உலக மக்களை மயக்கும் சவூதி அரேபிய மாம்பழங்கள்....!

" சுவையில் உலக மக்களை மயக்கும் சவூதி அரேபிய மாம்பழங்கள்  "

முக்கனிகளில் ஒன்றான மாம்பழத்தை விரும்பாதவர்கள் உலகில் யாரும் இருக்க முடியாது. மாம்பழத்தின் சுவையில் மயங்கி, அதை விரும்பி, விரும்பி சாப்பிடுவதை மக்கள் வழக்கமாக கொண்டு இருக்கிறார்கள். கோடைக்காலத்தில், அதிகளவு மாம்பழங்கள் சந்தைக்கு வருவதால், அதை போட்டி போட்டு வாங்கும் பழக்கம் மக்கள் மத்தியில் இருந்து வருகிறது.  உலகம் முழுவதும் நூற்றுக்கணக்கான மாம்பழ வகைகள் உள்ளன. இந்தியாவில் மட்டும் ஆயிரத்திற்கும் மேற்பட்ட வகைகள் விளைகின்றன. ஒவ்வொரு வகையும் அதன் சுவை, மணம், நிறம் மற்றும் கூழ் ஆகியவற்றிற்கு ஏற்ப தனித்துவமானது.

தேன் போன்ற இனிப்பு சுவைக்கு மிகவும் பிரபலமான 'மாம்பழங்களின் ராஜா' என்று அழைக்கப்படும் அல்போன்சா, பங்கனபல்லி,  பழங்களின் ராணி என சிலரால் அழைக்கப்படும்  மல்கோவா, நீலம், தோதாபுரி,  இமாம்பசந்த்,  செந்தூரா, ருமானி,  காசா , கேசர் உள்ளிட்ட மாம்பழங்கள் தமிழ்நாட்டிலும் இந்தியாவிலும் அதிகம் விரும்பப்படும் சில பிரபலமான மாம்பழ வகைகள் ஆகும்.

சவூதி அரேபிய மாம்பழங்கள் :

இந்தியாவை போன்று சவூதி அரேபியாவிலும் மாம்பழங்களுக்கு மக்கள் மத்தியில் பெரும் வரவேற்பு இருந்து வருகிறது.  சவூதி அரேபியாவின் தென்மேற்கே அமைந்துள்ள ஜசான் பகுதி, நாட்டின் மொத்த மாம்பழ உற்பத்தியில் சுமார் 60 சதவீதத்துக்கும் வழங்கி அங்குள்ள தேசிய பிராண்டாக திகழ்கிறது. பிரத்யேக மண்வளம் மற்றும் சீதோஷ்ண நிலை காரணமாக இங்கு 60-க்கும் மேற்பட்ட மாம்பழ ரகங்கள் வெற்றிகரமாக விளைவிக்கப்படுகின்றன.

ஜசான் பகுதியில்  மல்லிகா, கென், டாம்மி அட்கின்ஸ், லங்ரா, பாதாமி, மற்றும் தைமூர் உள்ளிட்ட பல்வேறு ரகங்கள் பயிரிடப்படுகின்றன. மாம்பழ அறுவடை காலம் மார்ச் மாதம் மத்தியில் தொடங்கி மே மாதத்தில் உச்சத்தை அடைகிறது. இந்த காலகட்டத்தில் ஜசானில் மாம்பழத் திருவிழா வெகு விமரிசையாக கொண்டாடப்படுகிறது.  இதன் காரணமாக வெப்பமண்டலப் பழ உற்பத்திக்கான ஒரு முதன்மை மையமாக ஜசான் பிராந்தியம் தனது நிலையைத் தொடர்ந்து வலுப்படுத்தி வருகிறது.  மாம்பழங்கள் ஒரு முன்னணி தேசிய பிராண்டாக உருவெடுத்துள்ளன. சவூதி அரேபியாவின் மொத்த மாம்பழ உற்பத்தியில் சுமார் 60 சதவீதத்தைக் கொண்டுள்ள ஜசான், ஆண்டுதோறும் 65 ஆயிரம் டன்களுக்கும் அதிகமான மாம்பழங்களை உற்பத்தி செய்கிறது.

60க்கும் மேற்பட்ட வகைகள் :

ஜசான் பிராந்தியத்தின் வளமான மண் மற்றும் மிதமான காலநிலை, சப்யா மற்றும் அபு அரிஷ் போன்ற ஆளுநரகங்களில் 10 லட்சத்துக்கும்  அதிகமான மரங்களுக்கு ஆதரவளிக்கிறது. இதன் மூலம் 60-க்கும் மேற்பட்ட மாம்பழக வகைகள் விளைகின்றன. நவீன நீர்ப்பாசனம், உரமிடுதல் மற்றும் பூச்சிக் கட்டுப்பாடு ஆகியவற்றில் ஏற்பட்டுள்ள சமீபத்திய முன்னேற்றங்கள், பழத்தின் தரத்தையும் சந்தைப் போட்டித்தன்மையையும் கணிசமாக மேம்படுத்தியுள்ளன.

சவூதி விஷன் 2030-இன் கீழ் உள்ள வேளாண் மேம்பாட்டுத் திட்டங்களின் ஆதரவுடன், இந்த முயற்சிகள் வேளாண் நிலைத்தன்மையை மேம்படுத்துவதிலும் பதப்படுத்தும் தொழில்களை விரிவுபடுத்துவதிலும் கவனம் செலுத்துகின்றன. கடுமையான சுகாதாரம் மற்றும் பேக்கேஜிங் தரநிலைகள் மூலம், ஜசான் மாம்பழங்களின் நற்பெயர் வளைகுடா ஒத்துழைப்பு கவுன்சில் சந்தைகளிலும் ஜோர்டானிலும் ஏற்கனவே ஒரு வலுவான இடத்தைப் பிடித்துள்ளது. விவசாயச் சுற்றுலாவையும் முதலீட்டையும் மேம்படுத்துவதற்காக, இப்பகுதி தனது அறுவடைக் காலத்தை ஒரு சர்வதேச வெப்பமண்டலப் பழக் கண்காட்சியாக மாற்றுவதை நோக்கமாகக் கொண்டுள்ளது. இந்த வளர்ச்சி, அதன் பன்முகப் பிராந்தியங்களின் தனித்துவமான ஒப்பீட்டு நன்மைகளைப் பயன்படுத்தி, உணவுப் பாதுகாப்பை அடைதல் மற்றும் வருமான ஆதாரங்களைப் பன்முகப்படுத்துதல் ஆகிய இராச்சியத்தின் பரந்த இலக்குகளைப் பிரதிபலிக்கிறது.

மாம்பழக் கண்காட்சி :\

சமீபத்தில், சப்யா மாகாணத்தில் நடைபெறும் மாம்பழ அறுவடை நிகழ்வு, பழக் கண்காட்சிகளைத் தாண்டி, சந்தைப்படுத்தல், உற்பத்தி மற்றும் தளவாடங்களின் ஒரு விரிவான அமைப்பைக் காட்சிப்படுத்தும் ஒரு மூலோபாயப் பொருளாதாரத் தளமாக உருவெடுத்துள்ளது. இந்த ஒருங்கிணைந்த அணுகுமுறை, ஜசானின் விவசாயப் பொருட்கள் பண்ணைகளிலிருந்து நுகர்வோரைச் சென்றடையும் பயணத்தை நெறிப்படுத்துவதையும், இராச்சியம் முழுவதும் அவற்றின் பரவலை அதிகரிப்பதையும் நோக்கமாகக் கொண்டுள்ளது.

                                            ====================

"ஜசான் பகுதியில் மல்லிகா, கென், டாம்மி அட்கின்ஸ், லங்ரா, பாதாமி, மற்றும் தைமூர் உள்ளிட்ட பல்வேறு 60 ரகங்கள் பயிரிடப்படுகின்றன. மாம்பழ அறுவடை காலம் மார்ச் மாதம் மத்தியில் தொடங்கி மே மாதத்தில் உச்சத்தை அடைகிறது. இந்த காலகட்டத்தில் ஜசானில் மாம்பழத் திருவிழா வெகு விமரிசையாக கொண்டாடப்படுகிறது"

                                                     ====================

உள்ளூர் பண்ணைகளின் காட்சி அடையாளங்களைக் கொண்ட பிரத்யேக பேக்கேஜிங் வடிவமைப்பு, இந்த நிகழ்வில் முன்னிலைப்படுத்தப்பட்ட சந்தைப்படுத்தல் முயற்சிகளில் ஒன்றாகும். ஒரு தனித்துவமான சந்தைப்படுத்தல் அடையாளத்தை நிறுவுவதன் மூலம், இந்த முயற்சிகள் விளைபொருளின் தோற்றம் மற்றும் தரத்தைப் பிரதிபலிக்கின்றன, சில்லறை விற்பனை நிலையங்களில் அதன் கவர்ச்சியை அதிகரிக்கின்றன மற்றும் உள்ளூர் பிராண்டுகள் மீது வலுவான நுகர்வோர் நம்பிக்கையை உருவாக்குகின்றன.

இந்த நிகழ்வு உணவு பதப்படுத்துதல் மற்றும் தளவாடத் திறன் ஆகியவற்றிலும் கவனம் செலுத்தியது. மாம்பழங்கள் மற்றும் வெப்பமண்டலப் பழங்களை, பழச்சாறுகள், ஜாம்கள், உலர்ந்த பழங்கள் போன்ற மதிப்புக்கூட்டுத் தயாரிப்புகளாக மாற்றுவதில் உள்ள புதுமைகள், கழிவுகளைக் குறைக்கவும் புதிய பொருளாதார வாய்ப்புகளை உருவாக்கவும் உதவுகின்றன. மேலும், தற்போதுள்ள சிறப்புப் போக்குவரத்துச் சேவைகள், உயர்தரப் பயிர்களைப் பல்வேறு பகுதிகளுக்கு விரைவாகக் கொண்டு சேர்ப்பதை உறுதிசெய்து, விவசாயிகள் தங்கள் சந்தை வாய்ப்பைத் திறம்பட விரிவுபடுத்த அனுமதிக்கின்றன.

ஜசான் மாம்பழங்களை விரும்பும் மக்கள் :

அதிக சுவையுடன் கூடிய ஜசான் மாம்பழங்கள், சவூதி அரேபியாவில் மட்டுமல்லாமல், வளைகுடா நாடுகளிலும் மக்கள் மத்தியில் விரும்பி உண்ணப்படுகிறது. வெவ்வேறு சுவையில் இருக்கும்  ஒவ்வொரு வகையான ஜசான் மாம்பழங்கள், விற்பனையிலும் உச்ச நிலையில் இருந்து வருகின்றன. எனவே தான்,  சவூதி அரேபிய செல்லும் சுற்றுலாப் பயணிகள், ஜசான் மாம்பழ ரகங்களை விரும்பி உண்ணுகிறார்கள்.

ஹஜ், உம்ரா புனித பயணங்களை மேற்கொள்ளும் இஸ்லாமியர்கள், ஜசான் மாம்பழங்கள் குறித்து அறிந்து, அவற்றை அதிகளவு வாங்கி மகிழ்கிறார்கள். உலகின் பல்வேறு நாடுகளுக்கும் ஜசான் மாம்பழங்கள் அதிகளவு ஏற்றுமதி செய்யப்படுகின்றன. இதனால் ஜசான் மாம்பழங்களின் புகழ் தற்போது உலகம் முழுவதும் பரவி வருகிறது. சுவையான இந்த ஜசான் மாம்பழங்களை ருசிக்க உங்களுக்கும் ஆசையா? சவூதி அரேபியா சென்றால், வணிக நிறுவனங்களில் விற்கப்படும் ஜசான் மாம்பழங்களை கட்டாயம் வாங்கி, ஒரு பிடி பிடியுங்கள்.

- எஸ்.ஏ.அப்துல் அஜீஸ்