கனடாவில் முஸ்லிம் மக்கள் தொகை....!

"கனடாவில் வேகமாக வளர்ந்து வரும் முஸ்லிம் மக்கள் தொகை"

உலகம் முழுவதும் உள்ள மக்களிடையே  வெகுவாக கவர்ந்துவரும் மார்க்கமாக இஸ்லாம் இருந்து வருகிறது. ஐரோப்பிய நாடுகளில், இஸ்லாமிய மார்க்கம் குறித்து அறிந்துகொள்ளும் ஆர்வம் சகோதரச் சமுதாய மக்களிடையே அதிகரித்து வருகிறது. இதன் காரணமாக, அவர்கள், திருக்குர்ஆன், நபி மொழி ஆகியவற்றின் மீது கவனம் செலுத்தி, அதை கவனத்துடன் படிக்க ஆரம்பித்து வருகிறார்கள். படிப்பதுடன் நின்றுவிடாமல், சிந்திக்கவும் செய்வதால், இஸ்லாம் குறித்து தெளிவான புரிதல் சகோதரச் சமுதாய மக்களிடம் தற்போது ஏற்பட்டுள்ளது. இதனால், இஸ்லாமிய கொள்கைகளால், வாழ்க்கை நெறிமுறைகளால், கவரப்பட்டு, இஸ்லாத்தை தழுவும் போக்குகள், சம்பவங்கள்  சகோதரச் சமுதாய மக்களிடம் எழுச்சியுடன் தொடங்கியுள்ளதால், உலகில் தற்போது வேகமாக வளரும் மார்க்கமாக இஸ்லாம் இருந்து வருகிறது. 

கனடாவில் இஸ்லாமிய எழுச்சி:

அந்த வகையில், கனடாவில் கடந்த  இரண்டு தசாப்தங்களாக  (20 ஆண்டுகளாக) மக்கள்தொகை நிலப்பரப்பு கடந்த குறிப்பிடத்தக்க மாற்றத்தை சந்தித்துள்ளது. இது கனடாவின் முஸ்லிம் மக்கள்தொகையின் குறிப்பிடத்தக்க வளர்ச்சியால் குறிக்கப்படுகிறது.

கனடா அரசின்  புள்ளிவிவரங்களின்படி, கனடாவின் மக்கள்தொகையில் முஸ்லிம்களின் விகிதம் இரு மடங்கிற்கும் மேலாக அதிகரித்துள்ளது. 2001-ஆம் ஆண்டில்  2 சதவீதமாக இருந்த முஸ்லிம் மக்கள் தொகை, 2021-ஆம் ஆண்டில்  4 புள்ளி 9 சதவீதமாக (சுமார் 5 சதவீதம்) உயர்ந்துள்ளது. இந்த அதிகரிப்பு, எண்ணிக்கையில் அதிகரிப்பை மட்டுமல்ல, கலாச்சாரங்களின் மாறும் பன்முகத்தன்மை, இனக்குழுக்கள் மற்றும் முஸ்லிம் சமூகத்திற்குள் மக்கள்தொகை ஆகியவற்றையும் பிரதிபலிக்கிறது.

கனடாவில் உள்ள முஸ்லிம் மக்கள் தொகை குறிப்பிடத்தக்க வகையில் இளமையாக உள்ளது. அவர்களின் சராசரி வயது 30 ஆண்டுகள் ஆகும். தேசிய சராசரி வயது 41 உடன்,  ஒப்பிடும்போது. கனடா முஸ்லிம்களில் தோராயமாக 65 புள்ளி 4 சதவீதம் பேர் 0–64 வயதுக்குட்பட்டவர்கள் ஆவார்கள். இது கனடா நாட்டின் சமூக மற்றும் பொருளாதார கட்டமைப்பில் குறிப்பிடத்தக்க பங்களிப்பைச் செய்யத் தயாராக உள்ள ஒரு துடிப்பான சமூகத்தைக் குறிக்கிறது.

தெற்காசிய முஸ்லிம்கள்:

கனடாவின் முஸ்லிம் மக்கள்தொகையில் தெற்காசியர்கள் மிகப்பெரிய இனரீதியான துணைக்குழுவை உருவாக்குகின்றனர். இது பாகிஸ்தான், வங்கதேசம் மற்றும் இந்தியாவிலிருந்து கணிசமான குடியேற்றத்தை பிரதிபலிக்கிறது. ஈரான், மொராக்கோ, அல்ஜீரியா, சிரியா, ஆப்கானிஸ்தான் மற்றும் லெபனான் ஆகியவை பிற முக்கிய பூர்வீக நாடுகளில் அடங்கும். அவை கனடாவின் முஸ்லிம் சமூகத்தின் உலகளாவிய வேர்களைக் காட்டுகின்றன. 

கனடாவின் முஸ்லிம்களின் மொழியியல் பன்முகத்தன்மை அவர்களின் பன்முக கலாச்சார பாரம்பரியத்தை மேலும் எடுத்துக்காட்டுகிறது. வீட்டில் பொதுவாகப் பேசப்படும் மொழிகள் ஆங்கிலம், அரபு, பிரெஞ்சு, உர்தூ மற்றும் பாரசீகம் ஆகியவை அடங்கும். மற்றவற்றுடன், சமூகத்திற்குள் உள்ள வளமான கலாச்சார தாக்கங்களை விளக்குகின்றன. கனடா முழுவதும் முஸ்லிம்கள் சமமற்ற முறையில் பரவியுள்ளனர். பெரும்பான்மையானவர்கள் ஒன்ராறியோவில் வசிக்கின்றனர். இது சுமார் 5 லட்சத்து 79 ஆயிரத்து 640 முஸ்லிம்களை (மாகாணத்தின் மொத்த மக்கள்தொகையில் 6 புள்ளி 7 சதவீதம்) கொண்டுள்ளது. 

கியூபெக் மற்றும் பிரிட்டிஷ் கொலம்பியாவிலும் குறிப்பிடத்தக்க முஸ்லிம் மக்கள்தொகை உள்ளது. அதே நேரத்தில் நியூஃபவுண்ட்லேண்ட் மற்றும் லாப்ரடோர் மற்றும் பிரின்ஸ் எட்வர்ட் தீவு போன்ற மாகாணங்களில் சிறிய சமூகங்கள் உள்ளன. அவை பிராந்திய வேறுபாடுகளைப் பிரதிபலிக்கின்றன. கனடாவின் முஸ்லிம் மக்கள்தொகை தொடர்ந்து வளர்ந்து வருவதால், நாட்டின் பன்முக கலாச்சார மற்றும் பொருளாதார உயிர்ச்சக்திக்கு அதன் பங்களிப்புகள் வலுவடையும் என்று எதிர்பார்க்கப்படுகிறது.  இந்த துடிப்பான மக்கள்தொகை புள்ளிவிவரம் கனடாவின் எதிர்காலத்தின் ஒரு முக்கிய அங்கமாகும், இது பன்முகத்தன்மையையும் இளமைப் போக்கையும் உள்ளடக்கியது.

அழகிய மஸ்ஜித்துகள்:

கனடாவில் முஸ்லிம் தொகை நாளுக்கு நாள் அதிகரித்து வருவதால், அங்குள்ள பல இஸ்லாமிய அமைப்புகள், புதிய மதரஸா மற்றும் மஸ்ஜித்துகளை உருவாக்கும் முயற்சிகளில் ஈடுபட்டு வருகின்றன. தற்போது பல அழகிய மஸ்ஜித்துகள் கனடாவின் பல முக்கிய நகரங்களில் இருந்து வரும் நிலையில், மேலும் புதிய மஸ்ஜித்துகளை உருவாக்கும் நடவடிக்கைகள் தீவிரம் அடைந்துள்ளன. இஸ்லாம் குறித்து சகோதரச் சமுதாய மக்கள் அறிந்துகொள்ளும் வகையில், அல்-ரஷீத் என்ற பெயரில் அழகிய இஸ்லாமிக் சென்டர் (இஸ்லாமிய மையம்) மஸ்ஜித்துடன் இணைந்து செயல்படுகிறது. இங்கு, இஸ்லாம் குறித்து முஸ்லிம்களுக்கு மட்டுமல்லாமல், சகோரச் சமுதாய மக்களுக்கும் அழகிய முறையில் எடுத்து கூறப்படுகிறது. 

இதன்மூலம், இஸ்லாமிய வாழ்வியல்  மற்றும் இஸ்லாமிய நெறிமுறைகள் ஆகியவற்றை நல்ல முறையில் அறிந்துகொள்ளும் வாய்ப்பு அனைவருக்கும் கிடைக்கிறது. இஸ்லாம் ஒரு அமைதி மார்க்கம் என்பதை மிகத் தெளிவாக எடுத்துகூறும் வகையில் பல நிகழ்ச்சிகளும் கனடாவில் அடிக்கடி நடத்தப்பட்டு வருகின்றன.  இதன்மூலம், மிகவும் அழகிய முறையில் இஸ்லாமிய பிரச்சாரம் செய்யப்படுவதால், இஸ்லாம் குறித்து தவறாக நினைத்துக் கொண்டிருந்த சகோதரச் சமுதாய மக்களிடம், தற்போது ஒரு தெளிவு பிறந்துள்ளது. இதுவே, கனடாவில் இஸ்லாம் வேகமாக பரவி வருவதற்கு முக்கிய காரணம் என்றும் ஆய்வாளர்கள் கருத்து தெரிவித்து வருகிறார்கள்.

- எஸ்.ஏ.அப்துல் அஜீஸ்