Sunday, November 15, 2026

நெதன்யாகு ஒரு நிமிடம் கூட பதவியில் நீடிக்க முடியாது ....!

 நெதன்யாகு  ஒரு நிமிடம் கூட பதவியில் நீடிக்க முடியாது 

புதிய பிரதமராக தேர்வு செய்யப்பட்ட காடி ஐசென்கோட் காட்டம்

ஜெருசலேம், நவ.16- இஸ்ரேலிய பிரதமர் பெஞ்சமின் நெதன்யாகு இன்னும் ஒரு நிமிடம் பதவியில் நீடிட்கக முடியாது என்று புதிய பிரதமராக தேர்வு செய்யப்பட்ட காடி ஐசென்கோட் திட்டவட்டமாக தெரிவித்துள்ளார். 

இஸ்ரேல் நாடாளுமன்றத்திற்கு நடைபெற்ற பொது தேர்தலில் எந்த கட்சிக்கும் பெரும்பான்மை கிடைக்கவில்லை. இதையடுத்து, அரபு கட்சிகளின் ஆதரவுடன் எதிர்க்கட்சிக்ள் முயற்சி செய்து வருகின்றன. இதையடுத்து, காடி ஐசென்கோட்டை பதவி ஏற்க வருமாறு இஸ்ரேல் அதிபர் அழைப்பு விடுத்தார். எனினும் பிரதமர் பதவியில் இருந்து நெதன்யாகு இன்னும் விலகவில்லை.

காடி ஐசென்கோட் திட்டவட்டம் :

இந்நிலையில், நெதன்யாகுவின் உதவியாளர் ஒருவர் தேர்தல் செயல்பாட்டில் தலையிட்டதாகக் கூறப்படும் குற்றச்சாட்டுகளுக்கு மத்தியில், பெஞ்சமின் நெதன்யாகு தொடர்ந்து அதிகாரத்தில் நீடிக்க முடியாது என்று காடி ஐசென்கோட் ஞாயிற்றுக்கிழமை 15.11.2026 அன்று தெரிவித்தார். நெதன்யாகுவின் செயல்கள் இஸ்ரேலிய ஜனநாயகத்திற்கு நேரடி அச்சுறுத்தல் என்று அவர் வர்ணித்ததுடன், இந்த விவகாரம் குறித்து உடனடியாக விசாரணை நடத்தப்பட வேண்டும் என்றும் வலியுறுத்தினார். தேசிய ஒற்றுமை அரசாங்கத்தை அமைப்பது குறித்து விவாதிக்க இரு தரப்பு பிரதிநிதிகளும் சந்தித்த சில மணிநேரங்களிலேயே, ஐசென்கோட் தனது அரசியல் எதிரியான நெதன்யாகு மீது கடுமையான தாக்குதலைத் தொடுத்தார்.

எதிர்க்கட்சிகள் குற்றச்சாட்டு :

பதவியில் இருந்து விலகும் பிரதமர் பெஞ்சமின் நெதன்யாகு மற்றும் அவரது குழுவினரின் செயல்பாடு, இஸ்ரேலிய ஜனநாயகத்திற்கு ஒரு உறுதியான, நேரடியான மற்றும் உடனடி அச்சுறுத்தலாக உள்ளது என்று அவர் சாடினார்.  தேர்தலுக்கு முந்தைய நாள், நெதன்யாகுவின் தலைமை அதிகாரி இடோ நோர்டன், அரபு-இஸ்ரேலிய ராம் கட்சி உறுப்பினர்கள் குறித்து காவல் ஆணையர் அலுவலகத்திற்கு தொலைபேசி வாயிலாக புகார் அளித்ததாக புகார் எழுந்துள்ளது. அந்த நபர் அளித்த தகவலின் அடிப்படையில், ‘ராம்’ கட்சியைச் சேர்ந்த மூன்று உறுப்பினர்கள் கைது செய்யப்பட்டனர். இதனைத் தொடர்ந்து, அரபு-இஸ்ரேலிய கட்சிகள் தேர்தலில் சாதனை அளவிலான இடங்களைக் கைப்பற்றிய நிலையில், அவர்கள் மீது தேர்தல் மோசடி செய்ததாக நெதன்யாகு குற்றம் சாட்டினார்.

இந்த விவகாரம் குறித்து உடனடியாக விசாரணை தொடங்கப்பட வேண்டும் என்றும் ஐசென்கோட் வலியுறுத்தியுள்ளார். ஆட்சியில் நீடிப்பதற்காக, தற்காலிகப் பிரதமர் நெதன்யாகு அரபு கட்சிகளையும் தேர்தலையும் செல்லாததாக்க முயல்வதாக எதிர்க்கட்சிகள் குற்றம் சாட்டியுள்ளன என்பது குறிப்பிடத்தக்கது.

- சிறப்புச் செய்தியாளர் : எஸ்.ஏ.அப்துல் அஜீஸ்


No comments: