வீடியோ கேம்களின் விளைவுகள்…..!

 

வீடியோ கேம்களின் பாதகமான விளைவுகள்…..!

 

வீடியோ கேம்களில் கணினி, கன்சோல், ஆர்கேட் மற்றும் செல்போன் மற்றும் நவீன கால்குலேட்டர் கேம்களும் அடங்கும். பேஸ்புக், டுவிட்டர், போன்ற சமூக வலைதளங்களில் உள்ள கேம்களையும் இந்த வகையில் சேர்க்கலாம். 1950-களில் இருந்து, கேமிங் பல பில்லியன் டாலர் தொழிலாக வளர்ந்துள்ளது. வீடியோ கேம்களை விளையாடுவதால் ஏற்படும் நீண்டகால விளைவுகளைப் பற்றி சிலர் கவலைப்படுகிறார்கள். குறிப்பாக, தாய்மார்கள் தங்கள் குழந்தைகளைப் பற்றி கவலைப்படுகிறார்கள்.

பல ஆய்வுகள் வீடியோ கேம்கள், ஆக்கிரமிப்பு எண்ணங்களையும் வன்முறை நடத்தைகளையும் அதிகரிக்கின்றன என்பதைக் காட்டுகின்றன. வீடியோ கேம்கள் குழந்தைகளுக்கு ஒரு சிறந்த பொழுது போக்கு. ஆனால் வீடியோ கேம்களுக்கு அடிமையாவதால் பல பிரச்சனைகள் ஏற்படும். அவை குழந்தைகளின் மனம் மற்றும் உடல் இரண்டிலும் எதிர்மறையான விளைவுகளை ஏற்படுத்துகின்றன. அத்துடன் மணிக்கணக்கில் வீடியோ கேம் விளையாடுவது குழந்தைகளின் திறன்களை பாதிக்கிறது.  பல்வேறு ஆராய்ச்சியின் படி, வீடியோ கேம்கள் மிகவும் தீங்கு விளைவிக்கும். போதைப்பொருள் மற்றும் அடிமைத்தனம் ஆகியவற்றுக்கு குழந்தைகள் அடிமையாகிறார்கள் என்று ஆய்வுகள் தெரிவிக்கின்றன.  

குழந்தைகளும் வீடியோ கேம்களும்:  

வீடியோ கேம்களை விளையாடும் குழந்தைகள் பெரும்பாலும் வேலை, வீடு அல்லது பள்ளியில் பொறுப்புகளை புறக்கணிக்கின்றனர். குழந்தைகள் எப்போதும் வீடியோ கேம்களைப் பற்றியே சிந்திக்கிறார்கள். அதன் காரணமாக அவர்களால் கேம்களை விளையாடும் நேரத்தை குறைக்க முடியவில்லை. பிரச்சனைகள் ஏற்பட்டாலும் தொடர்ந்து வீடியோ கேம்களை விளையாடுகிறார்கள். கவலையாக இருந்தால் அல்லது மோசமான மனநிலையில் இருந்தால், அவர்கள் அதிகமாக விளையாடுவார்கள்.

எல்லா இடங்களிலும் அவர்கள் கேம்களை விளையாட ஒரு சாக்குப்போக்கு தேடுகிறார்கள். வாய்ப்பு கிடைக்கும் போதெல்லாம் விளையாடத் தொடங்குகிறார்கள். அவர்களில் பெரும்பாலோர் விளையாட்டுகளின் நேரத்தை மறைக்க பொய்களை நாடுகிறார்கள். அவர்கள் ரகசியமாக விளையாடுகிறார்கள். இருப்பினும், அதிகமான வீடியோ கேம்களை விளையாடுவது அடிமைத்தனத்தின் அறிகுறியாக இருக்க வேண்டிய அவசியமில்லை. சிலர் நேரத்தை கடத்தவும் விளையாடுகிறார்கள், ஆனால் வீடியோ கேம்கள் ஒருவரின் வேலை திறனை பாதிக்கிறது என்றால், அது நிச்சயமாக ஒரு போதையே ஆகும்.

வீடியோ கேம்களின் பாதிப்புகள்:

வீடியோ கேம்களை அதிகமாக விளையாடுவதன் மூலம், குழந்தை அதற்கு அடிமையாகிவிடும். இது அவரது ஆரோக்கியத்தில் தீங்கு விளைவிக்கும். குழந்தைகள் வீடியோ கேம்களை விளையாடும்போது, ​​அவர்களின் மூளை டோபமைன் எனப்படும் நரம்பியக்கடத்தியை வெளியிடுகிறது. டோபமைன் மகிழ்ச்சியின் உணர்வுகளை ஊக்குவிக்கிறது. எனவே குழந்தைகள் வீடியோ கேம்களை விளையாடும்போது, ​​அவர்களின் மூளை தொடர்ந்து டோபமைனை வெளியிடுகிறது. காலப்போக்கில், குழந்தைகளின் மூளை இந்த டோபமைனின் நிலையான விநியோகத்திற்கு பழக்கமாகிறது. அதனால் குழந்தைகள் வேறு எதிலும் ஆர்வம் காட்டாமல் தொடர்ந்து வீடியோ விளையாடுவது ஒரு கவலையாக உள்ளது.

வீடியோ கேம்கள் உலகில் உள்ள அனைத்து மகிழ்ச்சியையும் மிகக் குறைந்த முயற்சியில் நமக்குத் தருகின்றன. எனவே, குழந்தைகள் உண்மையான உலகத்தை வெல்வதற்கான மிகவும் கடினமான வழியை விட்டுவிட்டு வீடியோ கேம்களில் மட்டுமே மூழ்கியுள்ளனர். குழந்தைகள் அதிகமாக வீடியோ கேம்களை விளையாடுவது தாய்மார்களுக்கு வலியை ஏற்படுத்துகிறது, ஆனால் சில உதவிக்குறிப்புகளைப் பின்பற்றுவதன் மூலம், தாய்மார்கள் குழந்தைகளின் இந்த அடிமைத்தனத்திலிருந்து விடுபடலாம்.

தாய்மார்கள் குழந்தைகளின் விளையாட்டு நேரத்துக்கு தினசரி வரம்பை நிர்ணயிக்க வேண்டும். உதாரணமாக, குழந்தைகளை ஒரு மணி நேரம் மட்டும் விளையாட அனுமதிக்க வேண்டும். படுக்கையறையில் இருந்து கேமிங் சாதனங்களை அகற்ற வேண்டும். அத்துடன் பல்வேறு மன அழுத்தத்தை குறைக்கும் செயல்களை முயற்சிக்க வேண்டும். வீட்டுச் சூழலை இனிமையாக்கி, குழந்தைகளிடம் பேசி அவர்களின் பிரச்சனைகளை புரிந்து கொள்ள வேண்டும். இந்த நடவடிக்கைகளை மேற்கொள்வதன் மூலம் தாய்மார்கள் தங்கள் குழந்தைகளுக்கு உதவ முடியும்.

மனரீதியான முயற்சி:

நாம் ஏற்கனவே குறிப்பிட்டது போல, வீடியோ கேம்கள், குழந்தைகளை மட்டுமல்லாமல், இளைஞர்கள், பெண்கள் என அனைத்து தரப்பு மக்களையும் தற்போது ஆட்டிப்படைத்து வருகிறது. இதன் காரணமாக மனித நேரங்கள் வீணாகின்றன. மனித உழைப்பு உண்மையான வளர்ச்சிக்கு பயன்படுத்தப்படுவதில்லை. அனைவரிடமும் வேலை செய்யும் திறன் மெல்ல மெல்ல குறைந்துவிடுகிறது. குழந்தைகளிடம் உள்ள அற்புதமான திறமைகள் கண்டு அறியப்படாமலேயே, அழிந்துவிடுகின்றன. எனவே, வீடியோ கேம்களின் விளைவுகளை நாம் மனரீதியான முறையில் அணுகி, அதற்கு தீர்வு காண வேண்டும். விஞ்ஞான வளர்ச்சி தொடர்ந்து அதிகரித்து வரும் நிலையில், புதிய புதிய பிரச்சினைகளையும் மனித இனம் சந்திக்க வேண்டிய கட்டாய சூழ்நிலை ஏற்பட்டுள்ளது. அத்தகைய ஒரு கட்டாயம் தான் வீடியோ கேம்கள் என்பதை புரிந்துகொண்டு, நல்ல குடும்ப சூழ்நிலைகளை உருவாக்கிக் கொண்டு, எப்போதும் குடும்ப உறுப்பினர்களுடன் போதுமான அளவுக்கு நேரத்தை செலவழிக்க நாம் தயாராக இருக்க வேண்டும். அதன்மூலம் மட்டுமே, வீடியோ கேம்கள் போன்ற பிரச்சினைக்கு ஓரளவுக்கு முற்றுப்புள்ளி வைக்க முடியும்.

 

-            எஸ்.ஏ.அப்துல் அஜீஸ்