நூல் மதிப்புரை
நூல் : The Great Palar flood of 1903
A Tragedy in the History of Vaniyambai
நூலாசிரியர் : கே.எஹ்சான் அகமது, பி.சி.ஏ., எம்.பி.ஏ.
வெளியீடு : அஞ்சுமன் - ஏ - குத்தாமூல் இஸ்லாம்
57/1283 ஏ, ஜும்ஆ மஸ்ஜித் தெரு,
நீலிக்கொல்லை வீதி,
வாணியம்பாடி - 635 751.
திருப்பத்தூர் மாவட்டம். தமிழ்நாடு
செல்பேசி : 94434 03975, 97890 39386
E-mail: anjuman.vnb@gmail.com
E-mail: ehsanahmed000@gmail.com
விலை : ரூ.150/-
தமிழகத்தில் உள்ள புகழ்பெற்ற ஆறுகளில் பாலாறு ஒன்றாகும். வரலாற்றில் சிறப்பான இடம்பிடித்த இந்த பாலாறு, தற்போது தண்ணீர் இல்லாமல் வறண்டு காணப்படுகிறது. ஆனால், கடந்த 123 ஆண்டுகளுக்கு முன்பு அதாவது 1903ஆம் ஆண்டு பாலாறு சீறி பாய்ந்து எழுந்தது. பாலாற்றின் இந்த சீற்றத்தால் வாணியம்பாடியே மூழ்கியது. இந்த சீற்றத்தால் உறவுகள் பிரிந்தன. வரலாறே திரும்பியது.
அந்த பெருவெள்ளத்தின் கண்ணீர் கதையையும், மீண்டு எழுந்த மக்களின் வீர வரலாற்றையும் இன்றைய தலைமுறையினர் அறிந்துகொள்ளும் வகையில், 1903ஆம் ஆண்டு பாலாற்று வெள்ளம் குறித்த ஆவண நூல் " The Great Palar flood of 1903 - A Tragedy in the History of Vaniyambai " அதாவது "வாணியம்பாடி வரலாற்றின் மிகப்பெரிய துயரம் : 1903-ஆம் ஆண்டு பெருவெள்ளம்" என்ற பெயரில் கே.எஹ்சான் அகமது, பி.சி.ஏ., எம்.பி.ஏ., அவர்கள் கடும் முயற்சிகளை மேற்கொண்டு, பல்வேறு ஆவணங்களை திரட்டி ஆய்வு செய்து ஆங்கிலத்தில் எழுதியுள்ளார். இந்த அருமையான நூலை வாணியம்பாடியில் புகழ்பெற்ற அஞ்சுமன் - ஏ - குத்தாமுல் இஸ்லாம் வெளியிட்டுள்ளது.
130 பக்கங்கள் கொண்ட இந்த ஆங்கில நூலில், 38 தலைப்புகளில் பல்வேறு அரிய தகவல்கள், பத்திரிகைகளில் வந்த ஆதாரங்கள், புகைப்படங்கள், ஆவணங்கள் ஆகியவை சிறப்பான முறையில் தொகுக்கப்பட்டுள்ளன. எளிமையான ஆங்கில நடையில் நூல் எழுதப்பட்டுள்ளதால், படிக்க, படிக்க பாலாறு துயரம் குறித்த வரலாற்றை அறிந்துகொள்ள ஆர்வம் ஏற்படுகிறது.
அருமையான வரலாற்று பொக்கிஷமான " The Great Palar flood of 1903 - A Tragedy in the History of Vaniyambai " என்ற இந்த வரலாற்று ஆவண நூல், தமிழ்நாட்டில் உள்ள ஒவ்வொருவரின் வீட்டிலும் இருக்க வேண்டிய பொக்கிஷமாகும். இதன்மூலம் பாலாறு குறித்த வரலாற்றை நமது குழந்தைகள் அறிந்துகொள்ள வாய்ப்பு உருவாகும். அத்துடன், தமிழ்நாட்டில் உள்ள அனைத்துப் பள்ளி, கல்லூரி மற்றும் மதரஸா நூலகங்களிலும் இந்த நூல் கண்டிப்பாக இடம்பெற வேண்டும். இதன்மூலம் மாணவச் சமுதாயம் உண்மையான வரலாற்றை அறிந்துகொள்ள வாய்ப்பு கிடைக்கும். ஒவ்வொரு முஸ்லிம் இல்லங்களிலும் இந்த நூல் இடம்பெற்று வாசிக்கப்பட்டால், பாலாறு மற்றும் அதன்மூலம் வாணியம்பாடி அடைந்த துயரம், துயரத்தில் இருந்து மீண்டும் எப்படி மீண்டு எழுந்தது என்ற வரலாற்றை அறிந்துகொள்ள முடியும்.
மேலும், தமிழ்நாட்டில் உள்ள அனைத்து அரசு மற்றும் தனியார் நூலகங்களில் " The Great Palar flood of 1903 - A Tragedy in the History of Vaniyambai " என்ற இந்த ஆங்கில நூல் இடம்பெறுவது மட்டுமல்லாமல், முக்கிய நிகழ்ச்சிகள் மற்றும் விழாக்களில் கலந்துகொள்வோர், தங்களின் அன்பானவர்களுக்கு இந்த நூலை பரிசாக அளிக்க ஆர்வத்துடன் முன்வர வேண்டும். அதன்மூலம் பாலாறு குறித்து வரலாற்று உண்மைகள் அனைத்து திசைகளிலும், நாலா பக்கமும் பரவ வாய்ப்பு உருவாகும்.
- ஜாவீத்


No comments:
Post a Comment