகம் கொள்வது பாவச் செயல் அல்ல. நல்லவர்களும், கெட்டவர்களும் நிறைந்தது தான் இந்த உலகம்.  நாம் தான் கொஞ்சம் முன்னெச்சரிக்கையாக இருந்திருக்க வேண்டும்" இப்படி மனதிற்கு ஆறுதல் சொல்லிக்  கொண்டு, கனத்த பாரத்துடன் கண்ணீருடன் மஸ்ஜித்தைவிட்டு, சலீம் வெளியே வந்தார். அப்போது, லேசான தூறலுடன் மழை பெய்யத் தொடங்கியது. அந்த வடகிழக்குப் பருவ மழையில் நனைத்தபடி, 'மனிதர்கள் மீது வைக்கும் நம்பிக்கைக்கும், இறைவன் மீது வைக்கும் நம்பிக்கைக்கும் நிறைய வித்தியாசம் உண்டு' என்ற படிப்பினையைப் பெற்றவாறு வெறும் கால்களுடன் சலீம் வீட்டிற்கு புறப்பட்டு சென்றார்.   

=============================

பசு கடத்தல் என்ற பேரில் முஸ்லிம்களைக் குறிவைக்கும் உ.பி. காவல்துறை...!

 

"பசு கடத்தல் என்ற பேரில்

முஸ்லிம்களைக் குறிவைக்கும் உ.பி. காவல்துறை"

- ஏபி புலனாய்வு அதிர்ச்சி ரிப்போர்ட் - 

- எஸ்.ஏ.அப்துல் அஜீஸ் - 

இந்தியாவில், பசு கடத்தல்காரர்கள் என்று சந்தேகிக்கப்படுபவர்களை காவல்துறை சுட்டுக் கொல்வதுடன், தண்டனையிலிருந்து தப்பிக்கும் போக்கு பெரும் கவலையை எழுப்புகிறது. பாஜக ஆட்சியில் உள்ள உ.பி. காவல்துறை நூற்றுக்கணக்கான சந்தேக நபர்களைச் சுட்டுள்ளது. அவர்களில் பெரும்பாலோர் பசு கடத்தல் குற்றச்சாட்டில் உள்ள முஸ்லிம்கள் என்று ஏபி புலனாய்வு கண்டறிந்துள்ளது. இந்து மத நம்பிக்கையில் வேரூன்றிய பசு பாதுகாப்புச் சட்டங்களுடன் நெருக்கமாக தொடர்புடைய குற்றமான பசு கடத்தலில் ஈடுபட்டதாகக் குற்றம் சாட்டப்பட்ட முஸ்லிம்களை பெரும்பாலும் குறிவைக்கும், ஏறக்குறைய ஒரே மாதிரியான என்கவுன்டர்களில் உ.பி. மாநில காவல்துறை நூற்றுக்கணக்கான சந்தேக நபர்களைச் சுட்டுள்ளது என்று அசோசியேட்டட் பிரஸ் புலனாய்வு தெரிவிக்கிறது.

குற்றங்களுக்கு எதிரான ஒரு பரந்த நடவடிக்கையின் ஒரு பகுதியாக இந்த துப்பாக்கிச் சூடுகளை காவல்துறை பகிரங்கப்படுத்தியுள்ளதுடன், அவற்றை தற்காப்பு நடவடிக்கைகள் என்றும் சித்தரிக்கிறது. இருப்பினும், சமூக ஆர்வலர்கள், எதிர்க்கட்சித் தலைவர்கள் மற்றும் உள்ளூர் நீதிபதிகள், இந்த வன்முறை என்பது சட்டத்திற்குப் புறம்பான தண்டனை மற்றும் அச்சுறுத்தல் என்றும், இது இந்தியாவின் பெரும்பான்மையான முஸ்லிம் சிறுபான்மையினரை விகிதாசாரமற்ற முறையில் பாதிக்கிறது என்றும், உலகின் மிகப்பெரிய ஜனநாயக நாட்டில் சட்டத்தின் ஆட்சியை சீர்குலைக்கிறது என்றும் குற்றம்சாட்டுகின்றனர்.  "இந்த போக்கு ஒரு ஆபத்தான சூழ்நிலை. இது காவல்துறையின் ஒரு வழக்கமான நடைமுறையாகிவிட்டது. விசாரணை செய்வதற்குப் பதிலாக, காவல்துறை ஒருவரைக் கொல்கிறது அல்லது காயப்படுத்துகிறது, நீதியும் வழங்கப்படுகிறது." என்று புதுடெல்லியைச் சேர்ந்த மனித உரிமை வழக்கறிஞர் மங்களா வர்மா வேதனை தெரிவித்துள்ளார்.

முஸ்லிம்களை குறிவைத்து வழக்குகள் :

"வாஷிங்டனைத் தளமாகக் கொண்ட சிந்தனைக் குழுவான, ஒழுங்கமைக்கப்பட்ட வெறுப்பு ஆய்வு மையம், 2020 முதல் உத்தரப் பிரதேச காவல்துறையினரால் சுடப்பட்டு காயமடைந்த, பசு கடத்தல் குற்றச்சாட்டுக்கு உள்ளான சந்தேக நபர்களின் கிட்டத்தட்ட 650 வழக்குகளின் பதிவுகளைத் தொகுத்துள்ளது. அதன் கண்டுபிடிப்புகள் பிரத்தியேகமாக ஏபி செய்தி நிறுவனத்துடன் பகிரப்பட்டன. அது 200-க்கும் மேற்பட்ட மாதிரிகளைச் சுயாதீனமாக மதிப்பாய்வு செய்தது. பெரும்பாலான வழக்குகளில் முஸ்லிம்கள் சம்பந்தப்பட்டிருந்ததாக அந்த மையம் கண்டறிந்தது. ஒவ்வொரு வழக்கிலும், சந்தேக நபரின் உடலின் ஒரே பகுதியில், காலில், பெரும்பாலும் முழங்காலுக்குக் கீழே  குண்டுகள் பாய்ந்தன. இந்த அறிக்கை, காவல்துறையினரே பகிரங்கப்படுத்திய சம்பவங்களை மட்டுமே அடிப்படையாகக் கொண்டது. இது நிச்சயமாக குறைவான எண்ணிக்கையையே குறிக்கிறது.

உத்தரப் பிரதேசத்தைச் சேர்ந்த மூத்த காவல் அதிகாரி அமிதாப் யாஷ், கூறுகையில், தற்காப்புக்காக மட்டுமே பதிலடி கொடுக்க வேண்டும் என்று காவல்துறைக்கு அறிவுறுத்தப்பட்டுள்ளதாகத் தெரிவித்துள்ளார். மேலும், "காவல்துறையினர் எடுக்கும் ஒவ்வொரு நடவடிக்கையும் கேள்விக்கு உட்படுத்தப்பட வேண்டும். மரணம் அல்லது காயம் என எதுவாக இருந்தாலும், ஒவ்வொரு செயலும் ஆய்வுக்கு உட்பட்டது," என்று அவர் கூறியுள்ளார். "கடந்த ஓராண்டில், காவல்துறையினர் முறையற்ற வகையில் பலத்தைப் பயன்படுத்தியதற்காக எந்தவொரு அதிகாரியையும் தண்டிக்க வேண்டிய சூழல் ஏற்படவில்லை." என்றும் அந்த அதிகாரி குறிப்பிட்டுள்ளார்.

ஆபரேஷன் லாங்‌டா :

‘ஆபரேஷன் லாங்‌டா’  அல்லது ‘ஆபரேஷன் லேம்’ (ஊனமாக்கும் நடவடிக்கை) என்று அழைக்கப்படும், சந்தேக நபர்களைக் காயப்படுத்தும் உத்தி, உத்தரப் பிரதேசம் முழுவதும் பரவலாகப் பயன்படுத்தப்பட்டு வருகிறது. பசுக் கடத்தல் மற்றும் திருட்டு, பாலியல் வன்புறை போன்ற குற்றச்சாட்டுகளுக்கு ஆளான நபர்களுக்கு எதிராக இந்த உத்தி கையாளப்படுகிறது. இந்தியாவில் பசுக்கள் பல இந்துக்களால் புனிதமாகக் கருதப்படுவதாலும், பசுப் பாதுகாப்பு என்பது அரசியல் முக்கியத்துவம் வாய்ந்த விவகாரமாக இருப்பதாலும், பசுக் கடத்தல் என்பது மிகவும் தீவிரமாகக் கருதப்படும் ஒரு குற்றமாகும்.

இந்தியாவில், காவல்துறை சந்தேக நபர்களைச் சுட்டுக் கொல்லும் என்கவுண்டர்  சம்பவங்களுக்கு நீண்ட வரலாறு உண்டு. இத்தகைய சம்பவங்கள் பெரும்பாலும் சந்தேகத்திற்குரிய சூழலிலேயே நடைபெறுகின்றன. சில ஆர்வலர்களின் கருத்துப்படி, பொதுமக்களிடையே பெரிய அளவிலான எதிர்ப்பைத் தவிர்க்கும் நோக்கில், காவல்துறையினர் தங்கள் உத்தியை மாற்றியமைத்துள்ளனர். இப்போது அவர்கள் சந்தேக நபர்களைக் கொல்வதற்குப் பதிலாக, காயப்படுத்தும் வகையில் சுடுகின்றனர். இது உள்ளூர் அளவில் பாதி என்கவுண்டர் என்று அழைக்கப்படுகிறது.

.உத்தரப் பிரதேச மாநிலம், இந்து துறவியிலிருந்து அரசியல்வாதியாக மாறியவரும், பா.ஜ.க.வின் மூத்த தலைவருமான யோகி ஆதித்யநாத் தலைமையில் இயங்குகிறது. ஏபி செய்தி நிறுவனம் பெற்ற மாநிலக் காவல் துறையின் தரவுகளின்படி, மார்ச் 2017-ல் யோகி ஆதித்யநாத் முதலமைச்சராகப் பொறுப்பேற்றது முதல் அக்டோபர் 13, 2026 வரையிலான காலகட்டத்தில், என்கவுண்டர்களில் 316 சந்தேக நபர்கள் கொல்லப்பட்டுள்ளனர். இவர்களில் 110 பேர் முஸ்லிம்கள் ஆவர். இது, அம்மாநில மக்கள் தொகையில் முஸ்லிம்களின் விகிதாச்சாரத்தை (சுமார் ஐந்தில் ஒருவர்) விட அதிகமாகும்.அதே காலகட்டத்தில், 12 ஆயிரத்து 890 சந்தேக நபர்கள் காயமடைந்துள்ளனர். இந்த நடைமுறை தற்போது ஹரியானா, பீகார், உத்தரகண்ட் போன்ற பாஜக ஆளும் அண்டை மாநிலங்களுக்கும், நாட்டின் தலைநகரான புதுடெல்லியின் புறநகர்ப் பகுதிகளுக்கும் பரவி வருவதாக சமூக ஆர்வலர்கள் தெரிவிக்கின்றனர்.

நாட்டில் பல துப்பாக்கிச் சூடு சம்பவங்கள், சந்தேக நபர்கள் எந்தவித அச்சுறுத்தலையும் ஏற்படுத்தாத சூழலிலேயே நடைபெறுவதாக மனித உரிமை ஆர்வலர்கள் நீண்டகாலமாக குற்றம் சாட்டி வருகின்றனர். குறிப்பாக, முழங்காலுக்குக் கீழே துப்பாக்கிக் குண்டுகள் பாயும் இந்த சீரான பாணியைச் சுட்டிக்காட்டும் சிலர், இவை தற்காப்புக்காகச் செய்யப்பட்டவை அல்ல என்று வாதிடுகின்றனர். "இத்தகைய சம்பவங்கள் சட்டத்தையே கேலிக்குள்ளாக்குகின்றன. அவை நீதி அமைப்பையே சீர்குலைக்கின்றன. இது அரசு ஆதரவுடன் நடத்தப்படும் வன்முறை" என்று மனித உரிமை ஆர்வலர்கள் குற்றம்சாட்டுகின்றனர்.  உத்தரப் பிரதேசத்தில் உள்ள அலிகார் முஸ்லிம் பல்கலைக்கழகத்தின் ஜவஹர்லால் நேரு மருத்துவக் கல்லூரியில் தடயவியல் மருத்துவப் பேராசிரியராக இருக்கும் டாக்டர் முகமது கலீம் கான் கூறுகையில், தப்பி ஓடும் அல்லது சண்டையிடும் ஒரு நபரின் கால் பகுதியில், எலும்பைத் தொடாமல், கிடைமட்டமாக ஒரு குண்டு பாய்வது என்பது, குறிப்பாக ஒரு குறிப்பிட்ட தூரத்தில் இருந்து பார்க்கும்போது, ​​மிகவும் சாத்தியமற்றது என்று தெரிவித்தார். "இது தற்காப்புக்காகச் சுடப்பட்டதல்ல, மாறாக, ஒரு நபர் மீது மிக அருகில் இருந்து திட்டமிட்டு நடத்தப்பட்ட தாக்குதல் " என்று அவர் தெரிவித்துள்ளார்.

நீதித்துறையின் செயலற்ற போக்கு :

இந்த வன்முறை நீதித்துறை ஆய்வுக்கு உள்ளாகியுள்ளது. ஜனவரி மாதம், மாநிலத்தின் மிக உயர்ந்த நீதித்துறை அதிகார அமைப்பான அலகாபாத் உயர் நீதிமன்றம், உத்தரப் பிரதேசத்தில் அதிகரித்து வரும் காவல்துறை துப்பாக்கிச் சூடுகளுக்கு அரிதான பொதுக் கண்டனத்தை வெளியிட்டது. அதிகாரிகள் நீதி அமைப்பிற்கு மாற்றாக இருக்க முடியாது என்று எச்சரித்ததோடு, சட்டப்படி கட்டாயமாக்கப்பட்ட அறிக்கை மற்றும் விசாரணை நடைமுறைகளைப் பின்பற்றத் தவறியதற்காக காவல்துறையினரைக் கடுமையாகச் சாடியது. இத்தகைய பகிரங்கமான புலம்பல்கள் இருந்தபோதிலும், கடந்த பத்தாண்டுகளில் நீதித்துறை நடவடிக்கைகள் மெதுவாகவே இருந்துள்ளன. உதாரணமாக, 2018-ல், மக்கள் சிவில் உரிமை சங்கம் என்ற மனித உரிமை அமைப்பு, உத்தரப் பிரதேசத்தில் நடந்த காவல்துறை என்கவுன்டர் கொலைகள் குறித்த ஆதாரங்களைச் சமர்ப்பித்து.  இதுபோன்ற சம்பவங்கள் ஒரு சுதந்திரமான அமைப்பால் விசாரிக்கப்படுவதை நீதிமன்றம் உறுதி செய்ய வேண்டும் என்று கோரியது. அந்த வழக்கு நிலுவையில் உள்ளது. அதற்குப் பிறகு, உத்தரப் பிரதேசத்தில் காவல்துறை துப்பாக்கிச் சூடுகளின் எண்ணிக்கை அதிகரித்துள்ளது இதன் விளைவாக உயிரிழப்புகளும் காயங்களும் ஏற்படுகின்றன.

முஸ்லிம் குடும்பங்கள் பாதிப்பு :

துப்பாக்கிச் சூடு தங்களை ஆதரவற்ற நிலைக்குத் தள்ளியதாக பாதிக்கப்பட்ட பல முஸ்லிம் குடும்பத்தினர் வேதனை தெரிவித்துள்ளனர். பசு பாதுகாப்புச் சட்டங்களின் கீழ் வராத எருமை மாடுகளை வியாபாரம் செய்து தனது கூட்டுக் குடும்பத்தை ஆதரித்து வந்த முஸ்லிம் இளைஞர் ஒருவர் காவல்துறையின் துப்பாக்கிச் சூட்டால்,  முடமாகிவிட்டார். அவரது காலில் பெரிய வீக்கம் ஏற்பட்டுள்ளது. இப்படி பல முஸ்லிம் குடும்பங்கள் பெரிதும் பாதிக்கப்பட்டுள்ளன. .

ஒழுங்கமைக்கப்பட்ட வெறுப்பு ஆய்வு மையம் தொகுத்த தரவுகளின்படி, பசு கடத்தல் தொடர்பான மோதல்களில் காயமடைந்த சந்தேக நபர்களில் கிட்டத்தட்ட 93 சதவீத பேர் முஸ்லிம்கள். இந்தியாவின் மக்களும் அதன் காவல்துறையினரும் பெருமளவில் இந்துக்களாகவே உள்ளனர். இந்தப் பகுப்பாய்வு, பெயர்கள் அல்லது பிற அடையாளத் தகவல்கள் கிடைத்த 627 வழக்குகளை மட்டுமே பிரதிபலிக்கிறது. நூற்றுக்கணக்கான துப்பாக்கிச் சூடுகள் குறித்து சேகரிக்கப்பட்ட சான்றுகள், அரசு நிறுவனங்கள், குறிப்பாக சட்ட அமலாக்கத் துறை, முஸ்லிம் சிறுபான்மையினரைத் துன்புறுத்துவதற்கான வாகனங்களாகப் பெருகிய முறையில் பயன்படுத்தப்படுகின்றன என்பதைத் தெளிவாகக் காட்டுகின்றன. இது துன்புறுத்தலின் அதிகாரத்துவமயமாக்கலாக உருவெடுத்துள்ளது போல் தெரிகிறது.  இதில் காவல்துறை பெரும்பான்மை அரசியலுடன் பெருகிய முறையில் பின்னிப் பிணைந்திருப்பதாகத் தோன்றுகிறது.

உத்தரப் பிரதேசத்தில், முதலமைச்சர் ஆதித்யநாத், பெருகிவரும் இந்த மத தேசியவாதத்தின் கடுமையான நிலைப்பாட்டில் தன்னை நிலைநிறுத்திக் கொண்டுள்ளார். மேலும், குற்றங்களுக்கு எதிரான அவரது கடுமையான அணுகுமுறை, தீவிர இந்து வாக்குகளைப் பெறும் நோக்கில் முஸ்லிம்கள் மீது தொடுக்கப்படும் ஒரு மறைமுகத் தாக்குதல் என்று விமர்சகர்கள் கூறுகின்றனர். ஒரு தசாப்தத்திற்கும் மேலாக, காவல்துறை அதிகாரிகளாகப் பணியாற்றும் முஸ்லிம்களின் விகிதத்தைப் பதிவு செய்வதை இந்தியா நிறுத்திவிட்டது. 2013 ஆம் ஆண்டின் தேசிய குற்றப் பதிவுப் பணியகத்தின் தரவுகளின்படி, உத்தரப் பிரதேசத்தில் காவல்துறையில் முஸ்லிம்களின் பிரதிநிதித்துவம் மிகக் குறைவாக, வெறும் 4 புள்ளி 8 சதவீதமாக இருந்தது.

'சென்டர் ஃபார் தி ஸ்டடி ஆஃப் ஆர்கனைஸ்டு ஹேட்'  என்ற அமைப்பின் தரவுகளின்படி, கால்நடை கடத்தல் தொடர்பான மோதல்களில் காயமடைந்த சந்தேக நபர்களில் சுமார் 93 சதவீதம் பேர் முஸ்லிம்கள் ஆவர்.  இப்போதுள்ள ஒரே அச்சம் என்னவென்றால், அவர்கள் பசுவின் பெயரால் முஸ்லிம்களைப் பிடித்துச் செல்லக்கூடும். அல்லது முஸ்லிம்களைச் சுடக்கூடும் என்பதுதான்.

========================