அவித்த முட்டை....!

  " அவித்த முட்டை - சுவையான தகவல்கள் "

" தினமும் இரண்டு அவித்த முட்டைகளை சாப்பிடு உடல் ஆரோக்கியமாக இருக்கும்"

இப்படி வீட்டில் உள்ள பெரியவர்கள், தங்கள் இளைஞர்களுக்கு அடிக்கடி அட்வைஸ் செய்வதை நாம் கேள்விப்பட்டிருக்கிறோம். 

அவித்த முட்டையில் அப்படி என்ன பலன் உண்டு ?  என்ற கேள்வி நம்மில் பலருக்கு இருந்துகொண்டே இருக்கிறது. 

சரி, அவித்த முட்டையில் என்ன தான் இருக்கிறது ? என்பதை அறிந்துகொள்வோம் வாருங்கள். 

ஆரோக்கியமான உணவு :

முட்டை எல்லோருக்கும் பிடித்த ஒரு உணவாகவும், குறிப்பாக காலை உணவுக்காகவும், பெரும்பாலான உணவுகளின் ஒரு பகுதியாகவும் விளங்குகிறது. அதிலும் அவித்த முட்டை சாப்பிடுவது நல்லது. இது உடலுக்கு நல்ல ஆரோக்கியபலன்களை வழங்குகின்றது.

அவித்த முட்டை உடலுக்கு மிகச் சிறந்த ஆரோக்கியமான உணவாகும். இதில் புரதச் சத்துக்கள் நிறைந்துள்ளன. ஒரு பெரிய அவித்த முட்டையில் சுமார் 77 கலோரிகளும், 6.3 கிராம் புரதமும் உள்ளது. எண்ணெய் சேர்க்காமல் அவிப்பதால், இது எடையைக் கட்டுப்படுத்தவும் இதய ஆரோக்கியத்திற்கும் உதவுகிறது.

ஆரோக்கிய நன்மைகள் நிறைந்த புரதச் சத்து தசை வளர்ச்சிக்கு உதவும்.மூளை மற்றும் கண் ஆரோக்கியத்தை மேம்படுத்தும்.உடல் எடையைக் குறைக்க முயல்பவர்களுக்குச் சிறந்த உணவு தினமும் அவித்த முட்டை சாப்பிடுவதால் கிடைக்கும்.

ஏராளமான பலன்கள் :

முட்டை சாப்பிட்டு வருவதனால் இரத்தத்தில் கொலஸ்ட்ரோல் அளவை அதிகரிக்காது.

முட்டையில் கொலஸ்ட்ரோல் இருந்தாலும் இது உடல் எடையை அதிகரிக்க வைக்காது.

முட்டையின் மஞ்சள் கரு லுடீன், ஜியாக்சந்தின் உள்ளதால் கண்ணின் கருவை பாதுகாத்து, கண் பார்வை தெளிவடைய செய்யும். கண் சம்பந்தமான வியாதிகளை போக்கும்.

முட்டையில் உள்ள கோலைன் உடல் வளர்ச்சிக்கும், மூளை வளர்ச்சிக்கும் உதவி புரியும்.

பாலுணர்ச்சி அதிகரிக்கும்.

நோய்வாய்ப்பட்டுவைத்திய சாலையில் இருப்பவர்களின் உடல் பலம் பெற முட்டை சாப்பிட்டு வரலாம்.

===================

"அவித்த முட்டை உடலுக்கு மிகச் சிறந்த ஆரோக்கியமான உணவாகும். இதில் புரதச் சத்துக்கள் நிறைந்துள்ளன. ஒரு பெரிய அவித்த முட்டையில் சுமார் 77 கலோரிகளும், 6.3 கிராம் புரதமும் உள்ளது. இது எடையைக் கட்டுப்படுத்தவும் இதய ஆரோக்கியத்திற்கும் உதவுகிறது"

===================

முட்டையில் கல்சியம் இருப்பதனால் எலும்புகள் வலு பெறும்.

வளரும் குழந்தைக்கு முட்டை கொடுப்பதனால் வளர்ச்சி துரிதமாகும்.

புரதசத்து குறைப்பாடு இருப்பவர்கள் அவசியம் 2 முட்டைகள் சாப்பிட்டு வருவது நல்லது.

கர்ப்பிணிகள் பெண்கள் தினமும் முட்டை சாப்பிடுவதனால் கர்ப்பிணி பெண்களுக்கும், குழந்தைக்கும் தேவையான ஊட்டச்சத்தும் தரும்

அவிக்கும் முறை :

இப்படி ஏராளமான பலன்களை அள்ளித்தரும் முட்டையயை எப்படி அவிக்க வேண்டும் ? என்பதை அறிந்துகொள்வது நல்லது. முட்டை அவிக்கும் முறைபாத்திரத்தில் தண்ணீர் ஊற்றி சூடாக்க வேண்டும். முட்டைகளை மெதுவாகத் தண்ணீரில் வைக்க வேண்டும். .மிதமான தீயில் 8 முதல் 10 நிமிடங்கள் வேக வைக்க வேண்டும். வெந்ததும் எடுத்துத் குளிர்ந்த நீரில் (Ice water) போட வேண்டும். 

இப்படி அவித்த முட்டையை நாள்தோறும் சாப்பிட்டு வந்தால், உண்மையில் உடல் நல்ல ஆரோக்கியத்துடன் இருக்கும் என்பது பலரின் கருத்தாக இருக்கிறது. 

இதுவரை அவித்த முட்டையை சாப்பிடாமல் இருந்தால், இன்றிலிருந்து இரண்டு முட்டைகளை சாப்பிட ஆரம்பியுங்கள். உடல் ஆரோக்கியத்துடன் வாழ்க்கை மகிழ்ச்சியாக அமையும். 

- எஸ்.ஏ.அப்துல் அஜீஸ்