பெலகாவியில் முஸ்லிம் வாக்காளர்களை நீக்கும் நடவடிக்கை தீவிரம்,,,!

 

கர்நாடக மாநிலம் பெலகாவியில் முஸ்லிம் வாக்காளர்களை  நீக்கும் நடவடிக்கை தீவிரம்

முஸ்லிம் பெயர்களை நீக்குமாறு கோரும் படிவம் 7 வினியோகம்

 

பெலகாவி, அக்.01- கர்நாடகா மாநிலத்தில் நடைபெற்றுவரும் எஸ்.ஐ.ஆர். பணிகளில் பல்வேறு முறைகேடுகள் நடைபெற்று வருவதாக குற்றச்சாட்டு எழுந்துள்ள நிலையில், பெலகாவியில் முஸ்லிம் வாக்காளர்களை நீக்கும் நடவடிக்கைகளை தீவிரமாக நடைபெற்று வருவதாக புகார்கள் எழுந்தன.

முஸ்லிம் பெயர்களை நீக்குமாறு கோரும், ஏற்கனவே அச்சிடப்பட்ட மொத்த படிவம்-7 விண்ணப்பங்கள் வாக்குச்சாவடி நிலை அலுவலர்களால் பெறப்பட்ட சம்பவம், பெலகாவி வடக்கு சட்டமன்றத் தொகுதியில் குறைந்தது ஆறு வாக்குச்சாவடிகளில் பதிவாகியுள்ளது. இதில் வீரபத்ர நகரில் நான்கு (வாக்குச்சாவடி பகுதிகள் 194, 195, 196 மற்றும் 199) மற்றும் ஷெட்டிகர்லியில் உள்ள அரசு கன்னட உயர் தொடக்கப் பள்ளியில் இரண்டு (வாக்குச்சாவடி பகுதிகள் 209 மற்றும் 210) ஆகியவை அடங்கும்.

முஸ்லிம் வாக்காளர்களை நீக்க தீவிரம் :

இந்த வாக்குச்சாவடிகளில் உள்ள வாக்குச்சாவடி நிலை அலுவலர்கள், பெலகாவி மாநகராட்சியைச் சேர்ந்தவர்கள் என்று கூறிக்கொண்ட இரண்டு நபர்கள், முஸ்லிம் பெயர்களை மட்டும் நீக்குமாறு கோரும் மொத்த படிவம்-7 விண்ணப்பங்களைக் கொண்டு வந்ததாக ஊடகத்திடம் தெரிவித்தனர். வாக்காளர்களின் பெயர்கள் மற்றும் பிற விவரங்கள் முன்பே நிரப்பப்பட்டிருந்தன, அதேசமயம் ஆட்சேபனையாளர்களின் பெயர்கள் கையால் எழுதப்பட்டிருந்தன அல்லது காலியாக விடப்பட்டிருந்தன. அந்த நபர்கள், விண்ணப்பங்களில் கையொப்பமிட்டு உடனடியாகத் திருப்பித் தர வேண்டும் என்று வாக்குச்சாவடி நிலை அலுவலர்களிடம் மீண்டும் மீண்டும் கூறியதாகக் கூறப்படுகிறது.

இருப்பினும், படிவங்களில் பெயர்கள் இடம்பெற்றிருந்த வாக்காளர்கள் அப்பகுதியில் பல ஆண்டுகளாக வசித்து வருவதால் அவர்களைத் தங்களுக்குத் தெரியும் என்று கூறி, வாக்குச்சாவடி நிலை அதிகாரிகள்  கையெழுத்திட மறுத்துவிட்டனர். அவர்கள் தொடர்ந்து மறுத்தபோது, ​​அந்த நபர்கள் தொலைபேசி மூலம் ஒருவரைத் தொடர்புகொண்டனர். அவர் தேர்தல் பதிவு அதிகாரியாக உதயகுமார் பசவந்தப்பா தலவார் என்று தன்னை அடையாளப்படுத்திக்கொண்டு, அந்தப் படிவங்களில் கையெழுத்திடுமாறு அதிகாரிகளுக்கு உத்தரவிட்டார்.

தேர்தல் அதிகாரி விளக்கம் :

அதேநேரத்தில், யாரோ ஒருவர் தனது பெயரைத் தவறாகப் பயன்படுத்தியதாகவும், அத்தகைய உத்தரவுகள் எதையும் தான் பிறப்பிக்கவில்லை என்றும் தேர்தல் பதிவு அதிகாரி தலவார் 'விளக்கம் அளித்துள்ளார்/ அழுத்தத்திற்கு ஆளான நிலையில், சில அதிகாரிகள் படிவங்களில் கையெழுத்திட்டதாகக் கூறினர்; மற்றவர்களோ தங்கள் மேற்பார்வையாளர்கள் மற்றும் உதவித் தேர்தல் பதிவு அதிகாரியைத் தொடர்புகொள்ள முயன்றும் முடியவில்லை என்று தெரிவித்தனர்.

இதற்கிடையில், செப்டம்பர் 23-ஆம் தேதியுடன் கோரிக்கைகள் மற்றும் ஆட்சேபனைகளைத் தெரிவிப்பதற்கான காலக்கெடு முடிந்த பிறகும், பால்கி  பகுதியில் முஸ்லிம் வாக்காளர்களின் பெயர்களை நீக்குவதற்கான முயற்சிகள் தொடர்ந்தன. காலக்கெடுவுக்கு முன்னதாகவே 'படிவம்-7' விண்ணப்பங்களை பெருமளவில் தாக்கல் செய்திருந்தவர்கள், அதன் பின்னரும் தொடர்ந்து விண்ணப்பங்களைச் சமர்ப்பித்தனர். காலக்கெடு முடிந்த பிறகு தாக்கல் செய்யப்படும் விண்ணப்பங்கள், இறுதி வாக்காளர் பட்டியல் வெளியிடப்பட்ட பின்னரே பரிசீலனைக்கு எடுத்துக்கொள்ளப்படும் என்று தெரிவிக்கப்பட்டுள்ளது.

வாக்குச்சாவடி முகவர் புகார்  :

இதனிடையே, பெலகாவியின் 7வது குறுக்குத் தெருவில் உள்ள வீரபத்ரா உர்தூ மாதிரிப் பள்ளியின் வாக்குச்சாவடி நிலை முகவரும், அப்பள்ளியின் தலைவருமான மீர்சாப் சமாதி கூறியுள்ள புகாரில் "குறைந்தபட்சம் கடந்த 15 ஆண்டுகளாக, நான் பெலகாவி வடக்கு சட்டமன்றத் தொகுதியில் உள்ள 196 ஆம் எண் வாக்குச்சாவடியில் வாக்குச்சாவடி நிலை முகவராகப் பணியாற்றி வருகிறேன். ஆனால் கடந்த வாரம், பள்ளியில் குறைந்தது 380 படிவம்-7 விண்ணப்பங்களைப் பார்த்தபோது, ​​என் பெயர், என் சகோதரரின் பெயர், எங்கள் உறவினர்கள் மற்றும் அண்டை வீட்டாரின் பெயர்கள் நீக்கப்பட முயன்றதைக் கண்டு அதிர்ச்சியடைந்தேன்," என்று வேதனை தெரிவித்துள்ளார்.

- நன்றி : தி இந்து ஆங்கில நாளிதழ்,

- தமிழில் எஸ்.ஏ.அப்துல் அஜீஸ்

இந்தியா கூட்டணி கூட்டத்தில் முடிவு ....!

 எஸ்.ஐ.ஆர். பணிகளில் முறைகேடு விவகாரம்:

தலைமைத் தேர்தல் ஆணையர் , ஒன்றிய அரசுக்கு எதிராக 

அக்டோபர் 2முதல் நாடு தழுவிய ஆர்ப்பாட்டம்

உச்சநீதிமன்றத்தில் முறையீடு செய்யவும் திட்டம்

டெல்லியில் நடைபெற்ற இந்தியா கூட்டணி கூட்டத்தில் முடிவு 

புதுடெல்லி, அக்.01- எஸ்.ஐ.ஆர். பணிகளில் நடைபெற்ற முறைகேடுகளைக் கண்டித்து நாடு முழுவதும் அக். 2முதல் கூட்டுப் போராட்டங்களை நடத்த எதிர்க்கட்சிகளின் இந்தியா கூட்டணி  முடிவு செய்துள்ளது. அக். 6-ஆம் தேதி டெல்லியில் தேர்தல் ஆணைய அலுவலகம் நோக்கி எதிர்க்கட்சி எம்.பி.க்கள் பேரணி நடத்தவும் முடிவு செய்யப்பட்டுள்ளது. 

எஸ்ஐஆர் சர்ச்சைகளுக்கு மத்தியில், டெல்லியில் இந்தியா கூட்டணி கூட்டம் 30.09.2026 புதன்கிழமையன்று நடைபெற்றது. சுமார் மூன்றரை மணிநேரம் நடந்த இக்கூட்டத்தில் காங்கிரஸ் தலைவர் மல்லிகார்ஜுன கார்கே, நாடாளுமன்ற காங்கிரஸ் குழுத் தலைவர் சோனியா காந்தி, மக்களவை எதிர்க்கட்சித் தலைவர் ராகுல் காந்தி, திரிணமூல் காங்கிரஸ் நிறுவனர் மம்தா பானர்ஜி, ஜம்மு-காஷ்மீர் முதல்வரும், தேசியமாநாட்டுக் கட்சித் தலைவருமான ஒமர் அப்துல்லா, ராஷ்ட்ரீயஜனதா தளம் தலைவர் தேஜஸ்வி யாதவ், தேசியவாத காங்கிரஸ் (சரத்பவார்) கட்சியின் சுப்ரியா சுலே, மக்கள் ஜனநாயக கட்சியின் மெஹபூபா முஃப்தி. இ.யூ.முஸ்லிம் லீக் அரசியல் விவகாரக் குழு தலைவர் சையத் சாதிக் அலி ஷியாப் தங்ஙள் மற்றும் இடதுசாரி கட்சித்தலைவர்கள் உள்ளிட்டோர் பங் கேற்றனர். சிவசேனை (உத்தவ்) கட்சித் தலைவர் உத்தவ் தாக்கரே, ஜார்க்கண்ட் முக்தி மோர்ச்சா தலைவரும். ஜார்க்கண்ட் முதல்வருமான ஹேமந்த்சோரன் உள்ளிட்ட சில தலைவர்கள் காணொலி வாயிலாக கலந்துகொண்டனர். கூட்டத்தில் சமாஜவாதி தலைவர் அகிலேஷ் யாதவ் சார்பில் கட்சிப் பிரதிநிதிதான் கலந்துகொண்டார். 

கூட்டாக செய்தியாளர்கள் சந்திப்பு :

கூட்டத்துக்குப் பிறகு கார்கே, ராகுல், மம்தா உள்ளிட்டோர் செய்தியாளர்களுக்கு கூட்டாக பேட்டிளித்தனர். அப்போது. கார்கே கூறியதாவது:

'வாக்கு முறைகேடு உள்ளிட்டவிவகாரங்களில் இந்தியா கூட்டணியின் கூட்டு செயல்திட்டம் இறுதிசெய்யப்பட்டுள்ளது. அதன்படி ,அனைத்து மாவட்டங்களிலும்அக்.2 முதல் 8 வரை 'ஜனநாயகத்தைப் பாதுகாப்போம்' என்ற பெயரில் பேரணிகள் நடத்தப்படும். அக்டோபர், நவம்பரில் தில்லி உள்பட5 இடங்களில் மாபெரும் பொதுக்கூட்டங்கள் நடத்தப்படும். அக்.6-ஆம்தேதிதேர்தல் ஆணைய அலுவவகம் நோக்கி எதிர்க்கட்சி எம்.பி.க்கள் பேரணி நடத்துவர். வாக்காளர்பட்டியல் முறைகேடுகள் குறித்துஅக்டோபர் 2-ஆவது வாரத்தில்குடியரசுத் தலைவரை நேரில் சந்தித்து முறையிடுவோம் .மீண்டும் வாக்குச்சீட்டு முறை:வருங்காலத்தில் தேர்தல்கள்அனைத்தும் வாக்குச்சீட்டு முறையில்தான் நடத்தப்பட வேண்டும்என்பதில் உறுதியாக உள்ளோம் என்று கூறினார். 

 வாக்கு முறைகேடு தொடர்பாக அரசால் இயற்றப்பட்ட சட்டங்களும் ரத்து செய்யப்பட வேண்டும். பிரதமர் மோடியும், உள்துறை அமைச்சர் அமித் ஷாவும் தேர்தல்ஆணையத்தை தங்களின் கைப்பாவையாக மாற்றிவிட்டனர்.தேர்தல் முறைகேடுகளில் ஈடுபட்டதலைமைத் தேர்தல் ஆணையர்ஞானேஷ் குமார் பதவி விலகும் வரை ஓயமாட்டோம் என்றும் கார்கே தெரிவித்தார். 

ராகுல், மம்தா உறுதி :

இந்தியா கூட்டணி தலைவர்கள், அரசமைப்புச் சட்டத்தின் பாதுகாவலர்களாவர். ஜனநாயகத்தை அழித்தவர்களைத் தண்டிப்பதே எங்களின் உறுதிப்பாடு எதிர்க்கட்சி தலைவர் ராகுல் காந்தி தெரிவித்தார். இதேபோன்று பேசிய மம்தா பானர்ஜி, 'தேர்தல் நடைமுறையில் மிகத் தீவிரமான முறைகேடுகள் நடந்துள்ளன. தலைமைத் தேர்தல் ஆணையர் ஞானேஷ் குமார் உடனடியாக பதவி விலக வேண்டும். இந்த விவகாரத்தில் எதிர்க்கட்சிகள் மிகுந்தஒற்றுமையுடன்உள்ளன என்றும் ராகுல் காந்தி பிரதமர் வேட்பாளராக தங்களது கட்சி ஆதரிக்கும் என்றும் தெரிவித்தார். 

இந்த கூட்டத்தில் காங்கிரஸ், இ.யூ.முஸ்லிம் லீக்  உள்ளிட்ட 19 கட்சிகள் பங்கேற்றன என்பது குறிப்பிடத்தக்கது. 

======================

மார்க்கப் படிப்புகள் - சவூதி நடவடிக்கை....!

  உலகளவில் இஸ்லாமிய மார்க்கப் படிப்புகள்

 விரிவுப்படுத்த சவூதி அரேபியா நடவடிக்கை

ரியாத், அக்.01- உலகின் பல்வேறு நாடுகளில் இஸ்லாமிய மார்க்கப் படிப்புகளை, மேலும் விரிவுப்படுத்த சவூதி அரேபியாவின் இஸ்லாமிய விவகாரங்கள் அமைச்சகம் நடவடிக்கைகளை தொடங்கியுள்ளது.

சவூதி அரேபியாவின் இஸ்லாமிய விவகாரங்கள் அமைச்சகம், உள்ளூர் அமைப்புகளுடன் இணைந்து, நடப்பு 2026-ஆம் ஆண்டின் மூன்றாம் காலாண்டில் 29 நாடுகளில் 58 மார்க்கப் படிப்புகளை நடத்தியது. இதில் 11 ஆயிரத்து 55 பேர் பங்கேற்று  பயனடைந்தனர். இந்தப் படிப்புகள் பல்வேறு அறிவார்ந்த தலைப்புகளை உள்ளடக்கியிருந்தன. அத்துடன், மிதவாதத்தையும் சமநிலையையும் ஊக்குவித்தன. இமாம்கள், மார்க்கப் போதகர்கள் மற்றும் இஸ்லாமிய அறிவு மாணவர்களிடையே ஷரியத் அறிவை வளர்த்தன. மேலும் மார்க்கப் பரப்புரை மற்றும் விழிப்புணர்வில் அவர்களின் செயல்திறனை மேம்படுத்தின.

சவூதி அரசின் தொடர் முயற்சி :

அறிஞர்கள் மற்றும் மதப் பிரமுகர்கள் தங்கள் கடமைகளை நிறைவேற்றுவதற்குத் தேவையான அறிவையும் திறன்களையும் வழங்குவதற்கான அமைச்சகத்தின் தொடர்ச்சியான முயற்சிகளின் ஒரு பகுதியாக இந்தப் படிப்புகள் அமைகின்றன. இதற்கிடையில், உண்மையான இஸ்லாமிய அறிவை ஊக்குவிக்கவும், இமாம்கள், கத்தீப்கள் மற்றும் மதப் போதகர்களுக்குப் பயிற்சி அளிக்கவும், உலகளவில் மிதவாதத்தை மேம்படுத்தவும் அமைச்சகம் சமீபத்தில் தாய்லாந்தில் ஒரு படிப்பை ஏற்பாடு செய்தது.

குர்ஆன் மற்றும் சுன்னாவை அடிப்படையாகக் கொண்ட ஒரு மார்க்க வழிமுறையில் பங்கேற்பாளர்களின் அடித்தளத்தை வலுப்படுத்துவதையும், அவர்களின் கல்வி மற்றும் மத அறிவை மேம்படுத்துவதையும் இந்தப் பயிற்சி வகுப்பு நோக்கமாகக் கொண்டிருந்தது.

மாலத்தீவில் பயிற்சி வகுப்பு :

மேலும், மாலத்தீவின் மாலே நகரில், சுமார் 120 இமாம்கள், மார்க்கப் போதகர்கள், முஅத்தின்கள் மற்றும் மார்க்க அறிவு மாணவர்கள் கலந்துகொண்ட ஒரு மார்க்கப் பயிற்சி வகுப்பையும் அந்த அமைச்சகம் நடத்தியது.

மூன்று நாட்கள் நடைபெற்ற இந்தப் பயிற்சி வகுப்பானது, தீவிரவாதம் மற்றும் அடிப்படைவாதத்தை நிராகரிப்பதை வலியுறுத்தியதோடு, வலுவான கொள்கை மற்றும் இஸ்லாத்தின் கருணை, இரக்கம் ஆகிய விழுமியங்களையும் உள்ளடக்கியிருந்தது. இந்த முயற்சிகள் வெற்றி பெற்றததையடுத்து, உலகம் முழுவதும் மார்க்கப் படிப்புகளை விரிவுப்படுத்த சவூதி அரேபியா திட்டமிட்டு, அதற்கான முயற்சிகளை தொடங்கியுள்ளது. 

- சிறப்புச் செய்தியாளர் : எஸ்.ஏ.அப்துல் அஜீஸ்

Lose....!

Everything 

you lose 

will be 

replaced 

with 

something better.

முதியோர்....!

 உலக முதியோர் தின சிந்தனை....!

(இன்று சர்வதேச முதியோர் தினம்)

தாயின் காலடியில் சொர்க்கம் உண்டு என்பது நபிகள் நாயகம் (ஸல்) அவர்கள் சொன்ன பொன்மொழி. தாயின் காலில் விழுந்து வணங்க வேண்டுமென்பது இதன் பொருளாகாது. மாறாக, தாயை மதித்து, அரவணைத்து, அன்பு காட்டி, தாய்க்குச் சேவை செய்ய வேண்டும் என்பதே இதன் கருத்தாகும்.

நபிகளாரிடம் நண்பரொருவர் வந்தார். “இறைத்தூதர் அவர்களே! அறப்போரில் கலந்துகொள்ள விரும்புகிறேன். அது குறித்து தங்களிடம் ஆலோசிக்கவே வந்தேன்” என்றார். அப்போது நபிகளார், “உமக்கு அன்னை இருக்கிறாரா?” என வினவ, அவர் ‘ஆம்’ என்றார். அப்போதுதான். “தாயை (முதலில்) கவனி! சொர்க்கம் அவரது காலுக்கு அடியில் உண்டு” என்றார்கள். நபியவர்கள். (நஸயீ)

மனிதன் பிறப்பதற்கு, இறைவனுக்கு அடுத்து தாய்தான் காரணம். அவனை வயிற்றில் சுமந்து, பெற்றெடுத்து, பாலூட்டி, சீராட்டி வளர்த்து ஆளாக்குவதற்குள் தாய் படும்பாடு சொல்லி மாளாது. உலகத்தில் சுயநலமே கலக்காத ஒரு தியாகி உண்டென்றால், அது தாயாகவே இருக்க முடியும். தியாகத்தின் மொத்த உருவம் தாய்தான். அந்தத் தியாகச் சுடரை நீருற்றி அணைக்கலாமா?

இதனாலேயே இறைவன் தன் திருமறையில் இப்படிக் கூறுகின்றான்: பெற்றோருக்கு நன்மை செய்யுமாறு மனிதனுக்கு நாம் அறிவுறுத்தினோம். அவனை, அவன் தாய் சிரமத்துடனேயே சுமந்தாள்; சிரமத்துடனேயே பெற்றெடுத்தாள். அவனை (வயிற்றில்) சுமப்பதற்கும் பால்குடி மறக்கவைப்பதற்கும் முப்பது மாதங்கள் பிடிக்கின்றன். (46:15)

தாய், தந்தையை எப்படி நடத்த வேண்டும்; எப்படி நடத்தக் கூடாது என்பதை இறைவன் ஒரு வசனத்தில் தெளிவாகக் குறிப்பிடுகின்றான்:

பெற்றோருக்கு நன்மை செய்ய வேண்டும். அவர்களில் ஒருவரோ அல்லது இருவரோ முதுமையடைந்த நிலையில் உம்மிடம் இருந்தால், அவர்களை நோக்கி, ‘ச்சீ’ என்றுகூடச் சொல்லிவிடாதீர்; அவர்களை விரட்டாதீர்; அவர்களிடம் கண்ணியமான சொல்லையே சொல்வீராக. பணிவு எனும் சிறகைக் கனிவுடன் அவர்களுக்காகத் தாழ்த்துவீராக! (17:23,24)

இந்தியாவில் 2016ஆம் ஆண்டில், 60 வயதுக்கு மேற்பட்ட முதியோர் 12 கோடிப் பேர் இருப்பார்கள் என்கிறது ஒரு புள்ளிவிவரம். இவர்களில் 51 விழுக்காட்டினர் பெண்களாவர். தமிழகத்தில் 1991இல் இவர்களில் 60 வயதுக்கு மேற்பட்டோர் எண்ணிக்கை 44 லட்சம். இவர்களில் 60 விழுக்காட்டினர் உணவு, உடை, உறையுள் ஆகிய வசதிகளின்றி தவித்தனர் என்றது ஒரு புள்ளி விவரம்.

பிள்ளைகள் வசதி வாய்ப்போடு வாழ்ந்தும், முதியோர் இல்லங்களில் பெற்றோரைச் சேர்த்துவிட்டுப் பொறுப்பைத் தட்டிக்கழித்துவிடுகின்றனர். சென்னையில் மட்டும் சுமார் 50 கட்டண முதியோர் இல்லங்கள் உள்ளன என்றால் பார்த்துக்கொள்ளுங்கள்.

நபிகள் நாயகம் (ஸல்) அவர்கள் கூறினார்கள்: தாய், தந்தையரில் ஒருவரையோ அல்லது இருவரையுமோ முதுமைப் பருவத்தில் அடைந்த பிறகும் (அவர்களுக்கு நன்மை செய்வதன் மூலம்) யார் சொர்க்கம் செல்லத் தவறிவிட்டானோ அவன் பேரிழப்புக்குரியவன். (ஸஹீஹ் முஸ்லிம்)

நாமும் ஒருநாள் முதுமை அடைவோம்; இன்றைக்கு நம் தாயை, தந்தையை எப்படி நாம் நடத்துகிறோம் என்பதை நம் பிள்ளைகள் கவனிக்கிறார்கள். நமது முதுமையில் நம்மை அவர்கள் அப்படித்தானே நடத்துவார்கள் என்பதை யோசித்து, தாய், தந்தையரைக் கண்போல் காப்போம். அவர்களின் மனம் நோகாமல் நடப்போம்.

மவுலவி முகமது கான் பாகவி....!

நன்றி - தி இந்து தமிழ்...!

விஷயம்...!

 பிடிக்காத விஷயத்தைக் 

கண்டுகொள்ளாமலும், 

வேண்டாத விஷயங்களில் 

கவனம் செலுத்தாமலும், 

தேவையற்ற கேள்விகளுக்கு 

பதில் சொல்லாமலும் இருந்தால் 

உடலும் மனமும் 

ஆரோக்கியமாக இருக்கும்.

Truth...!

 Shahi Jama Masjid, Ujjain-Madhya Pradesh.

The truth that all of you should know.

நுமைஷ் திருவிழா 2027....!

 நுமைஷ்  திருவிழா 2027

ஹைதராபாத்தின் 6 புகழ்பெற்ற உணவு நிறுவனங்கள்

ஆண்டின் கடைசி மூன்று மாதங்கள் நெருங்கும் வேளையில், ஹைதராபாத் நகரின் காற்றில் 'நுமைஷ்' திருவிழாவின் நறுமணம் வீசத் தொடங்குகிறது. அக்டோபர் மாதம் தொடங்கி ஆண்டின் இறுதி மாதங்கள் நெருங்கும்போது, ​​ஹைதராபாத் நகரில் ஒரு மெல்லிய மாற்றம் நிகழ்கிறது. கனமழை குறையத் தொடங்குகிறது. புழுக்கமான வெப்பம் மறைந்து இதமான அக்டோபர் மாலைப் பொழுதுகள் மலர்கின்றன. அதே வேளையில், 'நுமைஷ்' திருவிழாவின் வருகையை நகரம் உணரத் தொடங்குகிறது.

பல தலைமுறைகளாக, நம்பல்லியில் நடைபெறும் வருடாந்திர 'அகில இந்தியத் தொழில் கண்காட்சி' என்பது இந்நகரின் கலாச்சாரத்தோடு பின்னிப் பிணைந்த ஒரு நிகழ்வாக இருந்து வருகிறது. ஆனால் சமீப காலங்களில், 46 நாட்கள் நடைபெறும் இந்த பிரம்மாண்டமான திருவிழாவின் உணவுச் சூழலில் மிகப்பெரிய மாற்றம் ஏற்பட்டுள்ளது. சாதாரண தெருவோர உணவுக் கடைகள் அல்லது தற்காலிகக் கடைகளை மட்டுமே வாடிக்கையாளர்கள் நாடிய காலம் மலையேறிவிட்டது. கடந்த ஆண்டு 'கஃபே நிலோஃபர்'  நுமைஷ் மைதானத்தில் தனது பிரம்மாண்டமான வருகையைப் பதிவு செய்தபோது நிலைமை முற்றிலும் மாறியது. தேநீர் பிரியர்களின் நீண்ட வரிசையை ஈர்த்ததன் மூலம், ஷாப்பிங் செய்யும் இடங்களுக்கு அருகிலேயே தங்களுக்கு மிகவும் பிடித்தமான, புகழ்பெற்ற உணவு நிறுவனங்கள் அமைவதை ஹைதராபாத் மக்கள் விரும்புகிறார்கள் என்பதை நிலோஃபர் நிரூபித்தது.

===================

"ஆண்டின் கடைசி மூன்று மாதங்கள் நெருங்கும் வேளையில், ஹைதராபாத் நகரின் காற்றில் 'நுமைஷ்' திருவிழாவின் நறுமணம் வீசத் தொடங்குகிறது. அக்டோபர் மாதம் தொடங்கி ஆண்டின் இறுதி மாதங்கள் நெருங்கும்போது, ​​ஹைதராபாத் நகரில் ஒரு மெல்லிய மாற்றம் நிகழ்கிறது"

===================

நிலோஃபரின் வருகைக்குக் கிடைத்த அபரிமிதமான வரவேற்பைக் காணும்போது, ​​பாரம்பரிய உணவு நிறுவனங்களின் மறுவருகைக்கு இந்தக் கண்காட்சித் தளம் தயாராக உள்ளது என்பது தெளிவாகிறது. எனவே, வரவிருக்கும் நுமைஷ் சீசனில் இடம்பெற வேண்டும் என்று விரும்பும் மேலும் ஆறு புகழ்பெற்ற உணவு நிறுவனங்களின் பட்டியலை இங்கே தொகுத்துள்ளோம்.

1. ஹமீதி கன்ஃபெக்ஷனர்ஸ் (Hameedi Confectioners) :

மொஸம்ஜாஹி சந்தையில் (Mozamjahi Market) அமைந்துள்ள 'ஹமீதி', தனது அரசவைக்குரிய 'ஜௌசி அல்வா'விற்கு (Jouzi Halwa) மிகவும் புகழ்பெற்றது. மண் குவளைகளில் (kulhads) சூடான, சுவையான அல்வாவை வழங்குவது, நுமைஷ் போன்ற வரலாற்றுச் சிறப்புமிக்க கண்காட்சிக்கு வருபவர்களுக்கு, பல நூற்றாண்டுகள் பழமையான நிஜாம் கால இனிப்புப் பாரம்பரியத்தின் சுவையை அனுபவிக்கும் வாய்ப்பை அளிக்கும். மேலும், அவர்களின் சமீபத்திய சீன வகை தெருவோர உணவுகளும் இந்தக் கண்காட்சிக்கு அவர்களை மிகவும் பொருத்தமானதாக மாற்றுகின்றன.

2. பாப் கிங் :

நுமைஷில் கண்காட்சிக்கு வருபவர்களுக்கு பாப்கார்ன் ஒரு பிரதான சிற்றுண்டியாகும். ஷாப்பிங்கை எளிதாக்க ஒரு புகழ்பெற்ற பாப்கார்ன் பிராண்ட் இருப்பதை விட சிறந்தது வேறு என்ன இருக்க முடியும்? 1996 முதல் அபித்ஸின் விருப்பமான பாப் கிங், சாதாரண பாப்கார்னை பிராந்திய மசாலா மற்றும் உயர்தர சுவைகளுடன் ஒரு உள்ளூர் சிறப்பு உணவாக மாற்றுகிறது.

3. ஃபேமஸ் ஐஸ் கிரீம் :

நீண்ட ஷாப்பிங் பயணத்திற்குப் பிறகு குளிர்ச்சியடைய, நுமைஷில் ஏற்கனவே மஸ்கதி ஐஸ் கிரீம் மற்றும் பிற பொதுவான ஐஸ் கிரீம் பிராண்டுகள் உள்ளன. 1951 முதல் மொஅஸ்ஸம் ஜாஹி சந்தையின் பிரதானமான ஃபேமஸ் ஐஸ் கிரீம் ஒரு அற்புதமான கூடுதலாக இருக்கும். கண்காட்சி மைதானத்திற்குள் ஒரு அதிகாரப்பூர்வ அரங்கம் குழந்தைகள், இளைஞர்கள் மற்றும் குடும்பத்தினருக்கு உற்சாகமாக இருக்கும்.

4. சுபான் பேக்கரி :

நம்பள்ளியின் சுபான் பேக்கரி அதன் அசல் தம்-கே-ரோட் மற்றும் உஸ்மானியா பிஸ்கட்களுக்குப் புகழ்பெற்றது. நிலூஃபரின் திட்டத்தைப் பின்பற்றி, இங்கு ஒரு பிரத்யேகக் கடை அமைப்பது, அந்த வளாகத்தில் ஈரானிய பேக்கரிகளுக்கு இடையே ஒரு சுமுகமான போட்டியைத் தூண்டும். இதன் மூலம் பார்வையாளர்கள், மாலை நேரத்திற்கான புத்தம் புதிய தின்பண்டங்களை வாங்கி வீட்டிற்கு எடுத்துச் செல்ல முடியும்.

5. ராம் கி பந்தி :

வெண்ணெய் மற்றும் சீஸ் நிறைந்த தோசைகளுடன், ஹைதராபாத்தின் இரவு நேர தெருவோர சிற்றுண்டி கலாச்சாரத்திற்கு முன்னோடியாகத் திகழ்ந்ததற்காகப் புகழ்பெற்ற ராம் கி பந்தி, நுமைஷின் இரவு நேரச் செயல்பாட்டு நேரங்களுக்கு கச்சிதமாகப் பொருந்துகிறது. இது பசியுடன் வரும் இரவு நேரக் கடைக்காரர்களுக்கு வேகமான, சுவையான மற்றும் சூடான இதமான உணவை வழங்குகிறது.

6. கராச்சி பேக்கரி :

உலகளவில் புகழ்பெற்றிருந்தாலும், கராச்சி பேக்கரியின் ஆன்மா எம்.ஜே. மார்க்கெட்டிலேயே நிலைத்திருக்கிறது. பாரம்பரிய கருப்பொருளைக் கொண்ட ஒரு அரங்கு, வெளியூர் சுற்றுலாப் பயணிகள் மற்றும் வீட்டிற்குச் செல்வதற்கு முன் பாரம்பரிய பழ பிஸ்கட்கள் மற்றும் பிளம் கேக்குகளை வாங்க விரும்பும் குடும்பங்களுக்கு, நினைவுப் பொருட்களை ஒரே இடத்தில் வாங்கும் ஒரு வசதியான மையமாகச் செயல்படும். மேலும், அவர்களின் மற்ற பேக்கரிப் பொருட்கள், சாக்லேட்டுகள் மற்றும் சாண்ட்விச்கள் நுமைஷுக்கு ஒரு நேர்த்தியான தோற்றத்தைக் கொண்டுவரும்.

- நன்றி : சியாசத், நாளிதழ்

- தமிழில்:  எஸ்.ஏ.அப்துல் அஜீஸ்

பரிதாபம்...!

தாராபுரத்தில் முதல்வர் விஜய்யின் பிரசாரத்தைக் காண, தனது மகளைக் கையில் ஏந்திச் சென்ற தந்தை.

முஸ்லிம் சமுதாயத்தின் பரிதாப நிலை...

அதுவும் ஒரு தந்தையே முஸ்லிம் மகளை கைகளில் ஏந்திச் செல்வது எவ்வளவு பெரிய கேவலம்.

சமுதாயத்தில் இன்னும் விழிப்புணர்வு ஏற்படவே இல்லை...!

I N D I A - Mamata...!

 Smt Mamata along with INDIA Bloc leaders addressed the media today, in New Delhi.

Mamata Banerjee isn't holding back anymore! 

Direct warning to the Election Commission, call for CEC Gyanesh Kumar’s resignation, and unfiltered anger against EVMs.

Street-fighting mode: ON. Many will disagree, but Didi when cornered always strikes back hard.

I N D I A....!

INDIA bloc ka 'Full War Mode' plan out! 5 bade action: 

🔹 2-8 Oct: Save Democracy Zila March

🔹 6 Oct: EC Daftar tak Sansad March

🔹 Rashtrapati se mulakat + Deshbhar me 5 maha-rally

🔹 1 Nov: Delhi me 'Vote Chori' par mega showdown

🔹 Supreme Court se SIR par turant sunwai ki maang

- Sarak par ladayi ya chunav haarne se pehle ka advance bahana? Rai thoko 

மாற்றம்...!

 மாற்றம்.....!

முன்னேற்றம்....!!

ஹி.....ஹி....ஹி....

Kaaba...!

Makkah....

God's House Kaaba...

The Ababils' circumambulation of the Kaaba.

 Mashallah....

 subhanallah....

முஸ்லிம்களுக்கு எதிராக புல்டோசர் நடவடிக்கைகள்.....!

முஸ்லிம்களுக்கு எதிராக அதிகரித்துவரும் புல்டோசர் நடவடிக்கைகள்

விழித்துகொண்டு, திரண்டெழுந்த முஸ்லிம் அமைப்புகள்

- எஸ்.ஏ.அப்துல் அஜீஸ் -

நாடு முழுவதும் குறிப்பாக உத்தரப் பிரதேசம், டெல்லி, மத்தியப் பிரதேசம் உள்ளிட்ட வட மாநிலங்களில் முஸ்லிம்களை குறிவைத்து புல்டோசர் நடவடிக்கைகள் தொடர்ந்து அதிகரித்து வருகின்றன. வரலாற்றுச் சிறப்புமிக்க பாபரி மஸ்ஜித் இடிக்கப்பட்ட பிறகு, வழிப்பாட்டு தலங்கள் இனி இடிக்கப்பட மாட்டாது என்று உறுதி அளிக்கப்பட்டது. ஆனால், அந்த உறுதிமொழி தற்போது காற்றில் பறக்கப்பட்டு விட்டு, இரவோடு இரவாக மஸ்ஜித்துகளை இடிக்கும் நடவடிக்கைகளை பாஜக மாநில அரசுகள் எடுத்து வருகின்றன. அதன்படி, உத்தரப் பிரதேச மாநில சஹரான்பூரில் இருந்த 100 ஆண்டுகள் பழமையான மஸ்ஜித், ஆக்கிரமிப்பு என்ற பெயரில் இரவோடு இரவாக இடிக்கப்பட்டு தரைமட்டமாக்கப்பட்டது. தலைநகர் டெல்லியிலும் ஒரு மஸ்ஜித் இடிக்கப்பட்டது. மத்திய பிரதேசம் உஜ்ஜைனின் வரலாற்றுச் சிறப்புமிக்க ஷாஹி மஸ்ஜித்தை பாஜக அரசு நடவடிக்கைகளை மேற்கொண்டுள்ளது.  மஸ்ஜித்துகள் மட்டுமல்லாமல், முஸ்லிம்களின் வீடுகளும் குறிவைத்து இடிக்கப்பட்டு வருகின்றன. அத்துடன் பாஜக ஆளும் மாநிலங்களில் பொதுசிவில் சட்டம் அமல்படுத்தப்படும் என்று ஒன்றிய உள்துறை அமைச்சர் அமித்ஷா அறிவிப்பை வெளியிட்டுள்ளார்.

முக்கிய ஆலோசனைக் கூட்டங்கள் :

இந்திய முஸ்லிம்கள் சந்திக்கும் இத்தகைய சவால்கள் நிறைந்த ஒரு சூழ்நிலையில், தலைநகர் டெல்லியில் கடந்த செப்டம்பர் மாதம் இறுதியில் முஸ்லிம் அமைப்புகள் சார்பில் நடந்த முக்கிய நிகழ்ச்சிகள், நாட்டு மக்களின் கவனத்தை ஈர்த்துள்ளன. இந்திய முஸ்லிம்களின் ஒரே அரசியல் இயக்கமாக தொடர்ந்து சிறப்பாகச் செயல்பட்டுகொண்டு இருக்கும், இந்திய யூனியன் முஸ்லிம் லீகின் தேசிய செயற்குழுக் கூட்டம் கடந்த செப்டம்பர் 24ஆம் தேதி டெல்லியில் உள்ள காயிதே மில்லத் சென்டரில் தேசிய தலைவர் பேராசிரியர் கே.எம்.காதர் மொகிதீன் தலைமையில் நடைபெற்றது. தேசிய தலைவர்கள், நிர்வாகிகள் பங்கேற்ற இந்த கூட்டத்தில் பல முக்கிய முடிவுகள் எடுக்கப்பட்டன.

அதன்படி, இந்திய அரசியலமைப்பின்படி, தேர்தல் ஆணையம் என்பது தலைமைத் தேர்தல் ஆணையர் மற்றும் இரண்டு தேர்தல் ஆணையர்களைக் கொண்ட அமைப்பாகும். இவர்கள் மூவருக்கும் சமமான அந்தஸ்து உள்ளது. உண்மையில், தலைமைத் தேர்தல் ஆணையர், தேர்தல் ஆணையத்தின் ஜனநாயக ரீதியான செயல்பாட்டு முறையிலிருந்து விலகிச் செயல்பட்டுள்ளார். தேர்தல் ஆணையத்தின் 14 முடிவுகள், உண்மையில் மற்ற இரண்டு தேர்தல் ஆணையர்களின் ஒப்புதல் இல்லாமலேயே எடுக்கப்பட்டிருப்பது தெரியவந்துள்ளது. 'சிறப்பு தீவிர வாக்காளர் பட்டியல் திருத்தப் பணி' (SIR) உள்ளிட்ட சில முடிவுகள், மற்ற இரண்டு ஆணையர்களின் ஒப்புதல் இல்லாமலே எடுக்கப்பட்டன.  எனவே, பெரும்பான்மை ஆணையர்களின் ஒப்புதல் இல்லாமல் தேர்தல் ஆணையத்தால் எடுக்கப்பட்ட அனைத்து முடிவுகளும் செல்லாதவை என அறிவிக்கப்பட வேண்டும். தலைமைத் தேர்தல் ஆணையர் ஞானேஷ் குமார் அரசியலமைப்பு நெறிமுறைகளைத் தலைகீழாக மாற்றியுள்ளார். எனவே, அரசு உடனடியாக அவரைப் பதவி விலகுமாறு கேட்டுக்கொள்ள வேண்டும். பாஜக அரசின் தூண்டுதலின் பேரில் கோடிக்கணக்கான வாக்குகள் நீக்கப்பட்டதற்காகத் தேர்தல் ஆணையம் பொறுப்பு ஏற்க வேண்டும் என்று இ.யூ.முஸ்லிம் லீக் வலியுறுத்தியுள்ளது.

புல்டோசர் நடவடிக்கைகளுக்கு எதிர்ப்பு :

சிறுபான்மையினரின், குறிப்பாக முஸ்லிம்களின் வழிபாட்டுத் தலங்களை அற்பமான காரணங்களைக் கூறி புல்டோசர் மூலம் இடித்துத் தள்ளுதல். சஹாரன்பூரில் உள்ள மஸ்ஜித் விவகாரம் இதில் சமீபத்திய நிகழ்வாகும். மேலும், மஸ்ஜித்துகளை இடிக்கும் நடவடிக்கைகள் தடையின்றித் தொடர்கின்றன. உத்தரப் பிரதேசம், மத்தியப் பிரதேசம், ராஜஸ்தான், டெல்லி மற்றும் பிற மாநிலங்களில் இது போன்ற பல சம்பவங்கள் பதிவாகியுள்ளன. இது நாட்டின் மதச்சார்பற்ற தன்மை குறித்த மிகக் கடுமையான பிரச்சினையை எழுப்புகிறது. இவை பல தசாப்தங்கள் மற்றும் நூற்றாண்டுகள் பழமையான மஸ்ஜிதுக்கள்; மக்கள் இவற்றை வழிபாட்டுத் தலங்களாகப் பயன்படுத்தி வந்தனர். ஆக்கிரமிப்பு மற்றும் உண்மையில் இல்லாத பிற காரணங்களைக் கூறி, நிர்வாகம் மஸ்ஜித்துக்களை இடிக்கும் நடவடிக்கைகளைத் தொடர்ந்து மேற்கொண்டு வருகிறது. வழிபாட்டுத் தலங்கள் இடிக்கப்படுவதற்கு எதிராக வலுவான மற்றும் உறுதியான நடவடிக்கையை மேற்கொள்ளவும், இந்திய அரசியலமைப்பின் அடிப்படை அம்சமான நாட்டின் மதச்சார்பற்ற தன்மையைக் காக்கவும் நீதித்துறை தலையிட வேண்டும். நாட்டின் சில மாநிலங்களில் வினாத்தாள் கசிவால் அப்பாவி மாணவர்கள் பாதிக்கப்பட்டதால், கல்வித்துறையை முழுமையாகச் சீரமைக்க வேண்டும்., பாஜக ஆளும் மாநிலங்களில் பொது சிவில் சட்டத்தை அமல்படுத்த அரசு மேற்கொள்ளும் முயற்சிகள் குறித்து மத்திய உள்துறை அமைச்சர் அமித் ஷா வெளியிட்ட அறிவிப்புக்கு கண்டனம் தெரிவித்துள்ள இந்திய யூனியன் முஸ்லிம் லீக்,  பொது சிவில் சட்டத்தை மறைமுக வழிகளில் கொண்டுவருவதற்கான எந்தவொரு முயற்சியையும் அரசியல் ரீதியாகவும் சட்ட ரீதியாகவும் எதிர்க்கும் என்றும் உறுதிப்பட கூறியுள்ளது.

ஜமியத்துல் உலமாயே ஹிந்த் முக்கிய முடிவு :

இதேபோன்று, நாட்டின் பல்வேறு மாநிலங்களில் முஸ்லிம்களுக்கு எதிராக மேற்கொள்ளப்படும் குடிமை மற்றும் மத உரிமைகள் தொடர்பான பிரச்சினைகள், கும்பல் தாக்குதல்கள், புல்டோசர் நடவடிக்கைகள் மற்றும் மஸ்ஜித்துகள், மதரஸாக்கள் இடிக்கப்படுதல் ஆகியவற்றிக்கு ஜமியத்துல் உலமாயே ஹிந்த் கடும் கண்டனம் தெரிவித்துள்ளது.  கடந்த செப்டம்பர் 23ஆம் தேதி புது டெல்லியில் ஜமியத்துல் உலமாயே ஹிந்த் அமைப்பின் செயற்குழுக் கூட்டம் அதன் தலைவர் மௌலானா மஹ்மூத் மதானி தலைமையில் நடைபெற்றது.  கூட்டத்தில், தற்போது நாட்டில் நிலவும் சூழல், அரசியலமைப்பு உத்தரவாதம் அளித்துள்ள அடிப்படை உரிமைகள், மத சுதந்திரம், ஷரியத் விவகாரங்களில் தலையிடுவதற்கான முயற்சிகள் மற்றும் வழிபாட்டுத் தலங்கள், மஸ்ஜித்துகள் மற்றும் இஸ்லாமியக் கல்வி நிலையங்கள் தொடர்பான பிரச்சினைகள் குறித்து விவாதிக்கப்பட்டன.

=======================

"பல்வேறு மாநிலங்களில் மேற்கொள்ளப்படும் நிர்வாக நடவடிக்கைகள், குறிப்பாக குடிமை மற்றும் மத உரிமைகள் தொடர்பான பிரச்சினைகள், கும்பல் தாக்குதல்கள், புல்டோசர் நடவடிக்கைகள் மற்றும் மஸ்ஜித்துதகள், மதரஸாக்கள் இடிக்கப்படுதல் ஆகியவற்றிற்கு முஸ்லிம் அமைப்புகள் கண்டனம்"

=======================

பல்வேறு மாநிலங்களில் மேற்கொள்ளப்படும் நிர்வாக நடவடிக்கைகள், குறிப்பாக குடிமை மற்றும் மத உரிமைகள் தொடர்பான பிரச்சினைகள், கும்பல் தாக்குதல்கள், புல்டோசர் நடவடிக்கைகள் மற்றும் மஸ்ஜித்துதகள், மதரஸாக்கள் இடிக்கப்படுதல் ஆகியவை குறித்து செயற்குழு ஆழ்ந்த கவலையை வெளிப்படுத்தியது. இப்பிரச்சினைகளை மிக உயர்ந்த அரசியலமைப்பு மட்டத்தில் எழுப்பவும், பாதிக்கப்பட்ட மக்களின் கவலைகள் மற்றும் புகார்களை முன்வைக்க இந்தியக் குடியரசுத் தலைவரைச் சந்திக்க நேரம் கோரவும் முடிவு செய்யப்பட்டது. மேலும், தீர்வு காணவும், நீதி மற்றும் அரசியலமைப்பு நெறிமுறைகளைப் பாதுகாப்பது தொடர்பான பிரச்சினைகளை எழுப்பவும் பொருத்தமான அரசியலமைப்பு மற்றும் சட்ட அமைப்புகளை அணுகவும் குழு முடிவு செய்தது.

பாரபட்சமான அணுகுமுறை :

அரசின் ஒருதலைப்பட்சமான நடவடிக்கைகள் மற்றும் பல நிகழ்வுகளில் காணப்பட்ட நிர்வாக ரீதியான பாரபட்சமான அணுகுமுறை ஆகியவை, பாதிக்கப்பட்ட மக்கள் நீதிமன்றங்கள் மூலம் பயனுள்ள சட்ட தீர்வுகளைப் பெறுவதற்கான வாய்ப்புகளைக் குறைப்பதாக மௌலானா மஹ்மூத் மதானி கூறினார். ஒரு குறிப்பிட்ட சமூகத்திற்கு எதிராக ஒருதலைப்பட்சமான நடவடிக்கை எடுக்கப்பட்டு, அதற்கு நிர்வாக ரீதியான ஆதரவும் கிடைத்தால், அது தீவிர கவலைக்குரிய விஷயமாகும் என்றும் இப்பிரச்சினை ஒரு குறிப்பிட்ட இடத்திற்கோ அல்லது மாநிலத்திற்கோ மட்டும் மட்டுப்படுத்தப்படவில்லை என்றும், நாட்டின் பல்வேறு பகுதிகளிலிருந்தும் இதே போன்ற சம்பவங்கள் பதிவாகி வருவதாகவும் மதானி குறிப்பிட்டார்.  இந்தச் சூழல் குறித்து ஜமியத்துல் உலமாயே ஹிந்த்' ஆழ்ந்த கவலையை வெளிப்படுத்தியதுடன், கிடைக்கக்கூடிய அனைத்து அரசியலமைப்பு மற்றும் சட்டரீதியான வழிகளையும் பயன்படுத்த முடிவு செய்துள்ளது என்றும் அவர் கூறினார்.

முஸ்லிம்கள் நம்பிக்கை இழக்க வேண்டாம் :

மேலும், முஸ்லிம்களும் பொதுமக்களும் நம்பிக்கையை இழக்கவோ அல்லது அச்சமடையவோ வேண்டாம். நாம் நமது உரிமைகளுக்கான போராட்டத்தை உறுதிப்பாடு, துணிச்சல் மற்றும் அரசியலமைப்புக்கு உட்பட்ட வழிகள் மூலம் தொடர்ந்து முன்னெடுக்க வேண்டும். இது நமது நாடு, நாமும் இந்நாட்டின் சமமான குடிமக்கள். நமது அரசியலமைப்பு மற்றும் சட்டரீதியான உரிமைகளைப் பாதுகாப்பது நமது அடிப்படை உரிமையாகும். இந்த உரிமைகளைப் பாதுகாப்பதற்கும் நிலைநாட்டுவதற்கும் அரசியலமைப்புச் சட்டம் பல்வேறு வழிகளையும் வழிமுறைகளையும் வழங்கியுள்ளது. ஜமியத்துல்  உலமாயே ஹிந்த் கிடைக்கக்கூடிய அனைத்து அரசியலமைப்பு, சட்ட மற்றும் ஜனநாயக வழிமுறைகளையும் பயன்படுத்தி தனது முயற்சிகளைத் தொடரும் என்றும் மௌலானா மஹ்மூத் மதானி உறுதிப்பட தெரிவித்தார்.

ஜந்தர் மந்தரில் முஸ்லிம் அமைப்புகள் ஆர்ப்பாட்டம் :

மேலும், மஸ்ஜித்துகள், மதரஸாக்கள் இடிப்பு நடவடிக்கைகளுக்கு கடும் எதிர்ப்பு தெரிவித்து டெல்லி ஜந்தர் மந்தரில் செப்டம்பர் 29ஆம் தேதி 'இந்திய முஸ்லிம்களுக்கான கண்காணிப்புக் குழு சார்பில் தடையை மீறி ஆர்ப்பாட்டம் நடைபெற்றது. இதில் அனைத்து இஸ்லாமிய அமைப்புகளும் பங்கேற்றன. அத்துடன் கிறிஸ்துவ, சீக்கிய, ஜைன அமைப்புகள், சமூக ஆர்வலர்கள், நாடாளுமன்ற உறுப்பினர்கள் ஆகியோர் பங்கேற்று முஸ்லிம்கள் மீதான தாக்குதல்களுக்கு எதிராக முழக்கங்களை எழுப்பினர்.

இந்திய முஸ்லிம்களின் நிலைமை குறித்து சில மாதங்களுக்கு முன்பு நடைபெற்ற உயர்மட்டக் கூட்டத்திற்குப் பிறகு, முஸ்லிம் சமூகத்தைச் சேர்ந்த 51 தலைவர்களைக் கொண்ட இந்திய முஸ்லிம்களுக்கான கண்காணிப்புக் குழு அமைக்கப்பட்டு, அது தற்போது வீரியத்துடன் செயல்பட தொடங்கியுள்ளது. தற்போதைய சவால்கள் நிறைந்த சூழ்நிலையில், நாட்டின் முஸ்லிம் அமைப்புகள் முக்கிய முடிவுகள் எடுத்து இருப்பது, முஸ்லிம்களுக்கு சற்று ஆறுதல் அளிக்கும் வகையில் இருக்கிறது என்பது உண்மையாகும்.

======================