அல்ஹம்ப்ரா அரண்மனை.....!

"ஸ்பெயினில் முஸ்லிம் மன்னர்களால் கட்டப்பட்ட அல்ஹம்ப்ரா அரண்மனை"

- அரிய சுவையான வரலாற்று தகவல்கள் -

ஐரோப்பிய நாடுகளில் ஒன்றான ஸ்பெயின், ஒரு காலத்தில் முஸ்லிம் நாடாக இருந்தது என்றால் உங்களுக்கு வியப்பாக இருக்கும். ஆனால், அது தான் வரலாறு மற்றும் உண்மையாகும். இசுலாமிய ஸ்பெயின் என்பது, தற்கால ஸ்பெயின் மற்றும் போர்ச்சுகல்  தேசங்களை அடக்கிய நிலப்பகுதியில்  இருந்த,  இடைக்கால இசுலாமிய ஆட்சி நடந்த பிரதேசமாகும். கி.பி 711 முதல் 1492  வரையிலான முஸ்லிம்களின் சிறப்பான ஆட்சி இத்தீபகற்பத்தில் நிலை நின்றதை ஒட்டி இப் பிரதேசம் இசுலாமிய ஸ்பெயின், முஸ்லிம் ஐபீரியா, இசுலாமிக் ஐபீரியா போன்ற பெயர்களாலும் அறியப்பட்டது. 

உமைய்யத் கலீபாக்களின் ஐபீரிய வெற்றிக்குப்பின் முழுவதுமாக இசுலாமிய ஆட்சி நிறுவப்பட்டது. கலீபா அல்-வலீது (711-750),  கொர்தொபா அமீரகம் (750 – 929) என்ற பெயரிலும் , பின்பு 929 முதல் 1031 வரை கலீபாக்களின் ஆட்சியும்  நடபெற்றது. இசுலாமிய, கிறித்தவ சமூகங்களுக்கு  இடையே கலாச்சாரப்  பரிமாற்றமும், சமூக ஒத்துழைப்பும் உயர்ந்தன.  கிறித்தவ மற்றும் யூதர்களுக்கு ஜிசியா எனும் சிறப்பு வரி விதிக்கப்பட்டது. அவ்வரியானது,  அவர்களின் சமய உரிமைகளை சுதந்திரமாக அனுபவிப்பதற்கும், முழுமையான பாதுகாப்பிற்கும் வழி வகுத்தது.

இசுலாமிய ஆட்சியில் சாதனைகள்:

இசுலாமிய ஆட்சியின் கீழ் அறிவியலும் கலையும் புதிய உச்சங்களைத் தொட்டன. திரிகோணமிதி (ஜாபிர்), வானவியல் (இப்ரஹீம் அல ஸர்காலி), மருத்துவம், விவசாயப் புரட்சி, உட்பட பல துறைகளில் புதிய கண்டுபிடிப்புகளும் அறிவியல் முன்னேற்றங்களும் அல்-ஆண்டலசிலிருந்து வெளியாயின. ஐரோப்பா, மத்திய தரைக்கடல் நாடுகள், மற்ற இசுலாமிய ஆட்சிப் பிரதேசங்க்களுக்கு மிக்ச்சிறந்த கல்வி மையமாக அல்-ஆண்டலஸ் விளங்கிற்று.  சுமார் எண்ணூறு ஆண்டு காலங்கள் ஸ்பெயினில் இசுலாமிய ஆட்சி நிலை பெற்றது.

கடைசியாக, 1492ல்  கிரனடாவின் அமீர் முஹம்மத், கிறிஸ்துவ அரசி இசபெல்லாவிடம் சரணடைந்ததோடு எண்ணூறு ஆண்டுகால இசுலாமிய ஆட்சி ஸ்பெயினில் முடிவுக்கு வந்தது.  அல்-ஆண்டலஸ் மீண்டும் கிறிஸ்தவர்கள் வசமானது. இசுலாமிய ஆட்சி ஸ்பெயினிலிருந்து விலகினாலும் ஸ்பெயினின் கலாச்சாரம், கலை, மொழி ஆகியனவற்றில் ஏற்படுத்திய தாக்கம் ஆழமானது.

அல்ஹம்ப்ரா அரண்மனை:

ஸ்பெயினின் கிரனாடாவின் மூரிஷ் மன்னர்களின் அரண்மனை மற்றும் கோட்டை தான் அல்ஹம்ப்ரா ஆகும். அல்ஹம்ப்ரா என்றால், அரேபிய மொழியில் "சிவப்பு" என்பதைக் குறிக்கும். அல்ஹம்ப்ரா என்ற பெயர், அரண்மனையின் வெளிப்புறச் சுவர்கள் சிவப்பு நிறத்தில் கட்டப்பட்டதால் பெறப்பட்டிருக்கலாம் என வரலாற்று தகவல்கள் தெரிவிக்கின்றன.  கிரனாடா நகரைக் கண்டும் காணாத ஒரு பீடபூமியில் கட்டப்பட்ட அல்ஹம்ப்ரா, முக்கியமாக 1238 மற்றும் 1358க்கு இடையில், நஷ்ரிட் வம்சத்தின் நிறுவனர் இபின் அல்-அஹ்மர் மற்றும் அவரது வாரிசுகளின் ஆட்சியில் கட்டப்பட்டது. 

அல்ஹம்ப்ரா அரிய இயற்கை அழகு நிறைந்த இடத்தில் அமைந்துள்ளது. இது கட்டப்பட்ட பீடபூமி கிரனாடாவின் மூரிஷ் பழைய நகரத்தின் அல்பைசின் (அல்பைசின்) காலாண்டைக் கண்டும் காணாதது. பீடபூமியின் அடிப்பகுதியில், டாரோ நதி வடக்கில் ஒரு ஆழமான பள்ளத்தாக்கு வழியாக பாய்கிறது. அரண்மனைக்கு வெளியே உள்ள பூங்கா (அலமேடா டி லா அல்ஹம்ப்ரா) ரோஜாக்கள், ஆரஞ்சுகள் மற்றும் மிர்ட்டல்களால் மூர்ஸால் நடப்பட்டது. எவ்வாறாயினும், தீபகற்பப் போரின்போது வெலிங்டன் பிரபுவால் 1812 இல் கொண்டு வரப்பட்ட ஆங்கில எல்ம்ஸின் அடர்த்தியான மரமே அதன் சிறப்பியல்பு அம்சமாகும்.

அல்ஹம்ப்ராவின் மூரிஷ் பகுதியில் அல்காசாபா அல்லது சிட்டாடல் உள்ளது. இது மிகப் பழமையான பகுதியாகும். அதன் பாரிய வெளிப்புறச் சுவர்கள், கோபுரங்கள் மற்றும் அரண்கள் மட்டுமே தற்போது எஞ்சியுள்ளன. அல்காசாபாவிற்கு அப்பால் அல்ஹம்ப்ரா அரண்மனை மற்றும் அதற்கு அப்பால் அல்ஹம்ப்ரா அல்டா (அப்பர் அல்ஹம்ப்ரா) உள்ளது. இஸ்லாமிய கட்டடக்கலைக்கு முக்கியத்துவம் கொடுத்து கட்டப்பட்டுள்ள அரண்மனையில் 600 ஆண்டுகளுக்கு முன்பே டைல்ஸ் பயன்படுத்தப்பட்டு இருப்பது வரலாறு சான்று அளித்துக் கொண்டு இருக்கிறது. 

கட்டடக் கலைஞரின் தோட்டம்:

ஸ்பெயினின் கிரனாடாவில் உள்ள அல்ஹம்ப்ராவுக்கு அருகிலுள்ள ஜெனரலிஃப்பில் ஜன்னத் அல்-ஆரிஃப்  (கட்டடக் கலைஞரின் தோட்டம்) தோட்டம் உள்ளது. இது கோடைகால அரண்மனையாக 14ஆம் நூற்றாண்டின் முற்பகுதியில் கட்டப்பட்டது. இந்த வளாகம் பேடியோ டெல் சிப்ரெஸ் டி லா சுல்தானா (சுல்தானாவின் சைப்ரஸ் நீதிமன்றம்) போன்ற அழகிய முற்றங்களை மையமாகக் கொண்டுள்ளது. மொட்டை மாடி தோட்டங்கள், குளங்கள் மற்றும் நீரூற்றுகள் ஆகியவை பாட்டியோ டி லா அசெக்வியாவில் (நீர்ப்பாசன கால்வாயின் நீதிமன்றம்) மயக்கும் விளைவை ஏற்படுத்துகின்றன. அல்ஹம்ப்ரா மற்றும் ஜெனரலிஃப் கூட்டாக கடந்த 1984ஆம் ஆண்டில் யுனெஸ்கோ உலக பாரம்பரிய தளமாக நியமிக்கப்பட்டது பின்னர் (1994 இல் விரிவாக்கப்பட்டது. 

சுற்றுலாப் பயணிகளின் சொர்க்கம்:

அல்ஹம்ப்ரா உலகம் முழுவதும் உள்ள சுற்றுலாப் பயணிகளின் சொர்க்கமாக கருதப்படுகிறது. சுற்றுலாப் பயணத்தில் ஆர்வம் உள்ள மக்கள் கட்டாயம் ஸ்பெயினின் அல்ஹம்ப்ராவுக்கு செல்லமால் இருக்க மாட்டார்கள். அதற்கு முக்கிய காரணம் இயற்கை எழில் கொஞ்சம் காட்சிகளுடன், மனதை கவரும் இஸ்லாமிய கட்டடக்கலை கட்டடங்கள் என்றே கூறலாம். இதன் காரணமாக அஹ்ம்ப்ரா அரண்மனை மற்றும் அங்குள்ள ஜன்னத் அல்-ஆரிஃப்  தோட்டம் ஆகியவற்றை காண உலகின் பல்வேறு நாடுகளில் இருந்து மக்கள் வந்துக் கொண்டே இருக்கிறார்கள். 

ஸ்பெயினில்  800 ஆண்டு காலம் இஸ்லாமிய ஆட்சி யில் செய்யப்பட்ட பணிகள், புரட்சிகள், வரலாற்று சாதனைகள், அந்த ஆட்சி வீழ்ந்தபிறகும், ஐரோப்பிய மக்களால் இன்னும் மறக்க முடியவில்லை.. இஸ்லாமிய ஆட்சியின் வீழ்ச்சிக்குப் பிறகு, வந்த பல ஆட்சியாளர்கள், இஸ்லாமிய மன்னர்கள் செய்த சாதனைகளையும் வரலாற்று சுவடுகளையும் அழிக்க பல முயற்சிகளை செய்தனர். அதில் அவர்கள் பெரும் அளவுக்கு வெற்றி பெறவில்லை. ஈரான் உள்ளிட்ட பல இஸ்லாமிய நாடுகளில் கூட, இல்லாத மனதை கவரும் அற்புதமான கட்டடக்கலை கட்டடங்கள், ஸ்பெயினில் இன்னும் கம்பீரமாக காட்சி அளித்துக் கொண்டே இருக்கினறன. அவை உலகம் முழுவதும் உள்ள சுற்றுலாப் பயணிகளின் மனங்களை கவர்ந்துகொண்டே இருக்கின்றன. 

- எஸ்.ஏ.அப்துல் அஜீஸ்