பாதுகாப்பான ஹஜ் பயணத்திற்காக புதிய வழிகாட்டி செயலி....!

பாதுகாப்பான, வசதியான ஹஜ் பயணத்திற்காக கே.எம்.சி.சி. உருவாக்கிய புதிய வழிகாட்டி செயலி....!

- ஓர் சிறப்பு ரிப்போர்ட் -

புனித ஹஜ் பயணக் காலம் தொடங்கியுள்ள நிலையில், உலகம் முழுவதும் இருந்து புனித மக்கா, மற்றும் மதீனா நகரங்களுக்கு முஸ்லிம்கள் வந்தவண்ணம் உள்ளன. புனித ஹஜ் பயணத்தை பாதுகாப்பாகவும், வசதியாகவும் நிறைவேற்ற சவூதி அரேபியா அரசு பல்வேறு சிறப்பான நடவடிக்கைகளை எடுத்துள்ளது. மேலும், இந்தியா உள்ளிட்ட நாடுகளில்இருந்து வரும் ஹஜ் பயணிகளின் வசதிக்காக பல்வேறு தொண்டு நிறுவனங்களும் தங்களது சேவைகளை வழங்கி வருகின்றன. அந்த வகையில், கேரள முஸ்லிம் கலாச்சார மையம் (கே.எம்.சி.சி.) பாதுகாப்பான மற்றும் வசதியான ஹஜ் பயணத்திற்காக புதிய வழிகாட்டி செயலி (KMCC HAJJ GUIDE) ஒன்றை உருவாக்கியுள்ளது. 

கேரள முஸ்லிம் கலாச்சார மையம் :

கேரள முஸ்லிம் கலாச்சார மையம் (கே.எம்.சி.சி.) என்பது கேரள மக்களுக்காக இயங்கும் ஒரு முக்கிய, பெரிய அளவிலான வெளிநாட்டவர் தொண்டு மற்றும் தன்னார்வ அமைப்பாகும். இது முதன்மையாக வளைகுடா ஒத்துழைப்பு கவுன்சில் (ஜி.சி.சி.)நாடுகளில் செயல்படுகிறது. 1981-ல் நிறுவப்பட்ட இந்த மையம், சமூக சேவைகள், நலவாழ்வு மற்றும் நிவாரணப் பணிகளை வழங்குகிறது. இந்த மையம் இந்திய யூனியன் முஸ்லிம் லீக்குடன் நெருங்கிய தொடர்புடையது.

கே.எம்.சி.சி.யின் முக்கிய நோக்கம், சி.எச். சென்டர்ஸ் போன்ற அமைப்புகளுடன் இணைந்து, வெளிநாட்டவர்களில் நலவாழ்வு, சமூக சேவைகள் மற்றும் நிவாரண நடவடிக்கைகளில் கவனம் செலுத்துவதாகும். புனித ஹஜ் கலாத்தில் ஏற்பாடு செய்வதிலும், யாத்ரீகர்களுக்கு ஆதரவளிப்பதிலும், வெளிநாட்டவர்களுக்கு உதவி வழங்குவதிலும் தீவிரமாகப் பங்கேற்று இந்த அமைப்பு மிக நல்ல சேவையை ஆற்றி வருகிறது. பல நாடுகளில் செயல்படும் கே.எம்.சி.சி,.,  ஐக்கிய அரபு அமீரகம் மற்றும் சவூதி அரேபியாவில் குறிப்பிடத்தக்க கிளைகளைக் கொண்டுள்ளது.

கே.எம்.சி.சி. ஹஜ் வழிகாட்டி :

இப்படி மிகச் சிறப்பாக செயல்படும்கேரள முஸ்லிம் கலாச்சார மையம், தற்போது பாதுகாப்பான மற்றும் வசதியான ஹஜ் பயணத்திற்கான "உங்கள் நம்பிக்கைக்குரிய துணைவன்"  என்ற பெயரில் ஒரு ஹஜ் வழிகாட்டி செயலியை (KMCC HAJJ GUIDE) உருவாக்கியுள்ளது. புனித ஹஜ் பயணம் மேற்கொள்ளும் யாத்திரீகர்களுக்கு, கே.எம்.சி.சி. ஹஜ் வழிகாட்டி செயலியானது ஒரு முழுமையான மற்றும் நம்பகமான துணை அமைப்பாகத் திகழ்கிறது. 

                                                    =================

"பாதுகாப்பான மற்றும் வசதியான ஹஜ் பயணத்திற்கான "உங்கள் நம்பிக்கைக்குரிய துணைவன்"  என்ற பெயரில் ஒரு ஹஜ் வழிகாட்டி செயலியை (KMCC HAJJ GUIDE) கே.எம்.சி.சி. உருவாக்கியுள்ளது. புனித ஹஜ் பயணம் மேற்கொள்ளும் யாத்திரீகர்களுக்கு, கே.எம்.சி.சி. ஹஜ் வழிகாட்டி செயலியானது ஒரு முழுமையான மற்றும் நம்பகமான துணை அமைப்பாகத் திகழ்கிறது"

                                                        =================

மக்கா கே.எம்.சி.சி. அமைப்பால் உருவாக்கப்பட்டு நிர்வகிக்கப்படும் இச்செயலி, ஹஜ் பயணத்தின்போது யாத்திரீகர்களுக்கு உதவுவதை மட்டுமே ஒரே நோக்கமாகக் கொண்டு வடிவமைக்கப்பட்டுள்ளது. இந்த செயலி முற்றிலும் இலவசமாக வழங்கப்படுவதோடு, இதில் எவ்வித வணிக நோக்கமும் இல்லை. அனைத்து யாத்திரீகர்களுக்கும் உரிய நேரத்தில் உதவிகள், இருப்பிடம் சார்ந்த வழிகாட்டுதல்கள் மற்றும் அத்தியாவசிய சேவைகளை வழங்குவதற்காக, மக்கா கே.எம்.சி.சி.  முன்னெடுத்துள்ள ஒரு தன்னார்வ முயற்சியே இச்செயலியாகும்.

ஹஜ் பயணிகள் பயன்டுத்திக் கொள்ள அழைப்பு :

கே.எம்.சி.சி. சார்பில் உருவாக்கப்பட்டுள்ள இந்த செயலி, ஹஜ் பயணிகளின்  தரவுகளை எவ்வாறு சேகரித்து பகிர்கிறார்கள் என்பதைப் புரிந்துகொள்வதில் இருந்தே அதன் பாதுகாப்பு தொடங்குகிறது. தரவு தனியுரிமை மற்றும் பாதுகாப்பு நடைமுறைகள் ஹஜ் பயணிகளின் பயன்பாடு, பிராந்தியம் மற்றும் வயதைப் பொறுத்து மாறுபடலாம். இந்தத் தகவலைச் செயலி  காலப்போக்கில் புதுப்பிக்கவும் கூடும் என்றும் அறிவிக்கப்பட்டுள்ளது. 

எனவே, புனித ஹஜ் பயணம் மேற்கொள்ளும் அனைவரும் கீழ்கண்ட செயலி விவரங்களின் மூலம் அதனை  பதிவிறக்கம் செய்துகொண்டு, பயன்படுத்தால் என்றும் கே.எம்.சி.சி. அழைப்பு விடுத்துள்ளது. 

Play Store  

https://play.google.com/store/apps/details?id=com.kmcc.official&pcampaignid=web_share

Apple Store  

https://apps.apple.com/sa/app/kmcc-hajj-guide/id6745467563

புனித ஹாஜிமார்களுக்கு ஒரு கைத்தாங்கலாக இருக்கும் இந்த செயலி, ஹஜ் பயணத்தில் ஹாஜிமார்களுக்கு மிகவும் பயனுள்ளதாக இருக்கும் வகையில் உருவாக்கப்பட்டுள்ளதால், இந்த செயலியை ஹஜ் பயணிகள் அனைவரும் பயன்படுத்திக் கொள்ள வேண்டும் என்றும் அழைப்பு விடுக்கப்பட்டுள்ளது. 

முக்கிய அம்சங்கள் :

புனித ஹஜ் பயணிகளுக்காகவே உருவாக்கப்பட்டுள்ள இந்த சிறப்பான செயலியின் முக்கிய அம்சங்களை நாம் அனைவரும் அறிந்துகொள்ள வேண்டும். செயலியில் இடம்பெற்றுள்ள முக்கிய அம்சங்களின் விவரங்கள் வருமாறு :

• ஹஜ் கிரியைகளின் படிமுறை விளக்கம் 

• துஆக்கள் மற்றும் பிரார்த்தனைகள்  

• அவசர உதவி எண்கள் மக்கா, மதீனா, ஜித்தா ஆகிய இடங்களில் கிடைக்கும் உதவிகள் 

 • முக்கிய இடங்களின் வழிகாட்டி சேவைகள்

 • ஹஜ் தொடர்பான சந்தேகங்களுக்கு பதில் 

உள்ளிட்ட பல முக்கிய அம்சங்கள் இடம்பெற்றுள்ளன. எனவே, புனித ஹஜ் பயணம் மேற்கொள்ளும் இஸ்லாமியர்கள் அனைவரும் கே.எம்.சி.சி.யின் ஹஜ் வழிகாட்டி (KMCC HAJJ GUIDE) உடனே பதிவிறக்கம் செய்து முழுமையான சேவையை பெற வேண்டும் என்றும் கே.எம்.சி.சி. அழைப்பு விடுத்துள்ளது. 

- சிறப்புச் செய்தியாளர் : எஸ்.ஏ.அப்துல் அஜீஸ்