நூல்கள் அறிமுகம்....!

 இனிய தருணம்...!

என்னுடைய ' உலகில் வீசும் இஸ்லாமிய ஒளி' மற்றும்' இந்திய முஸ்லிம்கள்- பாகம் 1'  ஆகிய இரண்டு நூல்களை  தமிழகத்தின் பல்துறை வல்லுநர்களுக்கு வழங்கி மகிழ்ச்சி அடைந்த இனிமையான தருணம்...!

ஆபத்தில் உள்ள பாரம்பரியச் சின்னங்கள் பட்டியலில் டயர் நகரம் சேர்ப்பு...!

 சியோனிசத் தாக்குதல்கள் எதிரொலி

ஆபத்தில் உள்ள பாரம்பரியச் சின்னங்கள் பட்டியலில் 

தெற்கு லெபனானின் டயர்  நகரம் சேர்ப்பு

பாரிஸ், ஜுலை.23- தெற்கு லெபனானில் உள்ள பழமையான ஃபீனீஷிய நகரமான 'டயர்' சமீபத்திய மாதங்களில் சியோனிசத் தாக்குதல்களுக்கு உள்ளான நிலையில், 22.07.2026 புதன்கிழமையன்று  யுனெஸ்கோவின் 'ஆபத்தில் உள்ள உலகப் பாரம்பரியச் சின்னங்கள்' பட்டியலில் சேர்க்கப்பட்டது. இந்தச் சின்னம் நேரடியாகத் தாக்கப்பட்டு சேதமடைந்துள்ளது. மேலும், இதன் பாதுகாப்பு நிலை கவலையளிப்பதாக உள்ளது. குறிப்பாக, இனிவரும் காலங்களில் மேலும் பாதிப்புகள் ஏற்படக்கூடிய சாத்தியக்கூறுகள் உள்ளதால் இந்தக் கவலை அதிகரித்துள்ளது  என்று யுனெஸ்கோ அமைப்பு தெரிவித்தது.

ஐ.நா. அமைப்பு கவலை :

இப்பகுதியின் சிறப்பான உலகளாவிய மதிப்பைப் பாதுகாப்பதற்கான உகந்த சூழல் தற்போது இல்லை என்று ஐ.நா. அமைப்பு கூறியதுடன், இந்தப் பட்டியலில் இதைச் சேர்க்குமாறு லெபனான் அரசாங்கமே கோரிக்கை விடுத்ததாகவும் தெரிவித்தது. பெய்ரூட்டிற்குத் தெற்கே சுமார் 80 கிலோ மீட்டர் தொலைவில் அமைந்துள்ள டயர் நகரின் தொல்பொருள் எச்சங்கள், 1984-ஆம் ஆண்டில் யுனெஸ்கோ பாரம்பரியப் பட்டியலில் சேர்க்கப்பட்டன. இங்கு முக்கியமாக ரோமானியக் காலத்தைச் சேர்ந்த தொல்பொருள் எச்சங்கள் உள்ளன.

யுனெஸ்கோவால் புதன்கிழமை எடுக்கப்பட்ட இந்த முடிவை  லெபனான் கலாச்சார அமைச்சர் கஸ்ஸான் சலாமே வரவேற்றார். மோதல்கள் நடைபெறும் இப்பிராந்தியத்தின் வரலாற்றில் மிக முக்கியத்துவம் வாய்ந்த ஒரு இடத்தின் மீது யுனெஸ்கோ மற்றும் உறுப்பு நாடுகளின் கவனத்தையும் அக்கறையையும் ஈர்க்க இந்த நடவடிக்கை உதவும் என்று அவர் கூறினார். 

சுமார் 4 ஆயிரத்து 700 ஆண்டுகளுக்கு முன்பு நிறுவப்பட்ட இந்த நகரத்தில், யுனெஸ்கோ உலகப் பாரம்பரியச் சின்னங்களாகப் பட்டியலிடப்பட்ட இரண்டு பாதுகாக்கப்பட்ட பகுதிகள் உள்ளன. இவற்றில் ரோமானிய வெற்றி வளைவு மற்றும் இரண்டாம் நூற்றாண்டைச் சேர்ந்த குதிரைப்பந்தய அரங்கம் ஆகியவை அடங்கும். இதில் ஒரு பகுதி ஜூன் மாதத்தில் சியோனிசத் தாக்குதலுக்கு நேரடியாக உள்ளானது.

பழமையான நகரங்களில் ஒன்று :

மத்திய தரைக்கடல் பகுதியில் உள்ள மிகப் பழமையான நகரங்களில் ஒன்றான இது, ஃபீனீஷிய, பாரசீக, ஹெலனிஸ்டிக், ரோமானிய மற்றும் பைசண்டைன் ஆகிய பல்வேறு நாகரிகங்களின் ஆதிக்கத்தின் கீழ் இருந்துள்ளது. ஆயுத மோதல்களின் போது கலாச்சாரச் சின்னங்களைப் பாதுகாக்க வேண்டும் என்று 1954 முதல் வலியுறுத்தும் 'ஹேக் ஒப்பந்தத்தை' சியோனிசத் தரப்பு பின்பற்றத் தவறியதாக, இந்த ஆண்டின் தொடக்கத்தில் சலாமே குற்றம் சாட்டியிருந்தார்.

ஆயுத மோதல்களின் போது கலாச்சாரச் சின்னங்களைப் பாதுகாப்பதற்காக யுனெஸ்கோவுடன் தொடர்புடைய குழுவால் உருவாக்கப்பட்ட சர்வதேச அளவில் அங்கீகரிக்கப்பட்ட குறியீடான 'நீலக் கேடயங்களை' சியோனிசத் தரப்பு மதிக்கவில்லை என்றும் அவர் குற்றம் சாட்டியிருந்தார். தென் கொரியாவின் புசான் நகரில் யுனெஸ்கோவின் உலகப் பாரம்பரியக் குழுவின் 48-வது அமர்வு நடைபெற்று வரும் வேளையில், டயர் நகரை ஆபத்தில் உள்ள சின்னங்கள் பட்டியலில் சேர்க்கும் இந்த முடிவு எடுக்கப்பட்டுள்ளது என்பது குறிப்பிடத்தக்கது. 

-  சிறப்புச் செய்தியாளர் : எஸ்.ஏ.அப்துல் அஜீஸ்

==================

Healthy work place...!

A salary increase makes you happy once a year. 

A healthy work place keeps you happy 

throughout the year.

வலிமை....!

வாழ்க்கை எப்போதும் 

எளிதாக அமைந்து 

விடுவதில்லை. 

நீங்கள் தான் 

எப்போதும் வலிமையாக 

இருக்க வேண்டும். 

வலிமை தான்

வலியை போக்கும் 

நல்மருந்து.

அமைதி....!

 மன அமைதிக்கு.....

அழகிய இடம்....

தெற்கு சவூதி அரேபியாவின் அசீர்....!

 " தெற்கு சவூதி அரேபியாவின் இயற்கை எழில்கொஞ்சம்  பகுதி அசீர் "

தெற்கு சவூதி அரேபியாவில் உள்ள அசீர், பசுமையான மலைகள், குளிர்ந்த காலநிலை மற்றும் தனித்துவமான கலாச்சாரத்திற்குப் பெயர்பெற்ற ஒரு சுற்றுலாப் பகுதியாகும். இது சவூதி அரேபியாவின் தென்மேற்கு முனையில், யேமன் எல்லைக்கு அருகில் அமைந்துள்ளது. அசீர் பகுதியின் . தலைநகர் அபா, இப்பகுதியின் நிர்வாகத் தலைநகரமாக விளங்குகிறது. இது கடல் மட்டத்திலிருந்து சுமார் 2 ஆயிரத்து 200 மீட்டர் உயரத்தில் அமைந்துள்ளதால், ஆண்டு முழுவதும் மிதமான மற்றும் குளிர்ந்த காலநிலையைக் கொண்டுள்ளது.

இப்பகுதி சரவத் மலைகளால் சூழப்பட்டுள்ளது. சவூதி அரேபியாவின் மிக உயர்ந்த சிகரமான அல்-சௌதா  மலை இப்பகுதியில் தான் உள்ளது.  இது கடல் மட்டத்திலிருந்து சுமார் 3 ஆயிரத்து 133 மீட்டர் (10 ஆயிரத்து 279 அடி) உயரம் கொண்டது. அசீர் பகுதி அதன் தனித்துவமான பழங்குடி கலாச்சாரத்திற்குப் புகழ்பெற்றது. பிராந்தியத்தின் பாரம்பரிய வீடுகள் வண்ணமயமான சுவரோவியங்களால் (அல்-காட் வடிவமைப்பு) அலங்கரிக்கப்பட்டவை. ரிஜால் அல்மா போன்ற பல நூறு ஆண்டுகள் பழமையான வரலாற்று கிராமங்கள் இப்பகுதியில் காணப்படுகின்றன. பாலைவன நாடான சவூதி அரேபியாவில், ஆண்டு முழுவதும் பசுமையாகக் காட்சியளிக்கும் சில பகுதிகளில் இதுவும் ஒன்றாகும்.இயற்கை ஆர்வலர்கள், மலையேறுபவர்கள் மற்றும் புகைப்படக் கலைஞர்களுக்கு இது ஒரு சிறந்த இடமாகும்.இயற்கை எழில் கொஞ்சும் அசீர் பகுதி மற்றும் அதன் மலைகளின் அழகிய காட்சிகளை கண்டு மகிழ்ந்துகொண்டே இருக்கலாம். ஆம் அப்படிப்பட்ட ஒரு அழகு அசீருக்கு உண்டு. 

அசீரை ஆராயுங்கள் : 

தெற்கு சவூதி அரேபியாவில் உள்ள அசீர் பகுதிக்கு நீங்கள் பயணம் செய்யத் திட்டமிட்டிருந்தால், பார்க்க வேண்டிய ஆறு இடங்கள் குறித்து நீங்கள் கட்டாயம் அறிந்துகொள்ள வேண்டும். 

கலைத் தெரு :

உயர்ந்த மரங்கள் வரிசையாக அமைந்துள்ள இந்தத் தெருவில், பருவத்தைப் பொறுத்து பல கலை நிறுவல்கள், சிற்றுண்டிச்சாலைகள் மற்றும் கலகலப்பான நிகழ்வுகள் உள்ளன.

அபு கயால் பூங்கா :

அப்ஹாவில் உள்ள இந்தப் பூங்கா அழகான நிலவடிவமைப்பைக் கொண்டுள்ளது. அத்துடன்,  பசுமையான சூழலில் சிற்றுண்டி உண்ணுவதற்கு இது ஒரு சரியான இடமாகும்.

ஜபல் சவ்தா :

சவூதி அரேபியாவின் மிக உயரமான இடமான இது, சுமார் 3 ஆயிரத்து 15 மீட்டர் உயரத்தைக் கொண்டுள்ளது. உச்சியிலிருந்து தெரியும் காட்சிகள் பிரமிக்க வைக்கின்றன. மேலும் அவை உங்களை மலைகளின் மீது காதல் கொள்ளச் செய்யலாம்.

ஹபாலா தொங்கும் கிராமம் :

ஒரு கேபிள் கார் பயணம், அப்ஹா பள்ளத்தாக்கு, சுற்றியுள்ள நிலப்பரப்பு ஆகியவற்றின் பரந்த காட்சிகளையும், ஒரு செங்குத்தான பாறையின் விளிம்புகளில் கட்டப்பட்ட பல நூற்றாண்டுகள் பழமையான கிராமத்தை ஆராய்வதற்கான வாய்ப்பையும் வழங்கும்.

=======================

"தெற்கு சவூதி அரேபியாவின் அசீரில் இருக்கும் கலைத் தெரு, அபு கயால் பூங்கா, ஜபல் சவ்தா, ஹபாலா தொங்கும் கிராமம், தேன் குடில், ரிஜால் அல்மா பாரம்பரியக் கிராமம் ஆகிய ஆறு அழகிய பகுதியில் பிரமிக்க வைக்கும் இயற்கை அதிசயங்கள் ஏராளமாக குவிந்துள்ளன. பாலைவன நாடான சவூதி அரேபியாவில், ஆண்டு முழுவதும் பசுமையாகக் காட்சியளிக்கும் சில பகுதிகளில் அசீரும் ஒன்றாகும்"

=======================

தேன் குடில் :

ரிஜால் அல்மாவில் உள்ள தேன் குடில், ஒரு காலத்தில் உள்ளூர் தேனீ வளர்ப்பவரின் இல்லமாக இருந்தது. அவர், சுற்றுலாப் பயணிகளுக்கு உள்ளூர் தேன் தொழிலைப் பற்றிய ஒரு பார்வையை வழங்குவதற்காக, அதனை ஒரு சுற்றுலாத் தலமாக மாற்றினார்.

ரிஜால் அல்மா பாரம்பரியக் கிராமம் :

ரிஜால் அல்மாவில், ரிஜால் அல்மா பாரம்பரியக் கிராமம் அமைந்துள்ளது. இது, ஒன்றோடொன்று இணைக்கப்பட்டு ஒன்றன் மேல் ஒன்றாக அடுக்கப்பட்ட பல மாடி வீடுகளைக் கொண்ட, நகரின் ஒரு பிரிக்கப்பட்ட பகுதியாகும்.

உலகம் முழுவதும் வாழும் இஸ்லாமியர்களின் உள்ளத்தில் சவூதி அரேபியா எப்போதும் இடம்பெற்றிருக்கும் ஒரு நாடாகும். அதற்கு முக்கிய காரணம், இஸ்லாமிய வாழ்வியல் நெறிக்கு அடித்தளமாக உள்ள மக்கா, மதீனா ஆகிய இரண்டு புனித நகரங்கள் இங்கு இருப்பதாகும். இப்படிப்பட்ட புனித நகரங்களில் உள்ள நாட்டில், பிரமிக்க வைக்கும் அற்புதமான பல இயற்கை அதிசயங்களும் ஏராளமாக குவிந்துள்ளன. மனதைக் கொள்ளைக் கொள்ளும் அந்த அதிசயங்களை, இரகசியங்களை கண்டு ரசிக்க முஸ்லிம்கள் முயற்சிக்க வேண்டும். அதன்மூலம் பல சுவையான வரலாற்று தகவல்களை அறிந்துகொள்ள வாய்ப்புகள் உருவாகும். 

- எஸ்.ஏ.அப்துல் அஜீஸ் 

திறமை அழகு...!

 அழகு....

திறமை அழகு....