18ஆம் நூற்றாண்டு குர்ஆன் கையெழுத்துப் பிரதி....!

 

" புனித குர்ஆன் அருங்காட்சியகத்தில்

 18ஆம் நூற்றாண்டு குர்ஆன் கையெழுத்துப் பிரதி "

 

சவூதி அரேபியாவின் மக்கா நகரில் இஸ்லாமிய வரலாறு, கலாச்சாரம் மற்றும் கஅபாவின் பாரம்பரியத்தை விளக்கும் பல முக்கிய அருங்காட்சியகங்கள் உள்ளன. அதன்படி, மக்கா அருங்காட்சியகம், மக்கா மணிக்கூண்டு அருங்காட்சியகம் மற்றும் ஹிரா பண்பாட்டு மாவட்டத்தில் உள்ள திருக்குர்ஆன் அருங்காட்சியகம் ஆகியவை மக்காவில் உள்ள பிரதான அருங்காட்சியகங்கள் ஆகும்.

மக்கா அருங்காட்சியகம், மக்கா மற்றும் இஸ்லாத்தின் வரலாற்றுச் சின்னங்கள், பழங்காலக் கைப்பிரதிகள், கஅபாவின் கட்டடக்கலை மற்றும் ஹஜ் யாத்திரை குறித்த பல முக்கிய தொல்பொருட்களைக் காட்சிப்படுத்துகிறது.

மணிக்கூண்டு அருங்காட்சியகம், அப்ராஜ் அல்-பைது வளாகத்தின் மிக உயரமான கோபுரத்தின் உச்சியில் அமைந்துள்ளது. இது பிரபஞ்சம் நேரம் அளவிடும் முறைகள் மற்றும் பிரமாண்டமான மக்கா கடிகாரத்தின் பொறியில் வரலாற்றைக் காட்டுகிறது.

திருக்குர்ஆன் அருங்காட்சியகம், ஹிரா பண்பாட்டுப் பகுதியில் இருந்துள்ளது. இது, அரிய குர்ஆன் பிரதிகள் மற்றும் இஸ்லாமியக் கலை வடிவங்களை உள்ளடக்கியது. 

புனித குர்ஆன் கையெழுத்துப் பிரதி :

மக்காவில் உள்ள ஹிரா கலாச்சார மாவட்டத்தில் அமைந்துள்ள புனித குர்ஆன் அருங்காட்சியகம், 18ஆம் நூற்றாண்டைச் சேர்ந்த ஒரு புனித குர்ஆன் கையெழுத்துப் பிரதியைக் காட்சிப்படுத்தியுள்ளது.

இந்தக் கையெழுத்துப் பிரதியானது, புனித குர்ஆனின் எழுத்து மற்றும் அலங்காரத்தில் காட்டப்பட்ட நுணுக்கமான கவனத்தைப் பிரதிபலிப்பதோடு, அக்காலத்திய இஸ்லாமிய எழுத்துக்கலை மற்றும் அலங்காரங்களின் அழகையும் துல்லியத்தையும் வெளிப்படுத்துகிறது.

கருப்பு மையில் எழுதப்பட்ட இந்தக் கையெழுத்துப் பிரதியானது, பல இஸ்லாமிய எழுத்துக்கலைப் பள்ளிகளின் பண்புகளை ஒருங்கிணைத்து, அவற்றின் தனித்துவமான அம்சங்களைப் பயன்படுத்துவதில் எழுத்தரின் திறமையை வெளிப்படுத்துகிறது.

துல்லியமான எழுத்துக்கலை :

அதன் துல்லியமான உச்சரிப்புக் குறிகளும் உயிரெழுத்துக் குறியீடுகளும் கையால் எழுதப்பட்ட குர்ஆன்களில் துல்லியத்திற்கு அளிக்கப்பட்ட கவனத்தைப் பிரதிபலிக்கின்றன. அதே சமயம், அதன் தொடக்கப் பக்கங்களில் உள்ள மலர் வடிவங்களும் சிக்கலான அலங்காரங்களும் குர்ஆன் கையெழுத்துப் பிரதிகளின் கலை மரபுகளை எடுத்துக்காட்டுகின்றன.

இந்தக் கையெழுத்துப் பிரதியானது, கையால் எழுதப்பட்ட குர்ஆன்களின் வரலாறு, அரபு எழுத்துக்கலையின் பரிணாம வளர்ச்சி, மற்றும் வெவ்வேறு வரலாற்று காலங்களில் குர்ஆன் கையெழுத்துப் பிரதிகளை உருவாக்குவதில் பயன்படுத்தப்பட்ட அலங்கார மற்றும் தங்க முலாம் பூசும் நுட்பங்கள் ஆகியவற்றைப் பார்வையாளர்களுக்கு ஒரு கண்ணோட்டமாக வழங்குகிறது.

பார்வையாளர்களுக்கு வியப்பு :

புனித குர்ஆன் அருங்காட்சியகத்தில் காட்சிப்படுத்தப்பட்டுள்ள 18 ஆம் நூற்றாண்டைச் சேர்ந்த ஒரு புனித குர்ஆன் கையெழுத்துப் பிரதியைக் காணும் பார்வையாளர்கள் வியப்பு அடைந்து வருகிறார்கள். இந்தக் கையெழுத்துப் பிரதி, கையால் எழுதப்பட்ட குர்ஆன்களின் வரலாறு, அரபு எழுத்துக்கலையின் பரிணாம வளர்ச்சி, மற்றும் வெவ்வேறு வரலாற்று காலங்களில் குர்ஆன் கையெழுத்துப் பிரதிகளை உருவாக்குவதில் பயன்படுத்தப்பட்ட அலங்கார மற்றும் தங்க முலாம் பூசும் நுட்பங்கள் ஆகியவற்றை வழங்குவதால், திருக்குர்ஆன் குறித்த பல்வேறு அரிய தகவல்களை அறிந்துகொள்ளும் வாய்ப்பும் பார்வையாளர்களுக்கு கிடைத்து வருகிறது.

புனித மக்கா நகருக்குச் செல்லும் இஸ்லாமியர்கள், அவசியம், புனித குர்ஆன் அருங்காட்சியகத்தில் காட்சிப்படுத்தப்பட்டுள்ள 18 ஆம் நூற்றாண்டைச் சேர்ந்த புனித குர்ஆன் கையெழுத்துப் பிரதியைக் கண்டு ரசிக்க வேண்டும். மேலும் அங்கு வைக்கப்பட்டுள்ள திருக்குர்ஆன் தொடர்பான அரிய பொருட்களையும், தகவல்களையும்  கண்டு,  ஏக இறைவனால், திருக்குர்ஆன் எந்தளவுக்கு பாதுகாக்கப்பட்டு வருகிறது என்பதை அறிந்து வியப்பு அடைவதுடன், ஏக இறைவனுக்கு இருகரம் ஏந்தி நன்றி செலுத்த வேண்டும்.

- எஸ்.ஏ.அப்துல் அஜீஸ்