"சம்பல் ஷாஹி ஜும்ஆ மஸ்ஜித்.....!

 "சம்பல் ஷாஹி ஜும்ஆ மஸ்ஜித்தும், உண்மை நிலவரமும்"

உத்தரபிரதேசத்தின் சம்பலில் உள்ள ஷாஹி ஜும்ஆ மஸ்ஜித் ஒரு கோவிலின் இடத்தில் கட்டப்பட்டதாக இந்துத்துவ அமைப்புகள் பிரச்சினையை கிளப்பியதைத் தொடர்ந்து அங்கு இரண்டாவது முறையாக ஆய்வு  நடத்தப்பட்டது. அதன்பிறகு, கடந்த நவம்பர் 24ஆம் தேதி சம்பலில் வன்முறை வெடித்தது. இந்த வன்முறையின்போது போலீசார் நடத்திய துப்பாக்கிச் சூட்டில் 6 முஸ்லிம்கள் கொல்லப்பட்டனர். சம்பல் ஷாஜி ஜும்ஆ மஸ்ஜித் குறித்தும், உண்மை நிலவரம் குறித்தும் 'தி இந்து ஆங்கில நாளிதழில் சம்ரிதி திவாரி என்பவர் விரிவான கட்டுரையை எழுதியுள்ளார். அதன் தமிழாக்கத்தை மணிச்சுடர் வாசகர்களும் அறிந்துகொள்ள வேண்டும் என்ற நோக்கத்தில் இன்றைய இதழில் (01.12.2024) தருகிறோம். 

சம்பல் துப்பாக்கிச் சூடு: 

சம்பலில், ஷாஹி ஜும்ஆ மஸ்ஜித் ஒரு கோவிலின் இடத்தில் கட்டப்பட்டதாக இந்துத்துவ அமைப்புகள் பிரச்சினையை கிளப்பியதைத் தொடர்ந்து அங்கு இரண்டாவது முறையாக ஆய்வு  நடத்திய பிறகு, கடந்த நவம்பர் 24ஆம் தேதி வன்முறை வெடித்தது. இந்த வன்முறையின்போது போலீசார் நடத்திய துப்பாக்கிச் சூட்டில் 6 முஸ்லிம்கள் கொல்லப்பட்டனர். 31 பேர் கைது செய்யப்பட்டனர். தற்போது அங்கு பதற்றமான சூழ்நிலை நிலவுவதால், போலீசார் குவிக்கப்பட்டு பாதுகாப்பு பணியில் ஈடுபட்டுள்ளனர். மேலும் ஷாஹி ஜும்ஆ மஸ்ஜித் அருகே பாதுகாப்புப் படை வீரர்கள் நிறுத்தப்பட்டுள்ளனர். 

வரலாற்று தகவல்கள்:

சம்பல் நகரின் மையத்தில் பாபரின் ஆட்சியின் போது கட்டப்பட்ட 16ஆம் நூற்றாண்டின் பிரம்மாண்டமான கட்டடமான வெள்ளை மற்றும் பச்சை நிறத்தில் நான்கு மினாரட் கொண்ட  ஷாஹி ஜும்ஆ மஸ்ஜித் உள்ளது. இப்படிப்பட்ட மஸ்ஜித் பகுதியில் பச்சைக் குவிமாடம் கொண்ட அமைப்பில் ஒன்றிணைந்த மூன்று பாதைகளில் வன்முறை வெடித்த இரண்டு நாட்களுக்குப் பிறகு, செவ்வாய்க்கிழமை காலை (நவம்பர் 26, 2024). மக்கள் கூட்டம் அலைமோதியதாகக் கூறப்படும் மத்தியப் பாதையில், அனைத்து வீடுகளும் பூட்டப்பட்டுள்ளன. சிசிடிவி கேமராக்களில் இருந்த கம்பிகள் அறுந்துவிட்டன. மசூதி வன்முறைக்கு சாட்சியமளிக்கிறது. மஸ்ஜித்தில் புதிதாகக் குறிக்கப்பட்ட சேதங்கள் அதன் வர்ணத்தை காயப்படுத்துகின்றன, மேலும் இரும்பு கம்பிகள் மற்றும் உடைந்த கான்கிரீட் அதன் நுழைவு பகுதியில் சரிந்து கிடைக்கின்றன.  

மஸ்ஜித் பகுதியிலும் அதன் அருகே உள்ள பகுதிகளிலும் இருக்கும்  சில வீடுகளும் தாக்குதலுக்கு ஆளாகி இருப்பது தெரிய வருகிறது. இப்படிப்பட்ட சூழ்நிலையில் நகராட்சியைச் சேர்ந்த வாகனம் ஒன்று அங்கு வந்து சேதம் அடைந்த பொருட்களை சேகரித்து அப்பகுதியை சுத்தம் செய்தது. அங்குள்ள ஒரு வீட்டில் இருந்து வெளியே வந்த குர்தா பைஜாமா அணிந்து நடுத்தர வயதான நபர், வீட்டிற்கு வெளியே வந்து, குப்பையை நகராட்சி வாகனத்திடம் கொடுத்துவிட்டு, மீண்டும் அவசரமாக வீட்டிற்கு சென்றுவிட்டு வீட்டின் கதவை மூடி மறைந்துவிட்டார். 

அந்த பகுதியில் ஒருசில வீடுகளின் கட்டுமான பணியும் நடைபெற்று வருகின்றன. தலைநகர் டெல்லியை போன்று இங்கு சுற்றுச்சூழல் பாதிப்பு எதுவும் இல்லை என்றாலும், சம்பலின் பல பகுதியில் வெறிச்சோடி காணப்படுகின்றன. அதற்கு முக்கிய காரணம் மக்களிடம் இருக்கும் பயமும் அச்சமுமாகும். மஸ்ஜித்தின் கிழக்குப் பகுதியை ஒட்டியுள்ள கோட் பூர்வி என்ற பகுதியில் கடைகள் திறக்கப்பட்டு வணிகமும் நடைபெற்று வருகிறது. அங்கு வழக்கம் போல மக்கள் வந்து பொருட்களை வாங்கிச் செல்கிறார்கள். இங்குள்ள பெரும்பாலான வீடுகளில் காவி நிற கொடிகள் கட்டப்பட்டுள்ளன. சுவர்கள் கூட காவி நிறத்தில் உள்ளன. அத்துடன் ஹனுமான் சிவா மற்றும் கணேஷ் ஆகியோரின் படங்கள் ஒவியமாக வரையப்பட்டுள்ளன. 

அதேநேரத்தில் கோட் கர்பி என்ற முக்கிய சந்தை பகுதியில் இருக்கும் கடைகள் திறக்கப்படாமல் மூடிக் கிடக்கின்றன. இந்த பகுதியில் வணிகம் செய்பவர்களில் பெரும்பாலானவர்கள் முஸ்லிம்கள் என்பதை அங்குள்ள விளம்பர பலகைகள் மூலம் அறிய முடிகிறது. இந்த பகுதியில் நுழைய போலீசார் அனுமதி அளிப்பது இல்லை. அத்துடன் சம்பலைச் சேராதவர்கள் இங்கு வர அனுமதி இல்லை. அரசியல் கட்சித் தலைவர், சமூக ஆர்வலர்கள் என யாருக்கும் சம்பல் வர அனுமதி இல்லை. ஒவ்வொரு 100 மீட்டர் தொலைவுக்கும் 10 போலீசார் பாதுகாப்பு பணியில் நிறுத்தப்பட்டுள்ளனர்.  அத்துடன் இணையதள சேவையையும் அரசு முடக்கியுள்ளது. கடந்த 2023ஆம் ஆண்டில் கூட இதுபோன்று இணையதள சேவை துண்டிக்கப்பட்டது. கிழக்கு உத்தரப் பிரதேச பகுதியில் நடந்த வன்முறையை தொடர்ந்து இந்த நடவடிக்கை எடுக்கப்பட்டது. 

ஒரு பிரச்சினை உருவாக்கம்:

சம்பலில் கடந்த நவம்பர் 24ஆம் தேதி நடைபெற்ற சம்பவம் மற்றும் வன்முறை, போலீசார் நடத்திய துப்பாக்கிச் சூடு, கண்ணீர் புகைக்குண்டு வீச்சு கற்கள் வீசி தாக்குதல் நடத்தியது ஆகியவை தொடர்பான வீடியோ சமூக வலைத்தளங்களில் வேகமாக பரவியது. ஆய்வு நடத்த சென்றவர்கள் தடுத்த நிறுத்தியவர்களை போலீசார் வெளியே தள்ளுவது உள்ளிட்ட காட்சிகள் அதில் உள்ளன.  மஸ்ஜித் பகுதியில் இருக்கும் "வசு கானா" தண்ணீர் இல்லாமல் காய்ந்து இருக்கிறது. இதற்கு முக்கிய காரணம் மஸ்ஜித் தொடர்பான போலியான, பொய்யான செய்தியை பரப்பும் நோக்கமாக உள்ளது. 

ஆய்வு நடந்த ஞாயிற்றுக்கிழமையன்று, மக்கள் ஒன்றாக திரண்டார்கள். மஸ்ஜித்தின் தலைவர் ஜாபர் அலி மற்றும் கமிட்டி நிர்வாகிகள் ஆகியோர் அங்கு கூடினார்கள். போலீசாரும் திரண்டு இருந்தார்கள். அப்போது, மஸ்ஜித்தின் தலைவர் ஜாபர் அலி, மஸ்ஜித்திற்கு வெளியே வந்து மஸ்ஜித் மீது எந்த தாக்குதலும் நடத்தவில்லை என்றும் மஸ்ஜித் சேதம் அடையவில்லை என்றும், அங்கு திரண்டு இருந்தவர்களிடம் கூறினார். அதைக் கேட்ட மக்கள் அங்கிருந்து கிளம்பி சென்றார்கள்.  இருந்தும் ஒருசிலர் அங்கிருந்து கலைந்து போகாமல் திரண்டு இருந்தார்கள். அவர்களுடன் போலீசாரும் கூடி இருந்தார்கள். அதன் பிறகு நடந்த வன்முறையில் 6 பேர் கொல்லப்பட்டனர். 31 பேர் படுகாயம் அடைந்தனர். 2 ஆயிரத்து 500 பேர் மீது வழக்குகள் பதிவு செய்யப்பட்டுள்ளன. அவர்களின் 300 பேர் அடையாளம் காணப்பட்டுள்ளனர். சமாஜ்வாதி எம்.பி. ஜியால் உல் ரஹ்மான் பார்க்,  சட்டமன்ற உறுப்பினர் இக்பால் மசூத் ஆகியோர் இதில் அடங்குவார்கள். 

சம்பவம் நடைபெற்ற சமயத்தில் சமாஜ்வாதி எம்.பி.  ஜியால் உல் ரஹ்மான் பார்க் பெங்களூரு நிகழ்ச்சி ஒன்றில் கலந்துகொண்டதாக அக்கட்சி விளக்கம் அளித்துள்ளது. ஆனால், பொய்யான குற்றச்சாட்டின் பேரில் பார்க் மீது உத்தரப் பிரதேச போலீசார் வழக்குப்பதிவு செய்துள்ளனர். அதேநேரத்தில் கடந்த நவம்பர் 22ஆம் தேதி மஸ்ஜித் பகுதியில் நடைபெற்ற நிகழ்ச்சியில் பங்கேற்ற ஜியால் உல் ரஹ்மான் பார்க்  சர்ச்சைக்குரிய முறையில் பேசியதாகவும், அதனை வாட்ஸ் அப் உள்ளிட்ட சமூக வலைத்தளங்களில் பரப்பியதாகவும், அதன்பேரில் அவர் மீது வழக்குப்பதிவு செய்யப்பட்டு இருப்பதாகவும் போலீசார் விளக்கம் அளித்துள்ளனர். 

ஆய்வு நடந்த சமயத்தில் அங்கு வந்த போலீசார், திரண்டு இருந்த மக்கள் வன்முறையை தூண்டியதாக பொய்யான குற்றச்சாட்டை சுமத்தி பல்வேறு பிரிவுகளின் கீழ் அவர்கள் மீது வழக்குப்பதிவு செய்துள்ளதாக சம்பவத்தின்போது நேரில் இருந்த சுஹைல் என்பவர் கூறியுள்ளார். கற்களை வீசியதாக பொய்யான குற்றச்சாட்டை சுமத்தி இரண்டு பெண்களும் கைது செய்யப்பட்டுள்ளனர். 

குடியுரிமை திருத்தச் சட்டத்திற்கு எதிராக கடந்த 2020 ஆம் ஆண்டு நடந்த போராட்டம் போன்ற தற்போதும் நடைபெற்றுள்ளது. உத்தரப் பிரதேச அரசு போராட்டம் நடத்தியவர்கள் மீது பொய்யான புகாரின் பேரில் வழக்குகளை பதிவு செய்து, அவர்களிடம் இருந்து நஷ்ட ஈடு பெற முயற்சிகளை மேற்கொண்டுள்ளது. சம்பல் பகுதியில் வசிக்கும் அலி என்பவரின் செல்பேசியை பறித்து அவரிடம் போலீசார் விசாரணை நடத்தி வருகிறார்கள். ஆய்வு தொடர்பாக அலி மற்றவர்களிடம் தகவல்களை தெரிவித்தாக குற்றம் சுமத்தப்பட்டுள்ளது. 

தொடரும் பதற்றத்தால் அச்சம்:

சம்பலின் ஃபதிஹுல்லா சராய் பகுதியில் உள்ள தனது இனிப்பு கடையை திறக்க சென்று வணிகத்தில் ஈடுபட்ட நஹீம் என்ற இளைஞர் எண்ணெய் தீர்ந்துவிட்டால் அதை வாங்கச் சென்றபோது, போலீசாரால் சுட்டுக் கொல்லப்பட்டதாக இர்ஷாத் ஜஹான் என்பவர் குற்றம்சாட்டியுள்ளார். எந்தவித வன்முறையில் ஈடுபடாத நஹீமை போலீசார் வேண்டும் என்றே சுட்டுக் கொன்றனர். எனினும் ஒரு வன்முறை கும்பல் போலீசார் மீது தாக்குதல் நடத்த தொடங்கியபோது, போலீசார் எதிர் நடவடிக்கையை எடுத்தாக காவல்துறை கண்காணிப்பாளர் குமார் சிங் விளக்கம் அளித்துள்ளார். வன்முறை மற்றும் தாக்குதலில் ஈடுபட்டவர்கள் அனைவரும் இளைஞர்கள் என்றும் அவர்கள் எதிர்வினையை அறியாமல் இருந்தாகவும் அவர் குறிப்பிட்டுள்ளார். சிறுவர்கள் கூட கற்களை வீசி தாக்குதல் நடத்தியதாக அவர் கூறியுள்ளார். 

போலீசார் நடத்திய துப்பாக்கிச் சூட்டில் உயிரிழந்த நஹீமின் மனைவி தற்போது தன்னுடைய சிறிய வீட்டில் இத்தா இருக்கும் நிலைக்கு தள்ளப்பட்டுள்ளார். அத்துடன் 12 வயதுக்கும் குறைவான நான்கு குழந்தைகள் வைத்துக் கொண்டு எதிர்காலம் கேள்விக்குறியான நிலைக்கு நஹீமின் மனைவி ஆளாக்கப்பட்டுள்ளார். தனது குழந்தைகளை மருத்துவராகவும் பொறியளாளராகவும் காண விரும்பிய நஹீமின் கனவு தற்போதை சிதைந்துவிட்டது. சம்பவத்தைத் தொடர்ந்து போலீசார் தொடர்ந்து தங்களை துன்புறத்திய வருவதாக நஹீமின் குடும்பத்தினர் குற்றம்சாட்டியுள்ளனர். நஹீம் எப்படி உயிரிழந்தார் என்பது தொடர்பான பிரேதப் பரிசோதனை அறிக்கை இன்னும் தங்களுக்கு வழங்கப்படவில்லை என்றும் அவர்கள் புகார் தெரிவித்துள்ளனர். 

அகிலேஷ் யாதவ் குற்றச்சாட்டு:

சம்பல் துப்பாக்கிச் சூடு சம்பவத்திற்கு கடும் கண்டனம் தெரிவித்துள்ள சமாஜ்வாதி கட்சித் தலைவர் அகிலேஷ் யாதவ், சம்பல் பகுதியில் வசிக்கும் மக்களை மிரட்டி, வெற்று தாள்களில் கையெழுத்து வாங்கி போலீசார் வரம்பு மீறி இருப்பதாக குற்றம்சாட்டியுள்ளார். இதுபோன்ற செயல்களில் ஈடுபட்டவர்கள் மீது நடவடிக்கை எடுக்க உச்சநீதிமன்றம் முன்வர வேண்டும் என்றும் அவர் வலியுறுத்தியுள்ளார். 

போலீசார் நடத்திய துப்பாக்கிச் சூட்டில் வன்முறை மற்றும் கல் வீச்சு சம்பவங்களில் ஈடுபடாத பிலால் அன்சாரி உள்ளிட்ட இளைஞர்களும் பலியாகியுள்ளன. உத்தரப் பிரதேச அரசு முஸ்லிம்களுக்கு எதிராக இதுபோன்ற செயல்களில் ஈடுபடுவது நியாயமா என்று பிலால் அன்சாரியின் சகோதரர் சல்மான் கேள்வி எழுப்பியுள்ளார். 

தொடரும் வன்முறை பதற்றம்:

கடந்த 1975ஆம் ஆண்டு திருமணம் முடித்து சவீதா ரஸ்தோகி என்ற பெண்மணி சம்பலுக்கு வந்தபோது, இதேபோன்ற வன்முறை வெடித்தது என்றும் அப்போது மஸ்ஜித் மவுலானா பலியானதாக அவர் நினைவு கூர்ந்துள்ளார். இந்த வன்முறை தொடர்ந்து ஒரு மாதம் வரை நீடித்து என்றும் அதில் இருந்து தப்பிக்க அருகில் இருந்த கோவில் தாம் தஞ்சம் அடைந்தாகவும் அவர் தெரிவித்துள்ளார். இந்த பகுதி 300 ஆண்டுகள் பழமையான பகுதியாகும். ஒருசில வணிக நிறுவனங்கள் மட்டுமே இருந்த நிலையில் தற்போது நன்கு வளர்ச்சி அடைந்த பகுதியாக மாறியுள்ளது. மத ரீதியான பிரச்சினைகள் தொடர்வதால் தாம் ஏன் மீரட்டில் இருந்து சம்பலுக்கு வந்தேன் என்று கேள்வி தற்போது எழுந்து கொண்டு இருப்பதாகவும் ரஸ்தோஷி வேதனையுடன் தெரிவித்துள்ளார். 

கடந்த 1980 மற்றும் 1990 ஆகிய ஆண்டுகளில் நடந்த கசப்பான சம்பங்களை தொடர்ந்து மக்கள் சம்பலில் இருந்து வெளியே பிற பகுதிகளுக்கு சென்றுவிட்டார்கள். இதனால் சந்தையின் சூழ்நிலையை மாறிவிட்டது. சிறிய கடைகள் மட்டுமே இங்கு இயங்கி வருகின்றன. இந்து மக்களுக்கு எராளமான கோவில்கள் இருக்கும் நிலையில், மஸ்ஜித் பகுதியில் கோவில் இருப்பதாக புகார் கூறி, அதனை ஏன் பிரச்சினையாக கிளப்ப வேண்டும் என்றும் ரஸ்தோஷி கேள்வி எழுப்பியுள்ளார். தற்போது ஊடகத்தினர் இங்கு வந்து இருக்கிறார்கள். நாளை அவர்கள் சென்று விடுவார்கள். ஆனால், இந்து-முஸ்லிம்கள் எப்படி ஒருங்கிணைந்து வாழ முடியும் என்றும் அவர் வினா எழுப்பியுள்ளார். மேலும் தற்போதைய சூழ்நிலையில் மக்கள் யாரிடமும் பேசுவதை நிறுத்திவிட்டார்கள். 

தொடரும் சர்ச்சைகள்:

நவம்பர் 19 அன்று மாவட்ட மற்றும் அமர்வு நீதிமன்றத்தின் சிவில் நீதிபதி சம்பல் நீதிமன்றத்தில் ஹரி சங்கர் ஜெயின் மற்றும் பலர் ஒரு மனு தாக்கல் செய்தனர். சம்பலில் உள்ள 16 ஆம் நூற்றாண்டு ஜும்ஆ மஸ்ஜித் பழமையான ஹரி ஹர் இடத்தில் கட்டப்பட்டதாக மனுதாரர்கள் குற்றம் சாட்டினர். வாரணாசியில் உள்ள ஞானவாபி மசூதி மற்றும் உத்தரப் பிரதேசத்தில் ஈத்கா மஸ்ஜித் மதுரா மற்றும் மத்தியப் பிரதேசத்தில் உள்ள கமால்-மௌலா மஸ்ஜித் ஆகியவற்றில் கூறப்பட்ட கூற்றுக்கு ஒத்ததாக இருந்தது. ஜெயின் வாரணாசி, மதுரா மற்றும் தார் வழக்குகளிலும் மனுதாரர் ஆவார். சம்பல் மசூதி ஒரு பாதுகாக்கப்பட்ட தேசிய நினைவுச்சின்னமாகும். இத்தகைய சூழ்நிலையில் உச்சநீதிமன்றம் ஆய்வு நடத்துவதை தற்போது நிறுத்தி வைத்துள்ளது. 

வன்முறை மேலும் அதிகரிப்பதைத் தடுக்கவும், மத்திய அரசின் வழிபாட்டுத் தலங்கள் பாதுகாப்புச் சட்டம் 1991ஐ பின்பற்றுவதை உறுதி செய்ய வேண்டும் என வழக்கறிஞர் ஆரிப் உத்தீன் அகமது வலியுறுத்தியுள்ளார். இபோன்று,, சம்பல் ஜும்ஆ மஸ்ஜித்தில் அனைத்து களஆய்வு நடவடிக்கைகளையும் நிறுத்த வேண்டும். சம்பலில் சிறுபான்மை சமூகத்தினரின் உயிர்கள் மற்றும் உடைமைகளைப் பாதுகாக்கப் போதுமான பாதுகாப்பு நடவடிக்கைகளை எடுக்கவேண்டும். நவம்பர் 24-ன் கலவர சம்பவங்கள், குறிப்பாக போலீஸ் துப்பாக்கிச் சூடு மற்றும் காவல்துறையினரின் தவறான நடத்தைகள் பற்றிய குற்றச்சாட்டுகளை விசாரிக்க விசாரணைக்கு உத்தரவிட வேண்டும் என அரசியல் கட்சித் தலைவர்களும் கோரிக்கை வைத்துள்ளனர். 

இத்தகைய சூழ்நிலையில் துப்பாக்கிச் சூடு சம்பவம் தொடர்பாக விசாரணை நடத்த 3 நபர்கள் அடங்கிய விசாரணை குழுவை உத்தரப் பிரதேச அரசு நியமித்துள்ளது. எனினும் சம்பலில் தொடர்ந்து பதற்றம் நீடிப்பதால் மக்கள் அச்சத்துடன் வாழ்ந்துகொண்டு இருக்கிறார்கள். சம்பவம் தொடர்பாக வரம்பு மீறி செயல்படும் சமூக வலைத்தளங்களை கட்டுப்பத்த வேண்டும் என்ற கோரிக்கையும் தற்போது வலுத்துள்ளது. 

- நன்றி: தி இந்து ஆங்கில நாளிதழ்

- தமிழில்: எஸ்.ஏ.அப்துல் அஜீஸ்

Thanks Speech.

 வயநாடு மக்களுக்கு நன்றி...!

First and foremost, I thank each and every one of you from the bottom of my heart for bringing me here today and making me your member of parliament.

I'd also like to express my heartfelt gratitude to each one of you for what you've given me. The true value lies in your love and trust.

As your representative in parliament, I will amplify your voice, work tirelessly to resolve your problems and uphold your beliefs, values, hopes and aspirations every single day, now and forever.

 : Congress General Secretary and Wayanad MP Smt.priyankagandhi ji

Wayanad, Kerala

மழை, வெள்ளம்.

 சென்னையில் கனமழையால் வெள்ளம்....!

பெங்கல் புயல்...!

 சென்னையில் பெங்கல் புயலின் ஆட்டம்.

Chennai Rain.

 சென்னையில் காற்றுடன் கனமழை.

கன மழை.

 சென்னையில் காற்றுடன் கனமழை.

ஜூம்மா உரை...!

Speaking at the Friday congregation, at Jama Masjid Srinagar,  “As you are aware, five Muslim youth were killed in police firing during the survey of the 500-year-old Shahi Jama Masjid in Sambhal, Uttar Pradesh. The survey was ordered by the court. The killing of these youth in discriminatory police action is very distressing and condemnable.

While this matter was still ongoing, another court in Rajasthan’s Ajmer ordered the survey of the state’s iconic Ajmer Sharif Dargah of the revered Sufi saint Hazrat Moinuddin Chisti (Rah). Before that, the Gyanvapi Mosque is being surveyed under court orders. There seems to be a deliberate pattern where first doubts are raised, then the court orders surveys, and then majority claims have to be satisfied. The Babri Masjid issue, after such claims, followed by its demolition and how it was settled by courts, is fresh in the minds of Muslims.

This is an extremely disturbing and serious issue for the Muslims of not only India and Kashmir but the subcontinent and the world over. The shrine of the great Sufi and wali, Hazrat Moinuddin, is revered by Muslims all over the world, where thousands of people visit daily. This 800-year-old shrine is linked to the history and culture of the spread of Islam in the Indian subcontinent. It holds special significance for the people of Kashmir, who visit the Dargah as a pilgrimage.

Such actions backed by the judiciary and government deeply undermine the religious sentiments of crores of Muslims living in this part of the world. If India is a secular state as per its preamble, run by a constitution which includes the Places of Worship Act, then why are such issues allowed to be raked up and entertained continuously?”  People know the answer. “But this is a dangerous trend that is being encouraged and can have very serious consequences.

Already, the issue of the Waqf amendment is worrying the Muslims in India, as also in J&K, for which MMU has again sent a letter to the JPC on the matter asking for a meeting.” Muslims of Jammu and Kashmir, like Muslims of India and the subcontinent, are observing all this very concerningly, and if this mindset is not curbed, people’s backlash against these assaults will be entirely the responsibility of the authorities.

Also criticise the actions of the police in preventing media coverage of my speech at Jama Masjid by barring their entry into the mosque, it is crucial for the media to freely report on matters of public interest and concern and govt should not harass them.

CWC....!

 Congress Working Committee Meeting going on important decision today (29.11.2024)EVM, Ballot paper and Delhi election also!

ஆர்ப்பாட்டம்...!

 உ.பி. சம்பல் ஷாயி ஜமா மஸ்ஜித் விவகாரத்தை வேண்டும் என்றே கிளப்பி, முஸ்லிம்கள் மீது வன்முறையை ஏவி 6 பேரின் உயிர்களை பறித்த உ.பி. பா.ஜ.க. அரசைக் கண்டித்து இந்திய யூனியன் முஸ்லிம் லீக் சார்பில் நடைபெற்ற ஆர்ப்பாட்டம்.

குல்லுபாய்.....!

 "மணிச்சுடரின் வைரம் குல்லுபாய்"

- எஸ்.ஏ.அப்துல் அஜீஸ் -

சிறப்புச் செய்தியாளர், மணிச்சுடர் நாளிதழ்

தமிழக முஸ்லிம்களுக்கு மட்டுமல்லாமல், உலகம் முழுவதும் உள்ள தமிழ் பேசும் முஸ்லிம்களின்   ஒரே தமிழ் நாளிதழாக 'மணிச்சுடர்' விளங்கிக் கொண்டிருக்கிறது. முஸ்லிம்களுக்கு மட்டுமல்லாமல் சகோதரச் சமுதாய மக்களுக்கும் பயன்படும் வகையில் மிகவும் தரமான உண்மைச் செய்திகளை தருவதில் 'மணிச்சுடர்' எப்போதும் முன்னிலையில் இருந்து வருகிறது. இப்படி தமிழ் சமுதாயத்திற்காக, ஊடக நெறிமுறைகளை உறுதியாக பின்பற்றி செய்திகளை தரும் 'மணிச்சுடர் நாளிதழின்' வளர்ச்சிக்கும், முன்னேற்றத்திற்கும், நாளிதழ் தொடங்கிய ஆரம்பம் முதல் தற்போது வரை, பலர் உழைத்துக் கொண்டு இருக்கிறார்கள். 

இப்படி மணிச்சுடருக்காக உழைத்த, மணிச்சுடரை சமுதாய மக்களிடம் கொண்டு சேர்த்த நல்ல பண்பாளர்களில் ஒருவர் தான் 'ஆற்காடு சையத் அகமத் என்ற குல்லு பாய்' ஆவார். ஒருங்கிணைந்த வேலூர் மாவட்டத்தின் நிருபராக பல ஆண்டு காலம் பணிபுரிந்த குல்லு பாய், மணிச்சுடர் நிறுவனர் சிராஜுல் மில்லத் அவர்களின் மிகுந்த அன்பை பெற்றவர். தற்போதைய ஆசிரியர் பேராசிரியர்  கே.எம்.காதர் மொகிதீன் அவர்களின் பாசத்திற்குரிய ஊடக மாணவராக இருந்தவர். 

பீகாருக்கு லாலு, மணிச்சுடருக்கு குல்லு:

நிருபர் சையத் அகமத் அவர்களை "பீகாருக்கு லாலு, மணிச்சுடருக்கு குல்லு" என்று சிராஜுல் மில்லத் அவர்கள், எப்போதும் செல்லமாகவும் அன்பாகவும் அழைத்து மகிழ்ச்சி அடைவார். அதற்கு முக்கிய காரணம், ஒருங்கிணைந்த வேலூர் மாவட்டத்தில், ராணிப்பேட்டை, மேல் விஷாரம், வேலூர், குடியாத்தம், ஆம்பூர், வாணியம்பாடி, பேரணம்பட்டு, பள்ளிகொண்டா, அணைக்கட்டு என பல முக்கிய ஊர்களில்  சமுதாய மக்களிடம் மணிச்சுடர் நாளிதழை கொண்டு சேர்த்த பெருமை குல்லு பாய்க்கு உண்டு. மணிச்சுடரை சமுதாய மக்களிடமும் சகோதர சமுதாய மக்களிடம் கொண்டு சேர்த்தது மட்டுமல்லாமல், மணிச்சுடரின் நிதி சுமையை குறைக்கும் வகையில் விளம்பரங்களை வாங்கி கொடுத்த அற்புதமான ஒரு நிருபர் தான் குல்லு பாய்.   

ஒரு சாதாரண ஏழை குடும்பத்தைச் சேர்ந்த குல்லு பாய், தனது வறுமையான நிலையில் கூட, அதை வெளியில் காட்டிக் கொள்ளாமல், எப்போதும் சிரித்த முகத்துடன் சபாரி உடையை அணிந்துகொண்டு, மிடுக்காக செய்திகளை சேகரிக்க களத்திற்குச் செல்வார். விளம்பரங்களை வாங்க சமுதாய பிரமுகர்களை சந்தித்து பேசுவார். குல்லு பாயின் சிரித்த முகம், அவர் அணுகும் முறை, எப்போதும் பண்புடன் பழகும் குணம் ஆகியவற்றால் கவரப்பட்டு, பலர், அவருக்காகவே மணிச்சுடர் நாளிதழக்கு சந்தா அளித்து இருக்கிறார்கள். விளம்பரங்களையும் தந்து இருக்கிறார்கள். 

இப்படி, விளம்பரங்கள் மூலம் கிடைக்கும் தொகையை எந்தவித தயக்கமும் இல்லாமல், உடனடியாக மணிச்சுடர் அலுவலகத்தில் கொண்டு சேர்க்கும் நல்ல குணம் குல்லு பாயிடம் இருந்தது. விளம்பரங்கள் மூலம் பெரிய தொகை கிடைத்துவிட்டால், அதை நேரில் கொண்டு சென்று மணிச்சுடர் அலுவலகத்தில் கொடுத்துவிட்டு தான் மறு வேலையை அவர் பார்ப்பார். அதற்கு முக்கிய காரணம், மணிச்சுடரின் நிதிநிலையை நன்கு அறிந்து இருந்ததால், பணியாளர்களுக்கு சரியான நேரத்தில் ஊதியம் கொடுக்க தாம் சேர்த்த விளம்பரங்கள் மூலம் கிடைத்த தொகை உதவும் என குல்லு பாய் உறுதியாக நம்பினார். 

பல நேரங்களில் மணிச்சுடர் ஊழியர்கள் குல்லு பாயின் வருகைக்காக காத்திருந்த சம்பவங்களை நான் நேரில் பார்த்து இருக்கிறேன். 'வாங்க குல்லு பாய். உங்களுக்காக தான் காத்திருக்கிறோம். இன்று சம்பளம் உறுதியாக கிடைத்துவிடும்' சிலர் மகிழ்ச்சியுடன் கூறியதையும் நான் கேட்டு இருக்கிறேன். வேலூரில் இருந்து பேருந்து மூலம் சென்னை புறப்பட்டு செல்லும் குல்லு பாய், மணிச்சுடர் ஊழியர்களுக்காக 'ஆற்காடு மக்கன் பேடா' உள்ளிட்ட பலகாரங்களையும் மறக்காமல் கொண்டு செல்வார். அவற்றை மணிச்சுடர் அலுவலத்தில் இருக்கும் அனைவருக்கும் கொடுத்து மகிழ்ச்சி அடைவார். குடும்பத்தில் ஏழ்மை நிலவினாலும், விருந்தோம்பல் என்ற குணத்தில் குல்லு பாய் எப்போதும் ஒரு பணக்காரர் என்றே கூற வேண்டும். 

வேலூர் மாவட்ட தலைவர்:

மிகப்பெரிய அளவுக்கு படிப்பு இல்லை என்றாலும், ஊடகத்துறை குறித்து ஒரு நல்ல புரிதல் குல்லு பாயிடம் இருந்தது. அதன் காரணமாக ஒருங்கிணைந்த வேலூர் மாவட்டத்தில் இருந்த மாவட்ட நிருபர் சங்கத்திற்கு அவர் தலைவராக தேர்வு செய்யப்பட்டார். அனைத்து ஊடகத் தோழர்களிடமும் அன்பும் பாசமும் காட்டி பழகியதால், சங்கத் தலைவர் பதவிக்கு நடந்த தேர்தலில், அனைவரும் குல்லு பாயை ஒரு மனதாக தலைவராக தேர்வு செய்தனர். தனது பதவி காலத்தில் அனைத்து பத்திரிகையாளர்களுக்கும், நிருபர்களுக்கும் என்ன உதவிகள் செய்ய முடியுமா அத்தகைய உதவிகளை குல்லு பாய் செய்து அனைவரின் பாராட்டுதல்களை பெற்றார். 

அனைத்து பத்திரிகை நிருபர்களையும் ஒருங்கிணைந்து அவர்கள் மூலம், மற்றவர்களுக்கு எப்படி பணியாற்ற வேண்டும் என்ற ஒரு அற்புதமான பணிகளையும் குல்லு பாய் செய்து, பெரும் நன்மதிப்பு பெற்றார். அரசு மூலம் பத்திரிகையாளர்களுக்கு கிடைக்க வேண்டிய சலுகைகள், பலன்கள் ஆகியவற்றை பெற அரிய முயற்சிகளையும் குல்லு பாய் செய்து பாராட்டுகளை அள்ளிச் சென்றார். 

நானும் குல்லு பாயும்:

டெல்லியில் இருந்து நான் வேலூர் வந்தபிறகு, சிராஜுல் மில்லத் அவர்கள் குல்லு பாய் மூலம் என்னை சென்னைக்கு வரும்படி சொல்லி அனுப்பி இருந்தார். அப்போது என்னை தேடி வீட்டிற்கு வந்த குல்லு பாய், "நீங்கள் தான் அஜீஸ் பாயா. தலைவர் அவர்கள் உங்களை சென்னைக்கு வரும்படி கூறி இருக்கிறார். உடனே சென்று பாருங்கள்" என்று கூறி, தன்னை என்னிடம் அறிமுகம் செய்துக் கொண்டது இன்னும் என் மனக் கண் முன் வந்து செல்கிறது. பிறகு, பலமுறை அவருடன் சேர்ந்து நான் செய்திகளை சேரிக்கச் செல்லும்போது, அவருக்கு கிடைக்கும் சிறிய அள்பளிப்பு மற்றும் பணத்தை என்னிடம் கொடுத்து, 'செலவுக்கு வைத்துக் கொள்ளுங்கள். நான் எப்படியாவது சமாளித்துக் கொள்வேன். நீங்கள் தான் வேலையில்லாமல் இருக்கிறீர்கள் ' எனக் கூறி என்னை பலமுறை வியப்பில் ஆழ்த்தி இருக்கிறார். 

என்னிடம் இருந்த எழுத்து திறமையை அறிந்துகொண்டு, அதை பலமுறை அனைத்து சிராஜுல் மில்லத் அவர்களிடமும், தற்போதைய மணிச்சுடர் நாளிதழ் ஆசிரியர் பேராசிரியர் கே.எம்.காதர் மொகிதீன் அவர்களிடமும் கூறி என்னை புகழ்ந்து பேசியதை நான் அறிந்தபோது, உண்மையில் என்னுடைய மனம் மகிழ்ச்சி அடைந்தது. மணிச்சுடர் செய்திப்பிரிபு குழுவினரிடமும் என்னைப் பற்றி பெருமையாக பேசியதை,  அவர்கள் கூறிக் கேட்டபோது, நான் குல்லு பாயின் பெருந்தன்மையை அறிந்து வியப்பும் மகிழ்ச்சியும் அடைந்தேன். 

கே.எம்.கே. காட்டிய அன்பு:

சிராஜுல் மில்லத் அவர்களின் மறைவுக்குப் பிறகு, மணிச்சுடர் நாளிதழின் பொறுப்பை இந்திய யூனியன் முஸ்லிம் லீக் தேசிய தலைவர் பேராசிரியர் கே.எம்.காதர் மொகிதீன் அவர்கள் ஏற்றுக் கொண்டார்கள். சிராஜுல் மில்லத் அவர்களின் காலத்திலேயே பேராசிரியர் கே.எம்.கே.வுடன் நல்ல தொடர்பும் அன்பும் கொண்டிருந்த குல்லு பாய், சிராஜுல் மில்லத் மறைவுக்குப் பிறகு, அந்த தொடர்பையும் அன்பையும் மேலும் வளர்த்துக் கொண்டார். பேராசிரியர் அவர்கள், வேலூர் மாவட்டத்திற்கு வரும்போது, அவருக்கு உற்சாகமான வரவேற்பு அளிக்கும் பணியை குல்லு பாய் செய்து வந்தார். இ.யூ.முஸ்லிம் லீக் மற்றும் சமுதாய மக்களை சந்திக்க செல்லும்போது, பேராசிரியர் அவர்களுடன் கட்டாயம் குல்லு பாய் இருப்பார். சமுதாய பிரமுகர்களிடம் குல்லு பாயை பேராசிரியர் அவர்கள் மிகவும் சிறப்பான முறையிலும் அற்புதமான மொழிகளை கூறியும் அறிமுகம் செய்துவைத்ததை நான் பலமுறை நேரில் கண்டு வியப்பு அடைந்து இருக்கிறேன். 

நாடாளுமன்றத் தேர்தலில் வேலூர் தொகுதியில் திமுக கூட்டணி சார்பில் இந்திய யூனியன் முஸ்லிம் லீக் வேட்பாளராக பேராசிரியர் கே.எம்.காதர் மொகிதீன் அவர்கள் தேர்வு செய்யப்பட்டு போட்டியிட்டபோது, முதல்முறையாக தொகுதிக்கு வந்தார். அப்போது, ஆற்காடு பாலாற்று பாலம் வழியாக பேராசிரியர் மற்றும் முஸ்லிம் லீக் ஊழியர்கள் பயணம் செய்த வாகனங்கள் வந்தபோது, அதன் எல்லையில் நின்று பிரமாண்ட வரவேற்பை, குல்லு பாய் அளித்தது மட்டுமல்லாமல், தன்னுடைய குடிசை வீட்டிற்கு பேராசிரியர் அவர்களை அழைத்துச் சென்று, அங்கும் தனது அன்பை பொழிந்து வரவேற்பு அளித்து மகிழ்ச்சி அடைந்தார். குல்லு பாயின் வீட்டில், பேராசிரியர் மற்றும் அவருடன் வந்த அனைவருக்கும் தேநீர் விருந்து அளிக்கப்பட்டது. குல்லு பாய் அளித்த வரவேற்புக்குப் பிறகு, பேராசிரியர் அவர்கள் வேலூருக்கு புறப்பட்டு சென்று, திமுக கூட்டணி கட்சி நிர்வாகிகளை சந்தித்து ஆலோசனை மேற்கொண்டார். 

குல்லு பாயிடம் பேராசிரியர் அவர்களுக்கு எப்போதும் தனி மதிப்பு இருந்தது. அதன் காரணமாக, நாடாளுமன்ற தேர்தல் பிரச்சாரம் தொடர்பான அனைத்து செய்திகளையும் ஊடகங்களுக்கு அளிக்கும் பொறுப்பு அவரிடம் ஒப்படைத்தார். அவருக்கு துணையாக என்னையும் நியமித்தார். கடுமையான வெயில் காலத்தில், கோடை அக்னி நட்சத்திரம் தொடங்கிய காலத்தில் நடந்த தேர்தல் அது. அப்படிப்பட்ட தேர்தலில் பம்பரமாக சுழன்று வேலை செய்த குல்லு பாய், திடீரென உடல்நலம் பாதிக்கப்பட்டு, விஷாரம் அப்போலோ மருத்துவமனையில் சேர்க்கப்பட்டார். அங்கு மருத்துவர்கள் அவருக்கு நல்ல சிகிச்சை அளித்தார்கள். சிகிச்சைக்குப் பிறகு, வீடு திரும்பிய குல்லு பாய், தேர்தல் பணி ஆர்வம் காரணமாக மீண்டும், வீட்டை விட்டு வெளியே வந்தபோது, கடும் வெப்பம் அவரை மயக்கம் அடையச் செய்தது. மயக்கம் அடைந்த விழுந்த குல்லு பாயை மருத்துவமனையில் அனுமதிதபோது, அவருக்கு ஹார்ட் அட்டாக் ஏற்பட்டு விட்டது என மருத்துவர்கள் கூறினார்கள். எனினும் சில நாட்களிலேயே ஏக இறைவனின் நாட்டத்தின்படி, அவர் இந்த மண்ணைவிட்டு மறைந்தார். 

பேராசிரியர் கே.எம்.காதர் மொகிதீன் அவர்கள் வேலூர் நாடாளுமன்றத் தொகுதியில் மிகப்பெரிய அளவுக்கு வெற்றி பெறுவார் என முன்பே கணித்த குல்லு பாய், அந்த வெற்றியை காண வாய்ப்பு பெறவில்லை. இது பேராசிரியர் அவர்களுக்கு பெரும் வேதனையை ஏற்படுத்தியது. இதேபோன்று,  வாணியம்பாடி சட்டப்பேரவைத் தொகுதி உறுப்பினராக தேர்வு செய்யப்பட்ட இந்திய யூனியன் முஸ்லிம் லீகின் பீரங்கி எச்.அப்துல் பாசித் அவர்கள் கூட, குல்லு பாயை மிகவும் நேசித்த மனிதர்களில் ஒருவராவார். ஆம்பூருக்கு சென்றால், குல்லு பாய், பாசித் அவர்களின் வீட்டில் தான் மதிய உணவு சாப்பிடுவார். அப்துல் பாசித் அவர்கள் சட்டமன்ற உறுப்பினராக தேர்வு செய்யப்பட்டதை கூட,  கொண்டாடும் வகையில் குல்லு பாய் நம்மிடம் இருக்கவில்லை. இ.யூ.முஸ்லிம் லீக் மாநில பொதுச் செயலாளர் கே.ஏ.எம்.முஹம்மது அபூபக்கர் உள்ளிட்ட பல முன்னணி தலைவர்கள், குல்லு பாயிடம் பாசத்துடன் பழகியதை என்னால் இன்னும் மறக்க முடியாது. 

மணிச்சுடரின் வைரம் குல்லுபாய்:

சையத் அகமது என்ற குல்லு பாய், இந்திய யூனியன் முஸ்லிம் லீக் உறுப்பினராக மட்டுமல்லாமல், மணிச்சுடர் நாளிதழின் நிருபராக மிகவும் சிறப்பான முறையில் பணியாற்றி, அனைவரின் நன்மதிப்பு பெற்றதால், அவரை மணிச்சுடரின் வைரம் என அழைப்பதில் எந்த குற்றமும் இல்லை என்றே கூறலாம். ஏழ்மையில் கூட, எப்படி தாளார மனதுடன் நடந்துகொள்ள வேண்டும் என்பதை குல்லு பாயிடம் இருந்து நாம் பாடங்களை கற்றுக் கொள்ளலாம். மணிச்சுடர் நாளிதழ் பல அற்புதமான செய்தியாளர்களை தந்து இருக்கிறது. அந்த செய்தியாளர்களில் ஒரு வைரம் தான் ஆற்காடு குல்லு பாய். 

மணிச்சுடர் நாளிதழ் தற்போது 40வது ஆண்டில் பயணித்துக் கொண்டு இருக்கிறது. அந்த பயணத்தில் குல்லு பாய் ஆற்றிய பங்களிப்பை மணிச்சுடர் நிர்வாகம் மட்டுமல்ல, ஊடகவியலாள்ர்கள் கூட மறக்கவே முடியாது. பொதுவாக யாராவது மரணம் அடைந்துவிட்டால், அவரது உடலை பார்க்கும்போது எனக்கு கண்ணீர் வராது. துக்கம் மட்டுமே வரும். ஆனால், குல்லு பாய் அவர்கள் மரணம் அடைந்துவிட்டார் என்ற செய்தி கேட்டபோது, நான் அடைந்து துயரத்திற்கு அளவே இல்லை. ஆற்காட்டில் உள்ள அவரது வீட்டில் வைக்கப்பட்டு இருந்த குல்லு பாயின் உடலை பார்த்தபோது, என்னையும் அறியாமல் கண்களில் கண்ணீர் தாரை தாரையாக வந்து விழுந்தது. அதற்கு முக்கிய காரணம், குல்லு பாய் என்மீது காட்டிய பாசம். அன்பு ஆகியவற்றை கூறலாம். பல நேரங்களில் அவர் எனக்கு செய்த அன்பு உதவிகள், பாசத் தொல்லைகள் ஆகியவற்றை கூறலாம். மணிச்சுடர் நாளிதழ் மறக்க முடியாத ஒரு சிறந்த நிருபர் குல்லு பாய் என்றால் அது மிகையாகாது. 

======================================

பேட்டி....!

 ஜார்க்கண்ட் முதலமைச்சர் ஹேமந்த் சோரன் செய்தியாளர்கள் சந்திப்பு...!

பதவியேற்பு...!

Congress General Secretary Smt. Priyanka Gandhi ji takes the oath as a Member of Parliament from Wayanad.

ஜனநாயகத்திற்கு வேட்டு...!

ஒற்றுமையை சீர்குலைத்து, ஜனநாயகத்திற்கு வேட்டு வைக்கும் பா.ஜ.க.....!

- எஸ்.ஏ.அப்துல் அஜீஸ் -

மத்தியில் பா.ஜ.க. ஆட்சிக்கு வந்து 11வது ஆண்டு தொடங்கியுள்ள நிலையில், நாட்டு மக்கள் மத்தியில் ஒற்றுமையை சீர்குலைக்கும் செயல்கள் இன்னும் நிற்கவில்லை. சகோதரத்துவத்துடன் வாழ்ந்து வரும் இந்து-முஸ்லிம்கள் இடையே பிளவை உருவாக்கி, தொடர்ந்து அரசியல் இலாபம் பெற்றுவரும் முயற்சிகளில் பா.ஜ.க. மற்றும் அதன் கூட்டணிக் கட்சிகள் ஈடுபட்டு வருகின்றன. அதற்கு ஏராளமான எடுத்துக்காட்டுகள் இருந்து வந்தாலும் அண்மையில் நடைபெற்ற நான்கு மாநில தேர்தல்கள் மிகச் சிறந்த உதாரணங்களாக இருக்கின்றன. 

நான்கு மாநில தேர்தலில் பா.ஜ.க.வின் முகம்:

அரியானா, மகாராஷ்டிரா, ஜார்க்கண்ட், ஜம்மு-காஷ்மீர் ஆகிய நான்கு மாநில சட்டப்பேரவைத் தேர்தல்களில், அரியானா மற்றும் மகாராஷ்டிராவில் பா..ஜ.க. அங்குள்ள மக்கள் எதிர்பார்க்காத வகையில் மிகப்பெரிய வெற்றியை பெற்றுள்ளது. குறிப்பாக, அரியானாவில் காங்கிரஸ் கட்சி தான் ஆட்சியை கைப்பற்றும் என அரசியல் நிபுணர்கள் மற்றும் கருத்துக் கணிப்புகள் தெரிவித்தன. ஆனால் முடிவுகள் வேறுமாதிரியாக அமைந்தன. அரியானா மக்கள் மட்டுமல்ல, ஊடகவியலாளர்கள் மற்றும் நாட்டு மக்கள் யாருமே எதிர்பார்க்காத வகையில் அரியானாவில் பா.ஜ.க. மீண்டும் ஆட்சியை கைப்பற்றியது. 

இதேபோன்று, மகாராஷ்டிராவில், பா.ஜ.க. தலைமையிலான அணி, அங்குள்ள மக்களின் எதிர்பார்ப்புகளை உடைத்துவிட்டு, மீண்டும் ஆட்சியை பிடித்துள்ளது. அதுவும் முன்எப்போதும் இல்லாத வகையில் அதிக எண்ணிக்கையில் தொகுதிகளை அந்த அணி கைப்பற்றியது. தேர்தலில் மிகப்பெரிய அளவுக்கு குளறுப்படிகள் நடைபெற்று இருப்பதாக காங்கிரஸ் உள்ளிட்ட எதிர்க்கட்சிகள் குற்றம்சாட்டி வருகின்றன. மின்னணு வாக்குப்பதிவு எந்திரங்கள் சரியான முறையில் பயன்படுத்தவில்லை என்றும், அதில் ஆளும் பா.ஜ.க. தனது அதிகாரத்தை வைத்துக் கொண்டு, முறைகேடுகளில் ஈடுபடுவதாகவும் புகார்கள் எழுந்துள்ளன. 

மகாராஷ்டிராவில் கணக்கில் வராமல், 5 லட்சத்திற்கும் அதிகமான வாக்குகள் பதிவாகி இருப்பதாக புள்ளிவிவரங்களை சுட்டிக்காட்சி, அரசியல் நோக்கர்கள் கருத்துகளை தெரிவித்து வருகிறார்கள். ஒரு கிராமத்தில் எப்போதும் காங்கிரஸ் கட்சிக்கு மட்டுமே மக்கள் வாக்குகளை அளித்துவரும் நிலையில் இந்த முறை கூட அப்படி வாக்களித்தார்கள். ஆனால், அந்த கிராமத்தில் காங்கிரஸ் கட்சிக்கு ஒரு வாக்கு கூட கிடைக்கவில்லை என வாக்கு எண்ணிக்கையில் தெரிவிக்கப்பட்டுள்ளது. இதை கண்டு, அந்த கிராம மக்கள் அதிர்ச்சி அடைந்து போராட்டத்தில் கூட ஈடுபட்டனர். இப்படி, பல தொகுதிகளில் முறைகேடுகள் நடைபெற்று மகாராஷ்டிராவில் பா.ஜ.க. தலைமையிலான அணி ஆட்சியை கைப்பற்றி இருப்பதாக குற்றச்சாட்டுகள் எழுந்துள்ளன. இந்த புகார்கள் மற்றும் குற்றச்சாட்டுகளுக்கு தேர்தல் ஆணையம் பதில் எதுவும் கூறிவில்லை. விளக்கம் எதுவும் அளிக்கவில்லை. மின்னணு வாக்குப்பதிவு எந்திரங்களில் முறைகேடுகள் செய்ய முடியாது என்று மட்டும் தேர்தல் ஆணையம் தொடர்ந்து கூறி வருகிறது. 

கவனத்தை திசை திருப்பும் செயல்:

இப்படி, நான்கு மாநில சட்டப்பேரவைத் தேர்தல்களில் அரியானா மற்றும் மகாராஷ்டிராவில் பா.ஜ.க. மக்களின் விருப்பத்திற்கு மாறாக ஆட்சியை கைப்பற்றியுள்ள நிலையில், நாட்டு மக்களின் கவனத்தை திசை திருப்பும் வகையில் பல சம்பங்களை அரங்கேற்றப்பட்டு வருகின்றன. அவற்றில் ஒன்று உத்தரப் பிரதேச மாநிலம் சம்பாலில் உள்ள மஸ்ஜித் பிரச்சினையை தற்போது கையில் எடுத்து அங்கு ஆய்வு என்ற பெயரில் இந்து-முஸ்லிம் மக்களிடையே இருந்து வரும் ஒற்றுமையை சீர்குலைக்கும் செயல்கள் அரங்கேற்றப்பட்டு வருகின்றன. இங்குள்ள பழமையான மஸ்ஜித் குறித்து பிரச்சினையை எழுப்பிய சிலர், நவம்பர் 19 ஆம் தேதி முதல் ஜமா மசூதியில் ஹரிஹர் கோவில் இருப்பதாக ஒரு மனுவைத் தொடர்ந்து நீதிமன்றத்தின் உத்தரவின் பேரில் முதலில் ஆய்வு செய்யப்பட்டபோது சம்பாலில் பதற்றம் நிலவியது. மேலும் நீதிமன்ற உத்தரவின் பேரில் ஆய்வு மேற்கொள்ள சென்றபோது, முஸ்லிம்கள் எதிர்ப்பு தெரிவித்து போராட்டத்தில் ஈடுபட்டனர். அப்போது போலீசார் முஸ்லிம்கள் மீது நடத்திய துப்பாக்கிச் சூட்டில் 6 இளைஞர்கள் கொல்லப்பட்டனர். இதனால் சம்பால் பகுதியில் தொடர்ந்து பதற்றம் நீடித்து வருகிறது. பாபரி மஸ்ஜித் விவகாரத்திற்குப் பிறகு, வழிப்பாட்டுத் தலங்கள் சட்டம் 1991ன் படி எந்த மஸ்ஜித் பகுதிகளிலும் ஆய்வு நடத்தக் கூடாது என ஏற்கனவே அறிவிக்கப்பட்டுள்ள நிலையில், தற்போது மீண்டும் மக்களிடையே குழப்பத்தை ஏற்படுத்தி, அவர்களின் ஒற்றுமையை சீர்குலைக்க முயற்சிகள் மேற்கொள்ளப்பட்டு வருகின்றன. இந்து-முஸ்லிம் மக்களிடையே பிளவை ஏற்படுத்தி, அதன்மூலம் அரசியல் இலாபம் பெற பா.ஜ.க. தொடர் முயற்சிகளிலும் ஈடுபட்டு வருகிறது. அதற்கு உத்தரப் பிரதேச பா.ஜ.க. அரசு நல்ல தீனியை போட்டு, சம்பால் மஸ்ஜித் விவகாரத்தை கையில் எடுத்து, நாட்டு மக்களின் கவனத்தை திசை திருப்பியுள்ளது. சட்டப்பேரவைத் தேர்தல்களில் நடத்தப்பட்ட முறைக்கேடுகளை மூடி மறைக்க இதுபோன்ற செயல்கள் தற்போது அரரங்கேற்றப்பட்டு வருகின்றன. 

ராகுல் காந்தி கண்டனம்:

சம்பால் மஸ்ஜித் விவகாரம் குறித்து கருத்து கூறியுள்ள மக்களவை எதிர்க்கட்சித் தலைவர் ராகுல் காந்தி, "உத்தரப்பிரதேசத்தின் சம்பலில் சமீபத்தில் ஏற்பட்ட தகராறில் மாநில அரசின் பக்கச்சார்பான மற்றும் அவசரமான அணுகுமுறை மிகவும் துரதிர்ஷ்டவசமானது. தங்கள் அன்புக்குரியவர்களை இழந்தவர்களுக்கு எனது ஆழ்ந்த இரங்கலைத் தெரிவித்துக் கொள்கிறேன். வன்முறை மற்றும் துப்பாக்கிச் சூடு." நிர்வாகம், அனைத்து தரப்பினரின் பேச்சையும் கேட்காமல், உணர்ச்சியற்ற நடவடிக்கையை மேற்கொண்டு, சூழலை மேலும் சீர்குலைத்து, மக்கள் உயிரிழக்க வழிவகுத்தது இதற்கு பா.ஜ.க அரசுதான் நேரடிப் பொறுப்பு" என்று சாடியுள்ளார்.  

மேலும் "இந்து-முஸ்லீம் சமூகங்களுக்கு இடையே பிளவு மற்றும் பாகுபாட்டை உருவாக்க பாஜகவின் அதிகாரத்தைப் பயன்படுத்துவது மாநில அல்லது நாட்டின் நலனுக்காக அல்ல. இந்த விஷயத்தில் உச்ச நீதிமன்றம் விரைவில் தலையிட்டு நீதியை வழங்குமாறு கேட்டுக்கொள்கிறேன்" என்றும் ராகுல் காந்தி வேண்டுகோள் விடுத்துள்ளார்.  

"நாட்டு மக்கள்  அனைவரும் ஒன்றிணைந்து இந்தியா ஒற்றுமை மற்றும் அரசியலமைப்பின் பாதையில் முன்னேறுவதை உறுதி செய்ய வேண்டும், வகுப்புவாதம் மற்றும் வெறுப்பு மூலம் எதையும் சாதிக்க முடியாது. நாட்டின் அமைதி சீர்குலைந்துவிடும்" என்றும் ராகுல் காந்தி வலியுறுத்தியுள்ளார். 

முஸ்லிம் லீக் குழுவிற்கு அனுமதி மறுப்பு:

இதுஒருபுறம் இருக்க, சம்பால் பகுதியில் ஏற்பட்ட வன்முறை குறித்தும் பாதிக்கப்பட்ட மக்களைச் சந்தித்து ஆறுதல் தெரிவிக்க வேண்டும் என்ற உயர்ந்த எண்ணத்துடன் இந்திய யூனியன் முஸ்லிம் லீக் தேசிய அமைப்புச் செயலாளரும் நாடாளுமன்ற உறுப்பினருமான இ.டி.முஹம்மது பஷீர் தலைமையில் 5 முஸ்லிம் லீக் எம்.பி.க்கள் கடந்த 27ஆம் தேதி சம்பால் சென்றனர். ஆனால், அவர்களை உத்தரப் பிரதேச யோகி அரசு மக்களை சந்திக்க அனுமதி வழங்கவில்லை. இதேபோன்று, சம்பால் விவகாரம் குறித்து நாடாளுமன்றத்தில் கூட பேச வாய்ப்பு அளிக்கப்படுவதில்லை என இ.யூ.முஸ்லிம் லீக் உறுப்பினர்கள் புகார் தெரிவித்துள்ளனர். 

ஜமா மஸ்ஜித் சர்வேயை எதிர்த்த போராட்டக்காரர்கள் பாதுகாப்புப் படையினருடன் மோதலில் ஈடுபட்டதால் மாவட்டத்தில் வன்முறை வெடித்தது. போராட்டக்காரர்கள் வாகனங்களை எரித்தனர். போலீசார் மீது கற்களை வீசினர், அதேநேரத்தில் பாதுகாப்புப் பணியாளர்கள் கும்பலைக் கலைக்க கண்ணீர்ப்புகை மற்றும் தடியடி நடத்தினர். அப்பாவிகளைக் கொன்றதற்கு ஆதித்யநாத் நிர்வாகமே முழுப்பொறுப்பு என்றும், சம்பாலில் அமைதி மற்றும் நல்லிணக்கத்திற்கு தீ வைத்ததற்கு பாஜக-ஆர்எஸ்எஸ் மட்டுமே காரணம் என்றும் காங்கிரஸ், இந்திய யூனியன் முஸ்லிம் லீக் உள்ளிட்ட எதிர்க்கட்சிகள் குற்றம்சாட்டியுள்ளன.  எதிர்ப்பாளர்கள் மீது நேரடியாக துப்பாக்கிச் சூடு நடத்தும் வீடியோக்கள் ஆதித்யநாத் மற்றும் பாஜக-ஆர்எஸ்எஸ் ஆகியோரின் "நன்கு திட்டமிடப்பட்ட சதி"யின் பயங்கரமான விளைவை சித்தரிப்பதாக எதிர்க்கட்சிகள் கூறியுள்ளன. 

அதிகார பசியால் முஸ்லிம்கள் மீது வெறுப்பு:

இந்தியாவில் வாழும் 25 கோடிக்கும் அதிகமான முஸ்லிம்கள் எப்போதும் நாட்டு நலனில் அக்கறை கொண்டவர்கள். அனைத்துச் சமுதாய மக்களையும் அரவணைத்துச் செல்லும் மனப்பான்மை கொண்டவர்கள், நாட்டின் முன்னேற்றத்திற்காக தொடர்ந்து சேவை ஆற்றும் நல்ல குணம் கொண்ட முஸ்லிம்களால், இந்துக்கள் பாதிக்கப்படுகிறார்கள் என ஒரு பொய்யான வதந்தியை தொடர்ந்து பா.ஜ.க. மற்றும் ஆர்.எஸ்.எஸ். உள்ளிட்ட இந்துத்துவ அமைப்புகள் பரப்பிக் கொண்டே இருக்கின்றன. இதன்மூலம் அப்பாவி மக்களை குழப்பி, மக்களிடையே அமைதியை சீர்குலைத்துக் கொண்டே வருகின்றன. 

பா.ஜ.க.வின் அதிகார பசிக்கு முஸ்லிம் மீதான வெறுப்பு ஒரு முக்கிய காரணமாக இருந்து வருகிறது. ஒவ்வொரு தேர்தல்களிலும் முஸ்லிம்களுக்கு எதிராகவே பிரதமர் நரேந்திர மோடி உள்ளிட்ட பா.ஜ்.க. தலைவர்கள் பிரச்சாரம் செய்கிறார்கள். இப்படி பிரச்சாரம் செய்யக் கூடாது என தேர்தல் ஆணையம் தட்டி கேட்க மறுத்துவிடுகிறது. சகோதரச் சமுதாய மக்களை தூண்டிவிட்டு, அதன்மூலம் வெற்றியை பெறலாம் என்ற நோக்கதுடன் பா.ஜ.க. செயல்படுகிறது. மேலும் மின்னணு வாக்குப்பதிவு எந்திரங்களில் முறைக்கேடுகளை செய்து, தொடர்ந்து வெற்றியை பா.ஜ.க. பெற்று வருவதாக காங்கிரஸ் உள்ளிட்ட எதிர்க்கட்சிகள் குற்றம்சாட்டி வருகின்றன. எனவே, மேலை நாடுகளில் உள்ளது போன்று மீண்டும் வாக்குச்சீட்டு முறைப்படி, தேர்தலை நடத்த வேண்டும் என காங்கிரஸ் தலைவர் மல்லிகார்ஜுன கார்கே வலியுறுத்தியுள்ளார். சமாஜ்வாதி கட்சித் தலைவர் அகிலேஷ் யாதவ் உள்ளிட்ட எதிர்க்கட்சித் தலைவர்களும் வாக்குச்சீட்டு முறைப்படி தேர்தல் நடத்தப்பட வேண்டும் என கோரிக்கை வைத்துள்ளனர்.இதற்கு தீர்வு கிடைக்குமா என்பது கேள்விக்குறியாகத்ன் உள்ளது. 

நாட்டை நேசிக்கும் முஸ்லிம்கள் மீது வெறுப்பு என்ற ஆயுதத்தை வைத்துக் கொண்டு, பா.ஜ.க. மற்றும் பாசிச அமைப்புகள் நடத்தும் வேட்டைகள் உடனே நிறுத்தப்பட வேண்டும். அமைதியை சீர்குலைத்து ஜனநாயகத்திற்கு வேட்டு வைக்கும் காரியங்கள் நின்றால் மட்டுமே, இந்தியாவில் ஜனநாயகம் நிலைத்து நிற்கும் என்பது அரசியல் நோக்கர்களின் கருத்தாக உள்ளது. இது உண்மை தான். ஜனநாயகம் தழைக்க வேண்டுமானால், நாட்டில் மக்கள் மனங்களில் மாற்றங்கள் ஏற்பட வேண்டும். அப்போது தான் உண்மையான ஜனநாயகம் மலரும்.

============================

சம்பல் - இ.யூ.முஸ்லிம் லீக் முடிவு...!

சம்பல் ஷாஹி ஜமா மஸ்ஜித் பிரச்சினையில் நிலைமையை நேரில் ஆய்வு செய்ய சென்ற இ.டி.முஹம்மது பஷீர் தலைமையிலான இ.யூ.முஸ்லிம் லீக் எம்.பி.க்கள் குழுவிற்கு உத்தரப் பிரதேச அரசு அனுமதி மறுப்பு 

உண்மையை மூடி மறைக்க பா.ஜ.க. அரசு முயற்சி செய்வதாக வழக்கறிஞர் ஹாரிஸ் பீரான் எம்.பி. குற்றச்சாட்டு

போலீசாரின் துப்பாக்கிச் சூட்டில் உயிரிழந்த 6 பேரின் குடும்பத்திற்கு இ.யூ.முஸ்லிம் லீக் துணையாக இருக்கும் என்றும் உறுதி 

புதுடெல்லி, நவ.28-உத்திர பிரதேச மாநிலம் சம்பல் மாவட்டத்தில் உள்ள ஷாஹி ஜமா மஸ்ஜித் பிரச்சினையில் மாநில போலீசார் நடத்திய துப்பாக்கிச் சூட்டில் 6 முஸ்லிம்கள் கொல்லப்பட்டனர். அதனால் அங்கு பதற்றமான நிலை நீடித்து வரும் நிலையில், இதுகுறித்து ஆய்வு செய்ய இந்திய யூனியன் முஸ்லிம் லீக் தேசிய அமைப்புச் செயலாளர் இ.டி.முஹம்மது பஷீர் எம்.பி. தலைமையில், 5 நாடாளுமன்ற உறுப்பினர்கள் நேற்று (27.11.2024) அன்று டெல்லியில் இருந்து சம்பல் சென்றனர்.. துப்பாக்கிச் சூட்டில் உயிரிழந்த நபர்களின் குடும்பங்களை சந்தித்து ஆறுதல் கூறவும், கள நிலவரங்களை அறிந்து சட்ட உதவிகளை மேற்கொள்ளவும் சென்ற இந்திய யூனியன் முஸ்லிம் லீக் நாடாளுமன்ற உறுப்பினர்கள் உறுப்பினர்கள் இ.டி. முகம்மது பஷீர், அப்துல் சமது சமதானி, பி.வி.அப்துல் வஹாப், .நவாஸ் கனி, வழக்கறிஞர் ஹாரிஸ் பீரான் ஆகியோர் அடங்கிய குழுவை பா.ஜ.க அரசின் காவல்துறை தடுத்து நிறுத்தி‘யது. பாதிக்கப்பட்ட இடங்களுக்கு செல்ல விடாமல் குறிப்பிட்ட தூரத்திற்கு முன்பாகவே காவல்துறை தடுத்து நிறுத்தி ஜனநாயக விரோத போக்கை கடைபிடித்திருக்கிறது.

இந்த செயலுக்கு கண்டனம் தெரிவித்துள்ள வழக்கறிஞர் ஹாரிஸ் பீரான், சம்பல் சம்பவம் தொடர்பாக சட்ட போராட்டத்தை முன்னெடுக்க உள்ளதாக தெரிவித்துள்ளார். சம்பல் சம்பவம் குறித்தும், உத்தரப் பிரதேச அரசின் செயல்பாடுகள் குறித்தும் ஹாரிஸ் பீரான் அளித்துள்ள நேர்காணலின் முழு விவரங்கள் இதோ:

நிலைமையை நேரில் ஆய்வு செய்ய முடிவு:

சம்பலில் நிலைமையை நேரில் ஆய்வு செய்ய நாங்கள் (இந்திய யூனியன் முஸ்லிம் லீக்) முடிவு செய்து அங்கு சென்றோம். இதுதொடர்பாக மாநில தலைமைச் செயலாளர் மற்றும் காவல்துறை தலைவர் ஆகியோருக்கு முழு தகவல் தெரிவித்து இருந்தாம். இந்திய யூனியன் முஸ்லிம் லீக்கை சேர்ந்த 5 நாடாளுமன்ற உறுப்பினர்கள் இன்று (27.11,2024) அன்று சம்பல் செல்கிறோம் என்றும், அங்கு நிலைமையை ஆய்வு செய்ய இருக்கிறோம் என்றும் தெரிவித்து இருந்தோம். மாவட்ட ஆட்சித் தலைவர், பிற அதிகாரிகள் மற்றும் பாதிக்கப்பட்ட மக்களை நேரில் சந்திக்க நாங்கள் முடிவு செய்தோம். இதுகுறித்து முழு விவரங்களையும் மாநில தலைமைச் செயலாளர், காவல்துறை தலைவருக்கு கூறி இருந்தோம். 

நாங்கள் ரகசியமாக செல்லவில்லை. அனைத்து தகவல்களையும் அதிகாரிகளுக்கு தெரிவித்து சென்றோம். எங்களுடைய வருகையின் முக்கிய நோக்கம் என்ன என்பது குறித்தும் தெளிவாக கூறி இருந்தோம். 

அனுமதி வழங்கப்படவில்லை:

ஆனால் நாங்கள் சம்பல் செல்ல அனுமதிக்கப்படவில்லை. ஹபூர் பகுதி சுங்கக்சாவடி அருகே போலீசார் எங்களை தடுத்தி நிறுத்திவிட்டார்கள். மிகப்பெரிய அளவுக்கு காவல்துறை அதிகாரிகள் அங்கு திரண்டு இருந்தார்கள். அவர்கள் எங்களிடம் இப்படி கூறினார்கள். 'உங்களை நாங்கள் அனுமதிக்க முடியாது. மீண்டும் நீங்கள் திரும்பிச் செல்ல வேண்டும்' என்று கூறிவிட்டார்கள்.  சம்பல் பகுதியில் நிலவும் உண்மையை மறைக்க மாநில பா.ஜ.க. அரசு முயற்சி செய்கிறது. அங்கு காவல்துறை நடத்திய துப்பாக்கிச் சூட்டில் 6 பேர் கொல்லப்பட்டனர். அதனால் அங்கு மதக்கலவரம் ஏற்பட வாய்ப்பு அதிகம் உள்ளது. எனவே நாங்கள் அங்குள்ள மக்களை நேரில் சந்தித்து உண்மை நிலையை அறிய முடிவு செய்தோம். அதன்மூலம் பிரச்சினையின் தன்மை நன்கு தெரியவரும் என நினைத்தோம்.

இ.யூ.முஸ்லிம் லீக் துணை நிற்கும்:

சம்பலில் பாதிக்கப்பட்ட மக்களுக்கு என்ன உதவி செய்ய வேண்டும்? நீதிமன்ற்ததிற்கு செல்ல வேண்டுமா? என்பன உள்ளிட்ட விவரங்கள் எங்களுக்கு தெரியவரும் என நினைத்தோம். உயிரிந்தவர்களின் குடும்பத்தினரை நேரில் சந்தித்து ஆறுதல் கூறுவதுடன் அவர்களுடன் இந்திய யூனியன் முஸ்லிம் லீக் துணையாக உள்ளது என கூற முடிவு செய்தோம். 

இந்த கலவரம் குறித்து நீதி விசாரணை செய்ய வேண்டும். உயர்நீதிமன்ற நீதிபதி தலைமையில் விசாரணை குழு அமைக்க வேண்டும். பாதிக்கப்பட்ட மற்றும் உயிரிழநத குடும்பத்தினருக்கு உரிய நிவாரண நிதி வழங்க வேண்டும். மஸ்ஜித்தில் ஆய்வு செய்வதை நிறுத்த வேண்டும். 1991ஆம் ஆண்டு நாடாளுமன்ற்த்தில் நிறைவேற்றப்பட்ட சட்டத்தை மதிக்க வேண்டும்.  1947ஆம் ஆண்டு ஆகஸ்ட் 15ஆம் தேதி முதல் வழிப்பாட்டுத்தலங்கள் எப்படி இருந்ததோ அப்படி இருக்க வேண்டும் என்ற சட்டத்தை அனைவரும் மதித்து நடக்க வேண்டும். இதுதான் இந்திய யூனியன் முஸ்லிம் லீகின் நிலைப்பாடு. 

பா.ஜ.க. அரசு தான் முழு பொறுப்பு:

சம்பல் சம்பவத்திற்கு மாநில பாஜக அரசு தான் முழு பொறுப்பு.  போலீசார் துப்பாக்கிச் சூடு மூலம் 6 பேரை கொன்றுள்ளார்கள். இதன்மூலம் சட்டம் ஒழுங்கு சீர்குலைத்து இருப்பது உறுதியாக தெரிகிறது. மாநில அரசு நிலைமையை கட்டுக்குள் கொண்டு வர தோல்வி அடைந்து விட்டது. 

போராட்டத்தில் ஈடுபடட்டவர்கள் மீது கொலை முயற்சி செய்தார்கள் என பொய் எப்.ஐ.ஆர். பதிவு செய்யப்பட்டுள்ளது. இது பொய்யான தகவல் ஆகும். 6 பேரை சுட்டுக் கொன்றுவிட்டு, அதை நியாயப்படுத்த இப்படி போலியான குற்றச்சாட்டை போலீசார் வைக்கிறார்கள். 

நாங்கள் குழு விவரங்களை அறிக்கையாக தயாரித்து பிரதமர், உள்துறை அமைச்சர், மாநில முதலமைச்சர், தலைமைச் செயலாளர், காவல்துறை தலைவர் ஆகியோருக்கும் அனுப்ப உள்ளோம். 

சட்ட ரீதியாக நடவடிக்கை:

இந்த பிரச்சினை குறித்து சட்ட ரீதியான நடவடிக்கையை எடுப்பது குறித்து நாங்கள் ஆலோசிக்க உள்ளோம். உத்தரப் பிரதேசத்தைச் சேர்ந்த எங்கள் கட்சியின் நிர்வாகிகள் எங்களுக்கு முழு விவரங்களை அளிக்க உள்ளார்கள். அதன் அடிப்படையில் நாங்கள் அடுத்தக்கட்ட நடவடிக்கைகளை எடுப்போம். 

1991ஆம் ஆண்டு நாடாளுமன்றத்தில் நிறைவேற்றப்பட்ட சட்டத்தை மதித்து நடக்க வேண்டும். சட்டம் மிகவும் தெளிவாக இருக்கும் நிலையில், நீதிமன்றங்கள் கூட அதை மதித்து உத்தரவிட வேண்டும். சட்டத்தை நிறைவேற்ற முயற்சி செய்ய வேண்டும். அத்ன்மூலம் மட்டுமே இதுபோன்ற பிரச்சினைகள் மீண்டும் வராது. பிரச்சினைகள் அனைத்தும் தீர்ந்துவிடும். 

நாட்டை வளர்ச்சிப் பாதையில் கொண்டு செல்லாமல், சம்பல் போன்ற பிரச்சினைகளை வேண்டும் என எழுப்பினால், நாடு மிகவும் ஆபத்தான சூழ்நிலையை சந்திக்க நேரிடும். பாபரி மஸ்ஜித் பிரச்சினையில் இருந்து முஸ்லிம்கள் மெல்ல மெல்ல விடுபட்டு சகஜமான நிலைக்கு திரும்பிக் கொண்டு இருக்கிறார்கள். இப்படிப்பட்ட சூழ்நிலையில் மீண்டும் மஸ்ஜித், கோவில் பிரச்சினையை கொண்டு வந்தால், நாட்டு மக்களின் கவனம் இதில் சென்றுவிடும். இது நாட்டை வளர்ச்சிப் பாதையில் கொண்டு செல்லாது. பின்னோக்கி அழைத்துச் செல்லும். 

அமைதியாக இருக்க வேண்டுகோள்:

சம்பல் மக்கள் அனைவரும் அமைதியாக இருக்க வேண்டும். இதை தெரிவிக்கவே நாங்கள் சம்பல் செல்ல முயற்சி செய்தோம். முஸ்லிம்கள் மட்டுமல்ல, அனைத்துத் தரப்பு மக்களிடமும் அமைதியான வழியில் பயணிக்க வேண்டும் என சொல்லவே நாங்கள் விரும்புகிறோம். நாம் அனைவரும் இந்தியர்கள். அமைதியாக வாழ வேண்டியவர்கள். இந்த கருத்தை தெரிவிக்கவே நாங்கள் சென்றோம். ஆனால் அமைதியை விரும்பாத யோகி அரசு, உண்மையை மூடி மறைக்க வேண்டும் என்ற எண்ணத்துடன் எங்களை சம்பல் செல்ல அனுமதிக்கவில்லை. 

இவ்வாறு வழக்கறிஞர் ஹாரிஸ் பீரான் தனது நேர்காணலில் தெரிவித்தார். 

- சிறப்புச் செய்தியாளர்: எஸ்.ஏ.அப்துல் அஜீஸ்

கேள்வி...!

 காங்கிரஸ் கேள்வி....?

பேச்சு....!

 அரசியலமைப்பு தினம் - ராகுல் காந்தி பேச்சு..!

குற்றச்சாட்டு....!

 Press Meet.

Zafar Ali, lawyer of Jama Masjid in Sambhal during a press conference claimed he was present when DIG, SP and DM were discussing opening fire on the mob.

பேட்டி...!

 காங்கிரஸ் தலைவர் மல்லிகார்ஜுன கார்கே பேட்டி...!

கேள்விகள் பல....!

சந்தேகங்கள் சில....!

குருவி...!

 அழகிய சிட்டுக்குருவி.

ஷார்ஜா.....!

 

ஷார்ஜா - ஐக்கிய அரபு எமிரேட்ஸின் கலாச்சார ரத்தினம்....!

ஐக்கிய அரபு எமிரேட்ஸின் மூன்றாவது பெரிய நகரமான ஷார்ஜா, கிட்டத்தட்ட 7 ஆயிரம் ஆண்டுகள் பழமையான நகரமாகும். துபாய்க்கு வடக்கே அமைந்துள்ள இந்த நகரம் பெரும்பாலான இந்திய தொழிலாளர்களின் சொர்க்கமாக இருந்து வருகிறது. ஷார்ஜா, அற்புதங்களை கண்டுபிடிக்கப்படுவதற்கு காத்திருக்கும் ஒரு மறைக்கப்பட்ட ரத்தினமாகும். துபாயிலிருந்து குறுகிய தூரத்தில் அமைந்துள்ள ஷார்ஜா, பாரம்பரிய அரேபிய கலாச்சாரம், வளமான வரலாறு மற்றும் நவீன இடங்களின் தனித்துவமான கலவையை வழங்குகிறது.

ஐக்கிய அரபு அமீரக்ங்களில் ஒன்றான ஷார்ஜா, துபாய், அபுதாபி ஆகியவற்றுக்கு அடுத்த மூன்றவாது பெரிய நகரமாக இருந்து வருகிறது. இந்த நகரம் ஐக்கிய அரபு அமீரகத்தின் கலாச்சாரத்திற்கும், வர்த்தகத்திற்கும் முதன்மையான ஒரு நகரமாக விளங்குகிறது. கிட்டத்தட்ட 235 சதுர கிலோ மீட்டர் பரப்பளவுடைய இந்த நகரத்தின் மக்கள் தொகை 10 லட்சம் என புள்ளிவிவரங்கள் தெரிவிக்கின்றன.

அற்புதமான கட்டடக்கலை:

 

ஷார்ஜா நகரத்தை நீங்கள்  ஆராயும்போது, ​​கம்பீரமான அழகிய மஸ்ஜித்துகள் (மசூதிகள்) முதல் நுணுக்கமாக வடிவமைக்கப்பட்ட சூக்குகள் (சந்தைகள்) வரை பிரமிக்க வைக்கும் கட்டடக்கலை மூலம் நீங்கள் மிகவும் கவரப்படுவீர்கள். அல் நூர் தீவு, நகரின் மையத்தில் உள்ள அழகிய சோலை, ஒரு அழகிய பட்டாம்பூச்சி வீடு மற்றும் அமைதியான சூழலைக் கொண்ட, கண்டிப்பாக பார்க்க வேண்டிய இடமாகும்.

கலை அருங்காட்சியகம்:

 

உலகம் முழுவதும் உள்ள கலை ஆர்வலர்கள், ஷார்ஜா கலை அருங்காட்சியகத்தை நிச்சயம் வியந்து புகழ்வார்கள். இப்போதும் புகழ்ந்துக் கொண்டே இருககிறார்கள். இது மத்திய கிழக்கு மற்றும் சர்வதேச கலைகளின் ஈர்க்கக்கூடிய தொகுப்பைக் காண்பிக்கும் அருங்காட்சியமாகும். இதேபோன்று, இஸ்லாமிய நாகரிகத்திற்கான ஷார்ஜா அருங்காட்சியகத்தில் கிடைக்கும் பல தகவல்களை கண்டு வரலாற்று ஆர்வலர்கள் வியந்து  மகிழ்ச்சியடைவார்கள். இதுவரை அறிந்துகொள்ள முடியாத பல அரிய வரலாற்று தகவல்கள் இங்கு கிடைக்கும். இந்த அருங்காசியம் இஸ்லாமிய வரலாறு மற்றும் கலாச்சாரத்தின் மூலம் ஒரு கண்கவர் பயணத்தில் உங்களை அழைத்துச் செல்லும்.

பாரம்பரிய மற்றும் நவீன சந்தைகள்:

ஷார்ஜா சுற்றுலாப் பயணிகளின் சொர்க்கமாகவும் உள்ளது, இங்குள்ள அல் ஜுபைல் சூக் போன்ற பாரம்பரிய சூக்குகள் (சந்தைகள்) மற்றும் ஷார்ஜா மால் போன்ற நவீன மால்கள் பரந்த அளவிலான உள்ளூர் கைவினைப்பொருட்கள், மசாலா பொருட்கள் மற்றும் சர்வதேச பிராண்டுகளை வழங்குகின்றன.

உணவு என வரும்போது, ​​ஷார்ஜா அரபு, இந்திய மற்றும் மத்திய கிழக்கு சுவைகளின் சுவையான உணவுக் கலவையை வழங்குகிறது. மக்பூஸ் (இறைச்சி அல்லது கடல் உணவுகளுடன் கூடிய அரிசி உணவு) மற்றும் லுகைமட் (இனிப்பு பாலாடை) போன்ற உள்ளூர் சிறப்புகளை இங்கு காண முடியும். ஷார்ஜா செல்பவர்கள் இந்த உணவு வகைகளை நிச்சயம் முயற்சிக்க மறக்க மாட்டார்கள். 

பல புகழ்பெற்ற இந்திய உணவகங்கள் கூட ஷார்ஜாவில் இருப்பது அங்கு செல்லும் இந்தியர்களுக்கு அவர்களின் உணவு தேவையை பூர்த்தி செய்யும் இடமாக இருந்து வருகின்றன.

கலாச்சார விழாக்கள்:

ஷார்ஜாவின் மிகவும் குறிப்பிடத்தக்க அம்சங்களில் ஒன்று, நவீனத்துவத்தை தழுவி அதன் கலாச்சார பாரம்பரியத்தை பாதுகாக்கும் அர்ப்பணிப்பாகும். ஷார்ஜா ஆண்டு முழுவதும் பல கலாச்சார விழாக்கள் மற்றும் நிகழ்வுகளுக்கு தாயகமாக உள்ளது. ஷார்ஜா சர்வதேச புத்தகக் கண்காட்சி அங்குள்ள மக்களுக்கு மட்டுமல்லாமல், உலகம் முழுவதும் உள்ள புத்தகப் பிரியர்களுக்கு நல்ல தீனி போடும் கண்காட்சியாக இருந்து வருகிறது. இந்த புத்தகக் கண்காட்சியில் தமிழத்தைச் சேர்ந்த பிரபல புத்தக வெளியிட்டாளர்கள் கலந்துகொண்டு, தங்களுடைய தயாரிப்பைகளை காட்சிக்கு வைக்கிறார்கள்.

 

ஷார்ஜா அரேபிய கலாச்சாரம், வரலாறு மற்றும் இயற்கை அழகு ஆகியவற்றின் அற்புதமான புதையல் ஆகும், உண்மையான அனுபவத்தைத் தேடும் சுற்றுலாப் பயணிகளுக்கு சிறந்த இடமாக ஷார்ஜா இருந்து வருகிறது. அதன் அன்பான விருந்தோம்பல், செழுமையான மரபுகள் மற்றும் நவீன ஈர்ப்புகளுடன், ஷார்ஜா எல்லோரையும் மயக்கும் மற்றும் மீண்டும் திரும்ப திரும்ப பார்ப்பதற்கு ஆர்வமாக இருக்கும் நகரமாகும்.

இந்திய தொழிலாளர்களுக்கு மதிப்பு:

​​ஷார்ஜாவில் ஏராளமான இந்திய தொழிலாளர்கள் பணிபுரிந்து வருகிறார்கள். தங்களுடைய திறமைகள் மூலம் ஷார்ஜாவை மேலும் ஒளிமிக்க நகரமாக அவர்கள் மாற்றி வருகிறார்கள். இதேபோன்று, பாகிஸ்தான், வங்கதேசம் உள்ளிட்ட நாடுகளைச் சேர்ந்த தொழிலாளர்களும் இங்கு அதிகளவு இருந்து வருகிறார்கள். இதன் காரணமாக இந்திய பள்ளிகள், பாகிஸ்தான் பள்ளிகள் என பல பள்ளிகள் ஷார்ஜாவில் இயங்கி வருகின்றன.

கண்ணுக்கு விருந்தாகவும், மனதிற்கு மகிழ்ச்சியையும் அளிக்கும் வகையில் கட்டப்பட்டுள்ள பல ம‘ஸ்ஜித்துகள் ஷார்ஜாவில் உள்ளன. சுற்றுலாப் பயணிகள் அதிகளவு வந்து செல்வதால், ஏராளமான நட்சத்திர விடுதிகள் ஷார்ஜாவை அலங்கரிக்கின்றன. 

உலகின் சிறந்த பல்கலைக்கழகம் கூட ஷார்ஜாவில் இருந்து வருகிறது. கலை, கல்வி, கலாச்சாரம், இஸ்லாமிய பண்பாடு ஆகியவற்றுக்கு முக்கியத்துவம் கொடுக்கும் ஷார்ஜாவை, உங்களுக்கு வசதியும் வாய்ப்பும் கிட்டினால் நிச்சயம் சென்று பாருங்கள். அதன் வரலாற்று மற்றும் கலாச்சார முக்கியத்துவதை அறிந்துகொண்டு வியப்பு அடையுங்கள்.

- எஸ்.ஏ.அப்துல் அஜீஸ்

அகிலேஷ் கேள்வி....!

 Violence is being deliberately instigated in Sambhal in which two youths lost their lives

If the mosque survey has been done once, then why is it being done again?

— Akhilesh Yadav Fires on BJP Govt

நேரத்தின் அருமை.....!

 நேரத்தின் அருமை உங்களுக்கு தெரியுமா....?

நம்முடைய அன்றாட வாழ்க்கையில் பொதுவாக நாம் இந்த சொல்லை கேட்டுக் கொண்டே இருக்கிறோம். நம்மில் பலர் இப்படி அடிக்கடி சொல்வது வழக்கமாகவே இருந்து வருகிறது. அதாவது "எனக்கு நேரம் சரியில்லை. எது செய்தாலும் தோல்வியில் முடிகிறது. வியாபாரம் செய்தாலும் நஷ்டம் ஏற்படுகிறது. என்ன செய்வது என்றே தெரியவில்லை" என இப்படி நம்முடைய நண்பர்கள் அல்லது உறவினர்களில் பலர் அடிக்கடி புலம்புவது வாடிக்கையாகவே இருந்து வருகிறது. 

ஏக இறைவன் எல்லோருக்கும் ஒரு நாளைக்கு 24 மணி நேரம் தான் கொடுத்து இருக்கிறான். அந்த 24 மணி நேரத்தில் நம்மால் முடிந்த அளவுக்கு நாம் முயற்சி செய்தால் நிச்சயம் நமது எண்ணங்கள் நிறைவேறும் என உறுதியாக நம்ப வேண்டும். வாழ்க்கையில் சாதாரண நிலையில் இருந்த பலர், எப்படி வெற்றி பெற்று இருக்கிறார்கள்? அவர்களுக்கு மட்டும் எப்படி நேரம் சரியாக இருந்தது? போன்ற கேள்விகளுக்கு விடையை தேடினால், நிச்சயம் நேரம் குறித்தும், அந்த நேரத்தை எப்படி முறையாக பயன்படுத்துவது என்பது குறித்தும் நமக்கு தெரியவரும். 

நேரத்தின் தத்துவம்:

மற்றவர்களை விட பின்தங்கியிருப்பவர்கள் மற்றும் காலத்தின் வேகத்தைத் தக்கவைக்க முடியாதவர்கள், தங்கள் வாழ்க்கையைப் பற்றிய நியாயமான பகுப்பாய்வு பெரும்பாலும் தங்கள் வாழ்க்கையில் நேரத்தை மதிக்கவில்லை என்பது உறுதியாக தெரியவரும். நேரக் கட்டுப்பாடு தேவையில்லை என்ற முடிவுக்கு அவர்கள் வருகிறார்கள். நேர மேலாண்மை குறித்த விழிப்புணர்வு அவர்களுக்கு இல்லை. இதன் காரணமாக நேரம் சரியில்லை என்று சமாதானம் செய்துக் கொண்டு, வாழ்க்கையில் துன்பங்களை அனுபவித்துக் கொண்டே செல்கிறார்கள். நேரத்தைச் சரியாகப் பயன்படுத்துவதில்தான் வாழ்க்கையின் வெற்றி தோல்வியின் ரகசியம் இருக்கிறது. 

மற்றவர்களை விட பின்தங்கியிருப்பவர்கள் மற்றும் காலத்தின் வேகத்தைத் தக்கவைக்க முடியாதவர்கள். தங்கள் வாழ்க்கையைப் பற்றிய நியாயமான பகுப்பாய்வு இல்லாதவர்கள், பெரும்பாலும் தங்கள் வாழ்க்கையில் நேரத்தை மதிக்கவில்லை என்பது உறுதியாக கூறலாம்.  .அதுமட்டுமின்றி, காரியங்களைச் செய்வதற்குப் பதிலாக, அவை நடக்கும் வரை காத்திருக்கும் குணம் அவர்களிடம் இருக்கிறது. நேரத்தை முறையாக கடைபிடிப்பது தனிப்பட்ட வெற்றிக்கு இன்றியமையாதது மட்டுமல்ல, சமூக மற்றும் மார்க்க ரீதியாகவும் அவசியம்.

இஸ்லாத்தில் நேரத்தின் முக்கியத்துவம்:

மனித வாழ்வில் வெற்றி தோல்வியின் ரகசியம் நேரத்தைச் சரியாகப் பயன்படுத்துவதிலும் பயன்படுத்தாமல் இருப்பதிலும்தான் இருப்பதால், நேரத்தின் முக்கியத்துவம் குறித்து இஸ்லாத்தில் வலியுறுத்தப்பட்டுள்ளது. திருக்குர்ஆன் மற்றும் ஹதீஸ்களில் பல இடங்களில் நேரத்தின் மதிப்பு எடுத்துக்காட்டப்பட்டுள்ளது. சூரா அல்-அஸ்ரில், சர்வவல்லமையுள்ள ஏக இறைவன் இப்படி கூறுகிறான். "காலத்தின் மீது சத்தியமாக! உண்மையில், மனிதன் நஷ்டத்தில் இருக்கிறான்" நேரத்தை மதிக்காதவன் எப்போதும் துன்பப்படுவான் என்பதை இந்த வசனம் காட்டுகிறது. அருளப்பட்ட ஹதீஸில், இறைத்தூதர் நபிகள் நாயகம் (ஸல்) அவர்கள், நேரத்தின் முக்கியத்துவத்தையும் மிகத் தெளிவாகக் குறிப்பிட்டுள்ளார்கள். ஒரு ஹதீஸின் படி, "மறுமை நாளில், ஒரு நபரிடம் நான்கு விஷயங்களைப் பற்றி கேட்கப்படும், அவற்றில் ஒன்று அவர் செலவழித்த நேரத்தைப் பற்றியதாக இருக்கும்". (திர்மிதி)

நேரத்தின் நன்மைகள்:

நேரத்தை முறையாக, சரியாக கடைபிடிப்பதால் ஏற்படும்  நன்மைகளை  குறித்து நாம் அறிந்துகொள்ள வேண்டும். வாழ்க்கையில் ஒழுக்கம் இருக்க வேண்டுமனால், நேர மேலாண்மை என்ற பண்பு ஒருவரிடம் இருக்க வேண்டும். நேரம் ஒரு நபரின் வாழ்க்கையில் ஒழுக்கத்தை உருவாக்குகிறது.  இது வெற்றிகரமான நபர்களின் முக்கிய பண்பாக உள்ளது. குறித்த நேரத்தில் வேலை செய்வதன் மூலம், அனைத்து வேலைகளும் குறித்த நேரத்தில் முடிந்து மன அமைதி அடையும். சரியான நேரத்தில் செயல்படுபவர், மற்றவர்களின் நம்பிக்கையைப் பெறுகிறார்.  மேலும் மக்கள் மத்தியில் மரியாதையையும் கண்ணியத்தையும் பெறுகிறார்.

வெற்றிகரமான மக்கள் தங்கள் நேரத்தை முறையாகப் பயன்படுத்துகிறார்கள். ஏனெனில் நேர மேலாண்மை வெற்றிக்கு முக்கியமாகும். வேலை, நிகழ்ச்சிகள், நிகழ்வுகள் அல்லது கூட்டங்களை சரியான நேரத்தில் தொடங்குவது சமூக சூழலை மேம்படுத்துகிறது மற்றும் மற்றவர்களின் நேரத்தை வீணடிப்பதைத் தவிர்க்கிறது.

நேரத்தை வீணடிப்பதால் ஏற்படும் தீமைகள்:

நேர மேலாண்மையை கடைப்பிடிக்காமல் அதனை வீணடிப்பதால், ஒரு நபரின் வாழ்க்கை ஒழுங்கற்றதாக மாறிவிடுகிறது. இதனால் பணிகளை சரியான நேரத்தில் முடிக்க முடியாது. சரியான நேரத்தில் செயல்படாதவர்கள் மற்றவர்களின் பார்வையில் தங்கள் நம்பகத்தன்மையை இழக்கிறார்கள். நேரத்தை வீணடிப்பதன் மூலம், மனித வளர்ச்சி நின்றுவிடுகிறது. மேலும் அவர் வாய்ப்புகளை இழக்கிறார். இது பொருளாதார இழப்பை ஏற்படுத்துகிறது. ஒரு பணி, திட்டம் அல்லது கூட்டத்தை சரியான நேரத்தில் தொடங்காதது திட்டத்தின் மதிப்பைக் குறைப்பது மட்டுமல்லாமல், மற்றவர்களின் மதிப்புமிக்க நேரத்தையும் வீணாக்குகிறது. பணிகளை ஒத்திவைப்பது அல்லது நேரத்தை வீணடிப்பது மன அழுத்தத்தையும் பதட்டத்தையும் ஏற்படுத்துகிறது.

பகுத்தறிவுடன் கூட, காலம் ஒரு சிறந்த மூலதனம் என்பதை நாம் தெளிவாக புரிந்துகொள்ள வேண்டும். அது ஒரு முறை கடந்துவிட்டால், நம்மை விட்டுச் சென்றுவிட்டால், அதைத் திரும்பப் பெற முடியாது. எனவே வளர்ந்த நாடுகளின் வெற்றியின் ரகசியம்  நேரத்தில் இருந்து வருகிறது. நேரத்தை வீணடிப்பது இம்மையிலும் மறுமையிலும் தோல்வியை ஏற்படுத்தும் என்பதால், இஸ்லாமிய அறிஞர்களும் இதில் சிறப்பு கவனம் செலுத்தியுள்ளனர். 

எனவே, இமாம் கஸாலி தனது புகழ்பெற்ற புத்தகமான "அஹிய்யா உலூம் அல்-தின்" இல் கூறுகிறார்: "வாழ்க்கை என்பது காலத்தின் கூட்டுத்தொகை. எவர் தனது நேரத்தை வீணாக்குகிறார், அவர் தனது வாழ்க்கையை வீணாக்குகிறார்." காலத்தைப் பாதுகாப்பதே உயிரைக் காக்க வேண்டும் என்பதற்கு இந்தப் பழமொழியே போதுமானது. இதேபோல், இமாம் ஹஸன் பஸ்ரி கூறுகிறார்: "ஓ மனிதனே! நீங்கள் காலத்தின் சில சுவாசங்கள், உங்கள் சுவாசங்களில் ஒன்று முடிவடைந்தால், உங்கள் வாழ்க்கையின் ஒரு பகுதி முடிகிறது". இந்த மேற்கோள் நேரத்தின் முக்கியத்துவத்தை மிக அழகாக விவரிக்கிறது மற்றும் நேரத்தை வீணடிக்க வேண்டாம் என்று மனிதனை எச்சரிக்கிறது.

சில ஒழுக்க முறைகள்:

நேரத்தை எப்படி கடைபிடிப்பது? என்ற கேள்வி நம்மில் பலரின் மனங்களில் இருந்துகொண்டே இருக்கிறது. இந்த விஷயத்தில் முதல் அம்சம் என்னவென்றால், சரியான நேரத்தில் வேலையைத் தொடங்க சுய அமைப்பு மற்றும் சுய ஒழுக்கம் மிகவும் முக்கியம். இந்த விஷயத்தில் சில நடைமுறை நடவடிக்கைகளை எடுக்கலாம். உதாரணமாக, ஒவ்வொரு பணியையும் முன்கூட்டியே திட்டமிட்டு, அன்றைய பணிகளின் பட்டியலை உருவாக்க வேண்டும்.  அவற்றுக்கான நேரத்தை அமைக்க வேண்டும். . ஒரு நிகழ்ச்சி அல்லது கூட்டத்தை சரியான நேரத்தில் தொடங்க வேண்டும் என்றால், முன்கூட்டியே அனைத்து தயாரிப்புகளையும் முடிக்க வேண்டும்.

திட்டமிடப்பட்ட நேரத்திற்கு முன்பே அந்த இடத்தை அடைய முயற்சி செய்ய வேண்டும்.  திட்டமிடப்பட்ட நேரத்திற்கு அருகில் தேவையற்ற வேலைகளைச் செய்வதைத் தவிர்க்க வேண்டும். குறிப்பாக, முக்கியமான பணிகள் அல்லது நேரங்களுக்கு அலாரங்கள் அல்லது நினைவூட்டல்களைப் பயன்படுத்தலாம். நோட்புக் அல்லது மொபைல் பயன்பாட்டின் மூலம் உங்கள் அட்டவணையை ஒழுங்கமைக்கலாம்.. நேரத்தின் முக்கியத்துவத்தைப் புரிந்துகொள்வதும் மதிப்பிடுவதும் வெற்றிகரமான மற்றும் நோக்கமுள்ள வாழ்க்கைக்கு உத்தரவாதம் என்பதால், நாம் நமது நேரத்தை நிர்வகிக்க வேண்டும். தள்ளிப்போடுதல் மற்றும் புறக்கணிப்பைத் தவிர்த்து, இஸ்லாமிய போதனைகளின்படி நம் வாழ்க்கையை ஒழுங்கமைக்க வேண்டும். இதன் மூலம் நாம் இம்மையிலும் மறுமையிலும் வெற்றியைப் பெறுவோம்.

- எஸ்.ஏ.அப்துல் அஜீஸ்