Thursday, January 2, 2014

மதுவுக்கு எதிராக ஓர் போர்.....! (37)

"மதுவுக்கு எதிராக ஓர் (பிரச்சாரம்) போர்.....!"

நாள் :  - 37

மது இல்லாத மாநிலம் தான் மகிழ்ச்சியான மாநிலமாக இருக்க முடியும்....!

பாமக பொதுக்குழுவில் தீர்மானம்.....!!

தமிழகத்தில் பூரண மதுவிலக்கை அமல்படுத்த வேண்டும் என போராடி வரும் கட்சிகளில் பாமக முதலிடம் பிடிக்கிறது.

அக்கட்சியின் நிறுவனர் டாக்டர் ராமதாஸ், மதுவுக்கு எதிராக குரல் கொடுக்காத நாள் இல்லை என்றே சொல்லலாம்...

சென்னையில் பாமகவின் பொதுக்குழுக் கூட்டம் கடந்த 02.01.2014 அன்று நடைபெற்றது.

அதில் பல தீர்மானங்கள் நிறைவேற்றப்பட்டன.

குறிப்பிப்பாக  12வது தீர்மானம் மதுவிலக்கு தொடர்பாக இருந்தது.

அந்த 12வது  தீர்மானம் இதோ உங்கள் பார்வைக்கு.....

மது இல்லாத மாநிலம் தான் மகிழ்ச்சியான மாநிலமாக இருக்க முடியும்.

ஆனால், இலவசங்களைக் கொடுத்து மக்களை மகிழ்ச்சியாக வைத்துக் கொள்ள வேண்டும் என்பதற்காகவும், அதற்கான வருவாயை ஈட்டவும் தெருக்கள் தோறும் மதுக்கடைகளை தமிழக அரசு திறந்து வைத்திருக்கிறது.

மது விற்பனை மூலம் கிடைக்கும் வருமானத்திலிருந்து வழங்கப்படும் இலவசங்கள் அனைத்துமே கண்களை விற்று வாங்கப்படும் சித்திரங்களாகவே இருக்கும்.


தெருக்கள் தோறும் மதுக்கடைகள் திறக்கப்பட்டிருப்பதால் பதின் வயதுகளின் தொடக்கத்தில் இருக்கும் சிறுவர்கள் கூட மதுக்கடைகளில் அமர்ந்து குடிப்பது சாதாரணமான காட்சியாகிவிட்டது.

எல்லாத் தீமைகளுக்கும் தேவையான மதுவை ஒழிக்க வேண்டும் என்பதற்காக கடந்த 25
ஆண்டுகளுக்கும் மேலாக பல்வேறு போராட்டங்களை பாட்டாளி மக்கள் கட்சி முன்னெடுத்திருக்கிறது.

இதன் பயனாக மதுவுக்கு எதிராக மக்களிடையே விழிப்புணர்வு ஏற்பட்டிருக்கிறது.


ஆனால், மக்களின் உணர்வுகளை மதிக்காத தமிழக அரசு, மதுவிலக்கை ஏற்படுத்துவதற்கு பதிலாக ’எலைட் மதுக்கடைகள் என்ற பெயரில் ஆடம்பர மதுக்கடைகள் மற்றும் குடிப்பகங்களை திறந்து வருகிறது.

மக்கள் நலன் விரும்பும் அரசு மக்களுக்கு ஊட்டச்சத்துள்ள உணவுகளைக் கொடுக்க வேண்டும் என்ற அரசியல் சாசனக் கடமைக்கு மாறாக மதுவை விற்று மக்களை குடிகாரர்களாக்கும் பணியில் ஈடுபட்டுள்ள தமிழக அரசுக்கு பாட்டாளி மக்கள் கட்சியின் பொதுக்குழு உச்சபட்ச கண்டனங்களைத் தெரிவிக்கிறது.


பாமக பொதுக்குழு நிறைவேற்றியுள்ள இந்த தீர்மானத்தை முழு மனதோடு வரவேற்கிறேன்.

தமிழகத்தில் மது விலக்கு நடைமுறைக்கு நாள் விரைவில் மலர பிரார்த்தனை செய்கிறேன்.

எஸ்.ஏ.அப்துல் அஜீஸ்
======================

No comments: