தகவல்...!

சமூக வலைத்தள தகவல்..!

டெல்லியில் சிறப்பு தீவிர வாக்காளர் பட்டியல் திருத்தப் (SIR) பணிகள் மூலம் வாக்காளர் பட்டியல் சரிபார்க்கப்பட்டு வருகிறது. ஆனால், இந்தப் பணியின் மூலம் யாருடைய பெயர்களெல்லாம் நீக்கப்படுகின்றன?

'தி இந்து' நாளிதழ் டெல்லியின் முழுமையான வரைவு வாக்காளர் பட்டியலை ஆய்வு செய்தது. அதில் 97.54 லட்சம் வாக்காளர்கள் உள்ளனர். இவர்களில் 13.6 சதவீதத்தினர் (சுமார் 13.3 லட்சம்) முஸ்லிம்கள் ஆவர்.

இவர்களில் 19.33 லட்சம் வாக்காளர்களை, "தர்க்கரீதியான முரண்பாடுகள்" (வாக்காளர் தரவுகளில் மென்பொருள் கண்டறிந்ததாகக் கூறப்படும் பிழைகள்) இருப்பதாகக் கூறி முடக்கி வைத்துள்ளனர்.

இவ்வாறு முடக்கப்பட்டவர்களில் 20.3 சதவீதத்தினர் முஸ்லிம்கள் ஆவர். இது அவர்களின் மக்கள்தொகை விகிதமான 13.6 சதவீதத்தை விட மிக அதிகமாகும்.

எளிமையாகச் சொன்னால்: ஒவ்வொரு 1,000 முஸ்லிம் வாக்காளர்களிலும் 318 பேர் முடக்கப்பட்டனர். ஆனால் ஒவ்வொரு 1,000 முஸ்லிமல்லாத வாக்காளர்களிலும் இது 197 பேர் மட்டுமே.

அதாவது, ஒரு முஸ்லிம் வாக்காளர் சந்தேகத்தின் நிழலில் சிக்கிடுவதற்கான வாய்ப்பு 60 சதவீதம் அதிகம்.

 முரண்பாடுகள் இருப்பதாகச் சுட்டிக்காட்டப்பட்ட "காரணங்களில்" ஐந்தும் குடும்பத்தின் அளவைக் குறிப்பவை ஆகும்.

ஆறு அல்லது அதற்கு மேற்பட்ட குழந்தைகள், ஒன்பது மாதங்களுக்கும் குறைவான இடைவெளியில் பிறந்த உடன்பிறப்புகள், குழந்தையின் பிறப்பின் போது பெற்றோருக்கு வயது மிகவும் அதிகமாகவோ அல்லது குறைவாகவோ இருப்பது ஆகியவை அந்தக்காரணங்களாகும்.

இந்தக் காரணங்களின் அடிப்படையில் முடக்கப்பட்டவர்களில் 30 சதவீதத்தினர் முஸ்லிம்களாவர்.

ஒவ்வொரு 1,000 முஸ்லிம்களிலும் 152 பேர் முடக்கப்பட்ட நிலையில், ஒவ்வொரு 1,000 முஸ்லிமல்லாதவர்களிலும் இது வெறும் 56 பேர் மட்டுமே. அதாவது இது கிட்டத்தட்ட மும்மடங்காகும்.

"ஆறு அல்லது அதற்கு மேற்பட்ட குழந்தைகள்" என்ற காரணத்தினால் மட்டும் முடக்கப்பட்டவர்களில் 58 சதவீதத்தினர் முஸ்லிம்களாவர்.

இது எங்கோ கேட்டுப் பழகியது போல் இருக்கிறதா? இது சங்கப் பரிவாரின் அதே பழைய பொய்யாகும்: "அவர்களுக்கு நிறைய குழந்தைகள் உள்ளனர், அவர்கள் எண்ணிக்கையில் நம்மை முந்திவிடுவார்கள்."

யார் வாக்காளராகத் தொடர வேண்டும் என்பதைத் தீர்மானிக்கும் ஒரு கணினி ப்ரோக்ராம் விதிகளில் இப்போது அந்தப் பொய் சேர்க்கப்பட்டுள்ளது.

ஆனால் உண்மை இதற்கு முற்றிலும் எதிரானது. அரசு சுகாதாரக் கணக்கெடுப்புகள் (NFHS) காட்டியுள்ளபடி, 1992-93 க்கும் 2019-22 க்கும் இடையில் முஸ்லிம் பெண்களின் கருத்தரிப்பு விகிதம் 4.41 இல் இருந்து 2.36 ஆகக் குறைந்துள்ளது.

இந்து பெண்களுக்கும் இவர்களுக்கும் இடையேயான இந்த இடைவெளி மிக விரைவாகக் குறைந்து வருகிறது.

வீடுகளில் பிறந்த முந்தைய தலைமுறை இந்தியர்கள் பலருக்குத் தங்கள் சரியான பிறந்த தேதி தெரியாது. வயதைப் பற்றிய ஒரு சிறிய தவறான அனுமானம் கூட, இப்போது ஒரு குடிமகனை "சந்தேகத்திற்குரிய" நபராக மாற்றக்கூடும்.

இதனைத் தீர்மானிப்பது யார்?

 வாக்காளர் பட்டியலின் பொறுப்பில் உள்ள அதிகாரிகள் அல்ல; மாறாக தேர்தல் ஆணையத்தின் சொந்த மென்பொருளான ERONET ஆகும்.

மேற்கு வங்கத்தில் SIR நடந்து கொண்டிருக்கும் போதே, எந்தவிதமான பகிரங்க அறிவிப்பும் இல்லாமல் இந்த "முரண்பாட்டுப்" பரிசோதனை ரகசியமாகச் சேர்க்கப்பட்டது.

2025 ஜூன் மாத பீகார் SIR உத்தரவிலோ அல்லது 2025 அக்டோபர் உத்தரவிலோ இது இடம்பெறவில்லை. 2026 மே 14 அன்று மட்டுமே இது எழுத்துப்பூர்வமாக வெளிவந்தது.

இந்தப் பரிசோதனை பயன்படுத்தப்படாத பீகாருடன் இதனை ஒப்பிட்டுப் பாருங்கள். அங்கு பட்டியலிலிருந்து நீக்கப்பட்ட வாக்காளர்களில் 18.4% பேர் முஸ்லிம்களாவர். இது மக்கள்தொகையில் அவர்களின் 17.7% பங்களிப்புடன் மிகவும் நெருக்கமாக உள்ளது.

ஆகவே, இங்கு முக்கிய வேறுபாடு இந்த மென்பொருள்தான். தேர்தல் ஆணையம் இதுவரை இதற்குத் தெளிவான காரணங்களை வழங்கவில்லை. நாளிதழின் கேள்விகளுக்கும் அவர்கள் பதிலளிக்கவில்லை.

பிரதமருக்கும் அவரது அமைச்சருக்கும் பெரும்பான்மை உள்ள ஒரு குழுவே இந்த ஆணையத்தின் தலைவரான ஞானேஷ் குமாரைத் தேர்ந்தெடுத்தது.

2023 இல் இயற்றப்பட்ட ஒரு சட்டத்தின் மூலம் தலைமை நீதிபதி அந்தக் குழுவிலிருந்து நீக்கப்பட்டார்.

விளையாட்டின் நடுவரை ஒரு அணியே தேர்ந்தெடுக்கும் போது, ஆட்டம் எப்படி இருக்கும் என்று நாம் வியக்க வேண்டுமா?

இது ஒரு மென்பொருள் பிழை அல்ல. ஞானேஷ் குமாரின் கீழ் இயங்கும் தேர்தல் ஆணையம் இங்கு ஹிந்துத்துவ ஆட்சியின் எடுபிடி வேலையைச் செய்து வருகிறது.

ஒவ்வொரு குடிமகனின் வாக்கையும் பாதுகாக்க வேண்டிய ஆணையம், இப்போது சங்கப் பரிவார் அஜெண்டாவின் அடிப்படையில் உருவாக்கப்பட்ட ஒரு இயந்திரத்தைப் பயன்படுத்தி முஸ்லிம் வாக்காளர்களை வேட்டையாடி வருகிறது.