மகிழ்ச்சி என்பது
ஒரு அழகிய
பயணத்தின் திசை.
அது நிரந்தரமாக
தங்கும் இடமில்லை.
வாழ்க்கையில் எதுவும்
நிரந்தரம் இல்லை.
மகிழ்ச்சி என்பது
ஒரு அழகிய
பயணத்தின் திசை.
அது நிரந்தரமாக
தங்கும் இடமில்லை.
வாழ்க்கையில் எதுவும்
நிரந்தரம் இல்லை.
மகிழ்ச்சியான தருணம்...!
சவால்கள் நிறைந்த காட்சி ஊடகத் துறையில், தனது திறமையால் சாதித்துக் கொண்டிருக்கும் படத்தொகுப்பாளர் ராமு அவர்களை நேரில் சந்தித்து, நான் எழுதிய 'உலகில் வீசும் இஸ்லாமிய ஒளி' மற்றும் 'இந்திய முஸ்லிம்கள் பாகம் -1 ஆகிய இரண்டு நூல்களை வழங்கி,மேலும் பணிகள் சிறக்க வாழ்த்தினேன்.
மகிழ்ச்சியான தருணம்...!
சவாலான காட்சி ஊடகத் துறையில் சாதித்துக் கொண்டிருக்கும் திறமையான செய்தியாளர் தோழி மணிமேலை அவர்களை நேரில் சந்தித்து, நான் எழுதிய 'உலகில் வீசும் இஸ்லாமிய ஒளி' மற்றும் 'இந்திய முஸ்லிம்கள் பாகம் -1 ஆகிய இரண்டு நூல்களை வழங்கி,மேலும் பணிகள் சிறக்க வாழ்த்தினேன்.
The Taliban government says construction has been completed on a large congregational mosque named after Mawlawi Jalaluddin Haqqani on Maranjan Hill in Kabul. The mosque reportedly cost around $1.5 million and can accommodate 2,000 worshippers at a time.
Gaza is facing an unimaginable tragedy. Nothing justifies the people of Gaza paying such a high and unjust price. Amid the devastation, Richard Gere joins UNRWA. Supporting UNRWA means protecting lives and defending humanity.
அமைதியை விரும்பும் இந்திய மக்கள்....!
புத்த மத தலைவர் தலாய் லாமா...!!
ஜலந்தரில் நடைபெற்ற நிகழ்ச்சி ஒன்றில் கலந்து கொண்டு பேசிய தலாய் லாமா இந்திய மக்கள் அனைவரும் அமைதியுடன் வாழ விரும்புவதாக கூறினார்.
சகிப்புத் தன்மையுடன் அனைத்து தரப்பு மக்களுடன் இணந்து வாழ்வதையே இந்தியர்கள் விரும்புகிறார்கள் என்றும் அவர் தெரிவித்தார்.
பீகார் சட்டப்பேரவைத் தேர்தல் முடிவுகள் இதைத்தான் காட்டுவதாக தலாய் லாமா மேலும் கூறினார்.
நாட்டில் சகிப்புத் தன்மை மற்றும் மத ஒற்றுமைக்கு எதிராக தொடர்ந்து குந்தகம் விளைவிக்கும் மர மண்டைகளுக்கு புரிந்தால் சரி.
- எஸ்.ஏ.அப்துல் அஜீஸ்
No one gets a sudden rise, not even the sun. It takes time to rise to the peak of success. Just keep your efforts going and be positive.
வாழ்த்துகள்....!
இன்று தேசிய பத்திரிகையாளர் தினம்.
ஊடகத்துறையில் சாதிக்கும், சாதிக்க துடிக்கும் அனைவருக்கும் எமது வாழ்த்துகள்.
தடைகளை உடைத்து துணிவுடன் பணியாற்று அனைவரும் ஊடகத்துறையில் நிச்சயம் சாதிக்கலாம்.
நம் எண்ணங்களும், உணர்வுகளும், சிந்தனைகளும், செயல்களும் நம்மைச் சுற்றியுள்ள மனிதர்களுக்கு நல்லது செய்யும் எனில் மகிழ்ச்சியை நாம் தேட வேண்டியதில்லை. ஆம், மகிழ்ச்சி தானாக கிடைக்கும்.
When a few businessmen own the government, the people lose their voice.
India's democracy is a global public good, and the world needs it to survive.
We will save it the only way we know - no hatred, no fear, no anger. Only truth, non-violence and love.
O Muslims of the world, the time has come to live with your heads held high,
In Israel today, Gadi Eisenkot said something in a show of respect for the Arab party that will make Muslims around the world feel proud,
Taking the Arabs’ side, Gadi Eisenkot called Benjamin Netanyahu racist and violent. Not only that, Gadi sternly rebuked Benjamin Netanyahu, reminding him that a prime minister is the prime minister of the entire country’s people, whether or not they voted for him,
Speaking about Netanyahu, Gadi Eisenkot said that Arab citizens are part of Israel’s story, so smearing the Arab community is an act against the country, and I will not allow an entire population to be smeared. This came as Netanyahu and his allies are linking Arab lawmakers to Hamas,
In addition, today Yousef Jabareen of the Arab parties’ Joint List presented his demands to Gadi Eisenkot, including an end to the demolition of Arab homes built without permits, a plan to curb crime and violence in Arab areas, a five-year economic development plan, jobs, and homes for young couples,
‘From 1971 to 2022, America killed 38 million people’
Professor John Mearsheimer on US hypocrisy over wanting to ‘liberate’ Iran.
தமிழக வெற்றிக் கழக கூட்டணி ஆட்சி மீது எதிர்க்கட்சிகள் நம்பிக்கையில்லா தீர்மானம் கொண்டு வந்தால் தோல்வி அடையும்
த.வெ.க. ஆட்சி ஐந்து ஆண்டுகள் முழுமையாக நீடிக்கும்
சி7 நியூஸ் தொலைக்காட்சிக்கு இந்திய யூனியன் முஸ்லிம் லீக்
மாநில பொதுச் செயலாளர்
கே.ஏ.எம்.முஹம்மது அபூபக்கர் அளித்த சிறப்பு நேர்காணல்
இந்திய யூனியன் முஸ்லிம் லீக் மாநில பொதுச் செயலாளர் கே.ஏ.எம்.முஹம்மது அபூபக்கரிடம் சி7 நியூஸ் தொலைக்காட்சி சார்பில் நெறியாளர் மதுமிதா சிறப்பு நேர்காணல் ஒன்றை நடத்தினார். அந்த நேர்காணலில் மதுமிதா முன்வைத்த பல்வேறு கேள்விகளுக்கு, கே.ஏ.எம்.முஹம்மது அபூபக்கர் சிறப்பான முறையில் விளக்களை அளித்தார். குறிப்பாக, தமிழக அரசியல் நிலவரம், எம்.எல்.ஏக்கள் மீதான குதிரை பேரம் குற்றச்சாட்டுகள், கூட்டணி கட்சிகளின் நிலைப்பாடு, நிர்வாக செயல்பாடுகள் ஆகியவற்றை குறித்தும், தற்போதைய இந்திய யூனியன் முஸ்லிம் லீகின் அரசியல் நிலைப்பாடு என்ன? போன்ற பல்வேறு வினாக்களுக்கு கே.ஏ.எம்.முஹம்மது அபூபக்கர் விரிவாக பதில் அளித்தார். சி7 நியூஸ் தொலைக்காட்சியில் ஒளிப்பரப்பான நேர்காணலை, மணிச்சுடர் சிறப்புச் செய்தியாளர் எஸ்.ஏ.அப்துல் அஜீஸ் தொகுத்துள்ளார். அதன் விவரம் வருமாறு:
குதிரை பேரம் என்ற குற்றச்சாட்டு
கேள்வி : வணக்கம் சார். வாழ்த்துகள். சார், த.வெ.க. ஆட்சிக்கு வந்ததில் இருந்து அவர்கள் மீது ஆரம்பத்திலிருந்து குதிரை பேரம் என்ற ஒரு குற்றச்சாட்டு இருந்து வருகிறது. சமீப காலமாக அந்த குதிரை பேரம் என்பது த.வெ.க. எம்.எல்.ஏக்களிடம் நடத்தப்பட்டு இருப்பதாக ஒரு செய்தி வெளியாகியுள்ளது. அதிமுகவில் இருந்து ஒருவர் பேசி இருக்கிறார் என்ற தகவலும் வெளியாகியுள்ளது. அதை நீங்க எப்படி பார்க்கிறீங்க?
பதில் : அதாவது நடந்துமுடிந்த தமிழ்நாடு சட்டப்பேரவைத் தேர்தலில் தமிழக வெற்றிக் கழகம் தனி மெஜாரிட்டியோட ஜெயிக்காம, சில கட்சிகளுடன் இணைந்து கூட்டணி அமைச்சரவையை உருவாக்கி ஆட்சியை நடத்திக் கொண்டு இருக்கிறது. அதனால் தான் இந்த குதிரை பேரம் பேச்சுங்கிறது ஆரம்பத்திலிருந்து நிலவி இருக்கு. ஏற்கனவே ஒரு எம்எல்ஏ குற்றச்சாட்டு பண்ணி, அது ஒரு பெரிய கான்ட்ரவர்சி ஆச்சு. இப்ப அதே மாதிரி ஏற்கனவே ஒரு திமுக எம்எல்ஏ அப்படி ஆசை வார்த்தை காட்டினாரு. இப்போ ஒரு அதிமுககாரரு பேசி இருக்கிறதா மதுரை எம்எல்ஏ சொல்லி இருக்காரு. இது தொடர்ந்து நடந்துகிட்டே இருக்கிறது. இந்த மாதிரி ஒரு சிங்கிள் மெஜாரிட்டி இல்லாத கவர்மெண்ட் இருக்கும்போது இந்த மாதிரி பிரச்சனைகள் எல்லா நேரத்திலேயும் வர்றதுதான். கடந்த முறை அம்மையார் ஜெயலலிதா அவர்களுடைய மறைவுக்குப் பிறகு அந்த மாதிரிதான் நம்பிக்கையில்லா தீர்மானம் கொண்டு வரும்போதெல்லாம் இந்த பிரச்சினைகள் வந்துச்சு. கூவத்தூரில் அடைச்சு வச்சது போனதெல்லாம் நடந்துச்சா இல்லையா? அது தொடர்ந்து நடந்துகிட்டே இருக்கிறது. இதுகுறித்து உண்மையான விசாரணை செய்தால் தான் அதனுடைய உண்மைத்தன்மை தெரியும்.
கேள்வி : இதற்கு பின்னாடி திமுக தான் சில விஷயங்களை முன்னெடுத்துட்டு வராங்க. திமுகவும் அதிமுகவும் கூட்டணி சேர்ந்து இந்த விவகாரத்துல செயல்படுறாங்க என்ற ஒரு குற்றச்சாட்டு, விமர்சனம் தவெ.க சார்பில் இருந்து வைக்கிறாங்க. இதை நீங்க ஏத்துக்குறீங்களா சார்?
பதில் : அதாவது ஆளுங்கட்சி என்ற வகையில் தமிழக வெற்றிக் கழகமும் அதனுடைய கூட்டணி கட்சிகளும் இருக்கின்றன. அதை எதிர்க்கக்கூடிய வகையில் திமுகவும் அதிமுகவும் தொடர்ந்து இந்த ஆட்சி மேல கடுமையான கண்டனங்களை தெரிஞ்சுக்கிட்டு இருக்காங்க. குற்றச்சாட்டுகளை முன்வைத்து இருக்காங்க. அவங்களுடைய செயல்பாடுகள் எல்லாமே இப்போ ஆளுங்கட்சியை எதிர்த்து அவங்க ரெண்டு பேரும் ஒண்ணா இருந்து செயல்படுறதுனால இந்த ஆட்சி நீடிக்காது அப்படின்னு திமுக தலைவரும் தொடர்ந்து சொல்றாரு. இதெல்லாம் வரும்போதுதான் ஒரு பலமான சந்தேகம் அந்த கட்சி மேல ஏற்படுது. அவங்க ரெண்டு பேருமே சொல்றாங்களா இல்லையா? இந்த ஆட்சி நீடிக்காது நீடிக்காதுன்னு சொல்லும்போது, இந்த மாதிரி சூழ்நிலைகள் வரும்போது தான் சந்தேகங்கள் அதிகமாகுது.
நம்பிக்கையில்லா தீர்மானம் தோல்வி அடையும்
கேள்வி : இப்ப நம்பிக்கையில்லா தீர்மானத்தை நோக்கி காய் நகர்த்துங்க. இந்த மாதிரியான விஷயங்களை நீங்கள் ஏற்றுக் கொள்கிறீங்களா?
பதில் : அப்படி இருக்கும். த.வெ.க. 6 மாதம் ஆட்சி நிறைவு செய்துவிட்டதால், மீண்டும் ஒருமுறை நம்பிக்கையில்லா தீர்மானம் கொண்டு வர வாய்ப்பு உண்டு. ஆட்சி மீதும் கொண்டு வரலாம். சபாநாயகர் மீதும் கொண்டு வரலாம். ஆனால் எங்களைப் பொறுத்தவரை இந்த ஆட்சி தொடர்ந்து ஐந்து வருடங்கள் நீடிக்கும். தவெக ஆட்சியை கவிழ்க்கும் சூழ்நிலைகள் எதுவும் இல்லை. தவெ.க.வின் எம்.எல்.ஏக்கள் அனைவரும் அதன் தலைமைக்கு கட்டுப்பட்டவர்களாக இருக்கிறார்கள். அதற்கு ஆதரவு அளிக்கும் காங்கிரஸ், இடதுசாரி, விடுதலைச் சிறுதைகள், இந்திய யூனியன் முஸ்லிம் லீக் ஆகிய அனைத்துக் கட்சிகளும் தங்களுடைய நிலைப்பாட்டில் தெளிவாக இருக்கிறார்கள். உறுதியாக இருக்கிறார்கள். அவர்களுடைய மனநிலையில் மாற்றம் இல்லை. அதனால், தவெக ஆட்சி மீது நம்பிக்கையில்லா தீர்மானம் கொண்டு வந்தாலும் அது தோல்வியிலதான் முடியும் என்று நினைக்கிறேன்.
கேள்வி : தவெக மீதுதான நம்பிக்கை வாக்கெடுப்பின்போது அதிமுக தரப்பில் ஒரு சிலரும், இடதுசாரி கட்சிகளும் ஆதரவு அளித்தன. ஆனால், தற்போது இடதுசாரி கட்சிகள் சார்பில் ஒரு எதிர்ப்பு இருந்து வருகிறது. தவெக ஆட்சியில் தொடர்ந்து சட்டம் ஒழுங்கு பிரச்சனைங்கிறது அதிகமாயிருக்கு என்று குற்றச்சாட்டு முன்வைக்கப்படுகிறது. தவெக ஆட்சி மற்றும் நிர்வாகம் மீது அதிருப்தி இருக்கிறது என்பதை அவர்கள் கொடுக்கும் பேட்டிகளின் மூலம் தெரியவருகிறது. அப்போ, தவெக ஆட்சி ஒரு எதிர்ப்பு மனநிலையை நோக்கி போய்க் கொண்டு இருக்கிறதா?
பதில் : இடதுசாரிகளை பொறுத்தவரை அவர்கள் ஆட்சி அதிகாரத்தில் பங்கெடுத்துக் கொள்ள மாட்டார்கள். ஒன்றியத்தில் ஐக்கிய முற்போக்கு கூட்டணி ஆட்சி பிரதமர் மன்மோகன் சிங் தலைமையில் நடந்தபோது அவர்கள் வெளியில் இருந்து தான் ஆதரவு அளித்தார்கள். 10 வருடங்கள் அவர்கள் ஆட்சியில் அங்கம் வகிக்கவில்லை. அவர்களை பொறுத்தவரை கூட்டணி மந்திரிசபை என்பது கேரளாவில் மட்டும் தான் உள்ளது. ஆட்சிக்கு அவ்வப்போது எதிர்ப்பும் ஆலோசனைகளையும் தெரிவிப்பார்களே தவிர, ஆட்சிக்கு தொல்லை கொடுக்க மாட்டார்கள். த.வெ.க. ஆட்சிக்கு வருவதற்கு முக்கிய நோக்கம், தமிழகத்தில் குடியரசுத் தலைவர் ஆட்சி வந்துவிடக் கூடாது என்பது தான். பாஜகவின் மறைமுகமான ஆட்சி தமிழகத்தில் வந்துவிடக் கூடாது என்ற ஒரே நோக்கத்தில் தான் இந்த முடிவு எடுக்கப்பட்டது. அந்த கோரிக்கை இன்னும் இருக்கு. ஆனால் மீண்டும் ஒரு தேர்தலை மக்கள் சந்திக்க தயாராக இல்லை. அதனால், தவெகவிற்கு ஆதரவு அளிக்கும் கட்சிகள் அனைத்தும் தற்போது ஒரே நிலைப்பாட்டில் இருப்பதாகவே நான் கருதுகிறேன்.
சட்டம் ஒழுங்கு பிரச்சினை விவகாரம்
கேள்வி. : தவெக ஆட்சிக்கு வந்தபோது அவர்களுக்கு அனுபவம் இல்லை. இப்போ தான் ஆட்சிக்கு வந்து இருக்கிறார்கள். பொறுத்திருந்து பார்ப்போம் என்று பேச்சு இருந்தது. ஆனால் இப்போ தவெக ஆட்சியில் தொடர்ந்து சட்டம், ஒழுங்கு பிரச்சினை அதிகமாக இருக்கு. தவெக எடுக்கும் முடிவுகள் கூட சில தவறாக இருக்கிறது என்ற விமர்சனம் வந்துகொண்டே இருக்கிறது. அதை எப்படி பார்க்கிறீர்கள்?
பதில் : ஆட்சின்னு வரும்போது சில தவறுகள் நடக்கத்தான் செய்யும். தவெகவினர் அனைவரும் முதல்முறை சட்டமன்ற உறுப்பினர்களாக வந்து இருககிறார்கள். அப்படி வந்தவர்களில் முதலமைச்சர் கூட முதல்முறை சட்டமன்ற உறுப்பினர். அவர்களில் ஒருசில பேரை தவிர மற்றவர்கள் அனைவரும் புதியவர்கள். ஒரு எம்.எல்.ஏ. நல்ல முறையில் செயல்பட வேண்டுமானால் குறைந்தபட்சம் ஒரு வருடம் பயிற்சி எடுக்க வேண்டும். தற்போது 6 மாதம் தான் முடியுது. அந்த அடிப்படையில் அனுபவம் குறைவாக இருப்பதால் சில குறைபாடுகள் இருக்க வாய்ப்புகள் உண்டு. அவற்றையெல்லாம் காலப்போக்கில் சரி செய்வார்கள் என்ற நம்பிக்கை எங்களுக்கு உண்டு.
திமுகவினரின் விமர்சனங்களுக்கு பதில்
கேள்வி : ஆனா இப்ப ஒரு தவறு நடந்தால் அதற்கு தீர்வு காண முயற்சி செய்யாமல், எதுக்கு எடுத்தாலும் திமுக தான் காரணம் அப்படின்றதை முன்னெடுக்கிறாங்களே. இது ஒரு பழிவாங்கும் அரசியலாக மாறிவருகிறது என்ற விமர்சனம் எழுந்துள்ளது. திமுக மீது குற்றம்சாட்டுவதே தவெகவின் வாடிக்கையாக மாறிவிட்டது என்று எதிர்க்கட்சித் தலைவர் உதயநிதி ஸ்டாலின் கூட சொல்லி இருக்கிறார்.
பதில் : திமுகவை பொறுத்தவரை அவர்கள் தவெக ஆட்சியை எந்தவகையிலும் வரவேற்கவில்லை. தவெக ஆட்சி அமைந்து ஒரு மாதம் கூட ஆளாத நிலையில் கூட திமுகவினர் விமர்சிக்க ஆரம்பித்துவிட்டார்கள். திமுககாரங்களால சகிக்க முடியல. இந்த ஆட்சி அமைஞ்சதுங்கிறதை அவங்களால ஏற்றுக்கொள்ள முடியல. அவங்களுடைய நடவடிக்கைகளை பார்த்தா அப்படித்தான் இருக்கு. தவெக கூட ஊழல் விவகாரத்தில் கடுமையான நடவடிக்கை எடுப்போம் என்று சொல்லி நடவடிக்கை எடுத்துக் கொண்டு இருக்கிறார்கள். இதுவும் திமுகவிற்கு தவெக மீது வெறுப்பு ஏற்பட முக்கிய காரணமாக இருக்கிறது. திமுக, தவெக இடையே நீடிக்கும் இந்த போக்கு தமிழ்நாட்டின் நன்மைக்கு நல்லதல்ல. ஆளும் கட்சி சிறப்பாக செயல்பட வாய்ப்பு அளிக்க வேண்டும். எதிர்க்கட்சியும் நல்ல எதிர்க்கட்சியாக தனது ஜனநாயக கடமையை நிறைவேற்ற வேண்டும். அப்படி இருந்தால் தான் சமநிலையில் எந்தவொரு நிர்வாகமும் நடக்க முடியும். அதுதான் தமிழ்நாட்டிற்கு நல்லது.
நீதி விசாரணை நடத்தி தீர்வு காண வேண்டும்
கேள்வி : இப்போ கூட கோவை பெரியார் அறிவுலகத்தில் புத்தகங்கள் கொள்முதலில் அவ்வளவு மோசடி நடந்து இருக்கு. ஏ.ஐ. மூலமாக ஒரு புத்தகம் தயாரித்து அது எந்த பதிப்பகம் என்று தெரியாமல் அதை நூலகத்திற்கு வாங்கி இருக்கிறார்கள். இதுபோன்று முன்னெடுப்புகள் தவெக எடுக்கும்போது அவர்கள் மீது சந்தேகம் வர வாய்ப்பு உள்ளது அல்லவா?
பதில் : பெரியார் அறிவுலகத்திற்கு புத்தகங்கள் கொள்முதல் செய்த விவகாரத்ல் அனைவரும் வேதனை அடையக் கூடி அளவுக்கு மோசடிகள் நடந்து இருக்கு. புத்தகங்களை தேர்வு செய்யும் குழுவில் இருந்தவரே இந்த குற்றச்சாட்டை கூறி இருக்கிறார். புத்தகங்கள் கொள்முதல் செய்யப்பட்டது இந்த ஆட்சியிலா என்பது தான் தற்போதைய விவாதம். போன ஆட்சியில் ஆர்டர் கொடுத்தார்களா, அல்லது அதே நிலையை இவர்கள் தொடர்ந்தார்களா போன்ற சந்தேகங்கள் இருப்பதால், ஒரு முழுமையான விசாரணைக்கு உட்படுத்த வேண்டும். நீதியரசர் தலைமையில் ஒரு விசாரணை குழு அமைத்து, விசாரணை நடத்தி, உண்மைகளை அறிந்து யார் தவறு செய்து இருந்தாலும் அவர்கள் தண்டிக்கப்பட வேண்டும். இதுபோன்ற தவறுகள் இனி நடக்காமல் பார்த்துக் கொள்ள வேண்டும். இதுதான் இ.யூ.முஸ்லிம் லீகின் நிலைப்பாடாகும்.
கேள்வி : தவெக பிரச்சினை குறித்து எதுவும் கூறாமல், திமுக தான் காரணம் என்று கூறுகிறார்கள்,. அதற்கு பதில் அளிக்கும் திமுக நாங்கள் அப்படி செய்யவில்லை என்று கூறுகிறார்கள். தவெக மீது தான் குற்றம்சாட்டுகிறார்கள். இதை தமிழக மக்கள் கவனித்துக் கொண்டு இருக்கிறார்கள். இது ஒரு பழி வாங்கும் நோக்கமாகவே பார்க்கப்படாதா?
பதில் : அதனால் தான் உண்மை தன்மையை மக்களுக்கு தெரிவிக்க வேண்டும் என்று நாங்கள் சொல்லிக் கொண்டு இருக்கிறோம். அதற்கு தான் நீதி விசாரணை நடத்த வேண்டும் என்று கோரிக்கை வைக்கிறோம். நீதி விசாரணை நடத்தி மக்களுக்கு தெளிவுப்படுத்த வேண்டிய கடமை தவெக அரசுக்கு உண்டு. அதை செய்ய வேண்டும் என்று நாங்கள் வலியுறுத்துகிறோம்.
அதிகாரிகள் மீதான குற்றச்சாட்டு
கேள்வி : தவெக மீது தொடர்ந்து வைக்கக்கூடிய இன்னொரு முக்கியமான குற்றச்சாட்டு என்பது சட்ட ஒழுங்கு பிரச்சனைதான். உண்மையில் திமுகவை சார்ந்து தான் அதிகாரிகள் செயல்படுகிறார்களா? தவெகவிற்கு அதிகாரிகள் கட்டுப்படவில்லை என்று பொதுவாக சொல்லிக் கொண்டு இருக்கிறார்கள். இதை எப்படி பார்க்கிறீர்கள்?
பதில் : சட்டம், ஒழுங்கு பிரச்சினை என்பது எல்லா ஆட்சியிலும் உண்டு. பொதுவாக, சட்டம், ஒழுங்கு பராமரிக்க வேண்டும். மக்கள் நிம்மதியாக வாழக் கூடிய ஒரு நிலைமையை அனைவரும் உருவாக்கித் தர வேண்டும். அரசு அதற்கான நடவடிக்கைகளில் ஈடுபட வேண்டும் என்பது தான் நம்முடைய கருத்து. அதேநேரத்தில், அதிகாரிகளின் கைகளில் ஆட்சி இருக்கிறது என்பதை சொல்ல முடியாது. அதிகாரிகள் கூட, ஆட்சிக்கு நல்ல பெயர் வரக்கூடிய வகையில் செயல்பட வேண்டும். முதலமைச்சருக்கு அதிகாரிகள் கட்டுப்படவில்லை என்று சொல்வதை ஏற்றுக் கொள்ள முடியாது. முதலமைச்சருக்கு கட்டுப்படாமல் அதிகாரிகள் எப்படி இருக்க முடியும். முதலமைச்சர் செய்யக் கூடியவர்கள் தான் அதிகாரிகளாக இருக்க வேண்டும். எனவே கட்டுப்படாமல் இருக்க வாய்ப்பு இல்லை. தவெகவின் ஆட்சியின் திட்டங்களை நிறைவேற்றும் வகையில் அதிகாரிகளை மாற்ற வேண்டும். அதுதான் ஒரு ஆரோக்கியமான நிர்வாகத்திற்கு சரியாக இருக்கும். தவெக ஆட்சியை குறித்து முழுமையாக மதிப்பீடு செய்ய இன்னும் ஒரு 6 மாதக் காலம் அவசியம் தேவை. ஒரு வருடம் வாய்ப்பு கொடுத்தால், முழுமையாக எதையும் சொல்ல முடியும்.
ஜோசியமும் தவெகவும்
கேள்வி : நீங்கள் கூட்டணியில் இருப்பதால் கேட்கிறேன். தவெ.க இப்போது வெளிப்படைத் தன்மையுடன் இருக்கிறதா? ஜோசியத்தை நம்பி முதலமைச்சர் செயல்படுகிறார் போன்று விமர்சனங்கள் முன்வைக்கப்படுகின்றன. இதை எப்படி பார்ப்பது?
பதில் : இதுபோன்ற குற்றச்சாட்டுகளை தொடர்ந்து எதிர்க்கட்சிகள் முன்வைத்து வருகின்றன. நம்மை பொறுத்தவரை, தமிழ்நாட்டிற்கு நன்மை அளிக்கும் திட்டங்களை இந்த ஆட்சியில் செய்கிறார்களா இல்லையா என்பதை தான் நாம் பார்க்க வேண்டும். தமிழ்நாட்டின் தனித்தன்மையை பாதுகாக்கிறார்களா, தமிழ்நாட்டின் வளர்ச்சிக்கு பாடுபடுகிறார்களா. தமிழ்நாட்டிற்கு நன்மை கிடைக்கிறதா என்பதை தான் பார்க்க வேண்டும். அதைவிட்டுவிட்டு, தேவையில்லாத விமர்சனங்களை வைக்கக் கூடாது. வெளிப்படத்தன்மையை அறிவித்துக் கொண்டு தானே இருக்கிறார்கள். மேலும் என்ன வெளிப்படை தன்மையை எதிர்பார்க்கிறார்கள். அவர்களுடைய நிலைப்பாட்டில் அவர்கள் உறுதியாக இருக்கிறார்கள் என்றே கூட்டணி கட்சி என்று முறையில் நாங்கள் நம்புகிறோம். மேலும் சிறப்பாக செய்வார்கள் என்பது தான் எங்களுடைய எதிர்பார்ப்பு.
தவெக அரசு மீதான குற்றச்சாட்டு
கேள்வி : ஒன்றிய, மாநில அரசுகளின் உறவுகளை மேம்படுத்த கடந்த திமுக ஆட்சியில் அமைக்கப்பட்ட குழுவை தவெக அரசு கலைத்துவிட்டது. அதற்கான காரணம் என்ன?
பதில் : குழு கலைத்தது குறித்து அரசு இன்னும் தெளிவுப்படுத்தவில்லை. அரசு அறிவித்தபிறகு எங்களுடைய கருத்தை தெரிவிக்கிறோம்.
கேள்வி : தவெக அரசு அறிவிப்பை வெளியிட்டு, அதற்கு எதிர்ப்பு கிளம்பியதும் அதை திரும்ப பெற்று விடுகிறார்கள். அப்படியென்றால் எதையும் சிந்திக்காமல், அறிவிப்பை வெளியிடுகிறார்களா. தலைமைச் செயலகம், வெங்காயம் கொள்முதல் உள்ளிட்ட விவகாரங்கள் இதற்கு சான்றாக உள்ளன.
பதில் : எதையும் ஆராயமல் எடுக்க மாட்டார்கள். அரசு ஒரு முடிவு எடுக்கிறது என்றால், ஓரளவுக்கு ஆய்வு செய்துதான் எடுக்கும். முழுமையாக 100 சதவீத மக்களின் ஒத்துழைப்பைப் பெற்று எந்த திட்டத்தையும் நிறைவேற்ற முடியாது. கடந்த திமுக ஆட்சியில் பரந்தூர் விமான நிலையத்திற்கு எதிராக மக்கள் போராட்டம் நடத்தினார்கள். ஆனால் திமுக உறுதியாக இருந்தது. தவெக தேர்தலில் அளித்த வாக்குறுதியின்படி, பரந்தூர் விமான நிலைய திட்டத்தை வாபஸ் பெற்று இருக்கிறார்கள். பொதுவாக ஒரு திட்டத்தை கொண்டு வரும்போது, மக்களுக்கு அதிகளவு நன்மையாக இருந்தால் அதை செயல்படுத்த வேண்டும். 100 சதவீத மக்களின் ஆதரவுடன் தான் திட்டத்தை நிறைவேற்றுவோம் என்று சொன்னால் எந்த திட்டத்தையும் நிறைவேற்ற முடியாது. சில அறிவிப்புகளுக்கு எதிர்ப்பு வரும்போது அதை பெருந்தன்மையாக ஏற்றுக் கொண்டு வாபஸ் வாங்குவதே நல்ல பணி தானே. நல்ல ஆலோசனைகளை ஏற்றுக் கொள்கிறார்கள். பிடிவாத குணத்தோடு அரசு இல்லை. பிடிவாத குணத்தோடு இருந்தால் தான் தவறு. காலப்போக்கில் தவெக நல்ல நிர்வாகத்தை வழங்கும்.
பிரதமர் பதவி - முஸ்லிம் லீக் எம்.எல்.ஏ. சர்ச்சை கருத்து
கேள்வி : வாணியம்பாடி எம்.எல்.ஏ. பாரூக் அவர்கள் முதலமைச்சர் விஜய் அவர்கள் பிரதமராக வர வேண்டும் என விருப்பம் தெரிவித்து இருக்கிறார். இது பெரிய சர்ச்சையை ஏற்படுத்தியது. ஏற்கனவே தவெகவினர் முதலமைச்சரை பிரதமர் பதவிக்கு ஒப்பு பேசினார்கள். இதை எப்படி புரிந்துகொள்வது. விஜய் பிரதமராக வர வேண்டும் என்று அடித்தளம் போடுகிறார்களா?
பதில் : இந்திய யூனியன் முஸ்லிம் லீக் என்பது அகில இந்திய இயக்கமாகும். தமிழ்நாட்டில் நாங்கள் தவெகவுடன் கூட்டணி வைத்து இருக்கிறோம். கேரளாவில் காங்கிரஸ் தலைமையிலான கூட்டணி ஆட்சியில் அங்கம் வகிக்கிறோம். முதலமைச்சருக்கு அடுத்த நிலையில் எங்களுடைய தேசிய பொதுச் செயலாளர் பி.கே.குஞ்ஞாலிக்குட்டி இருந்து வருகிறார். இ.யூ.முஸ்லிம் லீக் இந்தியா கூட்டணியில் இடம்பெற்றுள்ளது. இந்தியா கூட்டணி சார்பில் யார் பிரதமர் என்று முடிவு எடுக்கிறார்களோ, அதை தான் இ.யூ.முஸ்லிம் லீக் ஏற்றுக் கொள்ளும். பிரதமர் பதவி என்பது ஒரு மாநிலத்தை அடிப்படையாக இருக்க முடியாது. தமிழ்நாட்டில் மாநில குழு முடிவு எடுக்கலாம். கேரளாவில் முடிவு எடுக்கலாம். ஆனால் பிரதமர் என்ற பொறுப்புக்கு அகில இந்திய அளவில் தான் நாங்கள் முடிவு எடுக்க முடியும். சட்டமன்ற உறுப்பினர் பாரூக் சொன்னது சரியான தகவல் கிடையாது. அதை தவிர்த்து இருக்க வேண்டும் என்பது தான் எங்களுடைய கருத்து. இதை போன்று பேசுவதை நிறுத்திக் கொள்ள வேண்டும் என்று கட்சியின் தலைமை அவருக்கு அறிவுரை வழங்கியுள்ளது.
அரசியலுக்கு வரும் நடிகர்கள்
கேள்வி : விஜய் அரசியலுக்கு வந்தபோது பாஜக தான் அவரை இயக்கிக் கொண்டு இருக்கிறது. பெரிய வெற்றிக் கிடைக்காது. ஆனால் மிகப்பெரிய வெற்றிபெற்று முதலமைச்சராக வந்துவிட்டார். அதை முன்னுதாரணமாக வைத்து நடிகர்கள் சிலர் அரசியலுக்கு வருகிறார்களே. குறிப்பாக தனுஷ் வேகமாக வந்துகொண்டு இருக்கிறார் என்று விமர்சனம் உண்டு. அதை நீங்கள் எப்படி பார்க்கிறீர்ர்கள்?
பதில் : தேர்தலுக்கு முன்பு அவர் பாஜகவின் பி டீம் என்று சொன்னார்கள். நாங்களும் அப்படி தான் நினைத்தோம். ஆனால், தேர்தல் முடிந்தபிறகு, தனிப்பெரும்பான்மை கிடைக்காத நிலையில், பாஜக அல்லது பாஜக ஆதரவு அதிமுகவின் ஆதரவை அவர் கேட்கவில்லை. மதச்சார்பற்ற கட்சிகளின் ஆதரவை தான் அவர் கேட்டார். முதலில் காங்கிரஸ், பிறகு இடதுசாரி கட்சிகள், பின்னர் இ.யூ.முஸ்லிம் லீக்., வி.சி.க. ஆகிய கட்சிகளை இணைத்துக் கொண்டார். இந்த கட்சிகள் அனைத்தும் மதச்சார்பற்ற கொள்கையில் உறுதியாக இருக்கும் கட்சிகள். காங்கிரசுடன் தவெக கூட்டணி வைத்த நாளே, அது பாஜகவின் பி டீம் என்ற கருத்துக்கு முற்றுப்புள்ளி வைக்கப்பட்டு விட்டது. ஆட்சிக்கு வந்தபிறகு, பாஜக கொண்டு வந்த நீட் தேர்வை எதிர்க்கிறார்கள். தமிழ்நாட்டிற்கு ஆபத்தான விஷயங்களை எதிர்க்கிறார்கள். பாஜகவின் கொள்கை எதிரியாகவே தான் நாங்கள் தவெகவை கருதுகிறோம். பெரியாரை எப்போது தம்முடைய கொள்கை தலைவர் என்று சொன்னாரோ, அப்போ அவர் பாஜகவின் கொள்கைக்கு எதிராக இருக்கிறார் என்பதை தெளிவாகிவிட்டது. இந்துத்துவாவின் எந்தவொரு திட்டத்தையும் தவெக ஏற்றுக் கொள்ளவில்லை. அதை எதிர்த்து தீர்மானம் போடுகிறார்கள். சட்டமன்றத்தில் கூட தீர்மானங்கள் நிறைவேற்றப்பட்டுள்ளன. பாஜகவின் திட்டங்களை எதிர்த்து சட்டமன்றத்தில் தீர்மானங்கள் நிறைவேற்றும் அளவுக்கு அவர்கள் மதசார்பற்ற கொள்கையில் உறுதியாக இருக்கிறார்கள் என்பது தான் எங்களுடைய உறுதியான கருத்து.
பாஜக எதிர்ப்பில் உறுதி
கேள்வி : பாஜக எதிர்ப்பில் தவெக உறுதியாக இருக்கிறார்களா? நீட் தேர்வுக்கு எதிராக போராடிய மாணவர்கள் மீது நடவடிக்கை எடுக்கப்படதே?
பதில் : கண்டிப்பாக இருக்கிறார்கள். ஒருசில நடவடிக்கைகள் எடுக்கப்பட்டது உண்மை தான். ஆனால் கொள்கை ரீதியாக அவர்கள் உறுதியாக இருக்கிறார்கள். பாஜகவின் கொள்கை விஷயத்தில் முதலமைச்சர் விஜய் உடன்பாட்டு இருக்கிறார் என்று உங்களால் சொல்ல முடியுமா. அப்படி ஒரு விஷயத்தையும் சொல்ல முடியாது. தினமும் அறிக்கை வெளியிட்டு எதிர்ப்பது அல்ல. கொள்கை ரீதியாக எப்படி எதிர்த்துக் கொண்டு இருக்கிறார் என்பதை தான் நாம் பார்க்க வேண்டும்.
கேள்வி : நடிகர் தனுஷை பாஜக இயக்குகிறது என்ற ஒரு பார்வை இருக்கு. அதை எப்படி பார்க்கிறீர்கள்? விஜய் அவர்களின் வெற்றி மற்ற நடிகர்களுக்கு ஒரு வாய்ப்பாக மாறும் என்று பார்க்கிறீர்களா?
பதில் : தனுஷ் எப்போது கட்சி ஆரம்பிக்க இருக்கிறார். அந்த கட்சியின் கொள்கை என்ன உள்ளிட்ட விஷயங்கள் அறிவித்தால் தான் அதைப்பற்றி மதிப்பீடுகளை நாம் செய்ய முடியும். எதுவும் தெளிவாக இல்லாத நேரத்தில் எப்படி நாம் கருத்தை சொல்ல முடியும். விஜய் அவர்களின் வெற்றி மற்றவர்களுக்கு எப்படி வாய்ப்பாக அமைய முடியும். மறைந்த முதலமைச்சர் எம்.ஜி.ஆர். அவர்கள் திமுகவில் நீண்ட காலம் இருந்து பின்னர், அதில் இருந்து விலகி, புதிய கட்சி தொடங்கி ஆட்சி அதிகாரத்திற்கு வந்தார். அதன்பிறகு பல நடிகர்கள் முயற்சி செய்து வெற்றி பெற முடியவில்லை. நடிகர் திலகம் சிவாஜி கணேன், பாக்யராஜ், என பல நடிகர்கள் கட்சியை ஆரம்பித்தார்கள். ஆனால் விஜய் பெற்ற வெற்றிபோன்று பெற முடியவில்லையே. தனிப்பட்ட முறையில் 108 தொகுதிகளில் வெற்றி பெற்று சாதனை புரிந்துள்ளார். எல்லோருக்கும் இதுபோன்ற வாய்ப்பு அமையுமா என்று சொல்ல முடியாது.
இடைத்தேர்தலும் தவெகவும்
கேள்வி : இடைத்தேர்தலைக் கண்டு தவெக பயப்படுது என்ற் ஒரு விமர்சனம் வைக்கப்பட்டு வருகிறது. காரணம் நடந்துமுடிந்த இரண்டு இடைத்தேர்தலிலும் தவெக வெற்றி பெற்றாலும் அதிகளவு வாக்குகளை பெற்று வெற்றி பெறவில்லை. அதன் காரணமாக தான் நலத்திட்டங்கள் அனைத்தும் அந்த ஐந்து தொகுதிகளில் கொண்டு சென்று சேர்க்கிறார்கள் என்று சொல்கிறார்கள். பயம் தான் காரணம் என்றும் சொல்கிறார்கள். நீங்க எப்படி பார்க்கிறீர்கள்?
பதில் : பயம் எல்லாம் கிடையாது. தைரியாகமாக இருக்கிறார். இரண்டு இடைத்தேர்தலிலும் நல்ல வெற்றி பெற்று இருக்கிறார். மதுராந்தம், தாராபும் ஆகிய இரண்டு தொகுதிகளிலும் சென்ற தேர்தலை விட அதிக வாக்குகள் தான் பெற்று இருக்கிறார்கள். இது சாதாரண வெற்றி என்று சொல்லிவிட முடியாது. இப்போ குறிப்பிட்ட ஐந்து தொகுதிகளுக்கு நலத்திட்டங்கள் கொண்டு சேர்க்கப்படுகிறது என்றால், அந்த தொகுதியில் இருந்த உறுப்பினர்கள் ராஜினாமா செய்துவிட்டதால் எந்த திட்டங்களும் அங்கு கொண்டு சேர்க்கப்படவில்லை. எனவே தான் அங்கு பணிகள் செய்யப்பட்டு வருகின்றன. அதை தவறு என்று சொல்ல முடியாது.
கேள்வி : பொது தேர்தலின்போது பல இடங்களில் விஜய் பிரச்சாரத்திற்கு கூட போகவில்லை. ஆனால் வெற்றி அவர்களுக்கு சாத்தியமானாது. தற்போது ஐந்து தொகுதிகளுக்கு இப்படி பிரச்சாரம் செய்ய வேண்டிய சூழல் உருவாகிவிட்ட கட்டாயம் என்ன? விஜய் முகத்தை வைத்து வாக்குகளை இனி பெற முடியாது என்பதால் இந்த பணிகள் செய்யப்பட்டு வரும் சூழல் உருவாகிவிட்டதா?
பதில் : பொது தேர்தலில் எல்லாத் தலைவர்களும் அனைத்துத் தொகுதிகளிலும் சென்று பிரச்சாரம் செய்ய முடியாது. கடந்த தேர்தலில் திமுக தலைவர் மு.க.ஸ்டாலின் அவர்கள் ஒரு மாவட்டத்திற்கு ஒரு இடத்தில் மட்டும் தான் பிரச்சாரம் செய்தார். கரூர் சம்பவத்திற்கு பிறகு விஜய் அவர்களுக்கு கடுமையான கட்டுப்பாடுகள் விதிக்கப்பட்டன. இப்போ அந்த கட்டுப்பாடுகள் இல்லை. ஆட்சி அதிகாரம் அவர்கள் கையில் உள்ளது. தகுந்த பாதுகாப்பு ஏற்பாடுகள் செய்வார்கள். இடைத்தேர்தலில் கண்டிப்பாக ஐந்து தொகுதிக்கு சென்று பிரச்சாரம் செய்து தான் ஆக வேண்டும். வீதி வீதியாக சென்றால் தான் இடைத்தேர்தலில் வெற்றிபெற முடியும்.
கேள்வி : இடைத்தேர்தலில் விழுந்து விழுந்து பிரச்சாரம் செய்வது மக்கள் மத்தியில் தவெகவிற்கு ஒரு அதிருப்தியே முக்கிய காரணம் என்று சொல்லப்படுகிறதே?
பதில் : நலத்திட்டங்கள் அனைத்தும் அரசு விழாக்களில் தான் அறிவிக்கப்பட்டன. மக்களக்கு வழங்கப்பட்டன. தவெக பொதுக்கூட்டங்களில் விஜய் கலந்துகொள்ளவில்லை. அந்த ஐந்து தொகுதிகளில் சட்டமன்ற உறுப்பினர்கள் இல்லாத காரணத்தினால் விஜய் அதிக ஆர்வம் எடுத்து மக்களுக்கு நல்ல திட்டங்களை கொண்டு சேர்த்து இருக்கிறார். அதை நாம் தவறாக கருதக் கூடாது.
தவெக ஆட்சி ஐந்து ஆண்டுகள் நீடிக்கும்
கேள்வி : இறுதியாக திமுக ஒவ்வொரு இடத்திலும் தவெக ஆட்சி விரைவில் கவிழ்ந்துவிடும் என்று சொல்லிக் கொண்டே வருகிறார்கள். அதற்கான பணிகளை அவர்கள் முன்னெடுக்கிறார்களா? நம்பிக்கையில்லா தீர்மானம் திமுக கொண்டு வருமா?
பதில் : நம்பிக்கையில்லா தீர்மானம் யார் வேண்டுமானாலும் கொண்டு வரலாம். எதிர்க்கட்சிகள் கொண்டு வருவார்கள். கொண்டு வருவார்கள் என்பதில் எங்களுக்கு எந்த சந்தேகமும் இல்லை. அதிமுக ஆட்சி காலத்தில் சபாநாயகர் தனபால், முதலமைச்சர் எடப்பாடி பழனிசாமி மீது கொண்டு வந்தார்கள். அதேபோன்று கொண்டு வருகிறார்கள். ஆனால் குதிரை பேரம் அதுஇது என்று சொல்லும்போது, ஆட்சி கவிழ்ந்துவிடும் என்று சொல்லும் போது தான் எங்களுக்கு சந்தேகம் வருகிறது. தவெக ஒற்றுமையாக இருக்கிறது. ஆதரவு கட்சிகள் எல்லாம் தங்களது ஆதரவு நிலையில் இருந்து மாறுபடவில்லை. அப்படி இருக்கும்போது ஆட்சி கவிழ்ந்துவிடும் என்று திமுக எதை வைத்து சொல்கிறது. இதுதான் குதிரை பேரம் சந்தேகங்கள் வலுப்படுகிறது. திமுகவும் அதிமுகவும் சொல்கிறார்கள். ஆனால் தவெக எம்எல்ஏக்கள் யாரும் மனம் மாறவில்லை. பேரம் பேசும் செயல்கள் எடுபடாது. ஆசை வார்த்தைகளுக்கு தவெக எம்எல்ஏக்கள் பலியாகவில்லை. கண்டிப்பாக இந்த ஆட்சி ஐந்து வருடங்கள் நீடிக்கும் என்பதில் எங்களுக்கு எந்தவித சந்தேகமும் இல்லை.
நெறியாளர் : பல்வேறு கருத்துகளை எங்களிடம் பகிர்ந்துகொண்டதற்கு எங்களுடைய நன்றி.
- நன்றி : சி7 நியூஸ் தொலைக்காட்சி
- தொகுப்பு ஆக்கம் : சிறப்புச் செய்தியாளர் எஸ்.ஏ.அப்துல் அஜீஸ்
===================
Amid War and Destruction, Gaza Celebrates the Graduation of 1,000 Quran Memorizers
Thursday (12/11/2026)
அறிவியல், தொழில்நுட்பம். மானுடவியல் துறைகளுக்கான இணைய அகராதி
கிங் சல்மான் உலகளாவிய அரபு மொழி அகாடமி வெளியீடு
மஸ்கட், நவ.14- அறிவியல், தொழில்நுட்பம் மற்றும் மானுடவியல் துறைகளில் உள்ள 4 லட்சத்து 21 ஆயிரத்து 196 உள்ளீடுகளைப் பயனர்கள் தேடக்கூடிய ஒரு இணைய அகராதியை, கிங் சல்மான் உலகளாவிய அரபு மொழி அகாடமியும், அரபு லீக் கல்வி, கலாச்சார மற்றும் அறிவியல் அமைப்பும் இணைந்து அறிமுகப்படுத்தியுள்ளன.
ஓமானின் மஸ்கட்டில் நடைபெற்ற இந்த அமைப்பின் 28வது பொது மாநாட்டின் போது, 'அரபுச் சொற்களின் ஒருங்கிணைந்த அகராதி' வெளியிடப்பட்டது. இது, முன்னர் தனித்தனி பதிப்புகளிலும் வடிவங்களிலும் வெளியிடப்பட்ட அகராதிகளை ஒன்றிணைத்து, ஆராய்ச்சியாளர்கள், மொழிபெயர்ப்பாளர்கள் மற்றும் வல்லுநர்கள் ஒரே இடைமுகத்தில் தேட அனுமதிக்கிறது.
அரபு மொழியின் பயன்பாடு :
அரபுச் சொற்களுக்கான வெளிநாட்டு மொழிச் சமமான சொற்களைத் தரப்படுத்துதல், வரையறைகளின் துல்லியத்தை மேம்படுத்துதல் மற்றும் அறிவியல் துறைகளில் அரபு மொழியின் பயன்பாட்டை விரிவுபடுத்துதல் ஆகியவற்றை இந்தத் தளம் நோக்கமாகக் கொண்டுள்ளது. இதன் தரவுகள் சர்வதேசத் தரநிலைகளின்படி மறுசீரமைக்கப்பட்டுள்ளன. மேலும் இந்த அகராதி வெளிப்புற டிஜிட்டல் அமைப்புகளுடன் இணைக்கப்படக்கூடியது.
=====================
"மொழி அகாடமிகள், பல்கலைக்கழகங்கள் மற்றும் சிறப்பு நிறுவனங்களின் பணிகளை அடிப்படையாகக் கொண்டு, அரபு நாடுகளுக்கான ஒரு பகிரப்பட்ட டிஜிட்டல் ஆதாரமாக இந்த அகராதியை மாநாடு ஏற்றுக்கொண்டது. சவூதி அகாடமி இந்தத் தளத்தை நிர்வகித்து, புதுப்பித்து, அதன் உள்ளடக்கம் குறித்து அலெக்சோவுடன் ஒருங்கிணைக்கும்"
=====================
அரபு மொழி என்பது அனைவரின் பொறுப்பு. மேலும் நமது கூட்டாளிகளுடன் நாம் வலிமையாக இருக்கிறோம். தங்கள் மொழியின் வலிமையை நம்புபவர்கள், அதை ஆதரிக்கத் திறமையான கருவிகளை உருவாக்குகிறார்கள்," என்று அகாடமியின் பொதுச் செயலாளர் அப்துல்லா பின் சலே அல்-வாஷ்மி தெரிவித்துள்ளார். அலெக்சோவுடனான கூட்டாண்மை, மொழித் திட்டமிடல், அகராதி உருவாக்கம் மற்றும் கணக்கீட்டு மொழியியல் ஆகியவற்றில் கூட்டுத் திட்டங்களுக்கு வழிவகுத்துள்ளது என்று அவர் மேலும் கூறியுள்ளார்.
டிஜிட்டல் ஆதாரமாக கொண்ட அகராதி :
மொழி அகாடமிகள், பல்கலைக்கழகங்கள் மற்றும் சிறப்பு நிறுவனங்களின் பணிகளை அடிப்படையாகக் கொண்டு, அரபு நாடுகளுக்கான ஒரு பகிரப்பட்ட டிஜிட்டல் ஆதாரமாக இந்த அகராதியை மாநாடு ஏற்றுக்கொண்டது. சவூதி அகாடமி இந்தத் தளத்தை நிர்வகித்து, புதுப்பித்து, அதன் உள்ளடக்கம் குறித்து அலெக்சோவுடன் ஒருங்கிணைக்கும். அரபு நாடுகளில் மொழிக் கொள்கைக் கட்டமைப்பு என்ற இரண்டாவது சவூதி முன்முயற்சிக்கும் இந்த மாநாடு ஒப்புதல் அளித்தது. இந்தத் திட்டம் 22 அரபு நாடுகளில் கிட்டத்தட்ட 2,000 மொழிக் கொள்கை முடிவுகளை ஆவணப்படுத்தியுள்ளது.
இந்தத் தீர்மானத்தின் கீழ், அடுத்த நான்கு ஆண்டுகளுக்கு மொழிக் கொள்கை குறித்த காலமுறை அறிக்கைகளை வெளியிட அகாடமி அலெக்சோவுடன் இணைந்து செயல்படும். மேலும், ஆராய்ச்சியாளர்கள் மற்றும் நிபுணர்களுக்காக மொழி தொடர்பான முடிவுகள், விதிமுறைகள் மற்றும் வழிகாட்டுதல்களின் இணையவழித் தொகுப்பையும் இது உருவாக்கும். இந்த இரண்டு திட்டங்களும் சவூதி தேசிய கல்வி, கலாச்சாரம் மற்றும் அறிவியல் ஆணையத்துடன் ஒருங்கிணைந்து அகாடமி மற்றும் அலெக்சோவால் மேற்கொள்ளப்பட்டன. அலெக்சோவின் நிர்வாகக் குழுவிற்கு சவூதி அரசு தலைமை தாங்கியபோது இந்த அகராதி தொடங்கப்பட்டது.
இந்தத் திட்டங்கள் அரபு மொழியை ஆதரிப்பதற்கான சவூதி அரேபியாவின் விரிவான முயற்சியின் ஒரு பகுதியாகும். இதில் அமைச்சர்கள் குழுவால் 'அரபு மொழிக்கான தேசியக் கொள்கை' ஏற்றுக்கொள்ளப்பட்டதும் அடங்கும். மேலும், அந்த அகாடமியின் பணிகள் 60-க்கும் மேற்பட்ட நாடுகளைச் சென்றடைந்துள்ளதாகவும், 400-க்கும் மேற்பட்ட கல்வி மற்றும் ஆய்வு சார்ந்த வெளியீடுகள் உருவாக்கப்பட்டுள்ளதாகவும் அகாடமியின் பொதுச் செயலாளர் அப்துல்லா பின் சலே அல்-வாஷ்மி குறிப்பிட்டுள்ளார்.
- சிறப்புச் செய்தியாளர் : எஸ்.ஏ.அப்துல் அஜீஸ்
Never design your character like a garden where anyone can walk. Design your character like the sky where everyone desires to reach.
என் செல்போனுக்கு நண்பர் ஒருவர் அனுப்பி வைத்த எஸ்எம்எஸ் கவிதை இது....
"கூடவே
இருக்கும்
சொந்தம்
கண்ணீர்
துளிகளை
துடைப்பதில்லை....
ஆனால்,
எங்கிருந்தோ
சொந்தமே
இல்லாமல் வரும்
நட்பு (friendship)
கண்ணீர்
துளிகளை
வர
விடுவதில்லை..."
நல்லது.....!
உங்களிடம் நெருங்கி பழகிய உங்களது உறவினர்கள், நண்பர்கள், பல்வேறு காரணங்களால், திடீரென உங்களை ஒதுக்கினால், பேசுவதை பழகுவதை நிறுத்தி கொண்டால் அதற்காக நீங்கள் சிறிதும் வருத்தப்பட வேண்டாம்.
அல்லது உங்களது உறவினர்கள் நண்பர்கள் உங்களை ஒதுக்குவதாக நீங்கள் உறுதியாக கருதினால், கவலைபடாமல் நீங்களும் அமைதியாக ஒதுங்கி விடுங்கள்.
அதை விட்டு விட்டு, பழைய பாணியிலேயே நீங்கள் அன்பு பாராட்ட முயற்சி செய்தால், அல்லது நட்பை தொடர்ந்தால், அதன்மூலம் பல்வேறு தேவையில்லாத பிரச்சினைகளை வலுக்கட்டாயமாக நீங்கள் சந்திக்க வேண்டிய சூழ்நிலை உருவாகும்.
ஏன், சில நேரங்களில் உங்களுக்கு அவமானங்கள் கூட ஏற்படும்.
சில நேரங்களில் வாழ்க்கையில் நமக்கு நல்ல பாடத்தை சொல்லி தருபவர்கள் நமது நெருங்கிய உறவினர்கள், நண்பர்கள்தான்.
இதை நாம் மறந்துவிடக்கூடாது.
எனவே, அவர்களிடம் பழகிய நாட்களை நீங்கள் மறக்காவிட்டாலும், உங்களது உண்மையான அன்பை தொடர்ந்தாலும், அவர்களது புறக்கணிப்பு, ஒதுக்கல் ஆகியவற்றை கவனத்தில் கொண்டு, மனதில் உள்வாங்கிக் கொண்டு நீங்களும் அமைதியாக ஒதுங்கி விடுவதுதான் உங்களுக்கும் அவர்களுக்கும் நல்லது.
இதன்மூலம் மட்டுமே உங்கள் வாழ்க்கையில் அமைதி கிடைக்கும்.
வாழ்க்கையில் தேவையில்லாத பிரச்சினைகள் உங்களுக்கு ஏற்படாது.
இது என் அனுபவம்.