மக்களின் கவனத்தை ஈர்க்கும் பாபநாசம், வாணியம்பாடி தொகுதிகள்....!

தமிழ்நாட்டில் தேர்தல் பெருவிழா :

தமிழக மக்களின் கவனத்தை ஈர்க்கும் பாபநாசம், வாணியம்பாடி தொகுதிகள்....!

வாக்காளர்களின் உள்ளங்களில் ஆழமாக பதிந்த ஏணி சின்னம்...!! 

பிரகாசிக்கும் வெற்றிவாய்ப்பு....!!!

2026ஆம் ஆண்டுக்கான தமிழ்நாடு சட்டப்பேரவைத் தேர்தலில், திமுக தலைமையிலான மதச்சார்பற்ற முற்போக்குக் கூட்டணியில் இந்திய யூனியன் முஸ்லிம் லீக், பாபநாசம், வாணியம்பாடி ஆகிய இரண்டு தொகுதிகளில் போட்டியிடுகிறது. இந்த தொகுதிகளில் இ.யூ.முஸ்லிம் லீகின் வேட்பாளர்களாக முறையே ஏ.எம்.ஷாஜஹான், எஸ்.எஸ்.பி.சையத் பாரூக் ஆகியோர் களத்தில் உள்ளனர். தேர்தலுக்கான வாக்குப்பதிவு நடைபெற இன்னும் 11 நாட்களே எஞ்சியுள்ள நிலையில், பிரச்சாரம் வரும் 21ஆம் தேதி மாலை 5 மணியுடன் நிறைவுபெறுகிறது. இதனால், சுட்டெரிக்கும் கடும் வெயிலையும் பொருட்படுத்தால், வேட்பாளர்கள் தீவிரமாக வாக்கு வேட்டை நடத்தி வருகிறார்கள். 

திமுக தலைமையிலான மதச்சார்பற்ற முற்போக்குக் கூட்டணியில் இடம்பெற்றுள்ள கட்சித் தலைவர்கள் மாநிலம் முழுவதும் சூறாவளி சுற்றுப்பயணம் மேற்கொண்டு, மீண்டும் திராவிட மாடல் ஆட்சி அமைய வேண்டும் என்று மக்கள் மத்தியில் விழிப்புணர்வை ஏற்படுத்தி வருகிறார்கள். தேர்தல் பிரச்சாரம் நிறைவுபெற 9 நாட்கள் மட்டுமே எஞ்சியுள்ளதால், தற்போது வாக்குசேகரிப்பில் அனல் பறக்கிறது. இத்தகைய சூழ்நிலையில் தமிழக மக்களின் கவனத்தை இரண்டு தொகுதிகள் ஈர்த்துள்ளன. இ.யூ.முஸ்லிம் லீக் போட்டியிடும் பாபநாசம், வாணியம்பாடி ஆகிய இரண்டு தொகுதிகளின் வாக்காளர்கள் மட்டுமல்லாமல், மாநிலம் முழுவதும் உள்ள அனைத்து தரப்பு மக்களும், ஏணி ஏற்றம்பெற வேண்டும் என விரும்புகிறார்கள். அதற்கு தகுந்த வகையில் திமுக தலைமையிலான கூட்டணியின் பிரச்சாரம் இருந்து வருகிறது. குறிப்பாக முதலமைச்சர் மு.க.ஸ்டாலின், துணை முதலமைச்சர் உதயநிதி ஸ்டாலின் ஆகியோர் இந்த இரண்டு தொகுதிகளிலும் தனிக் கவனம் செலுத்தி பிரச்சாரம் செய்கிறார்கள். இதன் காரணமாக   இந்த இரண்டு தொகுதிகளில் உள்ள வாக்காளர்களின் உள்ளங்களில் ஏணி சின்னம் ஆழமாக பதிந்துவிட்டது. இதனால் இரண்டு தொகுதிகளின் வெற்றி உறுதியாகிவிட்டது என்றே கூறலாம்.  இப்படிப்பட்ட சூழ்நிலையில் இரண்டு தொகுதிகள் குறித்த பல சுவையான தகவல்களை நாம் அறிந்துகொள்ள வேண்டும். 

பாபநாசம் தொகுதி :

பாபநாசம் சட்டமன்றத் தொகுதி, தமிழ்நாட்டின் 234 சட்டமன்றத் தொகுதிகளுள், தஞ்சாவூர் மாவட்டத்தின் ஒரு சட்டமன்றத் தொகுதி ஆகும். இது மயிலாடுதுறை மக்களவைத் தொகுதிக்கு உட்பட்டது. 2026 தமிழ்நாடு சட்டமன்றத் தேர்தலில் பாபநாசம் சட்டமன்ற தொகுதியில் 2 லட்சத்து 54 ஆயிரத்து 652 வாக்காளர்கள் உள்ளனர். இதில் ஆண் வாக்காளர்கள், 1 லட்சத்து 23 ஆயிரத்து 838 பெண் வாக்காளர்கள் 1 லட்சத்து 30 ஆயிரத்து 791 பேரும்  மூன்றாம் பாலினத்தவர்கள் 23 பேரும் ஆக மொத்தம் 2 லட்சத்து 54 ஆயிரத்து 652 வாக்காளர்கள் உள்ளனர்.இந்த தொகுதியில் தாழ்த்தப்பட்டோர், முஸ்லிம்கள், படையாச்சி, மூப்பனார், உடையார், கள்ளர், கிறிஸ்தவர்கள் என அனைத்து ஜாதியினரும் உள்ளனர். இந்த தொகுதியின் எண்ணாக 172 உள்ளது. 

பாபநாசம் தொகுதியில், அய்யம்பேட்டை, வீரமாங்குடி, கோவிந்தநாட்டுச்சேரி, உம்பளப்பாடி, பெருமாள் கோவில், சருக்கை, சத்தியமங்கலம், திருவைகாவூர், கொந்தகை, ஓலைப்பாடி, ஆதனூர், அலவந்திபுரம், தியாகசமுத்திரம், கூனஞ்சேரி, துரும்பூர், திருமண்டங்குடி, உமையாள்புரம், ராமானுஜபுரம், கபிஸ்தலம், மேல கபிஸ்தலம்,, உள்ளிக்கடை, கணபதிஅக்ரஹாரம், மணலூர், சோமேஸ்வரபுரம், ஈச்சங்குடி, இலுப்பக்கோரை, பசுபதிகோவில், சூலமங்கலம், சக்கராப்பள்ளி, வழுத்தூர், சரபோஜிராஜபுரம், ரெகுநாதபுரம், பண்டாரவாடை, ராஜகிரி, கோபுராஜபுரம், திருவையாத்துக்குடி, தேவராயன்பேட்டை, வடக்கு மாங்குடி, செருமாக்கநல்லூர், வேம்புகுடி, வையச்சேரி, பெருமாக்கநல்லூர், காவலூர், அகரமாங்குடி, மேலசெம்மங்குடி, சுரைக்காயூர், ஒன்பத்துவேலி, திருக்கருக்காவூர், இடையிருப்பு, விழுதியூர், இரும்புத்தலை, கோவத்தக்குடி, அன்னப்பன்பேட்டை, கொத்தங்குடி, மேலகளக்குடி, ஆலங்குடி, புலவர்நத்தம், நெல்லிதோப்பு, குமிழக்குடி, நல்லவன்னியன்குடிக்காடு, எடவாக்குடி, களஞ்சேரி, பள்ளியூர், சாலியமங்கலம், பூண்டி, ராராமுத்திரக்கோட்டை, கத்திரிநத்தம், அருமலைக்கோட்டை, செண்பகபுரம், திருபுவனம், நெய்குன்னம், மகிமாலை, உக்கடை, நெடுவாசல், கீழக்கோவில்பத்து, வடபாதி, சூழியக்கோட்டை, கம்பயநத்தம், அருந்தவபுரம், புளியக்குடி மற்றும் கருப்பமுதலியார் கோட்டை ஊராட்சிகள் வருகின்றன. 

அத்துடன், கும்பகோணம் வட்டத்தில், நாகக்குடி, வலையப்பேட்டை, திருவலஞ்சுழி, சுந்தரபெருமாள்கோயில் தென்பாதி, வெள்ளாளபிள்ளையாம்பேட்டை, திருவலஞ்சுழி தட்டிமால், பட்டீஸ்வரம் மற்றும் வாணியக்கரம்பை கிராமங்கள் மற்றும் சுவாமிமலை ஆகிய பேரூராட்சிகள் வருகின்றன,. 1952 முதல் இதுவரை நடந்த தேர்தல்களில் காங்கிரஸ் 8 முறை, தமாக 2, அதிமுக 3, மமக 1 என்ற வகையில்  வெற்றி பெற்று இருக்கின்றன. தஞ்சாவூர் மாவட்டத்தின் முக்கியத் தொகுதியான பாபநாசம் காவிரி டெல்டா பகுதியில் அமைந்திருக்கும் தொகுதி என்பதால், விவசாயம் மற்றும் கொள்ளிடம் ஆற்றங்கரைப் பகுதிகளை உள்ளடக்கியது. தொகுதியில் வாக்குப்பதிவுக்காக மொத்தம் 300  வாக்குச்சாவடிகள் அமைக்கப்பட உள்ளன. 

தற்போது 50 ஆண்டுகளுக்குப் பிறகு இ.யூ.முஸ்லிம் லீக் சார்பில் ஏ.எம்.ஷாஜஹான் போட்டியிடுகிறார். இந்தமுறை முஸ்லிம் லீக் வேட்பாளர் எப்படியும் வெற்றிபெற வேண்டும் என்ற இலக்குடன் வாக்காளர்கள் மத்தியில் ஏணி சின்னம் பிரலப்படுத்தும் முயற்சிகள், நடவடிக்கைகள் தீவிரப்படுத்தப்பட்டுள்ளன. இதனால், ஏணி சின்னம் அனைவருக்கும் பரிச்சமான சின்னமாக பாபநாசம் தொகுதியில் மாறிவிட்டது. 

வாணியம்பாடி தொகுதி :

வாணியம்பாடி சட்டமன்றத் தொகுதி என்பது இந்தியாவின், தமிழ்நாடு மாநிலத்தின் 234 சட்டமன்றத் தொகுதிகளுள், திருப்பத்தூர் மாவட்டத்தில் உள்ள ஒரு சட்டமன்றத் தொகுதி ஆகும். இதன் தொகுதி எண் 47 ஆகும். திருப்பத்தூர், அணைக்கட்டு ஆகிய சட்டமன்றத் தொகுதிகள் இதன் எல்லைகளாக அமைந்துள்ளன. தமிழகத்தில் பாலாறு தொடங்கும் இடத்தில் வாணியம்பாடி தொகுதி உள்ளது. தெற்கு ஆசியாவிலேயே மிகப்பெரிய தொலைநோக்கியுடன் கூடிய காவலூர் விண்வெளி ஆராய்ச்சி மையம், ஆண்டியப்பனூர் அணை, ஜலகாம்பாறை நீர்வீழ்ச்சி, ஜவ்வாதுமலையின் சந்தன மரங்கள் மற்றும் சுவையான பிரியாணிக்கும் வாணியம்பாடி தொகுதி பெயர் பெற்றது. வாணியம்பாடி தொகுதி மக்களின் பிரதான தொழிலாக தோல் பதனிடும் தொழில், தோல் பொருட்கள் தயாரிப்பு, தென்னை, கரும்பு உள்ளிட்ட வேளாண்மை, கோரை பாய் தயாரிப்பு, பீடி சுற்றுதல், ஊதுபத்தி தயாரித்தல் ஆகும்.

வாணியம்பாடி தொகுதியில் இஸ்லாமியர்களும், வன்னியர்களும் ஏறத்தாழ சமநிலையிலும், பட்டியல் இனமக்கள், முதலியார், நாயுடு, யாதவர், கிறிஸ்தவர்கள் மற்றும் இதர சமூகத்தினரும் உள்ளனர். இந்த தொகுதியில் வாணியம்பாடி நகராட்சியின் 36 வார்டுகள், ஆலங்காயம், உதயேந்திரம் பேரூராட்சிகள் உள்ளது. இத்தொகுதியில் ஆலங்காயம் ஊராட்சி ஒன்றியத்துக்கு உட்பட்ட பீமகுளம், நாயக்கனூர், நரசிங்கபுரம், நிம்மியம்பட்டு, 102 ரெட்டியூர், வெள்ளக்குட்டை, கொத்தகோட்டை, பெரியகுரும்பதெரு, விஜிலாபுரம், பெத்தவேப்பம்பட்டு, வள்ளிப்பட்டு, கோவிந்தாபுரம், வளையாம்பட்டு, நெக்னாமலை, தேவஸ்தானம், பள்ளிப்பட்டு, ஜாப்ராபாத் ஆகிய 17 ஊராட்சிகள், திருப்பத்தூர் ஒன்றியத்துக்குட்பட்ட பூங்குளம், மரிமாணி குப்பம், மிட்டூர் பெருமாபட்டு, பள்ளவள்ளி, குரிசிலாப்பட்டு, இருணாப்பட்டு, ஆண்டியப்பனூர் ஆகிய 8 ஊராட்சிகள், நாட்டறம் பள்ளி ஒன்றியத்துக்குட்பட்ட நாராயணபுரம், அலசந்தாபுரம், திம்மாம்பேட்டை, புல்லூர், ராமநாயக்கன்பேட்டை, ஆவராங்குப்பம், மல்லகுண்டா, சிக்கனாகுப்பம், அம்பலூர், கொடையாஞ்சி, தும்பேரி, வடக்குபட்டு, தெக்குபட்டு, எக்லாசபுரம், மல்லங்குப்பம், சங்கரபுரம், அழிஞ்சிகுப்பம் ஆகிய 17 ஊராட்சிகள் அடங்கியுள்ளன.

அத்துடன், தும்பேரி, நெக்னாமலை, ஆலங்காயம் (ஆர்.எப்), நிம்மியம்பட்டு, வெள்ளகுடை, கொத்தகொட்டை, வளையாம்பட்டு, வாணியம்பாடி, சிக்கனாங்குப்பம், திம்மாம்பேட்டை, புல்லூர், சீமுகம்பட்டு, அலசந்தாபுரம், வெங்கடராஜசமுத்திரம், நாராயணபுரம், ஜவாதுராமசமுத்திரம், கொள்ளப்பள்ளி, குருவானிகுண்டா, ராமநாயக்கன்பேட்டை, வடக்குப்பட்டு, கனகப்பட்டு, தேவஸ்தானம், அம்பலூர், கோவிந்தபுரம், ஆம்பூர்பேட்டை, வள்ளிப்பட்டு, தெக்குப்பட்டு, மல்லான்குப்பம், மல்லகுண்டா, ரெட்டியூர், நரசிங்கபுரம், மரிமாணிகுப்பம், நாச்சியார்குப்பம், பூங்குளம், நாய்க்கனூர், சத்திரம்,காவலூர், பீமகுளம்,மிட்டூர், ஆண்டியப்பனூர், இருணாப்பட்டு, பெருமாபட்டு மற்றும் குரிசிலாபட்டு கிராமங்கள் இந்த தொகுதியில் உள்ளன.  உதயேந்திரம் பேரூராட்சி, ஜாபராபாத் சென்சஸ் டவுன், வாணியம்பாடி நகராட்சி மற்றும் ஆலங்காயம் பேரூராட்சி மற்றும்  வேலூரின் முக்கிய சுற்றுலா தலமான காவலூர் இப்பகுதியில் அமைந்துள்ளது.

திருப்பத்தூர் மாவட்டம், வாணியம்பாடிசட்டமன்றத் தொகுதியில் மொத்தம் 262 வாக்குச்சாவடி மையங்கள் உள்ளன. நாராயணபுரம், ஜவாதுராமசமுத்திரம், மோட்டூர் மற்றும் திம்மாம்பேட்டை உள்ளிட்ட பல்வேறு இடங்களில் ஊராட்சி ஒன்றிய நடுநிலை,தொடக்கப் பள்ளிகள், அரசுப் பள்ளிகள் வாக்குச்சாவடிகளாகச் செயல்படுகின்றன. இந்த தொகுதியில் முஸ்லிம் லீக் (பிரிக்கப்பட்ட, பிரிக்கப்படதாத நிலையில்) 6 முறையில் வெற்றி பெற்று இருக்கிறது.  அதிமுனக 3 மூன்று முறையும், காங்கிரஸ் 2 முறையும் வெற்றிவாகை சூடியுள்ளன. இந்த தொகுதியில் மொத்தம் 2 லட்சத்து 40 ஆயிரத்து 220 வாக்காளர்கள் உள்ளனர். அவற்றில் ஆண் வாக்காளர்கள் 1 லட்சத்து 18 ஆயிரத்து 457 பேரும் பெண் வாக்காளர்கள் 1 லட்சத்து 21 ஆயிரத்து 713 பேரும்,  மூன்றாம் பாலினத்தவர்கள் 50 பேரும் அடங்குவர். 

பிரகாசமான இ.யூ.முஸ்லிம் லீக் வேட்பாளர்களின் வெற்றி :

வாணியம்பாடி தொகுதியில் கடந்த மூன்று சட்டமன்றத் தேர்தல்களில் தொடர்ச்சியாக வெற்றிவாய்ப்பை இழந்த இ.யூ.முஸ்லிம் லீக், மீண்டும் இந்த பாரம்பரியமான தொகுதியில் தனது தனிச் சின்னமான ஏணி சின்னத்தில் போட்டியிடுகிறது. அத்துடன், இ.யூ.முஸ்லிம் லீகின் வேட்பாளராக எஸ்.எஸ்.பி.சையத் பாரூக் இந்த தொகுதியில் இரண்டாவது முறையாக போட்டியிடுகிறார். தொகுதி மக்களுக்கு நன்கு பரிச்சமான பாரூக், பழகுவதிலும் அன்பானவர் என்பதால், அவரை இந்தமுறை வாணியம்பாடி தொகுதி வாக்காளர்கள் வெற்றிபெற செய்வார்கள் என்ற நம்பிக்கை தொகுதி முழுவதும் இருந்து வருகிறது. இதன்மூலம் வாணியம்பாடி தொகுதியில் எஸ்.எஸ்.பி.சையத் பாரூகின் வெற்றி உறுதியாகிவிட்டது என்றே கூற வேண்டும். 

இ.யூ.முஸ்லிம் லீக் போட்டியிடும் பாபநாசம், வாணியம்பாடி ஆகிய இரண்டு தொகுதிகளிலும் சமுதாய வேட்பாளர்கள் வெற்றிபெற்று சட்டமன்றத்திற்குள் நுழைய வேண்டும் என்பது சிறுபான்மையின மக்களின் விருப்பமாக இருந்து வருகிறது. இதன்மூலம் சமுதாயத்தின் குரல் இனி தமிழ்நாடு சட்டமன்றத்தில் தொடர்ந்து ஒலிக்க வேண்டும் என்பதும் சமுதாயத்தின் ஆசையாக உள்ளது. ஏக இறைவனின் கருணையின் மூலம் பாபநாசம், வாணியம்பாடி ஆகிய இரண்டு தொகுதிகளில் சமுதாய வேட்பாளர்கள் நிச்சயம் வெற்றிபெறுவார்கள் என்று உறுதியாக நம்பலாம். 

- சிறப்புச்  செய்தியாளர் : எஸ்.ஏ.அப்துல் அஜீஸ்