விலை....!

 அம்மாடியோ.....!

கிலோ ஐந்து ரூபாய்க்கு விற்கப்பட்ட வெங்காயம், இன்று 50 ரூபாய்க்கு விற்பனையாகிறது.

நேற்று 10 ரூபாய்க்கு சாப்பிட்ட சாதாரண டீயின் விலை இன்று 12 ரூபா.

ஸ்பெஷல் டீ 15 ரூபாயில் இருந்து 20 ரூபாய்க்கு உயர்ந்து விற்பனை.

ஓட்டல்களில், மெஸ்களில் உணவு வகைகளின் விலைகள் தாறுமாறாக உயர்வு.

இந்த அதிரடி விலை உயர்வால் சாதாரண, நடுத்தர மக்கள் படும் துன்பங்கள் ஏராளம்.

பெட்ரோல், டீசல் விலையும் நாள்தோறும் உயர்ந்து கொண்டே போகிறது.

கடும் விலைவாசி உயர்வால் என்ன செய்வது என்ன தெரியாமல் மக்கள் விழி பிதுங்கி நிற்கிறார்கள்.

ஆனால், ஆட்சியாளர்களுக்கு மக்கள் மீது கொஞ்சமாவது கருணை இருக்கிறாதா என கேள்வி எழுந்தால்,  பதில் இல்லை என்றே வருகிறது.

கார்பரேட் பெரும் தொழில் நிறுவனங்களுக்கு மட்டும் சலுகைகளை வாரி வழங்கும் அரசு, சாதாரண, நடுத்தர மக்கள் மீதும் தனது பார்வையை திருப்பி அவர்களது துயரங்களை களைய நடவடிக்கைகள் எடுத்தால் நன்றாக இருக்கும்.

ஆனால் அரசு செய்யுமா....!

- எஸ்.ஏ.அப்துல் அஜீஸ்